群記牛肉圓豬手

營業中

休息中

豬手 , 不論中式或西式 , 都係本俠之最 ,偶又機會入里粉嶺 , 當然想一試出名記豬手麵 , 一坐底 , 見倒有分大細碗 , 咪執輸緊係大碗 LA ,除而一向 '' 大手麵 , 唔該 '' 幾分鐘後情現眼前 .豬手味道較淡 , 似白烚之類 , 唔點辣椒油就真係無乜味 ,肉身較爽 , 是本俠杯茶 , 辣椒油又細碟 , 食完又要出去畢 , 又唔裝冷氣 , 印象真係要打折 .

由於群記就係我樓下旁邊 所以我成日打打下機 肚餓都會記得落去買佢出名既豬手麵係聯和墟所有食店打滾左咁耐 真心覺得無一間既辣油好味過佢每次食都好刺激 好正 個湯底又香所以食左好多年都唔覺得厭! P.S雖然細個經過佢後巷見佢處理豬手果陣 真係好核突但間野既食物真係一流 連牛腩牛筋都好香好好味!! 群記 我愛你

我其實想試群記好耐，天氣咁熱真是有勇氣才能堂食，帶媽子十點半到，店內阿姐話要半個鐘後才做生意，轉過頭十一點返回，嘩！全店坐無虛席，各客人吃得津津有味，我倆點了碗大淨豬手及小牛丸來試，豬手炆得很軟滑，有淡淡的花椒八角味，牛丸很細細粒又彈牙，自制辣椒油很香，簡直與豬手絕配，雖然店內不設空調，但我會再去，下次試下炸卷。

難得入到來粉嶺一行,豈能不去聯和墟投注站隔離的"群記",吃一碗豬手?每次吃著群記的豬手也歡喜,但也可惜,為何在市區,找不到一間好像群記的豬手?要我們的市區人,山長水遠來滿足口腹之慾.這就是距離感,產生出大家對豬手的慾望.如果是垂手可得的話,大家就不會去珍惜了.人,就是如此.君不見Michael Jackson過身之後,大家便爭著話自己係MJ 歌迷?其實,究竟你們聽過"Thriller","Beat it","Bad"未?颱風莫拉菲與香港一夜情之後的早上,市面大致回復平靜,仍耍著雨未有陽光.中午十二時未夠,群記已差不多全場客滿,一個人來還可搭到檯,如果一家大細來到就要稍等一會.上兩次吃牛丸,同豬手麵,今次索性來個淨豬手,不吃米粉吃多幾件豬手,才是上策.例牌奉上一小碟辣油,看看一大缸辣醬旁邊,寫著"切勿浪費,面斥不雅".群記的辣醬,辣得來帶點濃香,很有層次感,的確令人再三回味,幾好味都好,也要適可而止,到時候要了一大兜辣醬,而又吃不完的話,就對這個辣醬不敬了.難怪店方會以這樣去提醒大家.坐在廚房旁邊,見到成大筒豬手備用,以群記的流量,一日會賣到幾多筒?不要想著這些無謂的問題,只見每天未夠五

行完山揾嘢食，見無汵氣門口都企滿人等位同買外賣，以為一定好好食，唔好蝕底企埋等位，點知大失所望，D牛腩好普通，唔係咁入味夾要練牙力，豬手淡而無味但好捻，牛丸OK，整體不外如是，唔明點解咁好生意咁多人食，唔通自己味覺有問題

群記由細食到大都一樣咁好味佢地個 menu 又係廿年如一其實都冇雖要轉啦因為我次次去都係食丸手米 (牛丸豬手米)牛丸陣口豬手又入味又夠淋最正係辣椒油! 一定要試!不過天氣熱其實都坐得幾辛苦算啦... 食好野冇計!

是日中午, 去完廣成飲豆冰, 順道來買豬手 ~人很多, 幸好eatmate願意捨身前往"戰地", 而塵埃就在"流動基地"守候 ~買的是外賣, 回家加個烚瓜便成一碟餸 ~豬手, 不是"炆林"那種, 豬皮頗爽, 難得地不肥膩 ~味道, 不錯, 但不算特別出色 ~

佢d豬手真係好爽好好咪，又唔會太過肥，而家食落口感一流。每次行經，一定會走入去幫襯下，如果鋪頭裝修好少少，地方坐得舒服d就好啦!

之前吃了豬腸粉，也再順利的來到第二站，吃一吃馳名的豬手及那自家製的辣椒醬，看到大家之前的食評，也覺得自己非常之幸運，因為我第一次來就有得吃了，但來的時候是它剛好開鋪的時候。只得自己一個，也沒想太多，一於要一個豬手米，好不容易喊停店員落單，要了大的，原來他們喚這作大手米，而且入到來，真的是很熱的，見竟然有支裝汽水，再加支忌廉。也等了良久，但也不敢追單，因為店員門像忙瘋了，最後大手米及忌廉也來了，另外當然有附上的一碟辣椒油。一看這碗豬手米，真的是真材實料，整碗的面也被豬手覆蓋，而且這兒的豬手不像外邊多以南乳或鹵水來煮製，而是應以白鹵水來煮的，但倒也不覺得有很濃的藥材味，連花椒八角味都冇乜，真的是靠那豬手的本事了，味不重其實也不太重要，因為其秘製的辣椒油真的是很好吃，在一端過來的時候，其香味已經真的是香得不得了，用豬手蘸上一點來吃，很對味，這辣椒油不辣，但混入豆板一起來炒，很香，而豬手咬下的感覺是較爽口的那一種，那膠質未被煮至軟黏，跟外邊有些茶記的做法不同，不是說軟身黏口的不好吃，因為根本就是兩個吃法，愛吃軟身黏口的，可以到新香園堅記一試，而今天慢慢的啃掉骨邊爽口的膠質，也真的很棒。也很快的

四月初二‧有雨在附近比賽，之前來了兩次練習，一場來到這麼遠，當然一心要來吃豬手。但第一次來，人多到由門外也望不到入面的。第二次來，豬手剛好售罄，說要等個半小時才有得吃。在附近遊到夠鐘，來又說未整好，問也沒答覆，再失望而回；直至是日，二時未夠來到，見人多也照迫入來，千軍萬馬般的找到位，努力的截停忙碌又不太耐煩的阿姐，要了一碗大的淨豬手。這裡的豬手好吃，用上了新鮮貨，吃起來上廋肉爽口，豬皮爽脆又肥美，中層的膠質部份當然好吃到不行。烹煮方式只用上白鹵水，煮的時間當然是關鍵，就做得到這個周未周日也令人大排長龍的豬手了，說難嗎？好像不是，但也是全港只此一家，似乎說易也不易的。美味的當然還有這裡的辣椒油，用上磨豉去煮，香得要緊。蘸著這個好吃，卻是免費奉上的辣椒油，我想起龍景軒那索價百多元一樽的極品XO醬，有時好吃的東西，也未必用錢來衡量得到。沒有什麼比吃得到心頭好，更令人感覺滿足。也不留意，原來人客已經在我差不多吃完的時候，走得七七八八，原來又是二時半，已賣清豬手了。埋單23蚊，以食物水準計，非常便宜。縱使在這裡沒有服務可言，阿姐通常也忙得沒好氣去招味人客；沒有空調，人又多，環境不佳；因為阿姐們忙

之前睇過飲食男女介紹, 但由於地點實在對本人黎講係太遠, 所以一直無機會試, 咁o岩今日去粉嶺朋友屋企, 友人提議帶我黎呢度食最出名既豬手, 友人仲話好4點前黎喇, 如果唔係就食唔到豬手2.20pm到達, 完全沒有任何華麗的裝潢,沒有冷氣(而家咁既天氣仲頂得住既), 只有吊風扇, 非常簡陋的一間舖頭, 但我完全唔在意呢d, 只在乎食物的質數, 好彩快人一步, 咁o岩有2個位, 坐低後, 不停有人黎, 仲要等位.....我地叫左大牛丸米, 豬手米, 2枝大忌廉, 等左成十分鐘先到, 牛丸細細粒, 我諗都有十幾粒, 不過係咸左少少, 唔似出面咁多根, 而豬手好多肉, 整得好淋, 又唔會痴牙, 不過有幾舊表皮有豬毛, 個湯都好清, 好似無乜味精咁, 朋友食完仲要外賣個淨細豬手,其實本人總括覺得一般o者見到對面order左炸卷, 好香, 好似腐皮卷, 但入面就好似生竹牛肉咁, 因為一碟都幾多, 本身又唔係太餓, 今次無緣試到lu

11-4-2009自上次食飯 (呢次: http://www.openrice.com/restaurant/commentdetail.htm?commentid=1979738)「有幸」淺嘗食友們0係呢度買的辣椒油, 再睇埋爐兄的食評後, 一直對呢度好有興趣, 呢日拉了朋友到聯和墟行0下, 當然唔會放過幫襯呢度的機會! 叫了牛丸米 (細; 好似 $17)... 牛丸十分彈牙, 肉味頗濃, 不過我覺得鹹0左 d; 米粉淥得爽口, 不錯; 而主角就當然係一人一小碟的自家製辣椒油, 唔會太辣, 勁香口惹味, 撈米粉食又得, 空口食亦得, 正! 亦因為太正, 朋友「忍唔住」外賣了半斤 ($38... 好似) 當手信, 哈哈.朋友食丸腩麵 (細; 好似 $21)... 試了一啖麵條, 幾爽口, 不過帶少少鹼水味, 感覺一般; 又試了一件牛筋, 柱侯味夠, 但又好似唔多夠腍喎.食物不錯, 環境就打仗一樣, 加上衛生及阿姐態度都麻麻, 食完快閃好了.可惜食唔到炸牛肉卷 (阿姐話要等至少半個鐘...), 唯有下次再0黎碰碰運氣吧.

粉嶺聯和墟嘅食肆不少，但係能夠令筆者一去再去的卻寥寥可數，其中一間就係以豬手聞名嘅郡記。呢度嘅豬手唔似一般用生抽、老抽等去炆，而係白烚。環繞著豬手嘅豬肉寧舍爽嫩滑，再加上筋腱附近嘅軟骨、骨膠組織滑得嚟又有口感，所以雖然話係白烚，單食已經味道不俗。豬皮部分雖連著一點肥肉，但食起來一點肥膩感也沒有。筆者食完一件再一件，不消幾分鐘，已經將七、八舊豬手都食得乾淨。當然，如果要令味道更加豐富，就一定要試吓呢度自製嘅辣椒醬。此辣椒醬嘅特色不再其辣，而係在其香。做法嘅秘訣就係如何炒辣椒及其他配料如豆豉，詳情就是商業秘密了。豬手配辣椒醬，絕對有畫龍點睛之妙。可惜此辣椒醬只供堂食，不設外購，否則筆者一定會入番一啲嚟鎮一鎮屋企嘅五味架。豬手麵大碗廿三蚊，細碗十七蚊。十零二十度天氣嚟食最啱，原因好簡單，因為冇冷氣。

見食評咁好,就帶老公去,唔難食,但唔美味,豬手唔淋,冇味道,牛丸唔爽冇牛味,地方污糟邋遢,落單呀姐不友善,汽水耍自己去開冇人埋你,唯一係抵食,份量夠食得飽,完全冇老人家去食,全部後生仔,大部份都係遠道而來,果日問路,有兩個粉嶺居民都話佢地住係到冇人去架!

阿火回歸在即,大大小小飯局日日排滿,之前一日有大東北之旅,今日復有大西北暢食,好等阿火一生難忘.第一站就選擇粉嶺區人氣最盛食店之一~~~群記(另一名店爵士拉麵星期一,二休息)人氣店果然不同凡響,未到12:30已經九成入坐,好彩仲有張近後門位可以逼得落,二話不說四小碟芳香撲鼻的辣椒酒已經放低,小店效率真高.明知尚有一連串食肆會接踵而至,人數只得四人,將就之下亦不能不點幾樣名物.淨豬手:大小碗各一,好味既野,食極都好似唔夠,肉味濃而且炆得夠淋,但皮卻依然爽脆可口, 蘸點辣油,.相信係香港是絕無分號.(香港絕大部份麵店都係豬腳)牛丸:表面平平無奇,十來粒半浮沉毫不顯眼,賣相跟潮式牛丸相近,一咬落去,牛肉味雖不及深圳潮泰,但至少可以同元朗幾間以牛丸作主打店舖不相上下.炸牛肉卷:又是自家制,即叫即炸,熱辣辣而又不經師傅醃製過,將牛肉味全面發揮,雖然賣相有點黝黑,肉質有點鬆散,但依然好味.油菜:真正獨沽一味~~~生菜,澆上牛腩汁,夠冶味菜又嫩,正.第一站已經咁精彩,一個下午內跟住仲有新漢記,燕雲莊同雲泉仙館接住黎,然後再去上水車仔麵同珍宛,仲有大埔群記清湯腩同蛋撻............等著瞧!今