群記牛肉圓豬手

營業中

休息中

依間野由鈿食到大, 今日放假就去食下店舖古樸, 全係折疊木椅, 木桌一坐低侍應會放碟"自家製辣椒油"俾你, 如果唔夠, 你重可以自己去廚房旁邊個鐡盆任添叫左----家鄉炸卷 (牛肉) $28牛丸米 (細) $30淨豬手(細) $28食後感:淨豬手(細)--------豬手算肉多骨少, 皮同肉爽腍豬手味道清淡, 點埋自家製辣椒油，味道增加清湯湯底味道剛好家鄉炸卷 (牛肉)-------炸卷係腐皮卷牛肉膠再去炸外層香脆, 中間牛肉香口惹味, 質感不錯沾埋喼汁更帶出牛肉香牛丸米 (細)-----牛丸細粒但牛味唔濃,唔太彈牙無以前噉好食總結:雖然牛丸無以前噉好食, 但都可以食下有埋家鄉炸卷同豬手, 再叫支忌廉,好滿足

好多朋友都話群記豬手同炸牛肉卷好好食但係每次去到唔係閂左門就係炸牛肉卷賣哂十一點開門十二點就賣哂都幾誇張今日決定早d起身,終於可以一嘗心願!我地十點三已經去到,出面已經企門哂人遲點來都可能無位坐..一坐低,姐姐就擺低每人一碟仔辣醬我叫左一碗細豬手麵同一碟炸卷落單後豬手麵好快就送到首先飲啖湯先,果然係正!豬手麵湯味夠哂濃,睇得出係日煲夜煲餚左好耐果隻加埋辣醬落去唔會太辣或太咸,更加襯托到湯既濃味麵既軟硬度適中,一碗細豬手麵都有好多舊,而且啖啖肉豬手極度入味,連舊豬骨我都啜左好耐先掉在享用豬手期間,隔離剛坐低既食客想叫炸牛肉卷姐姐都已經話賣哂了再整要等半個鐘......此時都只係十一點半而已......心想 好彩今日早來如果唔係又食唔到不過佢等半個鐘都有得食,如果再遲少少就真係賣哂了如果想試炸卷既朋友盡量十一點半前好去喇食左豬手麵五分鐘左右炸卷就送到了炸卷表層鬆脆內裡牛肉鮮味強口感雖似食緊免治牛肉但一點都唔諧口一句講哂,早早起身都係值得!!!炸卷＋細豬手麵大約＄6X十分推介!

今天難得北上（意旨往新界北區辦事），見完客就去粉嶺群記，目的是想試下聞名的豬手，可惜去到話未有，吓? 鎮店之寶都供應不足，其實許多人是山長水遠專登來吃他的豬手，唯有講句與豬手無緣！講回此老店，一向都知是甚有性格。一）沒有餐牌 二）伙記不會對你笑（這才是老店風味）三）只有豬手、牛丸同牛腩可揀。我㸃了細牛丸米加支汽水，牛丸雖細粒，但幾爽口，手打牛丸的確買少見少，好味！一向自己都愛牛丸配米粉，因為兩者都有爽口之感。另外值得一試，是出名的自家製辣椒油，自聞愛辣的我，十分喜愛！阿姐第一時間就盛上抬，並不是俾水你，不過不食辣的朋友可「婉拒」！總括本講，夏天來的話可能會好熱，因店沒有冷氣，同時大家預了未必有豬手吃，不過區內咁出名，一試無妨，一次咁多啦！

群記，當然不是第一次幫襯。所以我知道竅門。這里零裝修、無冷氣，我一定不會在夏天來堂食。今天早上去上水，辦完事，開車出城，一上高速，就覺得有D肚子餓，靈光一閃，咁就去聯和墟啦！（今天秋高氣爽，無冷氣，無問題！）泊好車，立即衝去群記，鋪頭剛剛開門，店內已經坐了半滿。（這時段，就唔洗排隊等位）一個人，當然要搭檯，揾張冇咁迫嘅，坐低order一碗手丸米。店內很靜，因為，人人嘴巴忙著吃東西，就冇機會說話。豬手實在美味，軟硬適中，有肉、有骨，滿足不同的欲望。牛丸亦好好味，爽滑彈牙，有肉味。加上少少辣椒油，提味，好滿足！（有冇批評，有！我一向嫌他們的湯太咸！咁，唔飲就解決啦！）同桌的人，一碗雙拼粉麵，另加一碗豬手凈食，基本上店內的牛腩、牛丸、豬手全都有了，（除了炸卷），再配上大啤，絕對是大杯酒、大塊肉feel，他甚至手持豬手，慢慢咀嚼。旁觀別人吃東西，你會感受到他們的享受。這里每一樣食品都好好味，不過一個人，就只能點選有限的品種，看著旁邊其他的團伙分享豬手、牛丸、牛腩、炸卷、油菜，只能吞口水。看看以后有冇機會，呼朋引伴來開餐，一次過滿足所有的欲望！

今朝行經聯和墟，見到依間平時勁多人既舖頭十點幾開左門，無乜人咁就即刻入去叫個大豬手米做早餐先 依度既豬手係用白鹵水整，豬手勁多肉又彈牙，食完真係補充曬骨膠原。另外, 依度既辣椒油好香蒜蓉味,辣味又唔算勁, 配合米粉真係一流.

點解可以咁多讚？第一次寫評，原因係唔想其他人中伏！牛丸無乜味，湯底係味精開嘅(因為我見到門口有幾個印住味精嘅紙箱)，配埋一碟仔唔辣嘅辣椒醬，無言！或者可以試下豬手，不過本人唔會特登去呢間食，因為粉嶺應該有其他好野食。

雖然牛丸同豬手先喺群記既招牌，但我自己最欣賞既就係佢既辣椒油。自問係一個唔食得辣既人，但次次去親群記寧願飲多幾支汽水都會例必清哂d辣椒油！d辣椒油真係好香，就算牛丸豬手全部都係用清湯加蔥做湯底，但加左辣椒油都會變到好惹味！不過夏天去食既話又真係會好焗好熱，仲要大部分時間都好多人，有時真係會有d唔清潔，所以外賣拎走食都係一個唔錯既選擇！

我真係大鄉里出城，呢加先知原來群記係咁出名既，真係多謝朋友帶左我黎呢度見識見識XD群記雖然賣的種類唔多，但係牛丸同豬手都好出名！既然咁出名，第一次黎到我又點可以唔試下呢？！ 點知一試便愛上！豬手真係好足料呀！聽到其他食客講，原來呢度的豬手真係好搶手架，有時分分鐘一點幾就已經賣哂，但我今次竟然兩點都仲有得食，真係好好彩呀！！而牛丸面亦都好好好正TOT 牛丸非常彈牙不在話下，份量亦比我想像中多好多！另外不得不提的就係呢度的秘制辣醬！香得黎又唔算太辣，仲有少少甜甜地的味道，好特別！我平時唔太鐘意食辣（其實係唔太食得辣），都加左好多呀！跟豬手一齊食實在係一流！可惜... 因為我住市區，平時又唔係咁得閒，好少機會可以入粉嶺，如果唔係一定會成日食架！XD

相信住粉嶺呢區既人無人不識聯和墟群記，幾十年前既裝修，綠色瓷磚白色木長枱，而且最大特色系冇冷氣，夏天既時候，真系熱到叔叔不行了雖然如此，呢度人流無窮無盡，冇一刻系有張凳坐而又唔洗等位既，我諗系因為甘既情況，咪唔裝冷氣，等你快啲食完快啲走，做多幾輪早啲收檔。每日只開幾個鐘 (好似系11點-5/6點，有時賣晒3點就收檔)。呢度只系幾樣野食 1. 豬手 2. 牛丸 3. 炸卷 4. 油菜，冇記錯應該得呢幾樣野食，通常豬手未夠2點就賣晒第一輪，要成3點先再有，換句說話，姐系得返牛丸食今日相當好彩，下午1點幾黎到同友人叫左豬手河 (大)，隔離枱遲少少已經冇得食了sosad。群記既豬手只系清湯豬手，大約有10舊左右啦，好味之處在於秘製辣椒醬 (單買好似$50斤)，甜甜辣辣，味道特別，加埋豬手真系絕配，辣既水平系唔食得辣既人都接受到既水平。細個住呢頭既時候真系成日都食。但系河粉既份量真系非常少，只系過下口癮，基本上食完都仲要走去買野食先夠飽。

黎到朋友屋企，　記起附近有一間好好食既豬手係朋友所推介梗係即刻去試下ＬＡ一去到已經聞到好香好香。！，　充滿住豬肉煮出黎既湯既香味！同兩個ＢＵＤＤＹ　叫左馳名既豬手，　睇番之前既巴打食評，　呢個豬手係用日鹵水整，　所以酸得黎又開胃，　味道不會太濃，　正！　而且豬手比較彈牙，　係多骨膠原既種類。另外叫左一樣出名既牛肉丸，　可能個人喜歡食多筋既牛丸，　所以我覺得呢個牛丸味道好入味，　但嫌質感吾夠不得不提上面嗰兩味　既湯底係幾香，　大家食既時候不防飲兩啖。另外叫左一個炸肉卷。。估計應該係用咸牛肉整成碎再成舊拎去炸，　味道重口味，　口感密度高。但不宜多吃。！

要數聯和墟出名食肆..'群記豬手'一定入三甲..假期太多人會慕名而來了..所以逢假這段路特別熱鬧..如果加上賽馬日就更加多人啦..趁大肚沒有節食既理由..當然趁機周圍吃吃吃啦..店內採用懷舊的自己等位方式..每檯都坐得超級迫..不過很有舊香港的風味^^等了十分鐘終於有位..滿心歡喜下單之際..竟然說'豬手要等半小時..售罄了'..激死..聽說這裡的'炸卷'都很好吃..是腐竹包著牛肉炸的..怎知又售罄>~<算啦..都已坐下了..唯有試其他啦..老公點了牛腩河..um..是因為假期太多人??所有東西都要急趕煮出來賣嗎??牛腩完全未淋..韌的..根本都咬不開..怎吃??我叫了牛丸米..就是很普通的牛丸米囉..說彈牙..一定不夠元朗勝利..而且是超細粒呢..um..今次的體驗令我非常失望..或者來這裡就應該只吃出名的豬手..若沒有就應該走吧..我下次一定會再來試豬手的..激氣..

駕車到聯和墟吃下午茶，下車後想起出名的群記，於是便走到群記看看今天有沒有機會試到那享負盛名的豬手（因為試過二次去到已賣光了），而這次終於有機會讓我和老婆嚐到了！當曰我想天氣也有三十幾度，一進去已感到相當的悶熱及局促，今時今日真難相象一間沒有空調的餐廳仍然能大排長龍，但這就是群記，群記的傳說就是有「性格」及「零服務」（當然還有豬手及牛丸），所以你有你流汗，佢有佢忙個不停，根本就不需要什麼空調丶服務之類的副屬品，他們仍然能賣個盆滿鉢滿，繼續他們囂張的性格！還是將話題說回食物，點了牛丸麵及豬手麵各一碗，牛丸細細粒有牛味但不是很濃，也不是很彈牙的一種，嚴格來說是很普通的牛丸，沒有特別。相反，豬手真的熬得很腍，有清湯煮出來的的味道，再配上他們的辣椒醬吃更是一流！可惜點了個細的，識食，下次一定食大碗豬手麵！

如果係香港有餐廳無冷氣,基本上我係唔會去,話之佢有幾好食.呢一日同事話呢間餐廳好好食,要帶我去,咁我就勇敢一試,一去到見到無冷氣,我即時覺得我可能種下太多惡因,要受人間煉獄之苦---34度高溫加無冷氣既來之即安之同心靜自然涼都係呃小朋友既說話呢碗係大既牛丸米,一數之下有12粒牛丸,可以話十分壯觀.見到店員係後面不斷係度整牛丸就知新鮮,一食落去牛味不算好濃好濃,彈牙度亦一般,係帶軟身既口味,無爽口感.米線無過軟,有口感,湯底只係普通精湯,不過咸.我仲以為呢度既牛丸會食到WOW一聲,但事實並不是如此美滿這是細碗的豬手,豬手就十分爽口,脂肪連爽腸質位十分爽,肉就爽中帶實,的確有一番風味,只係又係清湯煮出來,比較清淡所以食咩都要沾一下佢地既辛辣醬,有辣椒香但辛辣度極低,係人都食到,把清淡既肉味加添香氣的確唔錯老實說,食物普通,仲要無冷氣,食食下暈左點算?部份服務員又古古怪怪,無禮貌.衛生都不要提了.到底我還要中多少伏

今日難得早食晏！趕去群記食午餐！去到坐低！第一個感覺係好熱！因為無冷氣！第二個感覺係好殘舊！可以話無裝修可言！門口一個麵檔！一個收銀櫃枱！一個汽水櫃！加啲枱櫈就開檔！當然來嘅人係唔會介意！我到嘅時候已經過兩點！都有八成滿！食物選擇唔多！同店員落單！店員好爽手！一個大牛丸河（$32）：食物好快到！有好多牛丸！牛丸尺寸比正常細！味道唔錯！唔粉有點彈牙！好易咬開但又唔粉！有牛味質地幾滑！河粉就正常！唔覺得滑或嚡！配埋蔥花及出名嘅辣椒油！辣椒油好香蒜味！而且辣味唔勁！我落晒一小碟都無問題（平時我只係小辣），我食到中段先再叫支樽裝忌廉，咁樣食完碗麵飲都仲凍（因為無冷氣再食熱麵都難頂！）食完簡簡單單就好滿足！侍應態度又無乜嘢！雖然無乜笑容但就好爽快！門面都殘舊竹，所以我都唔夠膽去廁所！去群記食嘅係風味！啲人嚟到即刻問仲有無豬手！可見幾受歡迎！

豬手麵 $30(好食指數:9.5/10)18-1-2014剛去到既時候店舖話豬手賣完，需等約半小時。在附近逛一圈後，早了5分鐘進內等坐低新鮮豬手出爐。幸好就係呢5分鐘，因為5分鐘後整間店舖都間充滿人流。豬手是以清湯煮，並非平時南乳豬手。味道不濃，但豬手好入味，非常鮮味。而且肉熬得幾腍，但皮又帶點韌性。配麵一流，麵底係幼麵，不過不失。值得一提，佢既蒜蓉辣椒醬先係精粹！好惹味好好味，無論沾豬手定係撈麵都一流，令整碗麵生色不少，唔夠一定要記住再添！淨牛丸(大) $30(好食指數:8/10)18-1-2014牛丸係繼豬手成為第二主打，細細粒，好彈牙。湯底係清湯，加有蔥令佢更香，咬落去湯汁湧出黎。值得一提，當一遇正食物新鮮出爐時候，不但門外多人等候，而且仲有好多人圍住係你後面食，等你埋單，場面認真噓冚。