群記清湯腩 (已結業)

今日下晝兩點幾去搵野食，諗住去試下呢間係咪真係咁好食~入到去有冷氣開放，座位唔多，環境可以~我叫左牛筋河外賣($23+1)~收左錢之後，個老闆娘叫我出去等陣~我即係呆左...出面成30度都有喇！叫我出去等？熱死我咩~好彩有個waitress叫我o係門口個位坐低等陣~等左唔係好耐，我打開碗河，佢真係細碗，同埋d湯好白，好似打左少少折扣~一飲啖湯，ok喎！再食一啖河粉，佢真係未索水~ 掂！d牛筋都算多，最後我一啖湯都飲哂~ 好味！o係食完既兩三個鐘，我都未口渴，證明係冇味精架！~如果只係買外賣，我會再去~

住大埔咁耐, 早聽聞有間牛腩面鋪拍得住港島區某知名老店, 奈何小弟好少會過大埔墟, 所以一直未能一嘗呢間係大埔咁出名既牛腩面.上星期六, 由於要去大埔墟街市買整爸爸節晚餐既材料, 終於去左一試!門口多人, 一早就知, 間鋪得6~8張檯, 其中3張仲要係2人檯.... 門口好熱好熱.....等左15分鐘先入到去坐.....好熱好熱入到去睇下餐牌~ 哇!! 幾貴, 唔知係咪真係值呢?? 不過佢餐牌有d牛部位真係出面好少鋪頭有得食, 睇左陣, 想叫碗牛面珠河, 下??? 賣晒??? 個時只不過2:45pm (佢1:00pm開鋪) 應該好好食先賣得咁快.......唯有下次請早啦~~ 最後叫左碗肥腩河等等等.....等左10分鐘碗河終於到啦~~ 試啖湯先!! 湯好奶白色, 入口好香牛肉, 牛骨味~~ 非常好飲!! 再試試d腩先, 肥腩夠肥又夠淋!!! 正!!! 再試埋河粉..........oh~ no good , 河粉太厚, 唔夠滑......可惜可惜. 呢個時候, 見到隔離位仁兄碗牛腩面好對辦, 面條睇落好彈牙, 下次叫面先得........食完碗面, 呢個時候又見到隔離另一位仁兄叫左

五時來到，一心想著吃爽腩爽腩爽腩河，誰知老闆話冇爽腩河，淨爽腩就有，吹脹。淨爽腩六十元一碗仔，我又未試過好唔好食，點碗清湯肥牛腩河試試先。誰知佢又話河粉賣晒ｏｋ，食清湯肥牛腩麵。奶白色的湯底雖標明是清湯，但有濃郁的牛骨味，絕非上湯！看上去好像好油，實際上絕不油膩。濃郁鮮甜！至於肥牛腩，起初一見到每舊牛腩都痴住大大舊肥膏，都幾驚，但鼓起勇氣吃第一口，嘩，肥而不膩，一點油膩感也沒有，很甘香！腩肉夠腍，肉質一點也不鞋，食完唔使liu牙。本來沒什期望的生麵，較一般別店吃的扁身，爽度剛好。主角肥牛腩和配角湯底、生麵都令人回味無窮。馳名的清湯腩專門店都有許多間，對上一次吃的是蘇絲黃介紹的灣仔大利清湯腩，這裏的比那間好吃得多。尤其湯底！

五月廿三日．雨說香港最好的清湯腩，個人覺得除九記外，就到這裡了，這裡的湯底怎，麼說都不及善用藥膳材料的九記般富層次，用上大量牛骨連同日日賣上幾十斤的牛腩熬的湯底，不羶鮮濃，也是雋品。替早來端陽作準備，大雨天門外仍排著人龍，不便久留，於是攝入店買兩盒外賣，分別是牛舌併牛面肉、牛腩，這裡爽腩不作外賣，只能打下坑腩部分。對上一次來足足是成年前的事，價錢亦無變，淨牛腩仍是四十八元，其他堂食腩麵都是廿六～廿九。買回家返熱吃，湯底比即吃的更鹹更濃，不羶喝得出牛骨及牛腩合成的鮮濃味，下的藥材唔多，味道是簡單直接，牛腩炆得鬆化美味，是坑腩肉厚部分，連少少脂肪味較爽腩重，火候好老人家亦易吃下；牛舌尖部分有彈性，而舌胎位軟軟腍腍，本身所含的油脂豐腴，稍以藥材去羶炆焗，已好好味，材料唔貴，貴在處理鮮牛舌的功夫；牛面肉是日終於吃到了，肉厚味濃，炆得夠身鬆腍好吃，但幾攝牙的。未忘年前吃到濃厚沉實的味道，今年再來風味依然，期待下次再來仍保持水準；跟老伙計傾了兩句，似乎暫時仍未有開新店打算，守業是難的。

Thank you chowhounds for telling me about this place.I tried going 2+ months ago, and they were on a holiday. and i finally made it back 4 days before i leave. I'm so sad i never went before.I got the song lam and beef cheeks with really thin noodles (and soup). I would have preferred thicker noodles, but i don't know how to ask. i can say "noodle" and i can say "ho fun" ... that's it. BUT... this was hands down the tastiest soup i've ever had. The meat was tasty, and not being a hug

看了食評又剛好路過，便試了清湯牛腩(＄60 /碗)，可說是貴價品，而且幾細碗，大約大小十件左右。湯底沒特別香， 牛腩不過不失啦. 唔係好好食，又唔係好難食，可以說是普通好吃，比不上天后 / 北角等選擇。以這個價錢，那就可以不理

趁著四天復活節假期來到大埔郊遊, 先到大埔墟來一點吃的記起這裏的牛腩不錯. 前來一試.一時許來到. 等了十多分鐘便能入座.叫了牛腩牛筋河 , 豬油渣麵 菜心 再加細可樂先談牛腩牛筋河, 牛筋香軟, 牛腩味香不會黐牙, 牛骨湯也不錯.河粉是筷子般的幼, 個人還是喜歡粗一點的較好, 因為太幼的河粉欠咬口. 影響食趣, 就味道或是份量來說還是較華姐比下去華姐的是清湯, 但味道較鮮, 亦沒有這兒的那麼鹹豬油渣麵 實情是豬膏麵. 但沒有豬膏應有的香, 大概是炸得不夠火喉吧?麵條是上海粗麵, 質感不錯, 但湯底偏鹹.質素還是大角咀英記較好. 但始終人家是獨沽一味做豬油渣麵. 大概沒有不好吃的道理質素中上., 但專程來吃大可不必.題外話, 要吃的話最好早一點 . 因為此店好像12點至晚上10時營業.但旁晚6時許經過時已提早拉閘關門. 只因食品已全部沽清!

三月三十日這間店鋪近來也出名,聽不少食友都說群記不錯,住在大埔的自己居然一次也沒有來.終於找到機會,到達時剛開門早已有十多人排隊,證明這間的人氣度十足,十多分鐘也入內坐下,清湯爽腩麵一碗以及一碗牛骨湯.店內坐滿客人,但上麵速度也不慢.牛骨湯食下去啖啖牛的鮮美,不帶一點味精.這碗湯煮的時間不短,用新鮮品質佳牛骨來煮的湯底老實說也不會差不去哪裏,如果放下蘿白的話,必定人間美味.看到數人叫一碗淨爽腩一起享用.牛爽腩在嶺南飯局領教過後,這裏做的爽腩更出色,爽口之剩,肉味十足,有點溶的感覺.不帶點平凡,麵則較彈,長度十足的麵總是停不下來,湯則較清淡,入口容易.腩,麵以及湯底總是像多年來的死黨,這碗麵已以上佳了,合共三十四元,價錢以食物質素來不貴了,銅鑼灣食過麵也要三,四十元,這裏有這種質素一點不貴了,看到有說這裏服務態度差.自己也未遇過,但服務也只能說普通.值得一吃的爽腩麵

一時先開,十二時三十五分到達,賴野一時再來,已坐滿,要等位,等左十五分鐘........早知o吾走霸頭位啦....一黎就叫碗爽腩河,等了一會就有得食.一開波就食爽腩,正,完全冇黏牙,牛味夠,好新鮮,在口中不停散發出肉汁包住每一顆味蕾,每食完一舊口中仍有餘味令人回味無窮<--好次打手河粉就一般,湯底依舊令人一喝而盡.我今次得出一個結論:要食趁早,要食第一轉(午市),最靚的爽腩只有第一轉,原因係我以前通常6pm後來食的,食爽腩就一定會黏牙,坑紋亦不靚....加上最靚既爽腩一定係淨爽腩,淨爽腩係A級,爽腩河既爽腩係B級,<--呢個係我估計既,原因係睇過同一台客,叫淨爽腩+爽腩河,用肉眼都分得出淨爽腩靚過爽腩河D爽腩,所以有時佢地唔肯將A級淨爽腩當爽腩河賣,就話爽腩河賣晒,但淨爽腩有得賣!

14-3-200910 幾年無去過大埔, 呢日拉了朋友一齊去行0下之餘, 當然亦唔會錯過「傳說中」的群記爽腩! 2:45pm 0黎到門口 as expected 勁多「群下之臣」, 好在等了 15 分鐘就有位.想盡量試多 d, 見朋友叫爽腩, 自己就食牛面珠伊麵... 湯底比華姐 (http://www.openrice.com/restaurant/commentdetail.htm?commentid=158757) 油, 味道牛味濃鮮, 飲完唔口渴, 不過都係九記 (http://www.openrice.com/restaurant/commentdetail.htm?commentid=1886744) 的好飲 d 伊麵淥得爽口, 不錯;「牛面珠」帶點肥, 好嫩好滑, 牛味濃郁, 筋膜位就爽得 sok sok 聲, 勁正!朋友的爽腩伊一樣好食 -- 濃味, 咬落極爽, 食唔停口!牛腩好掂, 店外長龍 + 店內迫夾無可厚非, 食完快閃好了.好, 下一 target -- 即拉腸粉!

次次行過我成日都見到佢好多人等.今日真係要試吓有咩咁好食先!太多人喇所以我就叫咗外賣,叫咗一個腩河同一個腩e!同埋媽咪一齊食,媽咪食腩河點知佢食咗一淡就講: 仲諗住有幾好食,唉好多間都好食過佢!咁我就試啦係嗰湯好清冇咩味精,但啲腩就真係唔係太好食啫!真係唔值得等咁耐囉=.=

我今日放假,咪一個人去左大埔墟睇下有d咩未食過,咁啱就經過呢個舗頭,咁啱我又好鍾意食牛腩,咁咪走入去食個下午茶.一入到去,原來下午茶得一款,重要係油渣麵,有無攪錯,呢到唔係主打牛腩架咩,無計啦,都要食架,一拎起個menu,最平都要26蚊,下午茶時間都無野飲送,咁我就叫左個牛腩河.碗野到喇,o下咁細碗,有無攪錯,唔通你真係咁好食到咁細碗都做得住,一食落去,sorry,好普通,唔可以話佢好難食,但你收我26蚊會唔會過份左d呢???好失望,佢頂多值15蚊,而個河粉,我覺得唔合格,好"鞋",個湯又唔覺有咩特別........咁menu有一個我估係佢地o既鎮店之寶"爽腩",爽腩河要成29蚊,我見隔離有人想叫,但佢話爽腩河賣晒,淨爽腩就有(咁都得),但我見要成60蚊,嘩........但o個2條友叫左一碗淨爽腩同2碗淨河,總共要成84蚊,佢碗淨爽腩到喇,有無d過份,個碗同你屋企個飯碗一樣大,咁得幾多舊爽腩?....佢重有d牛臉珠、牛舌....但我無興趣再o黎試喇sorry...

我好少去大埔區,今次難得嚟到都要試一試大埔既美食先~~~係大埔墟泊好車行過對面就見到群記清湯腩,有6-7人掛排隊,等左5分鐘就到我地,入面環境好迫,幸好我地都坐到單邊2人位,難得嚟到老公話梗係食d平時少有果d,他選擇食爽腩河我食牛腩河清湯充滿濃濃既牛味,又唔會好"蘇",牛味剛剛好,好想一飲再飲,好味~爽腩邊位黏住的部份係帶爽口,同一般牛腩真係不一樣,而我的牛腩同樣好味,我仲要求的牛腩要"林"d,食落口又真係比平時果d偏"林"小小,啱晒我~~雖然份量比較少,但係做足人客既要求值得一讚~~~

家在大埔，但因工作關係很少機會在大埔食午飯，反之有時都可以去天后 "華姐" 食清湯腩，覺得湯清甜而牛腩亦好味，自己習慣會飲晒佢D湯 (正)。今次因放農曆年假，再有機會去群記食清湯腩(此店星期日不開、週六又勁多人排隊)，因媽媽到我家拜年，便帶她試試這多人排隊的小店，看看沒牙的老人家口味我有否不同。到了群記，又是排隊！原來平日也跟週六一樣，但人龍少許多，排就排吧，不一會便有位。我點了一個清湯腩河給媽媽，自己就叫肥腩河。牛腩河到了，她吃了兩口便說牛腩尚可，主因是不夠腍 (唔記得叫腍脯)，不過味道就很好，而我的肥脯就在五鐘內給我消滅了，媽媽的脯河也在五分後被吃光。總括來說，價錢較貴，大埔地方價錢還高過港島，腩河的河粉不算滑，但這對 "外賣" 的有好處；而牛腩則畀"華姐"勝一班 (May be 以上)，牛腩入味而且沒有雪味，當飲完整碗湯後感覺就像"日本漫畫"所說的. . . . . 好滿足！(味道很濃，但又不失清湯原意)，媽媽說下次 Order 時要說 "腍腩"。而我下次會試"清湯淨牛鞭"。哈哈！不過不慣沒 Service 人要小心，此店的服務有別其他店鋪。

成日經過, 第一次食12點9放lunch, 黎到1:02, 點估倒佢1點開門02去到已經冇位…惟有嗌外賣, 當然係冇至出名既爽腩河賣啦…(淨爽腩就有…)結果嗌左牛面珠伊麵(聽聞佢d河粉唔得所以轉嗌伊麵) 盛惠30個大洋~ 返到黎先食, 冇咩發脹, 仲好好味*0* 牛面珠好似牛腩咁好淋好滑, 試左同事既河粉都好滑呀~~牛利都好味~! 不過都幾油。唔知幾時有機會試爽腩…今日咁多人真係應該嗌淨爽腩= =老版娘面口都幾黑, 不過睇佢外牆既剪報受訪問都係咁黑, 只有對住發哥先笑XD