群記清湯腩 (已結業)

今天有事要入大埔，當然要順路去群記朝拜一下清湯爽腩。一時許到達，應該是剛開鋪，已經要等位，當然有其江湖地位。水準依然，湯味濃而不鹹，爽腩夠滑唔「鞋」。數當今清湯腩，相比九記、大利:九記的湯底較鹹和肥，腩較「鬆散」；大利的湯牛味較遜，腩亦較「鞋」一些；還是覺得群記較啱口味。只可惜地點唔就腳，要山長水遠特登走入大埔...

為了一碗爽腩,就算穿州過省,也在所不惜.突然間想起大埔群記的爽腩,想吃,就去吃.於是拿住相機,iPOD等隨身物,跳上75X巴士去.下午兩點多,食客不多,可能是平日之關係.凳未坐暖就叫:"爽腩米!"很多人將其同九記相提並論,亦有人稱其之為"大埔九記".實在是有點不公平,群記的爽腩絕不下於前者,其腩位肥美稔熟,筋膜位極為爽口而不齦,下面的腩肉位,鬆化可口.肉味濃郁.湯底用牛骨煲成幾小時,每一啖也是來自牛骨的清香.回味無窮.欲罷不能,再來個牛鞭河,很少吃清湯牛鞭,硬係覺得用清湯去煮這個部位,會沒有味道.牛鞭口感極為爽脆,有嚼勁,亦很有肉味.而且還奉送牛睾丸,一石二鳥,真的抵吃.回程在75X上,之前清湯的回甘感覺,仍然留著.用這一招來令到食客對其出品夢牽魂繫,果然高招也.

獨個兒到大埔逛逛，目的是散下心，而且自己行行，都算悠然自得。散心是不夠的，所以試試好野食是不可或缺的，也可以趁這機會走熟附近地方，方便下次再來覓食啦！等了大約10分鐘就可以入去了。由點野食到野食上台都要10分鐘，其間發現服務不是差，是爽快和語氣重一點罷了，本人接受有餘。先喝口湯，頗重牛骨味，對味，怪不得單叫要$5。而河粉也吸了牛湯，煮得不太諗，都幾好架喇。主角爽腩，份量不少，有軟有爽又諗，幾種口感也各有千秋，當然，最令人回味是那肥美的油脂，就算是高膽固醇也要硬著頭皮放人口！對比起華姐，好上一倍。(又可能我上次去的水準麻麻吧...)一路吃一路也不捨得，因為實在太好味，令我回想起上年吃九記的滋味下午！但回憶可能是美好的，還是覺得九記好一點點。但這兒的已足夠令人回味了。邊寫邊想吃，絕對想Encore！

吃了豐盈而每有甘香與彈性的豬潤，及集油甘、膠質與軟腍肉質的爽腩後，買了碗半肥瘦返屋企。搭了一程車，清湯中的牛油開始凝固，除九記外，相信都無邊間情湯腩放在室溫下會產生這裡效果，翻熱來吃，清湯依舊的充滿著牛骨的鹹鮮，而半肥的腩，鬆化而滿有油甘，不費嚼勁便清理掉，質素較九記更好，當然湯就沒有九記般沉厚複雜，話晒九記是第一間做清湯，又做得做出色的。不理吃過，問那來的，故作神秘說是不能說的秘密，當然要找到答案唔難，畢竟好的清湯腩，除華姐、九記外，出色的清湯也無間幾做到，這裡絕對是本地創作的經典之一。

星期六的下午, 小弟想返大埔試試幾樣食物, 就等文迪放工之後一同到來. 第一站就係群記. 說到這裡曾經係文迪的主場, 但奇怪的係她竟然係未來過群記甚至未聽過群記的.一點幾來到, 似乎等係必然的. 雖然條龍有十幾人, 都係等了十幾分鐘就有位. 始終吃粉麵的流動係比較快的. 不吃牛的, 基本上不用來這裡了, 成個餐牌都係牛來的. 不想只係要爽腩, 就一坑腩一爽腩分吃.清湯坑腩河$26: 8分, 想要一碗坑腩, 同天后那邊對比一下. 這個坑腩未算好淋, 越食越覺得係牙部運動, 有一兩件真係幾難咬得開, 也係瘦肉部份比肥肉多, 當然吃落口係好有肉味的. 不過個湯底係好入味的, 單單喝個湯已經令人回味.清湯爽腩米$29: 8分, 其實等食時已經見到店方寫著近日物價上漲, 牛的質素會有影響. 心也涼了一截. 這個爽腩的瘦肉部份還是偏硬的, 不夠淋. 筋的位置就好肥美.清湯淨爽腩$60: 9分, 覺得水準未算好好, 心有不甘, 再要個淨爽腩試真點. 這個明顯係比之前個碗靚仔, 筋位比較多, 吃落口係肥美得來而不會太油. 個湯沒有比粉吸收了, 也可以盡情地去飲. 其實小弟係相當之欣賞這裡的湯, 濃郁,

其實之前未係太出名時去過，覺得真係幾正，簡直符合晒清湯腩既條件，碟頭比起安利，生記相差一大截，態度比起現在還可接受，但係今時今日．．．．．星期六２點幾去到，等了差不多半個先有位，成間舖頭ｄ人的嘴臉簡直好似唔想做，加價加得實在過份，廿分鐘才有得食，質數下降，清湯腩不再清，覺得湯底好味精，個粉底少得實在可憐，個人認為佢仍然比起好多食店好食，不過亦會因為佢地態度而唔再幫襯！

我一向喜歡吃清湯腩，奈何坊間肯去認真的製作此品的已不多。也在一些場合提過，最好的，數來數去也是三間。以湯底來說，九記的最好；若說牛腩本身的味道，就是這裡。是日本想吃豬手，但人太多，不想等，轉了來這裡吃爽腩，也不錯。都要等了一等才可以入座的，又再等了一等才可以落單。要了淨爽腩及淨牛舌各一，本來想吃牛面朱，但不應市，唯有下次再試。牛爽腩的品質是沒話好說，非常之好。炆得腍身，邊位很爽脆，中間的筋膜位極軟糯，而廋肉的部份也鬆軟有肉味，帶點肥脂的，味道甘香豐腴，美不羨仙，絕對是牛爽腩的示範之作。六十蚊一碗，大約十多件左右，件件也是靚貨，物有所值；牛舌也炆得軟腍，保留了香羶軟滑的口感，也很出色。不過比起牛爽腩，當然是望塵莫及。聽很多人說這裡的服務很差，我吃過幾次，也沒有這個感覺。也很奇怪，人人說九記或陸羽的招呼不好，我一樣也沒有如斯遭遇，可能好吃之徒，若遇真正美食，有時也會將就一點。不過平心而論，這裡的服務不能說是好，但也不算差，正正常常。連外賣一碗淨半肥腩，埋單166蚊，絕不便宜，但高水準，還是覺得物有所值的。也是我說的，有清湯爽腩的水準比這裡好的，請通知一聲，會立即去試。

群記清湯腩, 大埔大明里26號今天到此店一嘗清湯腩, 柯打了一碗清湯腩麵, 故名思義清湯腩, 湯底應是清徹味鮮美, 但可惜是湯底濃俗(味道還可)亦見肥膩並且傑撻撻, 麵質不爽帶林.真叫人失望. 地方陝窄,還有服務認真差,擺出一副不自在的模樣. 遲來先上岸,比我後來的五,六位食客的柯打比我還要早到.我呆坐差不多廿十分鐘才來我的久候清湯腩麵.抵食也說不上, 相比安利還差得遠呢!

已有一段時間沒有經過附近,踫上有點私事路經,口痕痕又試下.無幫趁一排,爽腩竟然加到$29一碗,我都打個'突',等於附近唔少食肆既一個lunch,不過既來之,則安之,睇下有無進步都好.老實講,呢度上至老板,下至打雜,個個都一副愛理不理樣,食慣服務人士最好唔好黎.爽腩始終是主打菜,筋膜位爽脆而唔韌,肉質亦炆得入口即散,湯底充斥牛味,濃得化不開,個人而言,比九記好得不知多少倍,粗麵底鹼水味輕清,添點辣椒油更正,見不少傻瓜在添醋,完全破壞了牛湯的質感,都唔知點講好.

雖然一點先開檔，但下午十二點幾己經排了一行長龍，等了差不多二十分鐘才有位。坐低叫了食品，發覺店員或老闆神情都好似好凝重，而大部份食客也靜靜地等，大家都好似好嚴肅認真嘅樣，自己食麵都係第一次有咁嘅feel。食品方面，叫咗淨牛根($48)，size算幾細，得一小碗，但炆得幾淋而牛嘅鮮味好濃，食得出係用料新鮮同俾心機煮。另外牛爽腩麵($29)，牛爽腩正，主要係用途好、新鮮同用足火候煮己經ok，湯亦飲得出用牛骨煲嘅，但麵係好幼身個隻，唔晒自己口味。自己都有食過出名嘅牛腩如華姐、安利、大利同九記，群記水準算唔錯，但未至於好過上面個幾間，不過價錢方面，個人覺得係新界地區嚟講算幾貴，但如果係鐘意食牛腩，我覺得都應該嚟一次試下。

呢間餐廳d伙記全部都係啞巴來的. 真的不知點解仲有咁多人幫襯, 入到去完全唔會有人理你,叫伙記寫野又無反應,間鋪計埋我地個檯都係得3檯客@ 隔左一陣有個木頭公仔突然行埋泥,當我地講完要兩碗野之後就行左去! 什麼的服務態度呢??牛腩又唔算特別好食,又貴, 總之唔抵食啦!! 試左一次就無下次。食完埋單走人,古古怪怪的一間餐廳-.-

都不是第一次遇上餐廳出左名後出現種種令人沮喪的情況，這次也不例外。由於腸胃不好，想吃湯粉麵的關係，來到群記。味道依舊是不錯的，但價錢已經飆升至$27，再看那隻細細的碗，雖說成本漲，但仍實在太不合理了。下午一時才開店，河粉或麵隨時提早沽清，爽腩亦然（但奇怪的是賣$54的爽腩會仍然有貸），再加上店員那種氣燄……如有有一日我發左達，食麵唔計較價錢，仲要係叫司機提早排隊買外賣的話，我諗群記係唔錯既；可惜我未發達。

早o係06年o個陣去食...星期六日都唔駛等位,就咁行入去就得~點知最近同媽媽再去...等位等到傻...仲耐過等元x同板x壽司。等左大約20分鐘左右..一坐低叫兩碗爽腩河...又要等...又等左10分鐘...有得食了...唔知係咪因為賣得7788...(大老o個陣先係下晝兩點幾)...得4-5塊極肥既爽腩....又冇牛味....唉...總之就係比以前差左...下次都係上返街市度食好過.......

上週末陪我家大少爺到上水打完高球，大少爺素知我前世同牛有仇，便帶我到大埔群記這間獨沽一味牛的店子，大開“食”戒。時約下午2時許，離遠已見到有條十幾人的人龍在門外守候，人雖多但幸運地只等了不用十分鐘便被安排入座。這兒雖是獨沽一味牛，但相對其他只賣牛腩的店子已是多些選擇，當天我們便叫了一碗淨爽腩併牛脷($58)、牛展粗麵($24)和牛面珠河($24) (跟粉麵是不設雙併的)。四款牛都很腍和充滿牛的濃香，但卻各有不同的口感：爽腩腍得來軟滑；牛展和牛面珠較爽身和有咬口；而牛脷則咸香中帶少許羶味。一次過試幾款咁好味的牛，雖然有d“滯”，但真係過足牛癮。以後除咗陪大少爺之外，終於都找到一個打波的推動力啦！

老實講群記最初O係大埔未咁出名時的確好好食,湯好好味食得出有HEART的,雖然等勁耐,D人超鈍...但日子一耐.勝利沖昏頭腦,食物質素直線下降,有人話好食有人話難食,其實毎人囗味都唔同,足唔足料,係唔係靚牛,有冇保持水準等等,店主自己最清楚....香港咁多人也許店主認為"你唔幫襯我又唔志在"加上人事管理不濟導至怨聲載道各種因素下....時間證明一切...!P.S. 1~為何很多食肆雖然食味一般但其門如市呢?因為服務好和食客有溝通.2~為何有些態度悪劣仍有人幫襯呢?因為確係好食.保持水準,對事物有一顆堅持的心.3~如不是以上兩者的話請早早拉閘吧,無謂辛苦自己呢!(既然咁唔願做)4~名人,明星只不過係錦上添花,佢地唔會日日嚟,真正嘅老細係我哋這些平民百姓(不要小看啊)5~以前雖然$17一碗但好好食但現在$24一碗係難食,山長水遠揸車入嚟亦唔點計較,如果保持當初的水準就算$30一碗都冇問題(因要付出時間,心機嘛)值得的!~完~