群記清湯腩 (已結業)

平時食開天后華姐，今次路過大埔，當然要會一會佢啦，最後得出以下結果。1. 群記既位迫過華姐2. 群記既河粉唔知係唔掂定係唔係我杯茶，唔滑之餘，又粗又un3. 群記有支裝可樂而華姐無4. 群記得"牛"食，唔似華姐有蘿蔔啊雲吞啊排骨啊咁多元化5. 群記既牛腩無雪味又新鮮又勁牛味，華姐既就差左兩皮了6. 價錢群記爽腩要加錢之餘整體都比華姐貴左幾蚊7. 最後講地點，群記當然唔夠華姐係地鐵附近咁方便啦

初到大埔返工，經同事介紹下到左呢間鋪度試佢招牌清湯腩。去到門口見到要排隊，同埋見到門口寫住逢星期日例休，仲估呢間野係咪真係咁好味。等左十幾分鐘終於入到去，睇完餐牌先知道呢間野真係只賣牛腩，其他魚旦雲吞欠奉，再望真d，一碗普通牛腩河最平都要26蚊，爽腩要29蚊，野飲另計。見同事都食爽腩，於是試試，點知.....個湯係幾好味，不過都幾咸.....牛腩一d都唔爽，只不過係"林"d河粉更加唔掂，口感極差，又厚又"鞋".....食完之後真係想反枱，因為一d都唔飽，而且一d都唔滿足埋單每人29蚊，仲要稍後去ok買野飲!

住喺大埔咁多年,一直都係佢嘅支持者,由佢細細間舖食到佢而家咁大間.(比以前大左成倍)價錢係貴左,但水準依舊>>>" 一流",暫時係我食過,全港最好食嘅清湯腩$26蚊,我個人覺得佢物有所值bor(爽腩加3蚊),喺餐廳食個五香牛腩河都收你廿蚊啦,咁另外果$6蚊咪當係加個咁正嘅湯囉!!!!!我次次打邊爐都會走黎買兩個湯黎打既....簡直可以話<湯濃腩正>,應該改名做"群記濃湯腩"先岩呀...有d人話佢d態度差,可能我係熟客啦,次次有傾有講,又唔多覺bor.咁講真串得起怕咩串d呀!講清湯腩,係九記同群記先可以比一比,其他都係一般

在大埔區居住的人，沒一個好食的人會不認識這家小店，它的出名之處就是那精心製作的清湯腩。一進店也不用多想，即說:爽腩伊一碗，唔該﹗這碗<<爽腩伊麵>>美味得無話可說，其味道以鮮味為主，整個麵跟材料的味道已混成一體。跟九記不同之處，九記湯底味濃，群記湯底則味鮮。兩家店的出品一樣出色﹔論到喜好，要視乎自己口味而定。而我，則傾向鮮味為主。此外，伊麵吸收了清湯的鮮味，有口感而不致過度軟身。這一碗爽腩伊麵，吃得既滿足又比預期更美味。試問能夠有此等感受的食物，類似的經歷真是寥寥可數，此時此刻，夫復何求﹗對了，這裡還有牛的各個部份可供選擇，可預見在將來會再來一趟的。

約下午二時到來，沒有上次的擁擠，可以坐得鬆動一些。今次試牛面珠伊麪，水準依然，湯味濃，配伊麪是一絕的。牛面珠肉質比牛腩更輭滑，有一點輭筋在內，但又不會太肥，是爽腩以外另一好味之選。最難得是老板娘的態度，可能是人潮過後，沒有那種緊逼的氣氛，轉而為服務殷勤兼有笑容，罕見是也...

某日突然想食牛腩.... 於是打俾住大埔既女友... 扮晒野話想見佢 ... MISSION SUCCESS !!! 星期六的下午2個人叫左一個淨爽腩... 一個牛腩河６Ｘ蚊既淨爽腩異常細碗................不過食完絕對係覺得物有所值每件爽腩都真係好爽... 又夠肥美... 稔滑... 入口絕對鬆化.......... :9而佢個湯底都好香... 應該係煲左好耐個D黎 xdd(不過飲完會有少少口渴.......)相對地牛腩河有點平庸更有點覺得牛腩既牛味太濃 (?!)... 好難入口河粉好"san"...　湯底亦無淨爽腩的咁清咁甜........... 成日同女友經過呢度都會見到佢貼出黎話爽腩河賣晒... 得番淨爽腩...唔通佢淨送既同跟河粉面既... 用既料係唔同既 ? _ ?真係不得而知..................由order到食完前後不過15分鐘門口已經大排長龍........Omg.................. 好跨張 ... !!!　

今日行過, 本來想隊個爽腩米, 點知同之前d 食評一樣得淨食.... 個心以經有少少不爽.... 又唔好意思行返出去, 咪鼓起勇氣, 食下牛鞭~~ 食落, 第一個感覺又唔差得過爽腩喎~~ 而且都算多料, 條鞭夠晒爽口.... 同場加映既波子(我諗大家明我講乜架啦), 有清湯既牛味得黎又不失佢自己作為果個部位本身既味道, 入口溶化~ 唔錯~ 米粉都算幾多, 29蚊算抵啦~~如果大家唔想咁貴食淨爽腩, 又想食得happy d 既話, 可以試下牛鞭

知道群記清湯腩好味好耐了,但每次出大埔壚一係食咗第二d 野,一係揾唔倒群記的位置,今次比我行行吓,忽然見到一間不顯眼的舖頭仔,抬頭望一望,原來就係群記,啱啱又想食野,訧豪不考慮入去試咗清湯腩河,牛腩好腍,好少肥肉,湯亦不太濃,我仲一改平時習慣,歛晒D湯,飲時好好味,但之後都有D口渴,但可以接受$26 都幾貴,但偶然一次訧算試過啦如果D河粉多番D訧好

星期四晚放工, 返到屋企附近週圍搵食, 輾轉嚟到群記門口, 見入面難得有位, 牛腩癮又開始發作......住咗大埔四年有多, 今次係第二次幫襯(之前黎親都閂咗門), 二話不說, 即刻落order整番個爽腩河, 不過阿姐都係答番嗰句"爽腩得番淨食, 河粉賣哂!", 個個黎親都係呢句, 其實係咪應該將爽腩河喺餐牌上刪除呢?! 有淨食但又唔俾人跟粉面, 玩哂野......退而求其次, 叫咗個肥腩米(心諗再冇我就走, 好彩有). 冇乜人, 但厨房都好似好忙咁, 等咗十分鐘, 終於黎到.肥腩比想像中肥(六成肥, 四成瘦), 不過我接受到, 而且都幾爽口, 米粉一般貨色. 最鐘意都係個湯底夠濃, 好重肉味, 帶少少酸(唔知係咪落咗唶去炆, 定香料味), 有食九記o既感覺(但"師父"比九記多, 九記食完係唔會頸渴), 我最後連湯都飲埋, 好滿足. 廿六蚊一碗, 簡唔中食, 唔貴丫~

住西貢的妹妹和老公假日入大埔,因為睇過蔡lan在專欄極力推薦,所以指明要試群記.去到唔使等位,但舖頭真係好細,四個人坐一張細圓枱(一邊貼牆),十幾分鐘坐到腰都硬埋.阿妹諗都唔諗就叫咗$29一碗爽腩河,份量細....都算啦,油淋淋咁,唔知係咪未夠火候,筋膜部份要趙好耐,至於妹夫碗牛腩河水準普通到唔普通,丁咁die碗,都唔明點都夠膽收人$26.我兩公婆立定主意淨飲可樂,費事激氣.失望是必然的,但呢個世界徧徧有人唔邪

見飲食男女成日推介所以閒日下午特登去試叫左爽腩河, 湯唔清好油但有牛味, 爽腩唔爽，重要無物人都要等10-15分鐘先有得食。都幾失望，下次去開大埔再試下牛面珠睇下有無驚喜

下午下着滂沱大雨，我们还是去了大埔，吃群记清汤牛腩。清汤牛腩好吃，牛腩有新鲜牛肉味，爽口，汤的味道刚好，是上品，可是价钱比普通贵两倍，而他最有名的爽腩，要60元一小碗，超贵！

小弟住係大埔，平時都會係大埔區內食牛腩，通常都只會去"蔡潤記"，雖然好多人話佢超"串"，而且亦有人話佢"十女幾蚊，咁細碗"，咁如果想食大碗亦可以去"新蔡潤記"，但小弟既個人口味比較鍾意"蔡潤記"多D。因喜歡食味濃野。但係你知啦，成日食，點都會有些少想試吓新野，於是就搵吓大埔仲有冇D好野，直至早排上唻呢度搵到呢間"群記"，於是就搵個星期日來試吓，係未唻之前已經知道呢度係食清湯腩，同"蔡潤記"既牛腩唔同，之前我亦食過"大利"及"華姐"，"九記"亦係常客，我唔敢話私係食家，但牛腩係小弟既至愛，如果係好野，不論價錢有幾貴，招呼有幾差都一定照去，要去到你記得我，由招呼唔好食好當你熟客咁看待，以前剛剛去"蔡潤記"同依家去根本兩回事，樓面落單個男人都認得我。言歸正傳，果日星期日同我女人一去到，例行公事"等"，等咗15分鐘，入到去坐係右手邊，即係收銀果邊，第二張枱(最近廁所果張)，都明知道全世界D好生意既舖頭都係咁"串"，已經預咗，呢間都唔例外。睇完餐牌後我同我女人都想叫"爽腩河"，因最出名，諗住叫之際旁邊張枱叫先，佢地都係食"爽腩河"，個樓面阿姐話:"爽腩得番淨食!"我地聽到後就以為太好賣，唔夠賣，

If you love the beef belly at Gou Kei-central, try this from Taipo, you're guaranteed for a return to try the other varieites.Not only beef belly is available, which is tender and soft and chewy, its menu surprises you more, tried the face part and OMGGG...it simply melts in your throat regardless of its tenderness,plus no SMN added to the soup, it's got all the essence from the juicy beef plus the noodle (I got the thinnly sliced noodle) which's unlike the usual one you got, it's cooked 'al den

一路上openrice都見都好多網友都話呢間野好正, 而且仲話阿麟同阿B都去幫襯過,終於上星期六的起心肝同男朋友仔專程入去試下(因為男朋友係牛腩痴, 佢都好贊成)去到舊墟, 間舖都吾係太難搵, 不過其實間舖都吾係話好太, 而且都係一般街坊FEEL,我地叫左牛面珠米粉, 牛脷河, 同牛爽腩淨食嘩, 一黎碗牛爽腩淨食, 嚇左我地一跳, 甘細碗要成六十銀, 佢個SIZE係白飯碗甘大既碗仔, 貴得太誇張啦!!!!不過食落又真係幾好食既, 不過值吾值又係一回事囉跟住我地叫個兩碗粉都黎左, 我個碗牛面珠, 啲肉係好好深色的, 不過一咬落去, 真係淋到不得了, 啲肉裡面有少少筋, 又滑喎, 個湯仲一流, 初時見到啲顏色, 以為會好淡, 點知飲一啖, 即刻成個口都係濃濃的牛味, 非常正, 難怪佢地要買5蚊碗淨湯, 粉麵無得加湯, 幾巴閉!!我男朋友個牛脷仲不得了, 啲質地又幼細又滑, 軟綿綿, 佢仲要每舊都係比最靚既舌尖部位你, 真係食到吾停口, 總括黎講, 啲野食真係好好味, 我一定會再黎, 同埋會帶埋媽咪黎試下!!