緣聚西日餐廳 (西裕街) (已結業)

估唔到今時今日旺角區既放題又貴又唔好食,反而元朗有抵食放題今日黎到緣聚西日放題,開頭睇個名以為係D麻麻地既放題,估唔到又唔錯WO開頭有2支特飲,味道幾特別,不過都係留肚食野好D長腳蟹蟹肉好新鮮,肉貿好滑刺身整體都好新鮮,三文魚好夠味,吞拿灸充普普通通,不過放題黎講算唔錯立魚幾新鮮,味道唔錯估唔到依度既價錢都食到新鮮刺身火炎三文魚幾香,飯團夠實,好穩陣蟹粥都唔錯,幾香幾滑,份量岩岩好而且夠曬熱,可以暖肚呀

第一次打食評😂認真講個句唔知好定唔好啱啱嚟到嗰陣見到個門口當然就直接入咗去啦之後系門口就聽到有人講嘢話有兩個傻_入咗去我心諗唔係話我地呀？，不過都算啦，不予置評之後入到去有位女同事迎接我哋服務態度同樓上真係差好遠同我地解釋返個價錢食幾耐甘我地無預約既原來早一天訂枱系有個9折當時得兩個人，無生日優惠，咁我哋都接受貴少少都無乜所謂朋友生日無計加左78就任食生蠔最衰當時電話無電，就影唔到好多野食相但我同朋友都覺得刺身唔差幾好食仲幾新鮮添我就覺得手打漢堡最好食啲生蠔好新鮮好正👍🏻👍🏻仲有好多野食都好好食仲有得食火鍋值得一試個芝士同牛奶雪糕必食出邊仲有自助飲品同埋自助甜品有很多款式埋單嗰陣個女同事話做返個九折俾我哋見我朋友生日， 佢服務態度超級好值得一讚最緊要朋友食得開心

這晚又和朋去左平時成曰去既元朗缘聚西曰餐廰食放題,今晚既蠔特别新鮮,長腳蟹更不用多講,全店最好食 刺身亦係我最愛,超新鮮,賣相又吸引,食幾round 都唔够帶子,甜蝦,尤魚樣樣有,款式超多,三百多元食乜都有,超底食,最緊要新鮮除左刺身,還扒類,也有火煱類,叫左兩件羊扒,肉汁豐富,能比美高級餐廳質數無論生食或熟食質數都出色真的又底食又好食難怪每次去都人山人海,如唔想等位,book 位先去比較好

很久沒吃放題了，今晚相約朋友到元朗吃放題，西日餐廳，食物選擇當然有西式有日式，挺豐富的門面小小，但也挺華麗似的。入座登記處列明了價錢和食物種類內裡的裝飾很有街頭風味入座時送的果汁。放題必點的各種刺身，挺新鮮，保持了冷温。火焰壽司是熱食，辣味雞尖十分入味。忍不住瘋狂點雞尖黃金燒蠔和蒜香燒蠔。日式炒辣蜆，挺辣的肉醬焗薯蓉，滿佈芝士特色食物榴槤炸彈。我們選了蠔加蟹任食，加$88有很特別的雪糕焦糖芝士雪糕和焦糖3.6牛乳雪糕。甜品、飲品的選擇也很多食物選擇豐富

第一次光顧緣聚，經團購購買餐券到緣聚吃任食任飲放題午餐。餐廳位置近西裕街遊樂場，其實該店門口入口好不起眼。11:30進入餐廳後, 店內仍未有太多食客，服務員也任由我們找位子，餐廳內環境尚算清潔和燈光柔和，有懷舊飾品擺設。坐在鄰座的食客是操國語的內地人，說話超大聲，好嘈。落order後，也好快送上食物，而且一件不漏，可以正常程序再繼續加單。我最喜歡吃火焰的壽司，火力恰好，飯又不冷。三文魚鲛又不太油和腥。刺身，感到好細件好冷凍，吞拿魚又多筋。甜品款式的選擇並不多，出去冰箱拿了小杯啫喱和藍莓芝士餅，味道也ok。百福豆腐花真的沒興趣拿了。落order的焦糖甜品雪糕因雪到好硬，不知是什麼味道了。

未搬之前幫襯過，價錢可以接受，係抵食嘅，但今次幫襯完就真係唔會有下次鳥。擺咁多淘寶裝飾品都算，當係品味一般，但香港餐廳擺啲簡體字嘢喺道，又冇令個環境靚咗，好費解甜蝦同帶子都好食，三文魚同魷魚不過不失，冇提嘅刺身可以省略。雖然食得放題都已經切換咗心態，唔係用去食高級壽司店嘅心態去食，但都係below average大伏，見到呑拿魚刺身有一撻撻粉彩咁嘅色斑，實物隻色亦紅得好假，連齋呑拿魚（如有）像真度都分分鐘高過佢，於是即刻停手燒三文魚頭死鹹唔鮮，而且腥臭，食唔落去，另外鯖魚都幾難食，衰過吉野家，但驚喜嘅係燒蠔真係有隻蠔。蠔可蠔，則非常蠔，3cm長左右，算係唔錯壽司非常一般，飯係凍，而且唔甜，有啲反胃，係得黑松露三文魚比較突出，值得一讚係和牛韌到鞋皮咁，適合對牛肉零要求人士卷物入面加州卷最擺得入口，炸蝦卷炸蠔卷個餡都係炸定，唔暖都算，重竟然係凍冰冰近乎雪糕嘅溫度嘅，不得了天婦羅冇影到，但炸粉厚薄適中，不論蝦定南瓜蕃薯都食得過。最後嗌埋芝士同牛奶雪糕，都尚算好食，只係太冇心機去再食其他嘢。整體真係好頹，一心食放題想高興吓結果敗興而歸，好灰心嘅呢。

放假唔知食乜好, 隨便上openrice search 元朗放題，便找到5-6間日本放題, 為何屯門一間都沒有? 揀了排頭位的緣聚西日餐廳 , 放得最高我估應該有原因, 是開得最耐最多食評?  這間我未吃過，其實日本放題我吃過不多, 只吃過大喜屋和藍田的富田和食亭, 都是大堆頭的刺身加熟食, 印像不錯, 十分合我這種熟食吃得不多,主力刺身甜品,  但樣樣都想試, 見到openrice 有它的午市任食放題85折! 更加即時決定去吃!食放題/buffet 我其實不太喜歡夜晚食, 一來貴成倍(至少貴100) 野食又唔見多好多, 自己食又食唔到咁多, 夜食又難消化, 唔係為咗就朋友聚會真是不會如此揀! 決定了便出發了, 靠google map 查到由豐年路站落, 都要找一下才找到, 位置於元朗嘉城廣場後巷，去到發覺其實康樂路落更近!一來到, 太早了, 沒有多少人, 便行飲品櫃,甜品櫃雪糕櫃, 揀了隻宋中基仳立言的mango 啤, 不錯第一轉刺身，刺身都有十幾款，樣樣都試: 三文魚、吞拿魚、立魚、鮑魚片、大甜蝦、八爪魚、魷魚、紅螺片、馬刀貝、鮮帶子刺身,帶子都好鮮甜，係細D, 幾乎切片來計件數,

如果想食放題，通常都要出旺角或者尖沙咀，新界地區比較少有，老婆SEARCH 到元朗居然有放題，咁近屋企，梗係要試一試！因為星期日晚，唔想搞到咁夜，所以BOOK左緣聚 6：15呢個時段，早D 食，早D 消化。進入就餐區域前，需要落一條長長樓梯。早左去，唔算好多人。一望D 放題紙，一目了然，分類清淅。隨左一般餐點，餐廳還搞搞新意思，還特設特色推介和季節限定的食物。第一時間，先選刺身，選擇都算多，忍唔住每樣刺身都點來試。個人超喜歡吃三文魚，味道新鮮，而且完全無漏單，唔似市區的放題店，通常點的數目和實際來的都有D 分別。炸物亦好快上枱，芝士蝦丸細細粒，一啖一粒，唔會好“漏”，可以多食幾粒。老婆話柑桔水酸酸地，食放題有助消滯。我就飲左奶茶，奶味較重，其實仲有好多韓式和港式罐裝和盒裝飲品可以自己去飲品櫃選，連維他奶都有，真係照顧到一家大細的需要。壽司系列都唔錯，試左幾款火炙系列，都好好味，不過唔敢食咁多，留肚試多幾款唔同的食物。呢度另一個特色就係火鍋放題，有好多蔬菜可以選，湯底都有4款咁多，第一次見有黑蒜油，梗係要試一試，嘩，好香的黑蒜油味，如果鐘意黑蒜油的朋友，唔好錯過！老婆非常“好”榴槤食品，

其實本來已經沒什麼寄望，不過有人吹雞就去參與一下。不出所料，食物都相當粗劣。刺身有渣，蠔超細，叉燒拉麵只有一塊叉燒。回家後非常口乾，表示味精甚重。服務員態度就是事事旦旦，目無表情那種。最緊張就是提醒你就快夠鐘要埋單⋯⋯

第一次寫食評就係依間，因為真係好x差！唔想大家比人呃！服務真係好差，係咁比個女侍應鬧，佢咩事？廿幾歲就有更年期？羊架唔好嗌，本身我地都食到羊 ，但唔係so咁簡單。辣椒蜆d辣椒漿多到好似淨係食漿咁。其他都無咩特別。唯一係壽司幾好食，不過淨係食壽司我就去元氣啦！總括黎講呢間野服務特差，野食一般，真係無第二次。但係唔明點解又咁多好評？二百幾蚊大把選擇唔洗去你果間仲要受氣啦

家人為我慶祝生日，選了元朗食放題，這間我也吃過，感覺不算差，某部分還是特別，就只若以元朗區價位來說是不便宜的放題，畢竟價錢比某些旺區的放題還要貴一點這個位置於元朗嘉城廣場後巷，大排檔的側旁，這條巷的另一端有間泰國菜也是我和家人常吃的，不過有機會再寫為同樣是12月生日的爸爸慶祝而去的新泰國餐廳，一樣好吃但更便宜！我們是9點前入座，假日是238加一就261一位，實在算不上便宜不過這間放題一入座就馬上送上人頭數量特式飲品，上次是骷髏頭試瓶，這次是試管。我是右下角的紅色，是像巨蜂提子味。當然愛喝啤酒的媽媽馬上拿來一罐啤，讓我發現有宋老公代言的Hite😍還是芒果味！我想應該不是每一間都有提供這類啤酒，多是普通平價啤，這也是驚喜之處然後來的都不外乎刺身、壽司、雞肉串、雞軟骨、炸波波之類刺身跟一般放題差不多，都算新鮮肥美，魚油香就不太吃得到。然而這裡有羊扒、澳洲西冷、龍脷柳之類這裡有四位嗜牛，雖然一致認為牛扒一般，而且醬汁太多，牛味不算重，但我覺得好的是沒太多筋與肥膏，肉質也算軟林，屬於可接受但不能挑骨頭的水準台灣腸比一般長，但有點微辣，但一樣甜甜的。焗蠔有蒜焗與芝士焗兩款，大家對焗蠔的口味都不一，

去完嘉年華會，D細路話想食放題啦！時間關係趕唔切食中午，咁為食晚上囉。老公介紹咗一間叫＂緣聚嘅放題。佢話好好味，咁咪去試吓囉。一家吾口3個細路，計人頭都諗住消費＄800樓下，點知細路岩岩過1米多DD，話收小童價，跟住又話第二仔要收成人價😳。我＂吓＂咗出黎😡我話佢得10歲喎，點解要收成人價。 佢就話高過1.4米就要收成人價。嘩！我＂妖＂咗出嚟。講真~2條細路食得機多呀！總共消費1221元。離開嘅時候我覺得係完全唔抵食。好似俾人搵笨。我自己單叫都唔使食過千。但係啲嘢食都係好食嘅。好似榴槤炸物咁，如果你系食榴摙嘅一定吾好錯過，真係勁好味和牛排夠晒林啤啤，剌身吾係叫好多，都係新鮮嘅。服務嘅態度都係一般。都係果句啦！唔會再去幫襯，亦都唔會推介比人。

相約好友聚會，選擇了元朗的緣聚西日餐廳，是第二次前去，知道她的放題品種多，除了刺身用料新鮮外，較難得是熱葷也相當具水準，加八十八元還可任食生蠔和松葉蟹，可惜有兩位朋友不嗜此物，只好放棄了order 紙整齊有序地擺放著先來四小杯夢幻特飲都是甜甜酸酸的味道，純粹視覺享受。刺身是我們的至愛用目測巳感受到其新鮮度，帶子用檸檬片分隔而上，頗為細心天婦羅掦物也是這裏的首選，脆漿做得毫不油膩，尤其是炸蝦爽彈無比燒生蠔焗得焦香，加了點沙律醬豐富了味道炸榴槤好此物者必吃之選，即時製作，酥脆外皮裹著榴槤肉，喜愛的朋友就知道有多美味飲品除了奶茶、檸檬茶等還有梅酒供應推介這款韓國芒果啤酒味道有點像萄葡汽酒，可口又味美，雪櫃還有很多甜點選擇，就是嘴巴太忙了，沒有影存下來。

訂了位9位大人一位小朋友在7點，這個尷尬時段；唯獨這間餐廳抵讚，可供我們7時開始入座。其他放題餐廳會要求6點半抑或是8時半後入座。美中不足的是餐廳並沒有提供bb chair,所以如果有手抱嬰兒的，要想清楚。座位尚算寬敞，有足夠空間容納多人聚餐。餐廳送了每人一枝果汁放在test tube容器，用一個💀放著果汁sss,加了彩色燈，有驚喜。Sashimi 款式都算可以，食落新鮮，其他芝士焗蠔值得食，整體都合理好食

妹妹今天日放假，所以決定跟她出去吃頓好的。其實我都忘記了這天原來是萬聖節，不過好彩去到【緣聚】的時候還有枱給我們。緣聚的位置比較難找，是在元朗嘉城商場後面的小巷內，不過如果你走對了路，就會好快見到有個大而光猛的招牌，寫著【緣聚】。【緣】是在金福閣的地庫，要走下一層樓梯才會到餐廳。坐下後，職員隨即端上一杯玩味十足的飲品，並告訴我們這個是附送的。頭骨形狀的杯身不停在閃著，發出不同顏色的光。上有兩支試管，內盛著綠色和紅色的飲品，雖然飲不出來是什麼，但挺好飲的。全晚那個杯就不停在閃著，看那發光的頭髗，好有趣。之後我們就忙著點食物，點餐紙都有十幾張，食物種類連接百款，真的目不睱給。有刺身、壽司、天婦羅／炸物、手卷、小食／沙律、扒類、和食，串燒、大量甜品和飲品。先來幾隻時令生蠔。生蠔大大隻，有手掌大，非常肥美新鮮，入口甘甜，水份充足，配上檸檬汁一流。估不到那麼新鮮的生蠔是可以任食的，完全沒有限制。【如果想任食生蠔和松葉蟹，只需另加＄58】十月優惠松葉蟹都是任食的，大大隻蟹腳，肥滾滾的足身，肉質彈身有咬感，味道鮮甜味美，不來一回十隻八隻真的會後悔呢。【如果想任食生蠔和松葉蟹，只需另加＄58】十月優惠