緣聚西日餐廳 (西裕街) (已結業)

放題食刺食燒食呢d好基本，但係有得食生蠔既，真係太少！為左食生蠔，可以去到幾盡？今次特登入元朗，盡情食！ 地方頗有american street style，比起一般日本餐廳式裝潢，更顯個性。Welcome drinks坐底無耐，餐廳送上兩杯welcome drinks俾我地 Container外型特別，不失霸氣；加入乾冰營造煙霧特效，別居特色。左為雜果賓治，右為荔枝梳打，味道不錯，夏天時飲一杯梳打，即刻令人有爽涼消暑感覺 生蠔、松葉蟹腳野食準備時間唔算耐，生蠔同長腳蟹都幾快就黎到 上台時，會同時俾埋茄汁。而我更喜歡食生蠔時配tabasco，另外request的話，餐廳都會提供 生蠔都幾大隻！creamy，海水味亦足夠，加上檸檬汁同tabasco蓋過我唔太喜歡既腥味，格外好味易入口。以任食黎講，水準算係唔差！松葉蟹腳同樣唔錯。餐廳會提供特殊較剪，用黎拆蟹腳 蟹肉冰凍又鮮甜，係另一樣消夏欣物 刺身是日放題第二重點：刺身！刺身水準十分令人滿意，三文魚、甜蝦、帶子，我最鍾意食就係呢三款刺身！份量點幾多黎幾多，無俾人cut單，刺身們鮮甜爽口，足以顯示其新鮮程度 炸物 炸物之中

老友生曰,大家都住元朗,所以揾左間就腳地方食自助餐,其實為自己而設的,我最鍾意食曰本野去到餐廳門口,竟然要排隊,等候左大約十五分鍾,我地沿住樓梯落到地牢,第一感覺有小小似格鬥場feel…坐低待應第一時間送上welcome drink,成杯野冒煙,幾得意，飲左兩啖,唔岩口味,太甜,我最怕就係甜…我係一個蠔怪,當然第一時點左半打生蠔,味道可以,比起蠔吧的當然差得遠,再叫長腳蟹,呢個蟹要讚下,好鮮甜,二百幾蚊嘅自助餐生蠔長腳腳蟹任食，叫一次已經值回票價…我地再叫其他刺身，味道都好新鮮…款式都好多選擇,各式各樣西式曰式乜都有,再叫一個羊扒,肉好嫩,呢一餐好滿足…刺身好新鮮長腳蟹必食推介

元朗沒有酒店，沒有很高質素的自助餐選擇, 有很多林林總總的放題店，但Together 是我唯一一間不停encore 的放題食店. 因為佢種類很多，質素亦保持水平。魚生刺身類別和其他中上水平的放題差不多，熟食都是，不是特別好吃，但都ok ....但他們的凍奶茶很好飲，飲品和甜品種類非常之多! 他們還有得打邊爐!!!!! 爸媽最喜歡這裡，因為乜都有得食!!! 近日更加經常心思思成日想去，因為以放題價錢只要加68, 就有任食生蠔和松葉蟹腳!!!!!! 最難得的是，每一次去.... 生蠔和蟹腳的質素，同樣保持水平! 生蠔超creamy 和肥美，松葉蟹腳亦十分甜!我等一次試的時候，真的沒有想過放題蠔可以咁好味!!!!! 咁食法，(有openrice coupon)都係$250, 抵到爛,老實說，我每次去都問自己，點解佢D蠔可以咁好食，又做到咁大眾化嘅價錢呢..... ? 

一次過想食多款日本菜, 放題就最能滿足到我的要求了，上openrice 找找看，縁聚西日餐廳價錢相宜，食物選擇多，一於試試o餐廳地方都算大，有卡位，有私人房間，給人舒適嘅感覺, 設計方面與大部分日本放題餐廳大同小異, 不過有些擺設頗具心思o等野食其間就去拎飲品, 兩個大凍櫃, 選擇十分多, ,總有一款啱飲, 這裡有我最鍾意既忌廉溝鮮奶o食物方面，吃日式放題，當然少不了刺身，各款刺身雖不算頂級新鮮，質素也不能與高級日本料理店中的靚貨相比，都算過得去，吃來感覺尚好, 特別喜歡, 三文魚都幾肥美；長腳蟹腳及海蝦大大隻，好多肉o壽司方面，舊飯都係細細舊，一啖一舊，唔怕飽，可以試多唔同野食o燒物倒是不錯的，「芝士燒蠔」和「香蒜大蝦」做得十分好，而我最喜歡，也覺得最好吃的，是「澳洲西冷扒」, 調味及烹調得剛剛好o炸物方面, 虎蝦天婦羅很香脆可口,  迷你番薯仔也不錯。芝士年糕, 不會油膩膩的，炸粉薄薄的，非常好吃o 但我最愛的是「芝士蝦丸」及「炸雞翼」o 「芝士蝦丸」的蝦肉, 爽口彈牙, 中間的芝士非常正, 芝士迷必食!「炸雞翼」炸得外層十分酥脆, 但雞肉仍能保持肉質嫩滑, 真的是外脆內軟o最驚喜

今日一班朋友話團聚下，就黎到呢間有得任食生蠔既試下，不過生蠔同長腳蟹腳要升級，每人要另加$78，我地都升級晒，我地8:00pm入坐$218一位，甘加埋升級$296，都接受到。野食方面刺身夠新鮮，炸物上台都系脆的，上野食又快手！

見有唔少正評 同朋友都一直心思思 等放假去食今晚試過之後 唔明正評係點比自問要求唔高 味道正常就算第一次食到咁難食既野入到去環境係幾靚 坐得幾舒服每人送左杯野飲 味道普通跟住拿拿林寫野食 送餐速度ok既刺身係正常 入到口 壽司方面 火灸帶子壽司幾好食 到串燒 係真。中伏翠肉瓜乾哂 仲有怪味燒蠔麻麻地 唔會再試雞軟骨串 正常印度咖哩薄餅 d咖哩得少少 食落外脆內綿 暖暖地西冷扒得兩隻手指咁大到 燒到焦 硬 放唔落口芝士蝦丸 有蝦味冇芝士 而我朋友就食到芝士 （可能我唔好彩）大蝦天婦羅 叫做放得落口 都係麻麻地泰式蝦餅 唔差既 食半件的話 食哂覺得好咸雞翼好乾 好多野食送到黎都只係暖暖地 唔係熱食得慢就好快變凍哂整體幾失望 環境咁好 但食物就好多都係伏 有點浪費

今天我同男朋友行行下街，發現原來緣聚搬咗去千色後面，仲要係地庫，好似好神秘咁。上次食過，覺得食物、服務同環境都OK，所以我們決定試吓搬咗後會唔會更好啲。一入到去我見到裝修同舊店完全唔同，好有居酒屋feel，又帶點韓風。比較親民啲。面積感覺都大啲，最好就係安排我們坐卡位，坐得好舒服，唔使迫！呢度仲有個corner位放飲品、甜品，完全係自助形式，有好多款韓國飲品同人氣雪條揀，任拎。一坐低無耐，侍應就送上咗兩杯welcome drink, 一杯係fruit punch; 另一杯係荔枝梳打。呢兩杯飲品都夠特別，有乾冰冒晒煙咁，上台時好吸睛，侍應仲溫馨提點要啲煙無咗先好飲，以免整傷個咀。而飲品味道都尚可，唔太甜！好吧！開動叫野食！呢度食物選擇有好多，平時有嘅刺身、壽司、串燒梗係有，加錢仲可以嘆到松葉蟹，呢長蟹腳被冰陣住，幾有蟹味，仲可以無限order。另外仲有火鍋可以叫，啱一大班人嚟食！我地揀咗幾款壽司、卷物，呢兩樣係必點！最喜歡食個火焰芝士蝦反卷，芝士有微微嘅燒焦味，加上炸蝦個皮唔太厚，蝦肉都夠實，幾好味！而壽司又唔會好大件，有時擔心太大件，飯又多，根本食唔到其他野食。啲飯仲係暖，唔會因為係放

朋友生日大日子，可以同時吃到不同種類的食物，非放題莫屬。這晚便與朋友選擇來到這裡慶祝一番。這裡位置較為隱蔽，本以為是在主要街道旁，要細心留意原來在後橫巷內，幸得有這燈牌提示才知道。地面門口位置只佔少少一個位置，下幾層才知道餐廳位置頗大。餐廳佈置成充滿歐式街頭似的，看出餐廳有顯心思。坐下後不久，侍應自動為我們送上不斷冒煙的飲品。但同時提醒我們要待煙霧完全消散下才能喝。飲品為雜果賓治及荔枝味，就這樣正式展開今晚放題。數一數原來有13款下單紙，不同種類款式均有提供，來到放題都是務求每一款也想試。先來點輕量的，刺身當然是首選。與朋友點了三文魚、甜蛋、帶子、甜蝦、八爪魚。以放題來說，這裡三文魚肥美鮮甜，還以為是薄薄一片，反邢相當有分量，其他刺身水準也都合乎預期。蟹籽沙律青瓜絲清甜，若蟹籽份量能夠多一點會更好。點了刺身，當然壽司是少不了需要點的。點了虎蝦壽司、火焰蟹條、火焰黑松露帶子。芝士面鋪上微量蟹籽，看得出只是輕微用火槍燒過，內裡炸蝦卷爽脆，忍不住再點多幾客。虎蝦壽司份量比較小型，飯量不會很多，能一口吃掉。在外放題不覺得有這款火焰黑松露帶子壽司，小小黑松露混和帶子一起吃，感覺特別。每次放題也是

依到既放題，最特別有2樣野1️⃣有得鋸扒🐮有羊扒同西冷扒🙊但就吾係好大塊，味道都好一般，肉質太淋了2️⃣甜品櫃同飲品櫃頗多選擇🙊有蜜瓜奶😍另外仲有豆腐花，芒果布甸，最得意係有雪條😂大腳板同果味雪條3️⃣另外當然有刺身，炸物，壽司，串燒依D基本野👅但味道就好一般😅感覺比以前差了，性價比不高

今晚黎到元朗行街 晚餐時段想趁星期日晚上好好放鬆一下同大吃大喝一番，所以到了呢間緣聚西日放題餐廳吃了個放題晚餐。要沿著樓梯到地庫餐廳用餐餐廳內裝修都很精緻，有卡位座，適合一夥朋友們團聚暢飲一番餐廳內食物種類很多 有壽司，卷物，手卷，刺身，扒類，食事，天婦羅，炸物，串燒，燒物，小食，沙律，甜品，飲品，仲有火鍋。。好少西日放題內仲可以打埋邊爐 真是滿足曬我又貪心又樣樣想試少少既大胃壽司，刺身類當然是必食啦壽司款式好多，而且細細舊，一口一件不但可以食多d款式，而且件件都好好味最欣賞是火炙壽司香香濃濃既魚油及厚厚的魚配上合適的汁放進口後口感好豐富刺身都不錯，食放題當然一定要試試啦除外，加78蚊一位仲可以任食生蠔同松葉蟹生蠔肥美及鮮甜餐廳仲配上剪刀比我地食松葉蟹，蟹好甜好鮮，鮮味係手指尖中，回味無窮雞軟骨串vs雞肉串雞軟骨外層脆卜卜，好好咬口雞肉醬汁甜甜的，雞肉juicy天婦羅及炸物都熱辣辣，脆卜卜雞翼好好味，皮脆內嫩，雖然經過炸，但完全冇令雞肉汁流失，雞肉汁完全封鎖係皮內芝心蝦丸外層脆卜卜，內部有蝦膠而且包住大量熱溶既芝士，可以做到拉芝士絲架流心芝士通粉，完全有驚喜外表似一塊平平無奇既炸物。。

雖然五月初已吃過放題, 但心癢癢想再吃餐過, 借同事生日做藉口, 又可以放縱一番 o 有同事提議入元朗食, 雖然有點遠但為左食好野, 遠就遠啦!今次嘅主角係緣聚西日餐廳, 聽個名真係估唔到係食放題, 我地由佐敦坐小巴入元朗, 只係四十五分鐘就到達, 係總站落車行約十多分鐘左右就到餐廳啦, 估唔到咁快!到達時間大約七點十五分吧, 已經有十數人在等候, 雖然已訂位, 但仍然要等上一時段完結才可入坐, 我們只等了十五分鐘便可入內, 原來餐廳是設於地庫, 所以地方很大很寬敞, 店內佈置極具特色, 有很多各式各樣的擺設, 燈光柔和, 坐位也很舒適 o點餐紙分13款種類, 有刺身, 壽司, 天婦羅/揚物, 手卷/卷物, 沙律/小食, 燒物/串燒, 食事, 西日扒類, 西日式類, 燒物, 火鍋配料, 甜品 , 飲品o 除了點餐紙外, 還有飲品及甜品自助Bar, 真係好多好多選擇o 我們還額外加$78任食長腳蟹及生蠔, 不過原來我地四個無一個係鍾意食生蠔, 所以只係食長腳蟹, 其實有點浪費了o我們忙於點食物時, 待應生為我們奉上特飲, 這個玻璃杯很特別, 是骷髏頭形狀, 而且飲品會冒煙, 充滿神秘感,

友人推介的放題坐低無耐就送上的特式飲品，雖然係唔太好味既汽水，但賣相夠特別。識食既黎到一定會加錢任食生蠔，原本以為點完無咁快上枱，呢個概念係錯架。（開蠔既師傅一定好忙）以任食黎講，有大有細，味道有淡有濃，但總括而言，好味既蠔係佔多數。刺身唔會比出面既差，夠凍又甜。壽司舊飯唔會太大舊，可以放心試。炸物，串燒，焗蠔，上枱都夠熱夠脆，又唔會太咸。食物比我預期既好，於是試下好易中伏既蟹粥。無諗過呢個粥真係好食，食得太多生冷野，食返啖粥真係好暖胃。羊架本身味道唔錯，但略嫌個汁太多。整體黎講，以特價由5點半食到7點，全程無漏過單，雖然點既刺身件數係出少左，但都係可接受。加上任點生蠔係黎足晒架，呢方面真係好驚喜。

因為朋友住元朗, 所以今晚便相約了她去吃日式放題, 這間在元朗都算有點名氣, 所以就來試下了, 位置要用點心去找, 因為不是在大街, 而是在一個橫街行入去再在一個門口入地庫, 還好門口出面有閃閃燈指示~~~環境幾得意, 我覺得幾有年輕人氣氛那款, 牆上都放了一些不同的裝飾~~兩個人7點入座, 兩小時的放題, 朋友很久沒吃生蠔, 這裡有所以就加了, 不過生蠔或松葉蟹每位加$68, 但如果兩樣都食就只係每位加$78, 所以我們便加了兩樣都吃~~~其實一坐下, 侍應就會奉上兩瓶飲料, 還有乾冰的化學作用出晒煙, 而飲料瓶的款式都幾特別, 今天的是fruit punch同grape汽水~~~隔了一陣子煙就會沒了, 其實份量唔算太多, 不過大家放題也是出去拿汽水的, 所以這是一點gimmick……枱上有不同的顏色紙, 所以就點了一些款式~~~先來朋友最愛的枝豆, 加了一點黑椒, 個味更好, 不錯!!然後就來刺身類~~~因為我唔好生野, 所以這是朋友吃, 不過我都吃了隻甜蝦, 都算幾鮮味, 朋友說其他刺身都新鮮, 但不是太突出……火炙類~~中規中矩的, 最特別是黑松露帶子壽司, 唔係間間放題有,

今日朋友揸車, 於是選了元朗走一趟, 見到呢間緣聚西日餐廳有午市放題, 而且唔貴喎, $158一位, 入到裡面有啲似外國的古典餐廳, 裝修甚有特色, 而且唔單止係日式放題, 仲有啲西式小食可點, 座位大部分都係卡位, 有多款食品可供點, 而且點完都好快上到, 先點了蟹子青瓜沙律, 用微型PAN上, 好特別呀!再叫了刺身, 三文魚、赤貝、甜蝦、帶子。好鮮甜，另外點了花之戀壽司, 蟹棒同鰻魚壽司,大大件, 三文魚厚身喎, 最正係黑松露帶子, 再點了西式小吃, 西冷牛扒, 肉質好腍; 羊架又唔會好羶, 大蝦都好爽口, 另外還有焗蠔, 燒鯖魚,仲叫了牛肉烏冬, 牛肉好嫩, 細細碗剛好, 最後當然要攻甜品同飲品啦,  响雪櫃, 自助挑選。都有好多選擇, 食到好飽, 真係好抵食, 百幾蚊一位。 

睇到openrice 有咁多好評、個個都話好食所以去試下。 一去到係門口嘅姐姐仔，係冇笑容又唔講歡迎光臨、仲要面黑黑😒環境裝修唔錯嘅、幾型格，一坐底係冇人記得比welcome drink比我地，後期再黎嘅客人都有😓 見到有生蠔加長腳蟹任食、當然第一時間叫啦但係呢啲蠔有蠔碎、唔止一隻半隻，係隻隻都係咁😓 得長腳蟹食得過下...串燒呢part超失望！串燒全部燒定凍又硬！😫焗蠔同生蠔一樣都係隻隻有蠔碎！翠玉瓜係生嘅、燒菠蘿係燶不突止仲乾哂水！燒蝦係燒到乾到唔係人食！台灣腸硬嘅！刺身還可以！呢份燒大蝦係霉嘅啲蝦肉😑啲員工服務態度好差😐 全部都好Hea又冇笑容，真係食得好唔開心😢食完返屋企肚柯，我同屋企人一齊柯，啲野真係唔新鮮😟😟😟貼錢買難受！好失望、以後都唔會再去😢😢😢😢