素年 (黃埔天地百寶坊)

營業中

休息中

一家位於紅磡的新派素食店，今天終於跟媽媽嚐到了。打開餐牌，發現裡面包含了不同國家食物的餐點：除了大眾化的西餐外，更配有日式料理和印度風味的選擇。今天我們點了日式吉列豬扒定食、照燒椰菜花扒伴紫薯蓉和天婦羅拼盤。雖說製作需時，很快便上菜了。日式吉列豬扒定食備有味噌湯、日本獅子唐辛子（小青椒）、日本山芋淺漬（凍淮山）和十穀米。小青椒的香氣撲面，凍淮山又相當清新，加上新豬肉和面包糠炮製出來的吉列豬扒質感相當煙韌，最難得是吃下去感覺完全不油膩。照燒椰菜花扒伴紫薯蓉就更合小妹口味。小妹鍾愛薯蓉，而平時吃的紫薯多數是甜品系列，想不到這間餐廳用紫薯蓉作鹹點同樣出色。而且照燒椰菜花伴有燒青瓜、燒黃瓜、燒茄子，加上檸檬汁上碟就更加美味無窮。最後一道菜是天婦羅拼盤。最特色的是當中的淮山天婦羅，另一個驚喜。總的來說，「素年」是一間很有創意的素食店，食物富有營養之餘，色香味通通俱全，值得推介。

這次去了黃埔覓食，最近開了很多咖啡店，所以決定去打卡一下🙈。這次去了一家位於黃埔天地3期的小店，這家已有好幾家分店，是吃素食為主😆，間中吃得健康一點也不錯的。-💥宇治金時燕麥碗 HKD$88，這個材料有很多，包括紅豆、小丸子、黑糖栗子、雜果仁碎。用了抹茶豆奶做主材料，賣相清新健康😆。味道不會太甜，這個口感豐富，吃完之後有點飽。-💥天婦羅拼盤 HKD$88，這個拼盤有多款食物，包括：准山、金菇、冬菇及茄子。熱辣辣吃口感酥脆，而且不會感到油膩，天婦羅脆醬薄薄的不太厚😚，配合微酸的蘿蔔蓉挺開胃的。-💥焦糖鳳梨·白玉丸子配大米薄餅 HKD$78，這個甜品挺特別的，另有花瓣做點綴，是個口感豐富的組合🙈。焦糖鳳梨味道酸酸甜甜的，白玉丸子口感煙韌。大米薄餅口感脆脆的，味道帶點甜味。-💥熱朱古力咖啡 HKD$24 ，這個有跟餐升級優惠，素食咖啡是用燕麥奶做底，也可更換豆奶🙈。咖啡有喜歡的心型拉花😆，咖啡味道香濃幼滑，朱古力味不會太重。-💥白桃伯爵茶梳打 HKD$44，這個點了少冰塊被本，裡面還有幾片白桃果肉🤤。飲品味道酸酸甜甜的，同時間飲到白桃和伯爵茶的味道，茶味挺香的。-

約了朋友來到黃埔這間素食店吃午餐。到步後發現餐廳的門口全落地玻璃窗裝飾，非常通透，採光度一流，呈現得餐廳的空間感特別寬闊，令人安座用餐很舒適。看到餐廳的擺設設計得特別用心，每台都有不同的小花樽放置不同的花，令客人輕鬆愉快地用餐。服務員的態度十分殷勤也是值得一讚。我們看看餐牌後點了兩款素食：日式吉列豬扒定食$138吉列新豬肉豬扒的質感和味道幾可亂真，差點忘記這是素食。日本獅子唐辛子就是頂部像獅子頭的辣椒，是很嫩和不太辣的。日本山芋淺漬，軟中帶糯。十穀米比較濕軟，味增湯比較特別，是帶醋酸味，目的是可解滯吧！韓式冷素面 $108自家製泡菜有點辣，而翡翠苗、意大利青瓜絲、漬秋葵都很新鮮，還有條狀的豆腐和芝麻醃白蘿蔔，湯底是加了冰粒的雪梨韓式昆布濃湯，配雪白的幼麵條，冰涼清新中又帶火辣的味道。薄荷柚子香梨蘋果汁 $48入口有微微的薄荷香味，再喝一口後，深入嚐到柚子的幽幽微甜的清香，以及碎細的香梨和蘋果，為味蕾增添口感。青瓜蘋果醋梳打 $44蘋果醋的酸度可以喚醒味蕾，加兩片青瓜點綴，是個非常清新開胃的特飲。

素年於黃埔開設第4間分店係黃埔嘅食素又多一個選擇了，今日一於要去試試這間人氣素食Cafe，新店以Be with Years為主題，並提供不同素食菜式，包括韓式冷素麵、素漢堡、意粉及日式精進料理等。裝潢以日本和風的木系列為主，坐位寛濶有空間感。照燒椰菜花扒伴紫薯蓉椰菜花煎香至熟透，咬落去的口感很爽脆，還有底層配了意大利青瓜，茄子，及紫薯加上了自家製照燒汁真是非常健康的蔬菜午餐。色彩豐富意大利青瓜，茄子同樣煎至軟淋沾上照燒汁同樣開胃，紫薯泥味道很鮮甜。芒果雪葩糯米脆餅女士係會有多一個胃吃甜品的，這個甜品以泰國的芒果糯米飯的慨念製作，兩粒雪葩分別是芒果及棷子味道伴上芒果醬汁，口感非常清新怡人。Mocha咖啡是選用燕麥奶沖製， 口感順滑燕麥味香濃！客人可自選以全脂奶，脫脂奶或豆奶沖配而成的咖啡。

素年設計舒適雅緻， 簡約風格， 適合各階層年齡嚟食， 即使下午茶亦都坐滿， 好受歡迎喎！ 宇治金時燕麥碗（凍食）🥣燕麥碗非常健康，有紅豆，小丸子，黑糖栗子，雜果仁碎及抹茶豆奶! 🍵   由於是主食所以不會太甜，紅豆及栗子令味道提升， 小丸子煙煙靭靭，  令燕麥碗更加有層次感，很適合喜歡吃果仁的朋友！ 不可能磨菇芝士漢堡 🍔墨西哥脆米片非常香脆可口， 估唔到配自家製牛油果醬都非常夾☺️， 令脆片不會太單調!漢堡包非常大個🍔， 有生菜，千島醬，白蘑菇，純素芝士及蕃茄， 層次分明， 漢堡牛肉厚身， 無論質感或視覺都很像真牛肉，有半生熟的感覺！ 即使不吃牛肉的人都可以食漢堡包啦！ 芒果雪葩糯米脆餅 🥭侍應很細心講解這個甜品，  用了糯米脆餅代替糯米飯， 所以不會有飽肚感， 等待兩三分鐘先食令雪慢葩慢慢融化， 芒果味非常濃郁，  還有脆脆綠豆襯托， 非常有特色的甜品👍🏻

之前食過深水埗的素年，一直想回味一下但無奈 比較少到深水埗。今日經過黃埔探朋友，發現 新開的素年，當然要拉著朋友去回味一番。日式吉列豬扒定食前菜用上金平牛蒡和日本山芋淺漬，牛蒡配上蘿蔔絲拌麻油特別香又爽口，曰本山芋淺漬口感爽脆，像秋葵般黏黏的，很特別。吉列豬扒用上新豬肉，簡直是素食者的福音，終於可以大口大口的品嚐「 豬扒」了， 吉列豬扒外層酥脆，又夠厚身，沾上茄汁味道更提升，十穀飯比白飯香又健康。素年經典不可能芝士漢堡這個真的值得一試，漢堡扒厚切，而且味道和口感都和牛肉十分相似，幾可亂真。 當中的意大利黑醋和漢堡扒非常夾，兩者相加，感覺更有肉味。 自家製牛油果醬和墨西哥粟米片都十分吸引，牛油果醬味濃，粟米片像薯片般脆口，不禁一口一口地吃光了。奇異果蘋果羽衣甘藍燕麥奶燕麥味不是太濃味，相反奇異果和羽衣甘藍比較突出， 個人比較喜歡清新一點的， 所以還是會推薦!

前幾天去了位於黃埔的素食店，其實素食店與齋菜店是完全不同，但共通点是不吃肉。這間店的裝潢，菜式及賣相都比較新式。生酮花椒牛油果薑汁檸檬沙律~有很多新鮮的蔬菜，紅黃椒，牛油果，羽衣甘藍，果仁加入薑蓉，薄荷及青檸汁，味道清新與新鮮蔬菜非常合拍。日式吉列豬扒定食~套餐非常豐富，有日本獅子唐辛子，切成幼絲再混入麻油，還有新鮮的日本山芋淺漬，兩款伴菜都很好味。主食是用新豬肉做的吉列豬扒，外皮炸得鬆化，肉質好似免治豬肉，味道很好。奇異果蘋果羽衣甘藍燕麥奶及薄荷柚子香梨果汁，兩款特飲的味道都很清新，清甜。

本身唔係素食者，但偶然都會想食下素，健康一下，當清下腸胃都好呀😃～今次試呢一間素年，主打食素，環境裝修都幾日系，而且有小清新既風格，同埋員工比較偏後生，感覺好有活力既氣氛，服務態度都好好，值得推介~以下係詳細既食評😆..▫️日式吉列豬扒定食 $138⭐️ 強烈推介⭐️~自己本身唔係素食者，但呢個豬扒定食味道相當唔錯，又健康又美味！呢款定食有兩款前菜、味噌湯、吉列豬扒、紅米飯，以素食黎講，真係算得上係色香味俱全！～前菜分別有牛蒡絲及日本山芋涼菜，牛蒡絲混合蘿蔔絲好爽口，好清甜！另外，日本山芋都好清爽，口感不錯，而且感覺好養生～而吉列豬扒係素肉黎既，但口感真係同真豬肉有70%相似，非常迫真，而且配上日式燒汁，口感更加加分～..▫️不可能芝士漢堡 $138⭐️ 強烈推介⭐️~選用IMPOSSIBLE植物肉既芝士漢堡，味道相當驚喜！漢堡口感相當似牛肉，而且仲有肉汁既口感，配上爽口生菜，加上自家製醬汁，口感味道幾好～另外，配上粟米脆片及自家製牛油果醬，更加有特色，而且唔會太過肥膩！正！..▫️柚子青瓜蘋果醋梳打 $44味道好清新可口，青瓜及蘋果醋味道比較突出，比較偏酸，夏日飲的確好醒胃！唔錯～..▫️西柚橙鳳梨

️呢間由深水埗已經好出名嘅素食店，今日終於一試紅磡店！紅磡店店面門面非常之大，餐廳以文清木系風裝修～ 入到餐廳店員非常有善，服務相當好，身處餐廳真係好舒服😌主食選擇都幾豐富，送完熱玄米茶或凍黑豆茶，可加錢配其他飲品-～▶️日式吉列豬扒飯定食$138呢個估唔到勁好食😍素豬扒炸得非常香脆！好鬆化嘅口感，配埋豬扒醬汁唔會太乾！定食配有健康嘅紅米飯🍚、有青椒及淮山。兩樣都整得好好食😋鍾意淮山爽口！而且仲有湯，味道都幾濃郁！▶️牛油生菜麻婆豆腐刈包$138一份有四件，相當有份量！麻婆豆腐辣辣地，配埋刈包感覺幾新穎！▶️跟餐揀咗凍黑豆茶夠晒健康！另外加配左朱古力咖啡☕️有拉花夠靚，而且咖啡味香濃！睇得出餐廳食物用心製作！值得再去！

新店「素年」早喺深水埗已經打穩陣㗎，今日版圖擴散至黃埔，一於去朝聖一下。它以新派純素為題材，成功地吸引了一班年輕消費群 ，十分成功。完全擺脫了舊有的素食觀念，食材配搭相當創新，有意思 I like it 「照燒椰菜花扒伴紫薯蓉」$138完全估唔到可以將整個椰菜花直接煎香，只以少許鹽調味，椰菜花熟透，口感爽脆，自家調配照燒汁令整體更添咸香。墊底還有色彩豐富的脆玉瓜、茄子等也軟淋多汁、緊隨着還有甜糯嘅紫薯泥，我超鍾意！整道菜感覺非常特別，無論用料、配搭、煮法也令我覺得好有新鮮感，當然味道亦同樣超出預期。「茄子鷹嘴豆泥 」$78之前食過鷹嘴豆麗通常用來蘸麵包食。這道菜絕對有突破，雖然我食唔到個炸波波係啲乜嘢，味道有啲米香，但又講唔出係乜嘢，波波又薄又脆，呢道菜個名有茄子但個波波又好似唔關茄子事，真係一個「迷」雖然個波同鷹嘴豆唔係好夾，但就係好特別。鷹嘴豆泥順滑如絲，滲出少許油份，同時也吃到原粒煮到軟淋鷹嘴豆，令人有雙重口感。「髒髒咖啡」配餐$28熱espresso 和凍鮮奶組合。依杯Dirty 打咭好正，咖啡較重nutty 豆香，不太偏酸，抵飲又啱我口味 。「蘋果山桂茶 」$48以天然果糖代

充滿文青氣色嘅素食cafe，經過門口已經忍唔住要入去了門口仲有得坐添，岩哂打卡影相不過今日落雨，我都係坐返室內！除左主食，仲有甜品添不可能茄子漢堡塊漢堡好厚呀仲做到raw raw地嘅效果！漢堡質感好軟腍，唔會有肉果種纖維感！所以唔駛擔心會痴牙或太韌醬汁甜甜哋，有焦糖洋蔥，所以有啲開胃嘅感覺，不過如果茄子能夠整到juicy嘅效果就更加正！同埋特別欣賞塊包係bake過，有脆度而鬆軟墨西哥脆片唔會好重口味，岩哂我沾上牛油果醬就好freshing牛油果意粉擺盤好得意，好似毛蟲呀新鮮牛油果醬包圍住每一條意粉！食落唔會覺得膩，反而係有牛油果嘅香滑有啲腰果&紅桑子脆片，有助增加口感！「Tonic Expresso」未飲已經聞到expresso咖啡味好香濃攪勻再飲，又係另一個味道，Tonic 有助中和到咖啡中嘅酸度，再加上佢嘅bubble，食落更醒神「焙茶燕麥奶」呢杯latte好滑，味道甜甜哋但就多左燕麥嘅香

一向都好鍾意素年嘅風格，簡約創意素食，最近仲係黃埔開咗分店，菜式都有啲唔同。除咗有呢款精進料理外，甜品亦是餐廳廚師親手研發及製作，好有誠意精進料理 $178九宮格嘅盛盤入面，放咗9種小食，包括：十殼米金平牛蒡飯團🍙、日本山芋淺漬、照燒日本🇯🇵獅子唐辛子、日本豆腐配高湯啫喱、紫薯沙律等我特別喜歡山芋淺漬，爽口清甜又酸酸地，好開胃；牛蒡飯團，材料比想像中豐富；唐辛子燒得好香口，食落爽甜完全唔辣；日本豆腐夠滑溜，有豆香，配高湯啫喱，味道更有層次😋不得不提好搶眼嘅紫薯沙律😍，香甜軟滑，入面仲加左南瓜粒，食落更有口感。 芒果雪葩糯米脆餅 $78靈感來自泰式芒果糯米飯，但加入創意，選用糯米脆餅代替飯，再配上芒果及椰子雪葩。擺碟美觀吸引，夏天☀️食一口雪葩，真係好爽😌，要伴著脆餅及醬汁，令人回味🤩 抹茶拿鐵（凍） $42

素年Years黃埔新店正式開業，面積比之前幾間分店都要大，有很多座位容納Years的粉絲。每一間素年分店的Menu都是獨一無二的。黃埔店比較推薦宇治金時燕麥碗和精進料理。前者適合在夏天希望吃得Light一點的朋友。後者精緻豐富，九宮格盤上放着九個不同樣式的精緻小碟，每款都盛着用心烹調的特色蔬食。像淮山、南瓜、蜜瓜等都是日本食材。可別以為份量少，裏面已經有齊五穀主食水果甜點。一人分量剛剛好。Vegan都可以均衡豐富又好吃。飲品方面，個人比較推薦水果特飲系列，全部都非常refresh健康。今天挑了香蕉火龍果燕麥奶，享受一下非咖啡因的清新♥順帶一提生酮的朋友也可在這裏找到合適的食物和飲品。Menu用心的設計，可見店主們對自家出品的要求之高，精益求精。

平時去開好多cafe，今次就去咗紅磡一間食素食嘅cafe坐下。芒果鳳梨燕麥奶飲落好消新解渴，天氣熱飲岩哂！飲落仲有芒果同鳳梨嘅甜味。泡沫咖啡用燕麥奶沖，咖啡味感覺更濃。日式吉列豬扒定食望落去真係一舊吉列豬扒咁，食落去都係豬扒嘅口感，唔講都唔覺係素食，不過食落更加健康，佢仲有金平牛蒡同准山兩款配菜，最鍾意係個十殼米，健康得黎又好食。素年經典不可能芝士漢堡漢堡包配粟米片牛油果醬，更加健康，個包食落甜甜地幾好食，而且食落真係好似食緊漢堡肉。

香港素食cafe少之有少，不過素年算係幾受歡迎既cafe，最近紅磡都開左新店，就同朋友過黎食下。每間分店既menu選擇都唔同，但睇得出菜式都幾有心思。素年經典不可能芝士漢堡 $128無論賣相定味道同一般肉都分別不大，重配純素芝士添，味道有驚喜，洋蔥香超勁，比起配薯條配墨西哥粟米片都幾特別，口感脆脆又唔太膩。牛油果意粉 $128 擺盤方式幾得意，岩晒打卡。菠菜味道較濃郁，相當健康。跟餐送凍黑豆茶，味道同玄米茶差唔多，解膩之選。其中一杯加 $35 upgrade左做香蕉火龍果燕麥奶顏色呈火龍果紫紅色但香蕉味較突出，味道香甜。