素年 (黃埔天地百寶坊)

營業中

休息中

自認食肉獸嘅我偶然都想走走素食路線。近幾年素食餐廳嘅style、食物賣相同味道都超乎想像地好，而素年就肯定係食過嘅top 5！素年走小清新cafe路線，光線同空間感十足，忙裏偷閑放空一下就最好不過！聖誕特別版不可能漢堡色彩繽紛，而且Impossible Meat 同肉類漢堡一樣好juicy，真係可以以假亂真！第一次食份量稍多嘅純素芝士所以終於食真個味道，少左份奶酥味但出奇地滑，非常唔錯！番薯條值得一讚，炸得香口而番薯條內裏保留濕度，唔會乾爭爭，仲超多食唔晒！試左少少不可能肉醬意粉，酸酸地好開胃，yummy!另外素年嘅coffee都幾impressive，選擇超多！我地都order左 hojicha latte ，其中一杯由oat milk轉左做soya milk，口感幼滑而焙茶味好出，approved！Menu-

朋友只食海鮮，搵啲素食餐廳同佢食lunch ,去左黃埔呢間素年Cafe，環境modern ,木系為主。lunch叫X’mas impossible cheese burger $138,漢堡口感極似真肉，好像真，好juicy又香，配菜係炸蕃薯條，香脆又甜， 另外叫了Keto Ginger Salad ,有大量super food 羽衣甘藍，好健康，第一次食到薑味沙律，估唔到咁夾，同樣有醒胃效果。餐飲配了熱玄米茶和凍伯爵茶。甜品叫了Keto抹茶杏仁豆腐布甸$58，又食用花伴著，好靚，唔會太甜，又係Keto ，減少不少罪惡感。

深水埗coffee shop盛行已經唔係第一日嘅事，但甚少見到有素食coffee shop，其中最出名嘅係呢間素年，近期喺黃埔開咗第四間分店。 老闆之前任職公務員，工作苦悶，毅然放棄穩定收入，創立素年。 老間希望改變人們對素食嘅睇法，表示素食唔只得沙律，可以食得飽之除款式都可以多元化。 素年有四間分店，但每間分店嘅名都有少少出入，黃埔呢間就叫「be」。 店舖並非位於大街，面積頗大，格局寬敞。 門口有座超大型自動門，裝修簡潔。 主打素肉漢堡，燕麥奶咖啡等等。 日式吉列豬扒定食$ 138素食嘅價錢定位一向都偏高，對我而言性價比偏低，好食就ok啦。 豬扒likely用咗新豬肉，平時用黎蒸肉餅今日就整豬扒，但當然，與正常豬扒相比，出入一定好大。 因用上素肉，唔可以好似一般做法咁：上麵粉>上蛋液>上麵包糠>炸。 呢度只上麵粉，外皮微脆，內裏食落一片片，脂香高，軟糯，食過就明，的確有少少似真豬肉。 配菜方面，墨西哥辣椒經過火炙後抹去濃位，口感軟淋，甜中帶辣。 豆腐比一個字佢：齋，也味都冇，前所未見，建議加入麻醬。主糧係十穀米，粒粒分明，口感多元。 豬扒上面有一大pat茄汁，

人大左，從以前十分鐘意食肉，無肉不歡。到依家都依然鐘意食肉，但係有時會食清啲，又有時會想食下素，平衡返，健康啲。今次就黎到開左無幾耐嘅紅磡素年試下。叫左以下食物:不可能磨菇芝士漢堡 $138好大份，漢堡入面有自制千島醬，純素芝士，惹味非常，漢堡用impossible meat,好似真漢堡咁，好好味，同juicy!! 仲有大量墨西哥粟米片配自制牛油果醬，個牛油果醬好fresh，點粟米片食真係食唔停口。照燒椰菜花扒伴紫薯蓉$138有好多紫薯蓉喺底，個面係成座山咁嘅椰菜花扒。伴有意大利青瓜，茄子等蔬菜，上面𣺉左自制照燒汁，係健康之選。髒髒咖啡 $38我飲跟餐嘅玄米茶，朋友轉餐飲加錢點呢個咖啡，佢話夠香夠濃，幾好飲。性價比高，環境舒適，食物健康好味，值得一去再去！！

黎到黃埔購物唔知食咩好，最近又食得太多肉類，所以最後揀左入黎呢間素食餐廳。門面裝修都設計得好靚。叫左一個不可能漢堡和日式小食併盤。漢堡果然係將不可能變成可能，似肉的不是肉，分不清，味道很好。如果黎開呢頭又想食餐清小小可以試下。

素年不可能蘑菇芝士漢堡香辣泰式炒意粉價錢💲: $138/ $98好味程度😋: 3.7/5服務🍴: 3.7/5環境🗾: 4/5性價比🥢: 3.7/5回頭率😚: 3.7/5-素年一路都係間好出名的素食餐廳，由佢係深水埗開第一間已經想試，估唔到而家已經開左幾間分店！每間的menu都好似有小小唔同，好似今次黃埔呢間就唔覺佢有最出名個個咖哩豬扒飯，所以試左其他野😆-✅不可能蘑菇芝士漢堡。呢個要叫！上碟已經好有睇頭😍 素肉冇咩味，食到的係蘑菇芝士的味😙 芝士味正正可以蓋左impossible meat個陣豆制品味😛 同埋成個包都唔乾，舊植物肉煎得啱啱好。伴碟唔係平時的薯條、蕃薯條，而係墨西哥脆片‼️點埋牛油果醬好好食🥳 -🆗香辣泰式炒意粉。正常的炒意粉😂 有啲豆腐乾、蘆筍、車厘茄、雞脾菇等，食落都真係有啲dry🥺 不過幾重口味，係食香料的感覺，金不換、芫茜、呢啲味，所以幾泰式都夠味🤨 要讚的係意粉炒得好乾身😌-每個餐都會包伯爵茶，輕輕地都ok。呢間的份量好好好大！食完好飽😎 價錢就同食肉的cafe差不多，值唔值得就見人見志啦🙊-

黃埔素食最近開的素食cafe ，裝修得很日系簡約，menu 選擇亦多，即使是素食，也有吉列豬扒，漢堡扒等選擇，今次特別來試試。我們點了：野莓香蕉青檸薄荷啫喱果昔碗果昔由野莓香蕉製成，酸酸甜甜的味道，感覺很清新。加上了蜜柑、水蜜桃、雜果仁、麥皮和啫喱，口感豐富，味道協調。吃完了既有飽肚感又感覺輕鬆，很健康的用餐選擇。飲品選擇了玫瑰花茶。玫瑰味很香，還加入了紅棗和杞子，很養生的茶。日式吉列豬扒定食豬扒用上新豬肉、大豆等製成，沒有加雞蛋，油是植物油。吉列豬扒有肉的味道，但是不油膩，加入豆類吃起來比一般的豬肉更飽肚，但是容易消化，比較健康。這裏裝修簡約，非常舒服，Staff 也很有禮貌，很愉快的用餐體驗。

市面上專門食素的餐廳不多，而且大多是傳統素食餐廳，對於新派的素食更是少之又少，呢間素年是近來掘起的素食餐廳之一。今日去的是位於黃埔附近的分店，餐廳的擺設走文青風，是繁華市區中靜靜的好地方，適合聊天的好地方。我點的是日式吉列豬扒定食，餐牌中的「豬扒」是近年近興起的新豬肉製成，以新豬肉製成吉列豬扒的口感與真正的豬扒相差無幾，加上師傅油炸的時間控制得宜，食落口感有點粒粒的口感，隱約食出大豆的顆粒感，無論是肉質還是調味都相當出色。然後我試了一口朋友點的日式烏冬定食，賣相已是相當精緻，油洋豆腐相當入味，一咬落已很軟身，而且很入味，是我最愛之一。

經朋友介紹下第一次體驗食素食，這間人氣「素年」已經有四間分店，今日就到位於黃埔分店試下！這裏裝修走日系簡約風格，主要提供定食及主打植物牛肉漢堡包🍔不可能漢堡扒定食定食有不可能肉，番茄漬，金平蓮藕，海帶味噌湯和梅子金菇漬配珍珠飯，兩款伴菜都好新鮮味道食落感覺清新健康，漢堡扒食落好似免治豬肉，咬落鮮嫩多汁，加上少少茄汁醬一齊食跟提升肉的味道😋青花椒白汁意大利粉主要材料有白胡椒，萵筍，冬菇，蓮藕和乾蔥，主要以蔬菜類為主，好健康，意粉軟硬度適中，每一條意粉都掛上醬汁，另外亦都加入了白胡椒所以帶有小小辣度，食落味道不錯，有層次感😋蘋果山楂茶茶壺裝滿了紅巧梅，山渣及甜菊葉，飲落酸酸地好開胃！

去紅磡住嗰2日只中一個中午就去咗食素Cafe環境好簡潔 以木質為主好有文青風食物方面走新派路線 有中、日、韓款式.🔸日式吉列豬扒定食（$138）有冷豆腐、麵豉湯、燒青椒仔麵豉湯好濃 青椒仔煮得香口素豬扒做得好似真肉口感係好鬆脆嘅豬扒 炸得好脆配蒜蓉茄汁好好味！.🔸煙燻茄子燒汁不可能漢堡（$138）漢堡嘅口感做得好似真嘅肉有肉味~ 亦有明顯嘅菇味整體好大份 配粟米片及牛油果醬 個醬好食👍🏻.🔸燕麥奶咖啡（+$24）❤️用咗燕麥奶 令味道更香質地都豐厚好飲！

麻辣豆腐包食得出廚師對食物質素有要求，生菜超新鮮，夾埋撈左痳辣醬既豆腐同個暖暖鬆軟既包，成件事夾得黎用唔會油膩，好fresh ah!平時唔食豆腐既我都食晒喇～磨菇漢堡個漢堡真係似真漢堡 ，唔話你知係素都真係分唔到，包脆脆新鮮好味，欣賞佢係配Nachos 重點係朱古力撻有小小似流心朱古力蛋糕既感覺，入面有士多啤梨醬配埋個撻皮脆薄博，朱古力係濃味滑口既朱古力，真係好好食 ，唔食素都要試下呢個朱古力撻

以素食餐點作主打的素年 YEARS，於黃埔開設最新分店 BE with YEARS，新增不少獨有的菜式。詢問下才知道，原來每間分店的菜式均由該店廚師們研發，所以每間提供的餐點不盡相同，例如這道韓式冷素麵。素麵上鋪滿烤過的茄子、翠玉肉等多種蔬菜，配上自家製泡菜和昆布凍湯，清新的味道中能感受到蔬菜的層次感，絕對能讓人打開食欲。

好開心可以嚟到這間素年！今次專程邀請爸爸一起來試佢平時唔食開的款式.現代型的素食.家人本來話唔好,阿爸接受唔到新嘢仲要係咁新的款式.例如：不可能的burger.算吧！但喜出望外！爸爸來到時,第一個反應是“嘩！好後生啊！好有朝氣~~"哈哈哈！佢指d店員全部好後生！佢覺得係度食野自己都後生咗,！”我笑咗！！好！回歸正傳！我哋一座底.就见到店中好細心！有這個可給客人用.人都放心d,係到食！這個是menu.款式好專！店員好細心,給了爸爸一張有圖的餐牌爸爸今次望後,估唔估到佢揀咗乜嘢食呢？佢已75歲.其實真係好難得佢竟然不用我幫他揀.就是這個.吉列豬扒佢仲揀咗這杯果汁！佢唔洗一分鐘飲完.即说好飲.味道特別好清甜.所以唯有再order杯玄米茶給他我就喜歡甜品所以選了朱古力士多啤梨撻.我大件.生果伴碟也講究.就能看出這店好認真！加dirty coffee.係我至愛.是用豆奶！味道也不錯！我問爸爸慣嗎？他以微笑回應了我,他喜歡！

終於都去到黃埔嘅素年啦😍一入到去座位闊落，而玻璃窗投入嘅陽光，令人感覺好似去咗度假咁呀☀️仲有室外嘅位置比狗狗一齊食，見到唔少主人帶埋佢哋嘅主子嚟撐枱腳😍嘢食方面，牛油果意粉($128)一上枱就聞到陣陣牛油果味，整體很清新，而且色彩繽紛🌈韓式冷素面($108) 酸酸辣辣好開胃，泡菜夾埋啤梨有意想不到嘅清新口感🤣生酮抹茶杏仁豆腐布甸（$58）好驚喜，食完毫無罪惡感，微甜布甸加上好多生果點綴好出色！

講笑~🤣嗱呢間叫素年嘅物體本人非常之推薦首先佢係一間黃店啦然後佢係一間食新派素食嘅類cafe物體嚟嘅逐樣講吓佢有幾好啦嗱頭兩樣你見到係像真度極高嘅炸豬扒同埋Burger嚟嘅咁佢唔止樣似嫁喎，連味道都好似🤌🏻🤌🏻Bon Appétit🤌🏻因為之前聽過某齋午餐肉定唔知齋肉係有一陣好濃烈嘅菜腥味嘅，所以試嘅時候都真係會嚇親好彩真係冇伏😎仲好好食添Burger香得嚟又唔會有啲肉汁滴滴答答咁👍🏻真係好啲豬扒都幾脆幾好食，然後個前菜幾有心思跟住個素冷麵真係認真靚仔原則上佢係一個韓式水冷麵啦佢啲料多到有啲誇張😆乾豆腐芽菜青瓜蘿蔔秋葵泡菜小麥草砌到撈起咁多野😂食落去一滴油都冇清爽冇負擔舒服又飽肚辣辣哋又襟食咁啲咖啡都幾多款式我地有飲mocha同燕麥奶咖啡仲有好多新式野揀真係任君選擇🤩得閒去吓啦，好似有幾間分店嫁😂