素年 (黃埔天地百寶坊) (裝修中)

另一半一直都係一個食肉獸，呢幾年香港開左唔少又靚又chill又modern嘅素食店，令佢開始唔抗拒間唔中一齊食下素，對自己同環境都好！之前試過深水埗嘅素年，依家喺黃埔開咗，梗係要去試下啦！我地去食個晏lunch,叫左:煙燻茄子燒汁impossible burger $138，另一半話夠特別，亦都夠juicy同夠大份呀！香辣泰式炒意粉$98，入面有豆乾、雞髀菇、車厘茄、金不換同芫荽等，係有少少辣，夠惹味同意粉硬軟度適中，好啱我心水。Lunch送兩杯玄米茶飲。(細節位1: 花都係鮮花，依家餐廳好少有架啦，欣賞！🥰)(細節位2:杯竟然係made in france…又真係幾surprised 喎👍🏼！)薄荷柚子香梨果汁$48，新鮮搾，冇添加糖，夠refreshing 同健康，又解渴。Keto抹茶杏仁豆腐布甸$58，最後叫左個甜品，好靚又唔甜，好味又健康。個意粉食淨少少唔想嘥嘢, 所以要左個食物盒包起去。個食物盒又靚又不是膠，環保♻️👍🏼👍🏼👏🏼。總結:店裝修簡潔舒服文青風，店員殷勤有禮，食物好味抵食，一定會再黎！

第二次嚟𝔹𝕖 𝕎𝕚𝕥𝕙 𝕐𝕖𝕒𝕣𝕤💛食物、環境、服務都keep住高水準🤟🏿 睇嚟不久之後我又會三訪👻比起傳統齋舖 素年嘅菜式好有創意 好味得嚟賣相又好👍🏻 真係好啱平時冇食開素食但又想試吓嘅人☺️ ******************************♥︎ 煙燻茄子燒汁不可能漢堡 $138♥︎ 香辣泰式炒意粉 $98♥︎ 茄子鷹嘴豆泥蘸醬配炸印度脆球 $78♥︎ 香蕉火龍果燕麥奶 $36♥︎ 蘋果山楂茶 (無糖) $36幾樣嘢最鍾意佢個香辣泰式炒意粉 個軟硬度做得啱啱好 好濃味 落埋芫荽完全升華晒個味😋 個茄子鷹嘴豆泥蘸醬配炸印度脆球都幾有驚喜👍🏿 另外 我一開始就直接倒個蘋果山楂茶落杯 唔知道要焗一陣先😂 所以一開始飲水咁 (如果店員提一提會更好😂)

見到成日都滿座，今日特登去試試！先講食物，叫左個吉列豬扒定食，塊豬扒好好味，同真豬扒幾似！個飯，我諗係用十穀米之類既米，其中有啲米好似未煮咁，硬既！麵豉湯，個味有啲古怪，我個人不太喜歡！整體不過不失啦！不過，最頂唔順既係入面啲音樂太大聲，唔好彩地，隔離枱講野又超大聲！真係食到頭痛！快快脆脆食完走人！

阿女最近做project做到傻，搵日同佢食個lunch抖下氣，走文青路線嘅餐廳應該啱佢。黃埔呢間已經係第四間分店， 門面好光猛，裝修走簡約路線， 木枱加木櫈，仲有開放式廚房， 感覺relax舒服食物方面雖然一張紙睇曬，但係有不同口味供選擇，日本定食， 泰式意粉，韓式冷麵，還有沙律，漢堡 意粉等等。仲有小食同自家製甜品香辣泰式炒意粉 $98可以揀走五辛/走辣賣相好靚，材料又豐富，有豆乾，雞髀菇，金不換，車厘茄，蘆筍，芫荽，花生。我哋就揀咗小辣，意粉炒得好香，蘆筍新鮮，食落好清新不可能蘑菇芝士漢堡 $138Impossible meat 做到同真肉冇咩分別，好juicy 好厚肉，上面嗰層芝士蘑菇，已經好吸睛，仲有蕃茄，菜絲。牛油果醬香滑又有營養，同香脆嘅墨西哥脆片，非常之夾白桃伯爵茶梳打 跟餐+$30淡淡清香又解渴綠茶燕麥奶 跟餐+$24用燕麥奶做奶底，感覺比較健康，綠茶一樣有回甘平日下午6:30前免收加一。素食都可以食得很豐富，沒有什麼不可能。

趁放假黎左黃埔行下，原來素年係呢邊都開左分店！裝修行簡約風，環境好闊落，坐左近門口既位置，曬到日光好舒服～不可能蘑菇芝士漢堡麵包外脆內軟，烤得好香！Impossible素肉有少少散，口感同真肉算好似，有微甜既肉味但就少左一份油膩感！配純素芝士同白蘑菇味道都好夾！平時食漢堡多數都係配薯條，今次有驚喜！配墨西哥脆片+自家製牛油果醬！脆卜卜好香口，忍唔住一片接一片咁食晒！（笑）照燒椰菜花扒伴紫薯蓉厚厚既椰菜花煎到有啲金黃色，配埋自家製照燒汁，聞落已經好香好惹味！烤意大利青瓜、茄子味道好清爽，口感同椰菜花扒又有啲唔同，加埋紫薯蓉每樣都又好食又超營養！兩樣主食份量都好大，似係三個人份量！所以都無再試其他小食，見到隔離枱既番薯條賣相都好吸引！！最後再點左一杯髒髒咖啡（豆奶）同燕麥奶咖啡植物奶之中個人比較喜歡用燕麥奶配咖啡，質感比較滑同淡；豆奶就豆味比較重，會帶到多啲咖啡既苦味好滿意既一餐素菜，味道同賣相都好高分！值得推介！

其實我一向好少選擇素食，素食對我黎講仲停留喺用腐皮整既素鵝個年代。今日，朋友帶我黎食呢間素菜，揀直癲覆左我對素食既概念，原來素菜可以一啲都唔似素菜，健康得黎菜式仲可以咁新式，又好食! 我諗我以後都會多啲食素，一定要再encore!香辣泰式炒意粉 $98 -  用左豆乾、雞脾菇、金不換、車厘茄、蘆筍、芫荽同花生炒意粉，味道偏辣但非常惹味，好夠泰式風味。日式吉列豬扒定食$138 – 新豬肉造既豬扒，吉列炸到很香口，唔講真係唔覺塊豬扒係素黎；配味噌湯、日本唐辛子及日本豆腐配柑橘沙律汁前菜，加埋十殼米，真係食好健康。 西柚橙鳳梨果汁 $48凍泡沫咖啡 $38

潮流興食素，新開唔少素食餐廳，今日同朋友黎新派素食餐廳素年新開嘅黄埔分店，食下素食Lunch😉餐廳位置向街，裝修富現代感，充滿文青風格，門口設有小圓枱同長櫈。素食餐單款式設計新穎，有日、西、泰式主食，仲有小食同甜品😄，我哋點咗份定食同炒意粉share食😉日式豬扒定食定食用木餐盤擺放，好有日本feel😅，豬扒用新豬肉炸成金黄色，炸漿薄身，咬落香脆有汁，口感同真豬扒好相似😅，定食配十穀米飯，柑橘沙律汁豆腐同味噌湯，十穀米飯飽肚有咬口，唐辛子爽脆微辣😋香辣泰式炒意粉(走辣)意粉幼身，用蒜蓉炒香，軟硬適中，豆乾BB蘆筍同雞脾菇切粗絲，再加金不換同花生碎，幾惹味😋生酮抹茶杏仁豆腐布甸布甸面鋪滿抹茶粉同新鮮雜果粒，抹茶味濃厚，質感滑溜😋主食送玄米茶或凍伯爵茶，朋友話玄米茶清香好飲，我就加💰24 要咗cappuccino，估唔到飲落綿密順滑，啡味香濃有驚喜🤩

我最愛的素食餐廳Years再開分店👏🏻今次來到黃埔，每間分店的menu都唔同，去之前最好參考一下邊間menu最啱食。假日果然未開門已見人龍，不過呢間好大都幾多位，舒服光猛。食物一如既往的很大份量😂3個人叫兩個main+一個snack已經會好飽😆照燒椰菜花扒伴紫薯蓉 $138之後係the park食過椰菜花扒，呢個簡直係加加加大版😳原個巨型椰菜花，但依然焗得啱啱好熟度，唔過腍仍帶爽，配上照燒汁夠哂惹味，下面仲有大量紫薯蓉同意大利青瓜伴菜。絕對係飽肚之選！韓式冷素麵 $108韓式昆布凍湯係精粹，伴入泡菜後帶辣勁餸麵一流。配菜有秋葵、醃白蘿蔔、雪梨，各帶唔同口感，食落唔會咁單一，但炸豆腐就略嫌太乾柴同冇乜味。茄子鷹嘴豆泥配印式脆餅 $78雖然係個小食，但份量同主菜一樣大😂印式脆餅波波pani puri超薄超脆，圓碌碌沾hummus有啲困難😅但咬一啖將hummus加入鬥間的空心就perfect😍 Hummus好nutty，亦食到加入咗唔同spice調味，好正，如果有一樽賣我會買😂芒果雪芭糯米脆餅 $78甜品就有點失望，沒有什麼特別，最好食係個椰子雪芭，其餘部分就係芒果同幾塊脆脆。

見素年最近開左幾間分店，愛吃肉的姐都忍唔住去試試，原來素都可以好好食！不可能磨菇芝士漢堡- 用左impossible meat 去做中間的扒，一切開入面仲係微紅，好似切緊真肉咁-素芝士加上大量磨茹，加上烤過的麵包，好滿足！-自家製牛油果醬好香濃好滑！沾上粟米片食好有Mexico 風味吉列豬扒定食-十殼米飯，健康！-吉列豬扒好有驚喜，唔油膩，炸粉唔厚，非常酥脆。第一次食新豬肉，同真豬肉幾乎一樣😅Piccolo latte -本身對呢杯咖啡冇咩期望，點知出乎預期地好飲！咖啡非常香濃，完全可媲美出面專門賣咖啡的店！

素年相信大家都唔會陌生 超人氣嘅素食cafe✨就算唔係素食者都會去食 例如我都係😌之前去開都係深水埗店 今次去開黃埔就特登試下呢間新分店 因為每間分店提供嘅料理都會有唔同架黃埔店舖位比較闊落 木系裝修感覺好和諧好舒服💕餐牌選擇一樣唔少 意粉/burger/甜品等等◾不可能蘑菇芝士漢堡不可能漢堡絕對係素年其中一個signature🔝黃埔店有兩款選擇 煙燻茄子燒汁/蘑菇芝士🍔芝士控嘅我當然揀後者啦 一送到嚟見到已經覺得相當有份量😆除咗厚切嘅漢堡扒 仲有大量嘅蘑菇/蕃茄同生菜 好好味好滿足🤤side dish係墨西哥粟米片 配嘅牛油果醬仲係自家製tim🥑◽日式吉列豬扒定食豬扒用新豬肉製成 肉質好軟稔 吉列炸得脆脆地 加咗少少茄汁同生菜絲 令到食落感覺更加清新 另外米飯係十殼米嚟架 有咬口得嚟又健康 定食有配味噌湯同兩款前菜 用木製餐盤全set送上 好有日本feel🇯🇵主食都會送玄米茶/伯爵茶🍵如果想飲其他飲品都會有優惠價

這間人氣素年cafe 我由深水埗店，支持到荃灣店，宜家黃埔店「Be with Years」當然都要去支持一下。環境地方比起其他分店更大更闊落，一樣是走簡單的文青風裝修，門口更是打卡位。一頁紙的餐牌提供不同的素菜，有新派日式素食，純素fushion菜，意粉及漢堡等，連生酮菜式都有提供。餐牌上亦會清楚列明那些菜式含有五辛。每個主菜包熱玄米茶/凍伯爵一杯，亦可加錢轉其他飲品。日式吉列豬扒定食（$138), 用上新豬肉做成豬扒的模樣，無論外貌或是口感都跟真豬扒相似，沾上麵包糠來炸，外酥內軟，而不油膩，咬落仲有肉汁，配上跟燒汁相似的醬汁，好味。很喜歡他們的十穀米，更有營養，更有口感。另外有日本豆腐配柑橘沙律汁，茄子及味噌湯作前菜。他們的食物份量都頗大。芫茜麻婆豆腐刈包（$138), 這個配搭很新鮮特別，令我很想一試。一碟四件的刈包配上沙律菜，份量頗多。蒸得軟熟的刈包夾著的是微辣的麻婆豆腐，雞脾菇及芫茜，醬汁不會太多令到包身變淋，內邊的雞脾菇有切粒的，亦有切片的，口感立即略有不同，芫茜控的朋友應該會喜歡的，但唔喜歡芫茜的朋友亦可要求轉牛油生菜。

一直好想試下素年的餐點，曾嘗試在別間分店排隊，但時間所限未有機會一嚐。今次係星期日的晚上6:30食晚餐，朋友大概4點打電話去book位! 好好彩都仲reserve到，Lucky。餐廳地方簡潔，枱與枱之間有足夠空間，唔會好亂同焗促。一行3人order咗2份主食，1份小食。1. 不可能茄子漢堡impossible burger比想像中好，個texture好正但少咗肉嘅油膩感，d醬汁同蔬菜配搭得宜，唔會乾爭爭亦有d爽脆感！2. 黑松露蛋黃醬蕃薯條份量正常，每條都係飽滿又長嘅蕃薯條。蕃薯本身都好夠甜，黑松露醬都好出色！3. 泰式辣椒炒意粉分量好大，辣味好開胃。不過這個略嫌有點油，底部都幾多油。整體都好滿意，會想再encore試下其他菜式同飲品。

✨近年啲人越嚟越追求健康，所以呢素食餐廳都開到成行成市！今日呢就去咗呢一間長期都好多人排隊嘅素食餐廳試吓佢嘅味道啦！我哋嗰日星期日大概五六點去到，所以冇乜人，完全唔駛等位就可以直接入去食啦！不可能燒茄子漢堡包🍔我呢個係呢間舖頭嘅招牌！但係食落就唔算太過有驚喜，漢堡包嘅麵包皮比較軟身，夾住啲菜茄子同埋一舊素肉，茄子嘅味道唔突出，以個素肉食落就冇乜味，反而係個配菜墨西哥隨脆片就ok，卜卜脆，點牛油果醬一齊食都幾惹味！日式豬扒飯🍛呢個飯好大份，仲有幾款配菜，仿豬扒炸到好金黃鬆脆，加埋啲日式燒汁，真係幾可亂真！相對而言個人會比較喜歡呢一個豬扒飯！印度脆球🧆呢個成日見到啲印度人食，估唔到素食餐廳都有呢道菜，就索性試下。鷹嘴豆同脆球都幾夾，而且脆球真係脆卜卜，呢個體驗都幾特別！奇異果蘋果羽衣甘藍燕麥奶🥛呢個好好味！酸酸甜甜又好清新，個人好喜歡！估唔到呢幾種蔬果會咁夾！返屋企要研究下點樣整先😂

今日同朋友去咗一間期待咗好耐嘅排隊餐廳，呢間餐廳最近喺黃埔開咗分店，見黃埔附近冇咩新嘅餐廳就諗住去呢間試下啦。 我哋大約五點九左右喺度等位咁好快就入得啦，完全唔需要排隊。一入去，店員的招呼都好好。 咁我哋一坐低就叫咗幾樣嘢包括係日式吉列豬扒飯、 燒茄子漢堡包、鷹嘴豆泥配脆球，另外叫咗杯dirty同埋奇異果蘋果羽衣甘藍燕麥奶。上菜都相當快。 第一碟上的係鷹嘴豆泥配脆球，份量都相當多。而且鷹嘴豆泥好有印度風格，都幾好味。唯一係個Puri 可以唔好咁硬，再薄身啲就更好。 之後就上左日式豬扒飯， 呢個應該都係店舖嘅招牌菜啦，成個套餐就有一碗麵豉湯、兩個配菜、十穀飯同吉列豬。 成個餐係正常嘅所有嘢都好味， 吉列豬嘅味道相當好而且有肉汁，加上日式燒汁，個豬扒真係幾可亂真。但唯獨是係麵豉湯太咸。 燒茄子漢堡就相對麻麻地， 成個漢堡包嘅配菜都冇一樣嘢係突出嘅， 所有嘢都有味覺上嘅味道，但係冇食物的香味， 搞到成個包夾埋唔知自己食緊啲乜。配墨西哥脆片都比較新奇，個醬幾好食。 最後，dirty 都正常幾好飲。其實本身想黎食啲清清地嘅素食，但唔知點解最叫左碟碟都有炸野。如果可以加多啲淡口啲嘅選擇就好啦

知道素年開咗新分店喺黃埔， 朋友想食素所以我哋就決定係呢度食afternoon tea！ 香辣泰式炒意粉 $98有豆乾,雞髀菇,金不換, 車厘茄，蘆筍，芫荽，花生！  意粉質地很好不會過淋,  適合芫茜控！  而且有微辣， 很惹味！😍 黑松露蛋黃醬蕃薯條$68蕃薯條份量幾多， 炸至金黃， 條條都脆卜卜👍🏻👍🏻👍🏻 煙燻茄子燒汁不可能漢堡$138不可能肉造得好似真牛肉！  Burger有焦糖洋蔥，蕃茄,牛油生菜,自家製燒汁!  醬汁調教得很好！ 牛油果醬配墨西哥粟米片一流！  估唔到素年自家製的墨西哥粟米片都一樣咁正！