素年 (福隆大廈)

在香港繁忙的都市中，尋找一間既能滿足味蕾又符合宗教與健康理念的餐廳並不容易。位於深水埗福華街素年，以其新鮮食材、創意菜式和純素理念，成為我的心水之選。這次與朋友重訪，點選了幾款經典菜式，包括超級維他命C黑莓牛油果沙律, 此沙律係必食、泰式春卷、不可能芝士漢堡配蕃薯條、香芋番薯波波、排毒抗氧化特飲及特濃朱古力香蕉蛋糕，帶來一場色香味俱全的素食盛宴。首先上桌的超級維他命C黑莓牛油果沙律是全場焦點。像吃了一盤彩虹, 沙律選用本地有機青瓜、櫻桃蘿蔔、石榴、士多啤梨乾和澳洲沙律菜，搭配鮮橙和芒果沙律汁，酸甜清新，牛油果的綿密與黑莓的微酸完美平衡。每一口都充滿維他命C的活力，符合我追求排毒的健康目標，也與純素飲食的宗教意義契合，讓人感受到自然的恩賜。泰式春卷是另一亮點，外皮炸得金黃酥脆，內餡以新鮮蔬菜製成，搭配酸辣泰式醬，入口清爽不膩。素年經典不可能芝士漢堡同樣驚艷， 植物肉逼真的肉感與純素芝士融為一體，搭配現炸蕃薯條，甜中帶脆，滿足了對「肉食」的渴望，卻完全符合素食戒律。讓我感受真漢堡包口味。香芋番薯波波（8粒）是甜食愛好者的福音，軟糯香甜，造型小巧可愛，與朋友分享時格外有樂趣。排毒抗氧化特飲（奇異果、富士蘋果、羽衣甘藍、燕麥奶）清新健康，微甜不膩，燕麥奶較重，完美平衡了餐點的豐富口感。熱帶雨林必飲. 原因我最愛的熱情果味, 配上菠蘿碎粒…清爽滿滿.最後的特濃朱古力香蕉蛋糕是壓軸，濕潤濃郁的朱古力與香蕉的天然甜味相得益彰，即使是低碳飲食的我，也忍不住多吃幾口。今次冇叫外賣. 2個人都食左4百幾蚊, 都算不錯素年的食材新鮮、菜式用心，不僅滿足健康與宗教需求，更讓素食變得有趣而多元。我同朋友會繼續這場素食之旅！…查看更多

相約朋友飯聚，友人愛吃素，提議到福華街「素年」午膳。餐廳主打純素菜式，店內地方不大，以簡約文青風作設計，配合室內嘅木質佈置，環境清新舒適。點左客十九幾種蔬果全日早餐，材料勁豐富，有車厘茄、大啡菇、粟米、牛油果、澳洲有機沙律菜、迷迭香意大利香草包、自家製孜然豬肉腸等等。豬肉腸肉汁豐郁，味道鮮明，配上芥末蘑菇醬，微辣微酸，意想不到的美味。麵包鹹鹹香香，香草味迴盪齒間，塗上果仁醬，滿嘴堅果香。日式咖喱吉列豬扒意大利飯，素豬扒用新豬肉炸成，外皮金黃鬆脆，肉質軟腍，有真豬扒嘅口感​，​配帶淡淡果香嘅意大利飯吃，味覺新享受。香芋番薯波波，外皮香脆煙韌，裡面包住軟綿芋茸，入口甜度剛好。純素特濃朱古力蛋糕，上層慕絲以柔滑嘅純素黑朱古力製成，蛋糕體濕潤鬆軟，輕盈不膩，讓人一吃愛上。餐飲點左斯里蘭卡伯爵茶 同 榛子燕麥奶咖啡，咖啡滑順香醇，喝完還有淡淡回甘香氣。…查看更多

同朋友即興約去行文青街，想揾間chill chill cafe傾吓計 ，朋友仔話想食素，精緻素食嘅餐廳🥑 原來冇肉都可以咁精彩， 今次試咗素年幾款招牌菜，真係有驚喜！🍔不可能芝士漢堡塊漢堡肉又厚又軟嫩，咬落去肉感迫真到嚇親！夾埋蕃茄、生菜、青瓜、椰菜漬同溶咗嘅純素芝士，口感豐富到爆💥！配埋個香脆薯條，邪惡但滿足到癲啊～😍🍅辣蕃茄手工貝殼粉酸酸辣辣超級開胃，貝殼粉煮得煙煙韌韌，掛汁能力滿分，每啖都係濃濃蕃茄香，食到停唔到口～🔥🍗不可能黃金脆雞塊✨外皮炸到金黃酥脆，入面保持嫩滑，點埋甜酸醬簡直無得頂🍌香蕉火龍果燕麥奶入口先係香蕉嘅香甜🍌，跟住火龍果嘅清新慢慢滲出，仲有燕麥奶嘅順滑口感，微甜唔膩，健康又養顏！💚 奇異果羽衣甘藍蘋果燕麥奶健康之選！👍 羽衣甘藍嘅青草香同奇異果嘅酸甜意外地夾🍵京都宇治玄米茶茶香醇厚得嚟帶炒米香，飲完成個人暖笠笠…查看更多

🥗 食得肉多想食返一餐素食！🌿 上網睇呢間水準唔錯又去開呢頭入去試吓。睇左陣menu 選擇唔算多不過以新派素食黎講，選擇都好貼得上潮流。落單叫左兩個主食，兩個小食同野飲。🦐🌶️ **泰式香辣冬蔭魷魚圈意大利飯** 落單前職員話魷魚賣晒轉兩隻蝦，應該幾受歡迎。個飯既軟硬度適中，煮得乾身小小濕。完全食到冬蔭公個味同酸辣，岩平時唔食開素既朋友。隻蝦用荀做，口感幾特別，下次有機會食返魷魚試吓！🌶️🌱 **川香麻辣蟲草花芫茜意大利粉** 一上碟就聞到好香既麻辣味，食落去個口充滿香濃既麻辣香，配合埋芫茜個香味幾好食，配料有豆卜，如果唔太食得辣夾埋一齊食可以減輕！🧀🥔 **黃薑焗福花配自家製乳酪** 薑味幾濃，就咁食普普通通，但係一加左個乳酪即刻昇華左✨，乳酪無乜味但就可以令到福花好食咗！🍠✨ **香芋番薯波波** 好有驚喜既一個小食，個皮炸得脆，食落煙韌唔太甜有番薯味，擺耐左都一樣咁脆！🥛🌾 **黑芝麻燕麥奶** 濃濃既芝麻香味，話佢係芝麻糊加燕麥奶都唔過份，當然質感滑好多，加埋淡淡既燕麥味，值得一試！🍵 **京都宇治玄米茶** 套餐包埋既飲品但唔係茶包即沖，茶入邊有原茶葉可以見到。飲落去好新鮮，比樽裝同茶包更香玄米味同無茶既澀味！😊🌱 整體質素好高，小小遺憾食唔到炸魷魚，下次食完再同大家分享啦！…查看更多

去過素年幾間分店，雖然唔係經常幫襯，但總算係佢剛開業時已光顧。超級維他命C黑莓牛油果沙律：驟眼睇，沙律的賣相好吸引，颜色豐富，不過，食的時候就察覺食材聊聊可數，成碟沙律只靠唔同食材的颜色同形狀製造出吸睛的視覺錯覺；食材有沙律菜、櫻桃蘿蔔、青瓜、橙、黑莓、藍莓、士多啤梨同牛油果；需要切的食材都切到好細、好薄，望落感覺鋪天蓋地，食落就只有攝牙罅的身體反應。櫻桃蘿蔔片同青瓜係薄片，士多啤梨切得到細件再混入沙律，估計實際成碟可能只得1粒士多啤梨，牛油果得幾塊薄片，下面由青瓜片墊高。完整的食材如藍莓，一碟只有4-5粒，「審」喺唔同角落，睇落豐富啲。成碟最大嚿係橙，可能有細半個，始終沙律個名係「超級維他命C」，加上佢可以有效fill滿隻碟，又唔係咩貴嘢~香芋蕃薯波波：朋友即場用App成為素年會員，用1張電子券換咗4粒香芋蕃薯波波；波波的尺寸似一粒魚蛋，較細粒；唔油膩，外皮煙靭，幾好食，適合作為小食/甜品豆奶latte：latte分2個size：正常同迷你，唔知迷你有幾多ml，但正常亦唔係多；咖啡味一般，但豆香同豆味幫佢加分，令味道同質感都變得好好；轉豆奶毋需加錢，又比標配的燕麥奶多營養，建議飲啡要轉豆奶今次平日黃昏嚟到，未夠1800，餐廳冇乜客但已經有幾張檯係訂座，睇嚟市道對素年冇乜影響。上次嚟係半年前，坐最入，冇乜冷氣，非常焗熱；今次被安排坐最出，近門口，冷氣大，風亦勁，同樣係麻麻地舒適。用餐時間70分鐘，差唔多夠鐘店員就會要求埋單、交位（都真係有人排隊）。收加一，但服務麻麻地，水係要求先有，店員亦冇主動refill，要遞手出聲先過嚟。上次嚟，用餐體驗唔錯，店員幾熱情、有活力，亦主動啲；今次嚟，服務冇乜溫度，店員亦唔係好殷勤。再講食物，2次都係點沙律，上次感覺材料豐富啲，份量大少少；今次睇落差唔多，但食落覺得已「扣底」。整體嚟講，覺得素年已開始跌watt，亦唔係好抵食。餐廳仲有佢的特色，好似提供新菜式，如川椒芫茜蟲草花意粉、腐竹皮天貝(？)漢堡等，不過，食物唔係特別平但又坐唔耐，70分鐘用餐時間太短。就個人需要嚟講，如果1個人食飯，70分鐘實冇問題，但就未必會揀個低消都$100-150去解決一餐；如果係同朋友聚會/dating，70分鐘後經已要搵地方轉場，就絕對唔係一個理想的選擇。素年值得繼續支持，只係我難啲為佢定位，唔知仲有冇其他誘因可以令我嚟多一次？…查看更多