124
17
1
營業時間
今日營業
11:30 - 21:00
星期一至日
11:30 - 21:00
*最後落單時間: 21:00
-
網上訂座即將推出
食家推介
相關文章
素年嘅食物，真係無試過令我失望🎉。🌰🍚『甘栗炒糯米飯』$108糯米飯上枱時，五顏六色，相當吸睛；飯放中間，一邊放脆口芋頭片；另一邊放煎香左嘅蔬菜，包括：紫淮山、雞髀菇同番薯；個紫淮山煎香咗，超經驚豔，保持准山嘅爽口，仲俾咗個乾身嘅外殼佢，好特別！反而主角「甘栗」就無咁岀色啦！⋯⋯🍾🧄『白酒香辣蒜片乾番茄意粉』$88小編比較鍾意食乾食嘅意粉，多過多汁嘅意粉；個意粉睇落好似無咩餸，但食落好有味，啲蒜片煎到香噴噴，Yum Yum! 但香辣味就欠奉啦！⋯⋯🥛『黑糖薑汁燕麥奶』$40（跟主食$24）入口，「超薑」，名副其實嘅「本地薑」，佢係用咗喺荔枝窩種嘅黃姜粉沖㗎！拎起個杯，一次過無咗半杯⋯⋯🥝『奇異果羽衣甘藍富士蘋果燕麥奶』$48（跟主食$36）成杯都綠色，感覺到嗰種清新；雖然有燕麥奶，但入落好舒服。📍 素年 (深水埗)深水埗汝州街132號地舖。【小編的話】➡️「悦和」有放調味料喺度，快啲入定辣椒醬新年食蘿蔔糕➡️我哋兩個無訂位，但可能我哋早，佢有枱；我哋都好乖，比指完用餐時間早走，希望佢可以做多round
繼續閱讀
放工約了小機食飯，揀了一直想去的素年，新派素食黃店，Thanks小機book位^_^。裝潢以白色及木系為主調，簡約文青風格，放置了綠色植物，有著小清新之感，店內亦有售賣糧油雜貨等等。餐牌，主食選擇不多，但有日式、泰式及西式等，幾有特色，要了兩個主食及一個小食開心些牙。芫茜檸檬梳打，跟餐+$28，挑機系列，杯梳打好多芫茜，但其實芫茜唔算好勁，可以話係微淡的芫茜味，同檸檬個味都幾夾，味道清新。西柚鮮橙菠蘿汁，跟餐+$36，小機的。芒配牛油果他他配多士條，$88，三文魚的鮮及芒果的香味，味道清新爽口，配合香 脆的多士口感豐富。泰式冬陰功煙斗粉，$98，醬汁濃稠，味道酸酸辣辣，又唔算好辣，煙斗粉口感韌，味道不俗。不可能芫茜芝士漢堡，$138。芫茜轉了羽衣甘藍，因方便食之下落單時要求店員幫我們張個漢堡切開一半，個包微熱外脆內軟，不可能漢堡扒不論口感及味道都真係好似肉，鬆化的口感，仲要幾香口，有一刻差點忘了係素食來www，配上super food羽衣甘藍，感覺上食漢堡包都冇罪惡感，蕃薯條粗身，入口香脆，味道香甜有咬口，十分美味。有創意的素食，味道幾好，坐得幾舒適，支持小店。
繼續閱讀
幾年前同茹素嘅朋友試過素年，短短幾年佢已經開左幾間分店，今次就試下同區以cafe新線，除左burger同pasta外，亦有燕麥碗及中東包等輕食。呢度嘅裝修以純白同木傢俬為主，比本店有空間感，食物嘅賣相同味道比上次用餐經驗好，留意餐廳只收現金。(w/ 10% service charge)🍽不可能芝士漢堡 ($138)本身係芫荽漢堡包，唔食可轉做羽衣甘藍，漢堡扒沿用Impossible Meat，食落同牛肉真係有幾分相似，最勁係塊扒中間粉紅色，配料有素芝士、青瓜同波子蘿蔔，配新鮮炸起嘅蕃薯條唔錯，不含蛋奶嘅麵包都幾鬆軟，烘脆啲就更好。🍽生酮日式大阪燒($148)本店未見過呢款，大阪燒嘅base主要由椰菜桶甘筍絲組成，面頭有炸喉頭菇、意大利青瓜同整到成粒帶子咁嘅照燒汁雞髀菇，除左淋上燒汁外仲有牛油果醬，但啲椰菜絲有少少苦。🍽泰式冬陰功煙斗粉 ($98)雖然無用海鮮煮，呈現到冬陰功嘅酸辣，蕃茄味亦好濃，煙斗粉幾索汁，由於佢較淋身，四季豆碎令口感無咁單調，幾好食。☕️凍伯爵茶 (跟餐)主食包一杯熱玄米茶或凍伯爵茶，亦可加錢轉咖啡或其他飲品。店員話伯爵茶嘅甜度已經調教好，好彩出到黎甜度極低，以凍飲黎講茶味亦算明顯。餐牌：
繼續閱讀
平時食得太多肉，間中都要食返餐素食黎平衡下，素年最近多左好多分店，今次去深水埗walkin都有位，好彩早去，試左個焗薯，配大啡菇，健康得黎又好食，唔會好似傳統素食咁多油同煎炸
繼續閱讀
素年係一間比較少有的素食咖啡店，cafe走簡約路線，感覺舒服，星期六日下午通常要等位，今日等咗一陣大約三、四個字就有位，叫了聖誕特別版不可能漢堡，蕃薯條變了啤酒薯條，裡面有酸紫椰菜、羽衣甘藍、脆豆、自衣製蔓越莓醬，我自己鍾意食蕃薯條多啲，啤酒薯條我覺得同普通薯條無咩分別，另外我唔係幾鍾意脆豆，好硬，個漢堡造到好似真肉，但唔會好似啲肉咁有機會過硬，另外加錢要了黃薑鮮奶，黃薑老實講未必個個人like，因為個味我覺得係有啲似藥油，不過我自己也可接受，而且杯飲品嘅颜色幾靚幾特別，又有拉花，服務也不錯，會再幫襯.
繼續閱讀