紅伶飯店

營業中

休息中

🌟從朋友口中得知，油麻地有一間打冷好受學生歡迎，食物質素亦都唔錯，所以星期日放假過左去試🤤——————🐽 蠔仔肉碎粥2個人叫細碗已經岩岩好，好足料差唔多啖啖都食到肉碎同蠔仔，新鮮蠔肉令湯底十分清甜😆🐽 椒鹽九肚魚好高質既九肚魚，外皮脆而薄，咬開入面既九肚魚唔會散曬，食得出來貨十分新鮮🐽 蒜蓉蒸開邊蝦平時大時大節先會見到既菜式，雖然易整但係工序煩覆，今次食到果然無令我失望，蝦肉新鮮實淨基本野，粉絲吸曬大量既蒜蓉令到整碟好香，送飯一流🤪

今日同男朋友兩個人撐枱腳今日竟然我哋兩個都想食呢個小菜咁當然選擇食呢一個潮州打冷啦咁我哋就近近地去咗油麻地呢一間潮州菜佢嘅裝修雖然非常地道但係都十分企理咁我哋就叫咗三個小菜上先第一個就係潮州滷水鵝都幾大份而且啖啖肉 唔會係好瘦嗰啲鵝而且滷水亦都非常之入味潮州菜送飯咁梗係又係呢一個小炒王啦咁個小炒王亦都好足料有好多海鮮有蝦乾有鮮蝦同埋有魷魚帶子 而且炒得好有鑊氣最後我哋仲叫咗個蠔餅 炸得好酥脆而且d蠔唔會腥

佐敦嘅紅伶重開，由一層變左做兩層，重開之後我都係第一次食，佢係一間水準好高嘅打冷🦢馳名滷水鵝 $130 (8.1/10)鵝肉偏肥，滷水味剛好，佢唔係好似啲台式滷味咁淡，真係好食嗰隻，肉同骨個比例、骨會比較多，有啲水煮花生做伴碟、我好鍾意食🥮馳名煎蠔餅 $80 (8.7/10)佢係兩塊蠔餅搭埋一齊咁上碟，蠔餅炸到金黃色，唔油、乾身，食落超正，入面有好多芫茜，連我呢啲唔鍾意食芫茜嘅人都冇唔鍾意個蠔餅，入面有粒粒嘅蠔肉、唔會食到蠔殼，清得好乾淨，配上魚露好食到停唔到口🪱滷水鵝腸 $130 (8.6/10)呢間我鍾意食鵝腸多過鵝肉，佢個底有超多芽菜，鵝腸有啲脂肪係冇清理哂，我會自己整走啲大粒嘅肥膏，腸食落爽口，調味都好夠🦑冰震芥辣魷魚片 $100 (8.6/10)佢係最遲嚟嘅，賣相好靚，冇想像中咁冰震，似壽司鋪入面嘅魷魚刺身，配以平時嘅wasabi同豉油食，食落好滑好有口感但好似比起喺舊鋪嗰陣切得薄身左🐚豉椒炒蜆 $98 (8.2/10)佢啲豉椒都唔會太鹹，用嚟餸飯就啱啱好啦，呢排啲蜆都偏肥、大大塊肉，但好多隻蜆都係未開口🤔🧆韭菜豬紅 $80 (8/10)呢個就正常水準啦，韭菜唔多，豬紅都好多

紅伶飯店 (油麻地)高質潮州打冷，約咗朋友去食原來先知咁出名，所以佢勁開心又有得食。睇個名同埋個門面我應該唔會無啦啦走入去食，但咁啱上堂前冇咩好食就試下朋友介紹必食芥辣冰鎮墨魚，都唔錯 朋友可以成碟食晒🤣我就好鍾意佢嘅滷水鵝，最好叫滷水鵝片，咁就可以啖啖肉，好好食佢嘅招牌嚟！然後我先發現同朋友都係潮州妹，所以必食潮州粥，係懷念同熟悉嘅味道🥰🥰🥰 好好味 令到我諗返起爸爸以前成日煲比我食，大家要去試吓！ 一家大細來食都可以試吓，可以叫多啲嘢食，三五知己都可以架

朋友帶我去油麻地食好野～ 飯店係食潮州嘢有2層，環境寬敞，有地道Local 感～ 適合同三五知己一齊去食下小菜飲2杯傾吓偈～ 點菜時望住咁多好野食真係花多眼亂～ 同朋友都比較鍾意食炸嘢～ 所以叫左避風塘茄子🍆 仲叫左豉椒炒花蛤去得潮州飯店又點可以唔叫蠔餅呢～揀馳名煎蠔餅一定準確無誤～ 我地仲叫左個白粥黎送菜😁避風塘茄子真係皮薄餡靚，個炸粉好細，炸得好滑，個茄子咬落口感外脆卜卜內軟香口！味道方面好特別，避風塘味道真係第一次試，個辣度啱啱好！唔會有辣既感覺，夠香口！真心好好味！誠意推薦！豉椒炒花蛤都唔錯！傳統飯店就是味道好，鑊氣夠！馳名煎蠔餅真係潮州餐廳嘅經典菜～ 每一次食潮州菜都一定要食～ 炸粉同樣好細，連香草都炸到好香，蠔仔都炸得好香口～ 呢間餐廳真係好好味💡推介

上某社交平台見到好多人都食呢一間出名食滷水鵝嘅餐廳，入面仲有得食唔同嘅小菜，我嗰日六點到餐廳已經見到餐廳就嚟滿座超多人，應該係好多熟客。滷水鵝之外下面亦都有豆腐同埋花生，仲要係比脾嘅位置，超多肉，而且滷水味重，下面嘅豆腐都好厚身好惹味，花生煮到好淋，粒粒都好大。而我亦都嗌咗佢嘅椒鹽雞軟骨，雞軟骨唔會好咸，所以侍應都俾咗啲醋我哋，雞軟骨份量好多，炸皮好薄脆，炸得啱啱好，好有口感。亦都嗌咗個時菜，小白菜洗得好乾淨，炒得好香好入味。

前一晚先book位，open rice冇得book，但電話book位一樣得，一去到就可以入座！唔好見人均三百蚊就以為唔抵食，其實係我地得兩個人，但眼闊肚窄叫左4樣餸，仲飲左幾支啤酒。蠔餅大大塊，蠔仔都算大粒，但粉多左啲同唔得乾身，一定要襯熱食如果唔係就會油同淋。豬紅爽滑，唔會夾爛；小炒皇足料香口；鹵水拼盤都幾入味。服務方面，雖然係老店，但前一晚book位接聽電話既姐姐、當日收銀處既姐姐、甚至廚房叔叔（我搵唔到廁所行錯路去左廚房門口）都nice，唔似好多老店既大哥大姐咁粗聲粗氣，值得一讚！反觀樓面既服務比較遜色。每次飲完啤酒想叫人比多支，啲侍應明明係我正前方冇幾遠但都要招手招好耐先睇到我。甚至有次係佢地傾緊計望到我都唔理，然後叫另一個執緊枱既樓面黎應我。總括黎講都抵食同好食，如果想打冷都係個唔錯既選擇。

今次同幾個朋友聚舊 咁又突然想食九肚魚 就諗起可以去大排檔食喎不過 大熱天時 只有有室內既地方先會考慮 所以就去左紅伶食打冷啦我地4個人total嗌左5樣野+3碗飯 其實都擔心會食唔哂  仲要每碟既份量都唔少不過D餸菜實在好夠鑊氣 好好味 不知不覺就你一舊我一舊咁 逐碟逐碟清哂D野我地食完仲坐低繼續吹左陣水 D職員都無話趕我地走/催我地埋單 所以同朋友聚舊唔一定要去cafe 果D既! 

已經唔知幾耐冇食過潮州打冷，朋友們都勁力推薦油麻地呢間老字號打冷店，除咗潮州菜仲有各款鑊氣小炒等等🔥餐廳樓高兩層坐位都幾多，大部份店員都係後生仔女都幾友善💛，但由於人氣超強勁啊當日未夠七點已經全場爆滿人😲 所以記得要book左位先好黎！⤑▫️潮州靚鵝片 $148比較鍾意叫鵝片貪佢大大塊啖啖肉，肉質就唔算太腍滑但就非常入味，底部仲有花生同厚切滷水豆腐！⇛ ▫️滷水什錦 $138花多眼亂樣樣都想食嘅話一定係叫什錦🤤，一次過試勻幾款潮州滷水，分別有【紅腸、墨魚、豬頭肉、豬耳、豬腸、鵝腸、雞腎】份量超大碟底部仲有芽菜，每樣都超級入味，佢個辣椒油都幾辣記得唔好點咁多😆～⇛ ▫️馳名煎蠔餅 $80一碟有兩大塊熱辣辣炸好，超級香脆感覺超熱氣🤣！蠔仔size都唔算太細粒，即使有啲位冇蠔仔每口都喺勁脆勁香口！⇛ ▫️蠔仔肉碎粥 （小） $38有分小/中/大size🦪，小size都足夠兩個人食因為好足料，蠔仔份量都算多同埋有啲魷魚乾所以碗粥都充滿鮮甜味～⤑呢間性價比都幾高價錢唔算好貴，每碟份量都超大碟，最後兩個人每樣都食剩半碟要打包😜而且店員態度都真喺幾Ok，絕對回頭！

好耐無食打冷，去左油麻地最出名老字号，雖然都知多人，但估吾到咁多人排隊，訂左枱都等左半個鐘，食完飯差吾多10點都仲有人等緊，越夜越多人去到樣樣都想食，但得2個人真係吾知食咩好滷水雜錦有紅腸，鵝腸，雞腎，牙菜，豆卜，豬耳，豬大腸，墨魚片真係好多款式，一個價錢十種享受乳鴿，都幾大隻，多肉，皮少少脆，有光澤但吾係好油蛋白瑤柱炒飯，勁大碟，粒粒分明，食到一絲絲瑤柱，又香又美味，2個人食太多，大約有5碗size

滿心歡喜 慕名而來 但大失所望！見有生醃瀨尿蝦，三舊水膽粗粗試下，估唔到咁細隻，仲要咸到無朋友！食食下個fd.俾人冧濕半邊身，仲要係食蟹嗰d薑絲醋，無濕紙巾提供清潔都算（不過之後見有個員工拎住一大包行過，唔知係咪私伙），叫左兩個員工拖地都唔理我哋，因為d人行過彈到我個fd.條裙，所以唯有自己抹😭，清潔完一輪d食物已經凍哂，亦都再無心情食,完全理解唔到點解成層咁多員工都可以一齊漠視我哋lee枱受害者，相信都係有生意大哂，除咗失望，還是失望。ps.肇事員工拎左一碗茶俾我哋之後消失左，唔知係咪嚇親，不過唔使驚，唔會再見😂

未食過都一定聽過佢個名既五十年打冷老店，早幾個月前終於宣布重開，改由仔仔打骰，新址落戶喺以前煊記。-滷水雜錦 $138打冷點可以唔叫返個滷水雜錦，簡簡單單唔使諗。話明雜錦，當然有齊紅腸、豬腸、墨魚、豬頭肉、雞腎、豬耳、鵝腸同芽菜。滷水甘香濃郁，雜鋪夠入味，連墊底既芽菜都一樣咁好食。-啫啫雞煲 $108啫啫雞炒得夠鑊氣，迫哂啲雞油出黎，雞件乾蔥香氣重，啖啖肉。豬膶厚肉，但入口爽脆鬆軟，完全無騷味，正呀！-黃金魷魚 $108鹹蛋黃味夠香夠惹味，魷魚爽彈，脆皮炒得乾身香脆，但有啲厚。-韭菜豬紅 $80湯底濃郁，沙茶醬味突出，好惹味豬紅鮮甜無腥味，嫩滑無渣，韭菜爽甜無渣又索汁，好正呀。

平時打冷只會第一時間想到去旺角，沒想過油麻地竟然有一間人氣超旺，經營約50年多的打冷老店「紅伶飯店」。剛好在晚飯時間6點到訪老店，想不到入座率已經有八成，環境很懷舊，真是老店樣子。「冰鎮芥辣墨魚片」 墨魚片很薄身， 口感煙韌， 蘸上刺身豉油及 wasabi後令墨魚片味道更添刺激感。鹹酸菜伴碟，潮州菜必定有此伴菜，個人很喜歡這鹹酸菜。「馳名煎蠔餅」 煎得很乾身脆口，不油不膩， 點上魚露更滋味。「豆豉炒蜆」豆豉香濃惹味，蜆肉飽滿，沒有吃到沙，很不錯。「蜜椒薯仔牛仔粒」薯仔炸得剛好而且味很香甜，牛仔粒香口，肉質嫩腍，非常入味。「新力啤酒」每支都係$30，大大支，去打冷又點可以少得啤酒陪伴呢。

紅伶飯店見證住香港逾半世紀既轉變👀呢間老店最近係油麻地重開，自然日日座無虛席🔥想食記住bk定台🛎男朋友(自稱大牌檔之鬼)都表示好食👻隔左個星期又去食第2次😂睇黎佢真係畀好高分👍🏻餐廳環境無新式大牌檔咁好，行傳統懷舊路線，滿滿風土人情，幾有風味😜食物除左有招牌潮式打冷，亦有鑊氣小炒，煲仔小菜😍✅椒鹽九肚魚 ($108) 🌟5/5分呢個真係最高分‼️第一次食到咁高質既九肚魚🤤椒鹽味夠，外層炸得香脆，某啲大牌檔做得到既，但係紅伶呢道九肚魚內層魚肉極度鮮嫩，入口即溶‼️必叫之選‼️😍✅紅燒乳鴿 ($58) 🌟3/5分即叫即炸，上台夠熱👍🏻略嫌肉太薄😜整體無乜特別。✅馳名煎蠔餅 ($80) 🌟2/5分我地呢碟明顯係岩炸起，可能瀝油瀝得未夠乾身🥺太油啦，食到成口油，希望係一時失手啦🤧不過都份量大方，外皮酥脆既😇✅蠔仔肉碎粥(小) ($38) 🌟3.5/5分紅伶既蠔仔粥好貼心，有得揀唔同大細，適合唔同人數👍🏻湯頭清甜，味道正常，蠔仔唔腥😋仲有魷魚添~✅滷水什錦 ($138) 🌟3/5分咩滷水都有啲，例如紅腸墨魚豆卜鵝腸等，仲有啲芽菜舖底☺️唔算太入味，偏淡口。✅潮州薄殼 ($128) 🌟4/5分呢款係men

跟朋友本身滿懷期待吃這間黃店，去到現場門外大排長龍，幸好一早已訂座。但離座時，門外起了小爭執，有訂座大枱等了一小時還沒有安排。亦理解過中因由，雖然食餐時間為90分鐘，但店內出菜的次序實在混亂，坐了半小時只來了一道食物，我們前後總共點了九道菜，所以好根本不存在用餐時間。座位亦有點逼迫，旁邊枱坐下或取袋物件時經常有碰撞，而且地下非常濕滑。砵酒牛仔骨 - $128醬汁過咸，牛仔骨肉質過肥，但瘦肉位又好韌。椒鹽九肚魚 - $108算正常的一碟，不過九肚魚裡面略有大骨。椒鹽一字骨 - $98份量是正常的，但炸得好油膩，不是肉本身肥膩，而是入口會滲出油脂，而且椒鹽的鹽太多，非常咸。冰震芥辣墨魚 - $100份量比想像中少且普通，反而下面墊底的酸菜較為好食。蜜椒薯仔牛仔粒 - $138比平常的例牌還要少，而且牛柳粒韌得來又多筋，味道亦欠應有的濃郁。豉汁蒸白鱔 - $168大約只有八至十片，比想像中還要少，但味道正常新鮮的。不知是否搬鋪或廚房更換關係，真的有點失望。本身無打算寫，所以沒有逐碟影相及構圖，純粹截圖影片，故相片質素欠佳及欠缺，以上純粹個人短見。