紅伶飯店

營業中

休息中

紅伶飯店 @hunglingrestaurant 📍：油麻地砵蘭街10-16號宜發大廈地下D及E號舖🚗：油麻地地鐵C出口 步行2分鐘📞：+852 3481-2020💲：~HKD220/head for dinnerFood quality✔️：冰震芥辣墨魚片、椒鹽九肚魚👌🏼：潮州靚鵝片、韮菜豬紅、馳名煎蠔餅、潮州凍蟹 總結：😋一間人氣潮州打冷大排檔 樓高兩層 環境好大 裝修都係𡚒式 懷念呢種感覺可以一試 食物水平就中上🈴️😋最推薦係冰震芥辣墨魚片 墨魚片凍上 大片且爽滑 蘸上芥辣醬油都幾特別 要講好正雖然唔係 但下層舖嘅酸菜反而先出色 酸酸味味好開胃😋椒鹽九肚魚都炸得幾好 唔錯太油 同埋唔算好多骨 椒鹽味都重👍🏼🤔作為潮州人真係成日食鵝片 紅伶嘅鵝片就正常 冇咩特別 舖底嘅豆腐反而幾好食😎🤔韮菜豬紅好濃味 豬紅超多都幾好食 不過韮菜多啲會更好💋🤔招牌蠔餅就有點失望 很好咁用蠔仔但蠔同炸漿比例有點不平衡 唔係啖啖食到濃濃嘅蠔味👌🏼🤔潮州食凍海鮮都好出名 叫咗碟要預訂嘅凍蟹 都係失望 蟹同蝦都比較細隻 又唔係好鮮甜 正常但唔需要特登訂🙊🤔環境熱鬧 好啱飲啤酒🍻啱哂一班朋友TGIF 價錢唔算太貴

本身諗住去鴻發，點知裝修，就改去另一間網紅店-紅伶飯店。今次去食人少左，無上次叫咁多餸，因為趕住下場飲酒，所以求其食啲。冰鎮墨魚🦑，夠大塊，有麻油香；生腸墨魚，食唔到生腸，應該上漏左🤷🏻‍♂️；椒鹽豆腐，炸得唔錯，但$89有啲貴；避風塘茄子🍆，炸得夠脆👍🏻；砵酒焗生蠔，諗住叫左咁多炸野，叫返個焗生蠔，點知出黎係酥炸生蠔只不過多左個汁….；最得嘅竟然係啫啫通菜煲，出場時雖然無啫啫聲，但食落味道最得👍🏻成張單6個餸加2罐汽水3支啤酒，埋單成$9xx, 個人覺得性價比一般，無鴻發咁好同咁抵食👍🏻

好多年前食過一次 估唔到依間有得外賣(Food Panda價🐼)冰鎮芥辣墨魚片 $148食落好爽口 而且厚薄切得好適中啱啱好有啲咬口 又唔會話薄到無感馳名煎蠔餅 $108外賣到嚟都仲係脆 蠔仔份量都多 好食耶~~避風塘茄子 $109依個有surprised!!!!辣辣哋好惹味茄子ho juicy又有口感 好好味XO醬西蘭花肥牛 $169西蘭花好入味滷水雜錦 $179估唔到依個就最普通 味道唔差嘅 中規中矩咁啦🫡金銀蛋時菜 $139正常發揮啦overall都好味 又唔算貴

9個老友gathering，想有圓枱方便傾計，朋友介紹呢間喺砵蘭街嘅潮州菜😃一入到飯店，枱與枱之間超級迫，果然係傳統嘅舊式飯店😓坐低之後大家都發覺枱面黐立立，就自己攞濕紙巾抹下枱邊，抹咗幾張都係超級黑嘅😫😫😫不過撇除環境，食物方面就真係出色👍🏻👍🏻❇️滷水鵝下裝，又腍又香，侍應仲攞咗一碟秘製嘅醬料，點咗真係好好味，食落似係辣椒油加蒜蓉再加咗啲啲醋😻❇️白灼鵝腸係新鮮鵝腸，白灼時間啱啱好，配辣椒豉油好鮮味👍🏻❇️炸嘢方面叫咗好多樣，椒鹽九肚魚同椒鹽豆腐正常發揮，好味夠脆👍🏻黃金鮮魷就略嫌比較鹹😜避風塘茄子夠惹味👍🏻沙拉蝦球趁熱食超好味👍🏻👍🏻但係蠔餅超多炸粉，根本食唔到蠔仔同蛋香😓❇️主食方面，叫咗蠔仔粥，蠔仔份量都多，味道鮮甜👍🏻❇️三個菜都好好味，啫啫芥蘭煲、啫啫通菜、清炒番薯苗👍🏻❇️甜品叫晒兩款，傳統反沙芋👍🏻👍🏻個人都幾鍾意呢間，糖面比較薄，唔會太厚又唔會太甜，好好味，朋友仲叫多一份拎返去同屋企人分享👍🏻拔絲芋頭都好味，不過真係太快硬咗，黐埋一舊，食得比較論盡😜服務方面好周到，侍應服務勤快😄星期三晚都全場爆滿，有咁嘅客流量證明呢間飯店係值得幫襯嘅👍🏻食物同埋服務質素都值得一讚，但係如果你係

✔️韭菜豬紅，分量嚟講都算幾多，而且調味都做得幾好食，食潮州嘢通常第一個小食都係食韭菜豬紅，整體嚟講都幾好食，送啤酒一流！✔️鵝片，呢一個價錢嚟講唔算太貴，而且質素okay, 唔會話用豆腐放起太多，鵝片都非常入味，我哋每人都可以食到三件以上，比喺出邊一啲潮州店已經算份量多✔️東風螺非常好食，而且再加埋餐廳嘅搭配，用咗辣嘅醬汁條配，成道菜非常惹味，忍唔住食完一粒又一粒，而且東風螺都幾新鮮，每一隻都新鮮，唔會有壞嘅情況出現，口感亦都非常好食.

紅伶飯店基本上係香港人都會知道佢最出名係佢哋嘅打冷嘢非常之好食我哋叫咗每一道餸都係拍案叫絕啊只係環境同埋衛生比較差如果可以接受到大排檔嘅人非常之建議去食，因為佢哋嘅嘢食真係非常之好食

平時想打冷第一時間就會諗起紅伶，地點方便，位於油麻地站C出口附近，食物質素幾好，如果一大班人黎食，就可以多啲選擇。今晚兩個人訂左枱八點，訂枱嘅時候已經預留咗一碟鵝片，因為第一次嚟食唔知道，所以冇留到冇得食，跟著每次都打電話留咗先。潮洲靚鵝片$159份量都幾多，唔會太肥，食到啖啖肉，鵝片下面仲有滷水豆腐，同滷水花生，配埋辣椒醬好食。椒鹽九肚魚$119炸得幾香，送啤酒一流，有好多細的魚骨刺，食嘅時候要小心。菜心炒鮮魷$129呢個啲魷魚有啲韌，菜心如果係用菜心苗會更好。潮州白粥$15碗唔夠熱，凍左少少。Sapporo啤酒$33係一大罐，兩個人飲剛好。

🔻鹵水鵝肝｜$229鮮嫩滑爽，入口即溶😍🔻馳名鹵水鵝｜$139鵝肉好嫩，好夠汁🤤🔻馳名煎蠔餅｜$89十分足料，啖啖都食到蠔仔👍🏻勁脆🔻蠔仔肉碎粥｜$82份量都好多，叫左M size都夠幾個人share😆🔻黃金豆腐｜$89外脆內軟，充滿咸蛋黃香味😝

接近晚上9點係油麻地站附近先搵飯餐食行過去紅伶，門口唔見有人龍又好耐冇食潮州菜就決定食下啦一行3人叫左4個餸冰震芥辣墨魚片 $119上菜時有啲墨魚片仲未解晒凍，仲冰冰地硬硬地，不過因為切左片，所以放放下食食下好快就軟身返蘸wasabi豉油，再配墊底酸菜，叫黎做前菜正呀!潮州靚鵝片 $159夠入味，有滷水花生同豆腐墊底。蘸醋同辣椒油一流，呢到辣椒油係香但唔辣，唔太食得辣既朋友都可以食到。黃金大蝦球 $139上菜時熱辣辣，小心燙口。隻隻蝦球都比咸蛋黃包住，夠晒香夠晒邪惡! 用黎送飯!不過食多兩隻同凍左都幾肥膩同漏。金銀蛋白菜仔 $109菜似係炒過先淋汁，爽口

3個麻甩妹去食打冷雖然預先book咗位但去到門口都等咗一陣不過都好快入到去入到去店員都係咁推介我哋食咩好最後嗌咗我哋最鍾意嘅蠔餅鵝腸拼盤店員行咗過黎吹咗幾句都幾搞笑😆

屋企人已經幫襯咗呢間餐廳幾十年見證住佢細舖搬大舖 愈做愈旺🥳但仍然保持到食物質素其實我估自己可能都已經食過有十次🤣今次終於可以好好紀錄-🤍冰震芥辣墨魚 $119每枱必點嘅白墨魚片🦑爽口彈牙又滑配芥辣一齊食一流😋底下仲有酸菜味道🌕🌕🌕🌕🌗-🤍滷水鵝片（1/4上莊）$278肥瘦適中嘅鵝片 滷得好入味🪿仲有滷豆腐🥰味道🌕🌕🌕🌕🌑-🤍蠔仔肉碎粥 $82佢係類似湯飯咁樣🍲有超級多嘅蠔仔 冇沙同飽滿的鐘意芫茜嘅仲可以多茜🌱味道🌕🌕🌕🌕🌑-🤍砵酒生蠔 $209夠脆夠金黃🤩味道🌕🌕🌕🌕🌑-🤍豉油皇炒麵 $86🤍啫啫通菜煲 $119🤍炒四季豆 $109呢三個就正正常常 唔特別講啦😂味道🌕🌕🌕🌗🌑-回訪嗎：🙋🏻‍♀️整體味道 🌕🌕🌕🌕🌑抵食 🌕🌕🌕🌑🌑

約咗成班friend喺度食團年飯，結果成晚落嚟嘅感覺都唔太良好。除咗嘢食味道水準十分一般 份量偏少/細碟，味道都普普通通外，價錢不值個消費，六個人食左2624蚊，平均440一人，質素會寧願去食燒肉/火鍋放題，不會回頭。 如果唔係驚過唔到食評都實在打唔到咁多字。因為實在是不予置評。冰鎮魷魚相對是比較特別的，但係都係因為其他菜式實在太過普通了。其實個做法就等於你食冰鎮鮑片一模一樣，只係變咗魷魚。由於去食嗰日天氣都比較凍，服務員就推薦咗我哋食羊腩煲，我哋人比較多，結果份量都係好少味道都非常之一般到唔再一般。打冷最緊要就係食滷，基本上全間舖值得一試嘅滷水都食哂，但感覺都冇一個要嚟必試嘅原因。因為滷水都係色有，大臭味同味道都係唔合格的。但伙記服務態度是ok的。最主要是不值得重要係炒通菜食到一條大鐵絲！！！今次食既體驗非常差，唔建議大家食。完全唔明白點解呢間舖仲咁多人去排隊，希望食評出街，唔好咁多人俾人洗冤枉錢

有日同啲朋友好隨意咁話想打冷，見呢間咁多評價就想試下，晏晝臨時臨急先打去訂枱，但應該落場冇人聽，估唔到佢見到missed call竟然打返比我，成功book咗枱，呢個舉動好有人情味🥰 去到門口企滿晒人都有啲意外，但因為book咗成功入座✌🏻環境係好舊式類似大排檔嘅格局 滷水鵝唔錯，少少肥，肉唔鞋 滷水雜錦好正，好多鍾意食嘅款式，例如鵝腸、大腸、墨魚，完全冇食內臟擔心會有嘅怪味，而且肉質好爽口 黃金雞軟骨都比想像中出色，個皮好薄同炸得酥脆，鹹蛋黃香但唔過油 辣酒煮花螺就反而平庸少少，主要淨係鹹，唔算好有辣酒嘅惹味 勝瓜都幾唔錯，唔會過份清淡，啲瓜有甜味 呢間以穩打穩紮唔花功嘅食物同人情味取勝，絕對可以encore😋*****多quota評價：😋Quota花得值(🤮<☹️<😐<😋<🤤)

滷水什錦$139滷水什錦味道普通，有滷水鵝腸、腎片、墨魚片、生腸、豬肚、豬耳、紅腸同埋大豆芽豆卜，滷得算入味。馳名煎蠔餅$89超大塊，入面都食到有好多粒蠔，煎得鬆脆。蠔仔肉碎粥(小）$42粥煮得唔夠綿密，似泡飯多啲，薑味同胡椒粉味都重，但味道食起上黎都唔錯 。呢間打冷平時都多人排隊，之前食飯時間都見餐廳門外有長長既人龍，所以放棄左排隊。今次宵夜時段黎到，唔使等位，但食落又覺得唔係真係咁好味，可吃可不吃。

試咗一間好食嘅潮州打冷，食咗以下餸菜︰冰鎮Wasabi墨魚︰爽、彈、新鮮，一流嘅餐前小食。鹵水鵝肝鵝腸︰鵝肝又嫩又滑，鹵水味道香濃，鵝腸夠肥美，D鵝油好香。椒鹽鮮魷︰新鮮惹味，份量比想像中要多，好食。沙拉大蝦球︰$139有咁多粒蝦球認真唔錯，佢個沙粒汁其實係類似千島醬，我覺得比普通沙律醬同個蝦球更夾。黃金涼瓜︰鹹蛋兼同涼瓜真係絕配，又香口又惹味，$99真心抵食。鹵水鵝︰呢度係1/4隻鹵水鵝，味道好份量足，多謝店員哥哥推介咁樣叫抵D。潮州春菜煲︰唔會好油又唔會太鹹，春菜都係咁樣食最好食。避風塘茄子︰少少辣，又係好惹味，好食。傳統反沙芋︰全晚只有呢個唔掂，可能係D芋頭唔靚(其實如果唔靚就用黎煮其他餸，用黎做反沙芋死硬啦)