紅伶飯店

營業中

休息中

又到食羊腩煲嘅季節 唔知大家食咗未呢，我今年就第一次食 今日經開佐敦， 見到一個好熟悉嘅招牌 呢間我好耐以前食過㗎 原來喺佐敦呢度開咗一間喎😍😍， 我記得以前食過個羊腩煲好食到連續幾日都去食 所以即刻入去買返煲 返屋企同家人一齊分享話曬都咁耐冇食今次買個細嘅返去試下先🤭 睇下 同唔同我以前食嘅味道一樣先😂 果然同之前食嘅味道係一樣呀😍😍, 啲羊腩入曬味 軟淋淋 個羊腩汁好香濃 馬蹄爽脆 枝竹索曬啲羊腩汁嘅味道， 真係好食到停唔到口啊

天文台講到明呢兩日會開始凍，即刻嗱嗱聲去食返個暖身羊腩煲先🤩呢度除咗羊腩煲仲有打冷食品同小菜，款式都幾多！招牌羊腩煲有大煲細煲選擇，今次我哋兩個人所以叫咗細煲，價錢$398嚟講份量算中規中矩。羊腩本身炆得好淋，輕輕一咬已經骨肉分離，呢度係抵讚嘅！幼嫩嘅口感之中帶少少羊羶香，而且仲有好多羊皮連肉，勁鍾意食羊皮，質感Q彈Q彈，比起豬皮又有另一番風味，再點少少腐乳醬，真係香酥銷魂㗎！另外個枝竹都炆得幾入味，索晒啲湯汁，咸香十足！另外佢呢度冇配搭竹筍嚟煮，非常啱我呢啲濕疹人士，唔使驚食完之後發作，但係又保持到風味👍👍另外叫咗個潮州靚鵝片例牌，話說我呢啲妹仔胃最鍾意食墊底嘅豆腐😂呢舊豆腐皮滿滿滷汁，豆香豆滑，我好鍾意食喎😋反而鵝片淨係食咗兩片😂鵝片口感比較爽實，吃嘅時候會feel到淡淡肉香，味道清新。📍紅伶飯店 (油麻地)油麻地砵蘭街14號地舖

🧚🏻‍♀️作為半個潮州人，一年點都要食返幾次打冷🧏🏻‍♀️ 今次嚟到油麻地嘅紅伶飯店，唔少foodie都大讚，抱住有啲期望嘅心情去食😋🦑必點冰鎮墨魚片呢個真係想無限encore! 冰鎮左嘅魷魚片爽口彈牙，加上日式豉油同Wasabi，令人即刻覺得好開胃😆😆而且份量感人，吃貨嘉嘉同男朋友食到唔停口，一致認為佢係the best dish 🥇🦪🌶生醃螄蚶呢到嘅螄蚶可以比你揀生/半熟，吃貨嘉嘉就揀咗生食😈 好嘅螄蚶入口鮮甜，感覺有啲似冇鐵味同海水味嘅生蠔，加上祕製醬汁、大蒜、辣椒同蒜頭，岩哂鐘意重口味嘅人🙋🏻‍♀️🦆🐷滷水鵝腸拼腩肉因為冇哂滷水鵝嘅關係，就加咗碟打冷必食嘅滷味，用黎送潮州粥一流🍲🦪超大份量蠔餅呢到嘅蠔餅係用蛋漿整成，香脆唔會太油😋蠔仔份量剛好，每一日都係滿滿嘅幸福🎏 但係由於作比足兩大塊，我同男朋友都食到要捧住個肚走呀🧚🏻‍♀️⛑帶返個頭盔先：吃貨嘉嘉好挑食，以上食評都係根據個人口味🙉

屋企人話想食羊腩煲，我就上網揾到呢間老字號開返，仲有外賣羊腩煲買，我就收工立刻去買。羊腩煲有2個size，大$498同細$398。~~枝竹羊腩煲份量都好多，好足料。羊都有成20舊，夠3-4人食。D羊腩有肥有瘦，D羊腩煮得好好，全部都冇酥味。羊腩煮得啱啱好，好淋，食得岀d羊腩係煮咗好耐，因為超入味。而且保留咗羊腩嘅肉質，啖啖肉。枝竹都好入味。冬天食，真係一流，暖入心。配料方面都唔馬虎，馬蹄好爽口。加埋腐乳醬，味道好夾。個汁好濃郁，又唔會好鹹。

紅伶飯店馳名煎蠔餅滷水雜錦椒鹽鮮魷蜜椒薯仔牛仔粒價錢💲: $80/ $138/ $108/ $138好味程度😋: 3.3/5服務🍴: 3.3/5環境🗾: 2/5性價比🥢: 3.6/5回頭率😚: 2/5-幾個朋友食飯突然想食打冷，見之前有人介紹呢間紅伶飯店就去左，前一日book左枱但都幾失望阿🙁 8點去到比人安排左係騎樓的位置，就好似以前唐樓出面露台的概念，有個風扇比你吹住咁，但地下又多漬水🤡 -✅馳名煎蠔餅。係比較正常的一個。碟頭夠大，炸得鬆脆🥰 完全唔會過多粉漿。食落仲有葱同芫荽味調味，好惹味🤓蠔仔比得好足料，亦都唔腥，好食🤤 油膩就在所難免架啦…-❌滷水雜錦。呢個雜錦有墨魚、紅腸、豬耳、腎、鵝腸、豬大腸咁，幾多款，但望落就似垃圾堆🤡 所有材料都正常，係佢地應有的口感😌 大部分都係比較爽。但其實我完全唔覺佢地有幾入味…面個啲真係同白烚唔大分別🥵 仲有佢底下都係芽菜墊底的….同埋豬耳勁多毛囉勁噁心，見到唔想食…毛囊又大….🤮-✅椒鹽鮮魷。原本上錯九肚魚，轉返啱之後，好彩質素都ok。魷魚大舊彈牙，粉漿好鬆脆😬 不過面頭椒鹽比較多，有d鹹阿。-🆗蜜椒薯仔牛仔粒。$138的份量小得可憐🥲 牛

外賣自取已經成為習慣，行過路過咩都可以外帶回家，去咗紅伶飯店，一心買滷水鵝片，鬼整佢D大腸墨魚🦑靚到呢，諗緊落單買個拼盤，樓面經開拎住一煲羊腩，即刻改口，一個羊腩煲🐏拎走吖唔該隔咗成個夏天無食，一講咗話買個羊腩煲加料，屋企人個個都話正，至叻係我經過超市，立多兩包唐生菜🥬，羊腩過落個煲仔，加入汁料、開埋包腐乳，成個組合神還原🤪🤪🤪最鍾意食啲帶住層皮嘅羊腩，滑嘟嘟一啜，骨肉馬上分離😂😂😂，少少蘇味索曬D醬汁，味道唔會死咸，點埋腐乳醬真係一絕👍👍👍呢煲羊腩雖然都成$400蚊，但佢做得好食又真係冇所謂，兼佢份量唔少，仲有馬蹄枝竹搭配，再加多10蚊8蚊生菜🥬，真係好襟食下，天氣涼涼地，久違了嘅枝竹羊腩，堅正👍👍👍

><紅伶飯店喺油麻地重開後 鋪頭裝修都係帶有老舊風味而滷水打冷依舊保持質素趁天氣涼涼地 就買咗個羊腩煲加餸秘製羊腩煲($398/細)一大盒裝住羊腩枝竹 另外仲有兩兜湯汁同埋腐乳醬 返到去自己準備埋生菜基本上羊腩已經炆得好腍 炸枝竹入晒味所以到食嗰陣將肉同埋汁加熱就食得湯汁唔會死鹹 而且食完冇話口渴要飲水><><><><><><><><><><><><><><紅伶飯店油麻地砵蘭街10-16號宜發大廈地下D及E號舖

天氣開始涼，今日星期日約咗朋友喺屋企食飯，就嚟呢間餐廳外賣羊腩煲🍲貪佢就腳又好味😋呢間餐廳歷史悠久，平時你打冷都已經好多人幫襯，今日就外賣一個羊腩煲返屋企😍返到屋企打開，真係已經流口水🤤，份量夠，羊腩肥瘦適中，肉同埋汁分開盒，配埋腐乳醬俾你👍🏻返到屋企放落個煲度加埋佢哋嘅自家秘製湯汁加熱就搞掂👍🏻我自己再買埋生菜🥬枝竹，正到呢🥰滾起後，香噴噴，有圖有真相👍🏻馬上整返舊靚羊，真係肉香汁濃，正呀喂😜冬天食羊腩，暖身又補氣，呢個冬天無有怕👍🏻

📍聚會嘅時候 都會想去大排檔 打冷🙆🏻‍♀️🙆🏻‍♀️紅伶飯店都相當出名 之前係佐敦舊店食過唔錯不過今次體驗就麻麻😥 部分食物質素有d未如理想🌀 馳名煎蠔餅蠔仔份量多 大大粒 啖啖都食到蠔仔炸得金黃 配上魚露更加帶出蠔仔鮮味不過蠔餅煎得略為油膩 一定要熱辣辣食如果唔係會成口油🌀 椒鹽鮮魷魷魚🦑新鮮爽口 配上炸蒜及椒鹽 相當下飯🌀 黑椒牛柳粒薯仔薯仔煎得香脆 黑椒味不濃 略為遜色 🌀 滷水雜錦鹵水雜錦有多款食材 一次過滿足你幾個願望但係滷水唔入味 有少少失望🙈🙈

終於食到呢間之前係佐敦，宜家係油麻地重開既潮州打冷！今次經openrice訂位，一去到就有位。餐廳有兩層，好快已經滿座啦，如果要去食，提早訂位會比較好👍🏻冰鎮芥辣墨魚片🦑基本上黎到既人都必叫！ 墨魚片都爽口，切到薄薄地，唔錯，值得一試👍🏻馳名滷水鵝本身想叫鵝片，但係無哂，所以就試呢個鵝肉都算嫩，配埋豆腐同花生，正😌蒜蓉炒蕃薯苗🥬蠔仔粥🦪黎到打冷就想食蠔仔粥，叫左個細碗試下，蠔仔幾鮮，唔會有腥味，幾好食😂

紅伶飯店 📍油麻地前幾晚同fd去咗食打冷 一去到已經有好多人等緊位😛 一於試下😋滷水鵝片 打冷一定要食嘅滷水鵝片 佢地嘅份量都幾多 鵝片唔韌 滷水汁好入味 唔會太鹹😆 底下仲有啲滷水豆腐 好好味😋黃金大蝦球呢個好有鑊氣 蝦球有成十幾舊 而且每隻都好大隻 入面爽口彈牙 出面被鹹蛋黃包圍住 好惹味🥰蠔仔粥 （細份）最後叫咗個細嘅蠔仔粥 唔會好細碗 兩個人食都夠😋 蠔仔份量幾多 大粒飽滿 入面好足料 加埋芫荽幾夾 粥底都做得唔錯 好抵食😋

朋友上網搵到呢間原來係老字號 油麻地係新店 同埋話好full 所以一早就卜定位 決定黎會一會佢 再啤一啤佢卜左7:30 舖頭入面分兩層 本身入去嘅時候都以為人唔係好多 點知原來上到二樓已經差唔多坐滿哂 淨低兩三張空枱 估唔到星期一都咁多人 門口佢地有貼繁忙時間限時90分鐘 可能今日唔算太旺場 所以我地坐左兩個鐘佢都冇趕我地走 咁就可以慢慢食啦食潮式打冷 滷味同蠔餅絕對係不二之選 今日我地都嗌左個黎試一試 另外仲有椒鹽魷魚 豉椒炒蜆 同埋金銀蛋油麥菜 有肉有菜再加支青島 放工就係等緊呢一刻啦🤣滷味拼盤- 入面有紅腸，大腸，墨片，鵝腸，腎，豬頭肉，芽菜，呢碟野個份量好大同埋絕對唔係個底用芽菜墊高左嘅視覺效果，個味道唔會好咸（有試過食滷味個汁好似豉油咁)而且會有小小甜甜地，另外配埋個辣椒油食，就更惹味蠔餅係即叫即炸嘅，因為我地一直都係到期待緊佢上菜，每次見到有人拎住就望下係味我地嘅🤣所以見到佢地會一台一台咁上，唔會係一次過炸起一次過上。蠔餅炸到好酥脆，粉漿唔會太多，入面蠔仔份量如果可以再多少少，口感就會更豐富啦，不過味道黎講佢都可以，因為食到蛋香味豉椒炒蜆呢味打冷我都算常食，蜆好乾淨，唔會有

紅伶飯店歷史悠久唔使多介紹，真係由我阿爸個年代食到而家，諗落因為疫情，都有兩年冇幫襯，今日就專程嚟食個打冷。轉眼間佢哋都已經搬咗去新舖位，面積大咗，環境企理咗，裝修格局部份仍保留原有特色。食物款式應有盡有，除咗有最傳統嘅潮州菜式之外，亦有加入一啲比較新穎嘅元素。食打冷有幾道菜係一定要嗌嘅，其中一樣就係潮州靚鵝片，師傅刀工一流，鵝片切得夠晒薄，下面仲有滷水豆腐同大量花生墊底，甚有口感。冰鎮芥辣墨魚片係一個冷盤，落咗麻油口感分外香滑。雖然話係冰鎮，但入面墊底嘅並唔係冰粒，而係酸中帶甜嘅酸菜，非常惹味。餐廳入面基本上每一枱都有叫馳名煎蠔餅，蠔仔粒粒飽滿，蠔餅嘅蛋炸得夠香口，沾少少魚露真係冇得彈！潮州春菜煲唔會過鹹，仲啖啖充滿蒜蓉味，完全去除到芥菜嘅苦澀味。今日重遊夠地，完全尋回回憶嘅味道！

知道呢間良心打冷舖開返即刻拉埋條佬去啤一啤門口細細，但係上一層別有洞天先黎一個雜錦拼盤先有曬八爪魚雞腎大腸生腸紅腸豬耳豆卜芽菜本身滷水嘅味道已經夠味，又唔會太咸佢個辣椒油都正再嚟就係邪惡系列首先嘅係唔少得必叫嘅蠔餅食落香脆，啖啖蠔雖然得兩條友，但見到有炸大腸又真係好想食，糾結咗一陣都照要好彩有叫！非常之驚喜咬落香脆，中間軟滑唔肥膩加上酸甜醬真係絕配！講起都想再食再配一啖啤酒！爽呀！！！見到有個砵酒田雞同想像中有啲唔同，點知食落又比到驚喜我第一次食炸田雞，佢用嘅田雞都幾大隻，唔會冇肉食，加上個酸汁可以解膩太多炸嘢食唔晒，打包返到去第二日焗熱返嚟食一樣咁正！黎得打冷，當然不得不叫個蠔仔粥嗌細碗都好夠2個人食入面有勁多蠔仔，脹卜卜，正！咁樣對比就知有幾大碗！唔經唔覺就嗌到一枱都係。。。樣樣都好食，下次要叫多兩個人一齊開心share先得🥳

呢間鋪呢排都好有名氣，諗住都有排等，點知就唔洗等可以即入，下層好少位都係2-4人枱多，上到二樓就多大枱，我得2個人咁岩係坐2樓好似出面露台咁樣，所以係有啲熱蠔仔粥細-岩岩夠2個人一人一碗，粥好鮮，蠔仔又好新鮮，好好食👍🏻👍🏻👍🏻墨魚片-本人覺得落得太多麻油，墨魚食落都爽口，底有酸菜都好食😋韭菜豬紅-好大好大碗，同蠔仔粥個碗一樣大，兩個人根本食唔哂味道就覺得一般，辣椒油一啲都唔辣另外叫左炒通菜，都係一般