165
11
5
港鐵油麻地站 C 出口, 步行約1分鐘 繼續閱讀
電話號碼
34812020
開飯介紹
香港經典老字號重開,主打潮州打冷,滿滿懷舊大排檔風味,小炒鑊氣十足。餐廳有兩層,可容納多人。 繼續閱讀
營業時間
今日營業
17:00 - 00:00
星期一至日
17:00 - 00:00
付款方式
Visa Master AlipayHK 現金 銀聯 微信支付
其他資料
網上訂座
餐廳運作模式 - C類
電話訂座
賞訂座積分
有關獎賞計劃
食評 (188)
餐廳:紅伶飯店 (油麻地)地址:油麻地砵蘭街10-16號宜發大廈地下D及E號舖紅伶飯店喺佐敦區嘅潮州打冷老字號,舊鋪開業超過50年,不過經歷疫情後年幾前宣布結業🙁。事隔一年,紅伶飯店喺今年嘅5月中喺油麻地砵蘭街重振旗鼓🎉,希望將傳統嘅潮州菜同人情味重新帶返比附近嘅街坊紅伶飯店嘅正宗打冷享負盛名,紅伶即喺粵劇入面當紅嘅命名,以紅伶飯店嘅人氣嚟睇,都真喺算得上潮州打冷菜館嘅紅伶之一😎,佢哋較為受歡迎嘅打冷菜有冰鎮墨魚🦑、小炒王、滷水鵝等行入飯店以為得十張八張枱,原來佢哋佔地兩層,地下有一個燒味外賣部同收銀,而二樓佔地更廣,起碼有三四十張枱,我星期日晚過嚟食飯都坐滿晒人咁濟🤣,店員安排我坐喺二樓,想過嚟圍爐食打冷嘅人就要趁早拎位喇😌✝️秘製枝竹羊腩煲(細) $398踏入秋冬季節點可以唔叫羊腩煲呢😋,雖然細煲價錢都好似貴咗啲,不過飯店老闆用咗幾十年心血研製秘製嘅羊腩汁配方,用瓦煲上枱,裡面嘅羊腩份量真喺多到一個點🤭,馬蹄、枝竹亦唔少,三五知己圍埋取暖食羊肉補吓身都唔錯。羊腩炆得非常腍🐏,有啲軟骨可以咬碎食埋都得,肉嫩之餘皮肉比例均勻,羊腩羶味唔重,唔喺咁鍾意食羶味嘅人都啱👻✝️椒鹽鮮魷 $108其實整椒鹽鮮魷一啲都唔難,處理好魷魚再拎去炸、整埋椒鹽佐料就搞掂🧂,不過要整得好食真喺一啲功夫都唔少得。平時食開嘅椒鹽鮮鹽有啲就好厚粉,有啲一放入口就鹹到要瘋狂飲水😧,但紅伶嘅魷魚除咗鮮嫩爽口之外,外層皮薄鬆脆一啲都唔粉,最重要椒鹽佐料香得嚟唔會太鹹太濃味,算喺食過數一數二嘅🏅✝️蠔仔肉碎粥(小) $38去親潮州菜館基本上必叫蠔仔粥,叫咗碗細嘅都夠1-2人分,裡面蠔肉較為細粒🦪,食落無咩腥味,仲加咗魷魚🦑、肉碎、芫荽等配料,最重要喺米粒分明,粥水香濃,果然無叫錯😜飯店咁多嘢食,下次一定要叫多啲朋友嚟試多啲唔同嘅嘢先得👥 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-20
776 瀏覽
佐敦嘅紅伶重開,由一層變左做兩層,重開之後我都係第一次食,佢係一間水準好高嘅打冷🦢馳名滷水鵝 $130 (8.1/10)鵝肉偏肥,滷水味剛好,佢唔係好似啲台式滷味咁淡,真係好食嗰隻,肉同骨個比例、骨會比較多,有啲水煮花生做伴碟、我好鍾意食🥮馳名煎蠔餅 $80 (8.7/10)佢係兩塊蠔餅搭埋一齊咁上碟,蠔餅炸到金黃色,唔油、乾身,食落超正,入面有好多芫茜,連我呢啲唔鍾意食芫茜嘅人都冇唔鍾意個蠔餅,入面有粒粒嘅蠔肉、唔會食到蠔殼,清得好乾淨,配上魚露好食到停唔到口🪱滷水鵝腸 $130 (8.6/10)呢間我鍾意食鵝腸多過鵝肉,佢個底有超多芽菜,鵝腸有啲脂肪係冇清理哂,我會自己整走啲大粒嘅肥膏,腸食落爽口,調味都好夠🦑冰震芥辣魷魚片 $100 (8.6/10)佢係最遲嚟嘅,賣相好靚,冇想像中咁冰震,似壽司鋪入面嘅魷魚刺身,配以平時嘅wasabi同豉油食,食落好滑好有口感但好似比起喺舊鋪嗰陣切得薄身左🐚豉椒炒蜆 $98 (8.2/10)佢啲豉椒都唔會太鹹,用嚟餸飯就啱啱好啦,呢排啲蜆都偏肥、大大塊肉,但好多隻蜆都係未開口🤔🧆韭菜豬紅 $80 (8/10)呢個就正常水準啦,韭菜唔多,豬紅都好多嚿,佢本身配有辣醬去比你餸,我自己就覺得個辣醬得少少辣味,同個豬紅好唔夾,就咁食仲好 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-07
3625 瀏覽
少有打冷黃店💛記得book枱一大堆又香口又惹味嘅嘢食潮州靚鵝片 $138每塊厚薄都好均勻但又唔係好嫩🤭一般般🤭冰震芥辣墨魚片 $100好有期望嘅一碟餸以為係好冰好爽好鮮嚟到發現…..雖然切得夠薄但係…..唔夠凍 唔夠爽口 又唔係好鮮甜🙁有啲失望嘅😢韮菜豬紅 $80好入味 好好食點埋辣椒油 惹味馳名煎蠔餅 $80好大pat粉漿無蠔😵‍💫椒鹽脆皮豆腐 $88炸得好脆 豆腐好滑~但如果再入味啲嘅話 就更加好蒜蓉蒸鮮魷 $138蒜蓉味幾香幾濃撈粉絲 無得頂油鹽水蜆 $98好鮮甜唔錯唔錯辣酒煮花螺 $138啲辣好唔平均🥵一啲無味 一啲就好辣瑤柱扒西蘭花 $128好堅硬嘅西蘭花😂練牙力之選蠔仔肉碎粥 $38一向唔係好喜歡除咗話好足料之外 都無乜特別comment🤔overall, 黃店質素💛4個人埋單$1100左右 都幾抵食嘅 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-27
2435 瀏覽
呢度有兩層, 去到既時候已經係座無虛席, 就算係訂左枱既我地都要等一陣先有位, 可想而知佢既虛陷程度係幾誇張🤣 呢度全場都係用摺枱同摺檯, 好似去左大排檔咁, 食物既選擇都幾多, 一般打冷既野都會有👍🏽滷水雜錦🦆($138)潮洲打冷必備既小菜, 份量同種類都有, 不過味道欠奉, 完全唔入味😞冰震芥末辣墨魚片🦑($100)墨魚片爽口彈牙,下面仲有啲鹹酸菜襯托, 再點埋個芥末醬油係幾正既👍🏽馳名煎蠔餅🦪($80)份量十足, 不過食落就炸粉多過蠔, 而且我覺得有啲炸得過左火位😟潮州反沙芋🍯($100)第一次食反沙芋, 感覺唔錯, 份量頗多, 芋頭夠粉, 被脆脆既糖加蔥包裹住, 係一個幾得意既甜品😙蜜椒薯仔牛柳粒🐮($138)睇落色彩繽紛, 有三色椒🫑同洋蔥🧅, 牛柳粒質感偏韌, 不過味道唔錯, 黑椒味幾重😌蠔仔肉碎粥🍲($78)有大/中/細三個Size, 潮洲粥既湯飯分明就做到喇, 蠔仔既份量適中啦, 味道都係普通🙈整體黎講有啲失望, 因我地叫既都係一般既潮洲菜🍴不過呢度既氣氛係真係幾唔錯, 充滿住懷舊既氣氛, 有啲似返左去以前既香港咁🇭🇰 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-22
3303 瀏覽
老字號食店之前係佐敦,最近係油麻地擇地重開,店舖大左,坐得舒服左。店內樓高2層,未夠7:00已經幾乎爆滿,非常熱鬧。食物選擇種類非常多,除了有馳名的潮州打冷外,還有黃金系列、脆皮椒鹽、避風塘類、雞煲、煲仔類、XO醬類、大廚推介等多款款式選擇,份量夠大份,價錢實惠。====—====—====—====—🦪馳名煎蠔餅($80)4大塊的蠔餅熱辣辣新鮮炸起,一塊塊排起,氣勢十足。蠔仔新鮮大隻,口感酥脆,非常香口,忍不住吃完一塊又一塊,配上的魚露能提升鮮味,但建議不要放太多,否則會太鹹。🦑椒鹽鮮魷($108)椒鹽鮮魷外層炸得非常酥脆,配以新鮮鮮魷,加入炒香的炸蒜和椒鹽提味簡直無法抗拒。☘️XO醬小炒皇($118)小炒皇用料非常豐富,有腰果、蝦干、蝦仁、魷魚、帶子、白飯魚乾、菜甫及韮菜花,以XO醬炒香,夠曬穫氣,非常惹味,撈白飯食一流。🍚白飯($12)====—====—====—====— 繼續閱讀
(以上食評乃用戶個人意見 , 並不代表OpenRice之觀點。)