紅伶飯店

營業中

休息中

難得既黃打冷 最岩同朋友一聚(⁎⁍̴̛ᴗ⁍̴̛⁎)👉🏽蜜糖薯仔牛柳粒好夠蜜糖汁，牛柳一啲都唔奀，精粹既係薯仔！好甜的(⁎⁍̴̛ᴗ⁍̴̛⁎)👉🏽冰鎮芥辣墨魚片係紅伶既signature 小菜！一開始會擔心打冷地方食凍會唔會痾 但佢又幾貼心 墨魚片有冰底保持咁凍😙 仲有啲好似咸酸菜既素鋪左係啲墨魚片下面 幾新奇 加上墨魚片沾埋豉油wasabi食 一流！！！！果然係鎮店小菜！☺️☺️👉🏽椒鹽九肚魚一上枱都夠熱，食落都酥脆！唯一差左啲既係分量較少😗👉🏽韮菜豬紅 / 金菇肥牛粉絲煲 / 石鍋馬拉盞通菜其實都同平時打冷水準差唔多，不過不失，好既係上菜好快！同埋熱辣辣，送飯都一流！Overall 黎講都係平時打冷既水準 不過不失 值得推介既都係佢地signature 既冰鎮墨魚片

冰震芥辣墨魚片 $100同我想像中有啲唔同 本以為係會有爽脆 但食落係偏厚身 有肉感多一啲 不過味道都ok~ 下面既酸菜幾好食😋！酸菜+墨魚片+豉油咁食特別好食😬我見到差唔多枱枱都有叫呢碟😆黃金大蝦球 $118咸蛋黃痴滿曬個蝦球 所以食落咸蛋黃味都幾重 食得多會有少少膩 配碗粥就岩岩好！🥰蠔仔肉碎粥 $78（中）蠔仔份量都算多 中既size夠兩個人食 每人平均都有兩至三碗～ 不過怕腥既朋友 就可能食唔到 因為個蠔仔粥啲蠔仔有少少腥 不過我就覺得都ok~😗

少有打冷黃店💛記得book枱一大堆又香口又惹味嘅嘢食潮州靚鵝片 $138每塊厚薄都好均勻但又唔係好嫩🤭一般般🤭冰震芥辣墨魚片 $100好有期望嘅一碟餸以為係好冰好爽好鮮嚟到發現…..雖然切得夠薄但係…..唔夠凍 唔夠爽口 又唔係好鮮甜🙁有啲失望嘅😢韮菜豬紅 $80好入味 好好食點埋辣椒油 惹味馳名煎蠔餅 $80好大pat粉漿無蠔😵‍💫椒鹽脆皮豆腐 $88炸得好脆 豆腐好滑~但如果再入味啲嘅話 就更加好蒜蓉蒸鮮魷 $138蒜蓉味幾香幾濃撈粉絲 無得頂油鹽水蜆 $98好鮮甜唔錯唔錯辣酒煮花螺 $138啲辣好唔平均🥵一啲無味 一啲就好辣瑤柱扒西蘭花 $128好堅硬嘅西蘭花😂練牙力之選蠔仔肉碎粥 $38一向唔係好喜歡除咗話好足料之外 都無乜特別comment🤔overall, 黃店質素💛4個人埋單$1100左右 都幾抵食嘅

想坐得耐，又可以食好野？打冷絕對係一個唔錯嘅選擇！😋— — — — — — — — — — — — — — — — — —之前見到好多人介紹紅伶飯店，就決定同朋友一行四人去試下！😆— — — — — — — — — — — — — — — — — —馳名煎蠔餅 🦪🦪 （$80）❤️❤️❤️❤️❤️2大塊嘅煎蠔餅外脆內軟，入面嘅蠔仔又多又大隻，包保每一啖都會食到蠔仔！😋重口味嘅可以試下連埋佢嘅魚露一齊食，魚露嘅香味更能突顯蠔仔嘅鮮味，係一個唔錯嘅選擇！👍🏻馳名滷水鵝🐤🐤（$130）❤️❤️❤️❤️❤️打冷嘅滷味永遠都唔會令我失望！本身諗住叫滷水鵝片，可惜已經點哂，所以唔想要損骨嘅，記得要早小小黎呀！😿呢度嘅滷水鵝非常入味，鵝下面仲會有豆腐同花生，食之前記得再點一下d滷水！會更加好食🤤滷水什錦🧆🧆（$138）❤️❤️❤️❤️相比起滷水鵝，滷水什錦相對黎講冇咁入味，但勝在咩都有，一班人食就最適合不過！☺️順帶一題，佢附帶嘅辣醬幾唔錯，但記得唔好點太多，點小小已經好辣咖啦，鐘意食辣嘅記得試試佢啦！😋石窩馬拉盞通菜🥬🥬（$118）❤️❤️❤️❤️通菜食落口幾新鮮，食落去散發出濃濃嘅蝦醬味，但亦唔會太咸。😍唔食得辣嘅都唔洗驚，佢唔會好

朋友離港前想打個靚冷，咁岩碌社交平台見到啲人對紅伶既墨魚片讚不絕口，咁就去試試啦！掛得食，食到半路先記得影張相墨魚片比想像中無咁特別，覺得可以攤耐少少先食，可能因為岩岩雪櫃拎出黎比較硬。至於蠔餅正！有好多蠔仔呀！炸得夠脆又唔怕油！蝦同蠔仔粥就正常發揮，不過不失。至於炒蜆就要扣少少分，因為有沙。總括黎講，紅伶水準中等，但勝在抵食同埋唔趕人！等我地一班小學同學可以好好聚一聚。有機會下次會再試下其他菜式既

紅伶飯店呢個名真係聽咗好耐，今晚嚟到真係座無虛席，未食都知味道有返咁上下。冰鎮芥辣墨魚片 ($100)冇諗過咁好食，墨魚片比一般打冷食到嘅更加爽口彈牙，好鍾意底下有超爽口嘅墨魚鬚同墨魚頭，凍冰冰點埋Wasabi好開胃。 墊底嘅鹹菜鹹淡適中，想買番啲喺屋企備用。蠔仔肉碎粥 ($38) (小)兩個人分到幾碗，蠔仔粥好濃味，蠔仔細粒得黎夠鮮甜，仲食到啲好香口嘅肉碎好足料。煎蠔餅 ($88)超級酥脆，每一啖都好鬆化香口，食到底都唔算好油。 同一般加咗好多蛋同粉嘅蠔餅比會比較脆，蛋味較淡，同食炸蠔差唔多feel。椒鹽脆皮豆腐 ($88)皮薄餡靚，完全唔油膩，嫩豆腐對我呢個平時唔鍾意食豆腐嘅人黎講都接受到，點埋喼汁酸酸地幾好味。

之前未食過舊店，今次第一次黎。星期六晚上大約等左15分鐘左右有枱，本身以為新地址既新店會係新裝修，但黎到發現d裝修、環境同枱櫈都係舊既，應該係頂手。環境方面，安排左上二樓既枱，黎得打冷、大排檔都唔會要求話要坐得好舒服，預左係會坐得有d迫，但個地下同條樓梯真係要改善下，濕滑、痴立立咁，有d食物殘渣，真係一步一驚心，睇見都唔開胃。食物方面剁椒魚雲同椒鹽鱔球普普通通。避風塘茄子～d椒鹽味蓋過哂d茄子，唔講都唔知係食梗茄子。冰震芥辣墨魚片～同想像上唔同，第一係無冰既，食落無冰震既感覺，第二雖然有芥辣提供，但隻豉油感覺同墨魚片唔夾。蠔仔肉碎粥都ok，叫左38蚊細碗，岩岩好夠2個人食，但無乜蠔味。飲品、食物價錢略貴，質素一般，名過於實。

紅伶飯店重新開張了！五十年嘅老字號打冷店係油麻地重開了！排曬隊。等左十五分鐘終於入座！想食得清一d，叫左個雜錦滷水：$138 有鵝腸，紅腸，鴨腎，魷魚，大腸，豬耳，芽菜，豆腐，好大一碟，全部好爽脆！點埋辣椒醬，好好食！椒鹽九肚魚：$108九肚魚好鮮甜，炸到恰到好處，加埋椒鹽料，好好味！潮州春菜：$70菜好諗又入味！蠔仔粥：$38（細）好多蠔仔好多料！呢個粥好好食！朋友大讃呢！重開店鋪好受歡迎！下次早少少利先！

紅伶飯店重開之後風頭一時無兩！今日終於去朝聖一下，可惜冇曬鵝片😭只可以轉戰鵝件馳名滷水鵝 $130不愧係招牌菜，鵝件超嫩滑，肥瘦均勻，滷水再濃d就完美啦🤤順帶一提墊底嘅豆腐都勁好食🤣黃金大蝦球 $118大推！炸到好痴線！外層炸皮一薄又超脆😱一咬開蝦汁爆發，又爽又彈😱痴左唔少咸蛋黃，勁邪惡西蘭花炒斑球 $138呢個就失色少少，係斑塊唔係斑球，魚香唔重亦唔係特別滑😗但西蘭花就好好食🥰下次要試反沙芋😍豬手😍📍 紅伶飯店 (油麻地)油麻地砵蘭街14號地舖

油麻地最近有間潮州菜非常值得推介，自從仔仔接管之後，招呼嘅店員都係比較年輕有活力！仲有飲食男女報道添！店舖裝修都係乾淨企理，仍舊保留懷舊嘅元素（摺檯摺櫈），但係招呼完全係新派（非常殷勤同有親切感）鹹肉炒春菜$70。鹹肉唔算死鹹，淡淡的鹹味配以特別嘅春菜味道係好開胃嘅💪🏼來到一直心心念念想嘗試嘅潮州薄殼$128。要不停吸啜，有少少攰哈哈，但係內裏肉係非常鮮甜嫩滑，係呢幾個月先有得食㗎咋。去潮州店點可以少得食蠔仔粥呢？呢個已經係細碗（其實兩個女仔分量剛剛好）$38。食得出落咗好重手大地魚粉，飲到最後個底都係充滿大地魚粉🙈潮州靚鵝片$138，師傅刀工非常犀利，切得非常薄，重點推介墊底嘅滷水豆腐係出乎意料地嫩滑，同一般潮州菜館唔同，非常值得一讚。 選擇方面，紅伶飯店中式小菜同潮州菜式都係非常豐富，任君選擇。重點係店員招待非常有禮貌同親切，又會主動介紹菜式，留意客人需要；性價比方面都非常不錯。

這間位於油麻地的潮州打冷舖非常受年青人歡迎，平日晚上去到兩層都是滿滿的，非常熱鬧！打冷舖當然有多款不同的小菜冷盤可以食到，今次就揀左幾款試試！韮菜豬紅，豬紅和韮菜的份量都好多，豬紅嫩滑入味，點上辣椒醬一齊食特別惹味！潮洲靚鵝片，滷水鵝片滷水味都好夠，揀鵝片因為唔會有骨，不會好肥，肉都幾多，再點上白醋真係好正！而且仲附有我最愛既滷水豆腐和花生，食得好滿足!椒鹽鮮魷 ，鮮魷每件都大大件，不會細細粒，外層炸得鬆脆，好香椒鹽味！鮮魷爽口彈牙，送啤酒一流！冰震芥辣墨魚片，日式刺身就吃得多，中式你又有冇吃過？第一次在打冷舖吃墨魚刺身，口感爽口，魷魚味都幾濃，再點上芥辣食，唔錯！石窩馬拉盞通菜 ，通菜份量好多，通菜熱辣辣，味道又夠濃，用黎送飯食真係唔錯！蠔仔肉碎粥，蠔仔的份量都好多，每粒都脹卜卜，加上肉碎、芹菜的味道，味道清甜！

呢度有兩層, 去到既時候已經係座無虛席, 就算係訂左枱既我地都要等一陣先有位, 可想而知佢既虛陷程度係幾誇張🤣 呢度全場都係用摺枱同摺檯, 好似去左大排檔咁, 食物既選擇都幾多, 一般打冷既野都會有👍🏽滷水雜錦🦆($138)潮洲打冷必備既小菜, 份量同種類都有, 不過味道欠奉, 完全唔入味😞冰震芥末辣墨魚片🦑($100)墨魚片爽口彈牙,下面仲有啲鹹酸菜襯托, 再點埋個芥末醬油係幾正既👍🏽馳名煎蠔餅🦪($80)份量十足, 不過食落就炸粉多過蠔, 而且我覺得有啲炸得過左火位😟潮州反沙芋🍯($100)第一次食反沙芋, 感覺唔錯, 份量頗多, 芋頭夠粉, 被脆脆既糖加蔥包裹住, 係一個幾得意既甜品😙蜜椒薯仔牛柳粒🐮($138)睇落色彩繽紛, 有三色椒🫑同洋蔥🧅, 牛柳粒質感偏韌, 不過味道唔錯, 黑椒味幾重😌蠔仔肉碎粥🍲($78)有大/中/細三個Size, 潮洲粥既湯飯分明就做到喇, 蠔仔既份量適中啦, 味道都係普通🙈整體黎講有啲失望, 因我地叫既都係一般既潮洲菜🍴不過呢度既氣氛係真係幾唔錯, 充滿住懷舊既氣氛, 有啲似返左去以前既香港咁🇭🇰

好耐冇食潮州打冷了聽講紅伶飯店喺油麻地砵蘭街重開，梗係要去回味一下啦😊鋪面大咗，坐落都舒服咗😌食物款式都增加咗唔少，而且味道更勝從前👍👍👍首先試吓真店之寶-冰鎮芥末墨魚片🦑潮式日式crossover 、薄切墨魚片，肉質鮮嫩煙韌仲好彈牙！配上日式芥末豉油，就好似食緊日本刺身咁！酸菜做底，食完更加醒神開胃😁再嚟過打冷小食-韭菜豬紅份量驚人，味道更勝從前，特別熬製嘅湯底好味到可以撈飯食😋😋😋大廚推介-尖椒醬爆田雞離遠已經聞到好香嘅尖椒醬爆味，可見小炒鑊氣一流💯爆炒過嘅田雞焦香又入味，配以白飯冇得頂！整體來講：質高、味讚、份量多！大份夾抵食，值得推介😊紅伶飯店☎️ ：34812020📍：油麻地砵蘭街10-16號宜發大廈地下D及E號舖

係油麻地附近有間好出名既打冷小店🙌🏻每次經過都見到滿滿嘅人龍等待入座~今日見係附近收工 一於去排下隊試下質素如何 hahahaha 😆 呢度餐廳嘅廚房係門口有塊玻璃可以望到入去~望住師傅斬鵝片、 切滷豆腐等 ！ 真係望到都流晒口水👏🏻紅燒乳鴿 😍乳鴿外皮炸至紅卜卜望到都食慾大起☺️咬落去多汁鮮甜👏🏻 真係絕對值得一試！！潮州靚鵝片 💕打冷又點可以少得食鵝片🥳呢個真係好巧師傅刀功， 每塊都切得好靚好均勻~而且鵝片滷得十分入味，放入口中鵝香滿溢👍🏻鵝片下面仲有滷豆腐啊🙌🏻🙌🏻 真係送飯一流！！黃金大蝦球💓黃金蝦炸到脆卜卜，大大件😋😋每一件都沾上左滿滿的鹹蛋黃🤩🤩咬落去啖啖蝦肉~鹹蛋黃同蝦球真係Perfect match ~~楊州炒飯😋呢個飯真係炒得好乾身同有獲氣！！炒飯炒至粒粒分明又唔會有油膩既感覺~而且材料極多 份量亦很多👏🏻絕對值得一試ah💓💓💓

佐敦幾十年老字號潮州打冷結業後，選址油麻地站旁重開。同以前一樣，既有潮州打冷，亦有大排檔煎炸嘢。冰鎮芥辣墨魚片(7.75/10)切薄片，輕輕白灼到8成熟左右，加上麻油，口感嫩滑。冰鎮，蘸wasabi豉油食，略似鯉魚門/西貢即切活墨魚刺身的平民版。滷水鵝片(6.75/10) 滷水濃香，豆腐好入味，比鵝片好食，鵝片就肉質不夠嫩。蠔仔粥 (5.5/10) 湯底有大地魚味，但蠔仔太細，冇乜鮮甜味。總結：與九龍城/太子某幾間潮州菜相比，差一至兩級，應該不會翻食。