紅伶飯店

營業中

休息中

天氣開始有啲轉涼，秋意濃濃，就想食羊腩煲，今次嚟到紅伶飯店呢間大排檔食飯～～羊腩煲上枱用gas爐繼續煲滾，保持溫度，暖笠笠好溫暖～～羊腩點腐乳醬好夾，咸香好味，細煲羊腩份量都幾多，兩個人食都好夠食～～肉質軟林唔羶，配兩個白飯好好送飯～香噴噴啱晒呢種天氣食～～由於個羊腩煲都有返咁上下份量，另外order多個小菜就夠飽了，沙拉大蝦球，同樣份量幾抵食，大蝦球爽彈厚肉，沙拉醬酸酸甜甜好開胃，香口酥脆～～下次可以叫多啲朋友嚟share食～

😌天氣涼咗，又係食羊腩煲嘅時間😍久仰紅伶飯店嘅大名，今次終於都試到啦😆雖然係大排檔，但環境都好整潔，而且座位寬闊，坐得幾舒服～除咗羊腩煲，餐廳仲提供多款小菜、潮式打冷菜式，相當多元化！羊腩煲（細份$398）雖然係細份，但係超多料，超多羊肉，而且舊舊都啖啖肉😚羊腩肉質嫩滑，而且煮得好入味，支竹吸收曬啲湯汁，係精髓所在😍蝦乾浸勝瓜（$118）勝瓜爽甜，蝦乾增添鮮味，湯汁鮮甜，清淡得黎，好下飯！😍😆

秋冬時節想要暖胃補身，唔少人都會選擇食羊腩煲。.今次同女朋友揀咗呢間老飯店，佢哋自從搬咗去新地方之後菜式豐富咗好多。冬天仲有雞煲、羊腩煲😋😍。.羊腩煲（小）售價係$398，份量足夠四人食，想食多啲佢哋仲有大煲嘅版本😝。.羊肉肥瘦適中，軟腍易咬，羊皮充滿彈性，來貨質素唔錯。.湯汁味道濃郁，係港式羊腩煲嘅味道。羊腩煲仲有唔少枝竹，吸收晒醬汁嘅香味。.羊腩煲一啲都唔肥膩，所以食完仲可以用個湯汁嚟打邊爐，個湯汁用嚟煮蔬菜好合適。.而且食完唔會覺得好口渴，整體幾有驚喜🥳。

呢個星期終於感受到凍，好多人都走去打邊爐，而我就揀咗羊腩煲。食羊腩煲當然揀”老店”食，開業超過50年的紅伶飯店雖然短暫結業，不過而家已經重出江湖，仍然有大批捧場客。除咗多款特色潮洲菜，冬天應市當然要有羊腩煲。紅伶秘製羊腩煲 $398價錢唔係平，但主角羊腩都幾多，唔係小貓三四隻，而且啖啖肉。其他配料如枝竹，馬蹄等都十足，羊腩香味濃郁，軟腍冇羶味。腐乳醬一樣香醇濃厚，令羊腩更惹味。識食當然要配白飯加生菜咁先至好食。

天氣涼，想食暖笠笠嘅羊腩煲。特登嚟到呢間打冷老字號買個外賣羊腩煲返屋企。餐廳位於砵蘭街，位置方便亦相當易搵。喺門口等10分鐘左右就拎得。佢地仲有醉雞同黃酒煮雞㗎。🥘羊腩煲$398羊肉、湯底分開放。有附送腐乳醬兩小包。連骨嘅羊肉份量好多，肥瘦均勻，唔會好多肥膏。肉質軟腍美味。醬汁係傳統柱侯汁，味道濃郁，仲有啲八角香味。除咗羊肉，仲有枝竹、韭菜、馬蹄，一啲都唔單調。自己買埋生菜，等生菜吸收晒湯汁就更加正。

難得今年11月已經凍冰冰，天氣凍梗係要食返個羊腩煲暖下個身拉😎😎羊肉好處一羅羅，唔單止有超豐富嘅蛋白質，仲有壯陽補腎，暖中驅寒，溫補氣血嘅作用❤️ 咁多好處羊肉真係唔可以唔食🤣 尤其係冬天🤟🏻今次我哋嚟到好出名嘅紅伶潮州餐廳🤟🏻 今次同朋友試咗一個398嘅細羊腩煲，分量適中，兩個人食剛剛好🤟🏻羊肉超級入味，燜到囌軟，輕輕一咬就骨肉分離，肉汁連同湯汁係口腔爆開，味香，肉軟😍個人覺得更正嘅係個支竹🤣🤣 支竹吸收曬湯汁嘅精華😎 羊肉嘅蘇味被香料完美中和，所以湯汁都唔會有蘇味❤️豬紅 🤩🤩份量很多👍🏻滿滿的韮菜同豬紅！又係打冷必食~最後梗係要帶埋支啤酒啤啤佢啦~~

今日四個人去左搬後既紅伶，我黎呢到最吸引我既係，螄蚶 ，冰鎮墨魚，螄蚶有白焯同埋生醃，我黎啲重口味既緊係要生醃啦。啖啖鮮血正，完全冇肚仔痛。一洗食得開心又放心，而冰鎮墨魚，鮮甜彈牙。加埋日本介苿，中日文化大交流。之後重有，韮菜豬紅：一定係打冷必食之選，唔多講啦豬紅係唔會一夾就散既。炸豆腐：炸得金黃加上脆醬較得好好，一口一粒。卤水鵝肝：真係唔食唔得，入口即化，又唔會有內臟血腥味。好似一個好濃香既豆腐咁。個底重要有鵝腸。卤水鵝片：鵝片肥瘦適中，唔會痴牙。咸菜豬肚湯：不過不失，豬肚夠晒軟滑，又唔會好壓。潮式反沙芋：外皮唔係全沙糖做法，有啲似魷魚遊戲塊糖餅咁好脆又唔會過甜，入面芋頭夠香。兩者互相揮映。絕對有下次

到了十一月，天氣終於轉涼，凍凍地除了打邊爐外，還是食羊腩煲時間。今晚去了老字號紅伶飯店外賣了一個羊腩煲返屋企食。羊腩煲的羊肉及湯分開裝盒，返屋企即刻倒入煲裏煮滾，羊腩件數都不少，而且炆得夠腍又入味，羊肉特有的騷味已被醬汁蓋過，羊肉皮完全無毛，去得乾淨。另外還有枝竹及馬蹄，枝竹吸收了醬汁味道，入口滿口羊肉香，而馬蹄則很爽口。最後自己加了些生菜淥埋落去，沒有浪費醬汁，食完全身暖笠笠。紅伶除了羊腩煲，其實最出名是潮州滷味，下次可以同屋企人去試下。

紅伶上年在佐敦的本店結業, 還以為這超過五十年歷史的老餐廳不會再吃得到, 知道它在油麻地重開, 就去品嚐, 看看有沒有失去那種街頭原風味. 比之前面積更大, 但裝橫和舊店分別不大, 就是白色牆身和紙皮石地板. 菜式也是簡單的打冷和滷水, 就是很適合幾個麻甩佬踢拖, 喝著幾支大啤, 甚為爽快及簡單的生活.整餐最出色的是生灼墨魚, 墨魚口感夾彈而且鮮味十足, 加上Wasabi和豉油這香港特色沾醬, 味道配搭很不錯. 滷水鵝味道還算可以, 但肉質有點韌, 而且骨比肉多, 水準有點參差. 紅衫魚味道和肉質合乎水準, 件頭夠大, 但豆醬豆香不夠而帶死鹹, 附近来說以尚潮樓的凍魚最有水準. 蠔餅是港式炸得很脆的那一種, 人越大就對這種炸皮太厚, 吃粉多過吃蠔仔的蠔餅越抗拒, 幸好沒有油膱味, 這個則比附近的煲仔飯檔做得好多了.

天氣同女人嘅心情一樣話轉就轉，尋日都仲熱辣辣，今日就得返十幾度，瞓醒突然好想食羊腩煲，先生當然支持，仲幫我搵到呢間老字號。餐廳主打潮州打冷，帶有滿滿嘅懷舊風味，門外仲貼咗飲食男女嘅專訪。羊腩煲有分大細，我哋兩個加埋兩老，細嘅都綽綽有餘，一打開外賣盒，份量多到以為俾錯咗，非常驚喜！羊腩煲當然要滾住食，換上自家煲仔，即刻風味倍增！除咗羊腩足料，枝竹、馬蹄同冬菇亦同樣俾得夠大方。枝竹炆得非常入味，重點係湯汁味道恰到好處，帶有羊香但一啲都唔羶。羊腩肥瘦適中，件件都係靚腩位，但又唔會太肥，炆到夠哂軟腍，而且唔羶，連先生平時咁腌尖都大讚！凍冰冰嘆返個羊腩煲滾一滾，真係神仙都企唔穩，外賣羊腩煲方便又好味，自己添少少生菜開罐汽水已經係完美晚餐，今晚唔單止先生，連平時唔主張食外賣嘅兩老都好滿意！一定要再encore！

呢排天氣轉涼，雖然未去到凍冰冰，不過又係到左食羊腩煲既時候啦。基本上每年接近冬季都會經常來呢度食秘制羊腩煲，羊腩煲既火侯十足，一啲都唔煙韌，配菜既配搭同份量亦都十足，d支竹係真係缺一不可。最緊要係中意呢度既羊腩煲係冇羶味，超好食，再加上腐乳醬，無得頂啊，越食越滋味。我地幾個朋友除左點左個細羊腩煲之外仲叫左幾個小菜，豉椒炒蜆，豉椒鵝腸，韭菜豬紅同蒜蓉薯苗。豉椒炒蜆好野味，都幾多蜆肉。重要既係唔會太咸，鑊氣夠👍韭菜豬紅好大碗，成碗都係豬紅咁濟，有個極好豬紅既朋友一邊食一邊說好滑😋個豉椒鵝腸都好大碟，不旦指鵝腸多，仲好爽口，配酒一流蒜蓉薯苗好嫩口，雖然睇落碟野唔多，個個一直食都仲有😘

上個禮拜首響頭炮，去咗食某集團超抵$1羊腩煲，結果就大失所望🥺 今次就俾番正常價去挽回我對羊腩煲呢份喜愛😘😘今次就嚟到紅伶飯店食，一聽就知佢係老字號，不過我都係睇ig先知呢間餐廳，見佢都推出羊腩煲，所以就嚟試一試啦😄店舖就分兩層，但係位置都比較逼狹，而且二樓都幾應聲，不過都係正常，食呢啲係咁先有氣氛🤣食物就叫咗羊腩煲，細就要$399，份量係夠兩人有凸，味道好重香料味，所以羊羶味都冇乜，肉質夠哂淋滑易咬，有啲仲連埋皮再加少少肥，正到不得了😘😘一啖飯一啖羊肉，夠哂暖身😚除此之外，呢到嘅小菜款式都好多，基本上咩都有得食！我哋叫咗個鹵水拼盤食，入面種類多不勝數，墨魚生腸鵝腸雞腎豬腸⋯⋯應有盡有，啱哂我呢啲乜都想食嘅人嗌，食得盡興~~總括而言，呢間絕對可以擺落list再戰，餐廳人手足夠，總有一個係左緊，有服務，而食物質素俱全，值得一食再食吖🥰😚

今日回暖但係偏偏去咗食羊腩煲， 食羊腩煲之前就叫咗醉螺， 冇酒味只有螺味， 算是爽口。 湯底有啲似麻辣燙。然後嚟咗個細羊腩煲， 羊肉算係好多滿曬成個煲兩個人都食唔曬。 反而成個煲最好味嘅係 支竹， 非常之入味。 可以一試。

紅伶飯店真的很受街坊歡迎，像我遠道而來，一試舊式餐廳風味的人仍然很多。現在入秋，特別多人吃羊腩煲，我們雖然只得二人，也要試試小份的秘製羊腩煲，再加一碟避風塘茄子，一碗白飯，夠我捧著肚子走。秘製羊腩煲$398(細), 以為細煲的份量會少很多羊腩，但其實份量超多，愈吃愈有，吃到底還會粘鍋，記得要不時攪拌，還要收細火。味道方面，這個柱侯汁會越煮越濃味，還是再提大家，要不時攪拌，讓醬汁味道更均勻，羊腩就更好吃。羊腩已經炆到好淋又入味，加上腐乳醬這個精華，越吃越香。煲裡還有支竹、馬蹄，都是我的最愛，吃得乾乾淨淨。避風塘茄子$88, 炸成金黃色，超多的炸蒜蓉和辣椒乾，賣相非常漂亮，聞到超香椒鹽味道，帶微辣，茄子外面有粉醬炸過，脆卜卜的，裏面又軟又多汁，非常好味！菜色到齊，當然要來碗白飯($12) 映襯，這才是港式餐廳獨有的情懷，香港人就是愛吃飯，炒兩個小菜餸飯就很滿足。晚上8時半了，還有很多人在門外等位入座，真的歲月不減人氣，老牌餐廳有其吸引之處呢！希望香港能繼續保留及發展港式餐廳，讓香港情懷延續下去。

喺旺角行街行到好攰，去咗油麻地搵嘢食，見到有間紅伶飯店好似有啲人排下隊，門面掛咗幾隻燒鵝，應該係大排檔同潮州滷水店，好似唔錯就入咗去，見佢鋪面細細原來仲有樓上嗰層㗎，坐左冇幾耐都差唔多坐滿晒，呢間野咁多人食嘅咩？天氣轉眼冷，見到佢有張羊腩煲打邊爐推介。哇！冬天最啱食呢樣！但係得兩條友，所以就叫咗個細嘅羊腩煲再加一個煎蠔餅雖然係細份的羊腩煲，但份量也不少，大塊的羊腩有8、9塊，食落有羊肉味但一點都唔羶，有點像羊味的牛腩，炆到好淋，好易咬開。成個煲的精華係枝竹，剛剛開始炆唔夠味，要等多一陣，等枝竹吸收晒所有羊腩味，就正啦，餸飯一流。另外有少少馬蹄，咁就唔怕太燥熱！蠔餅好大塊，炸到外香脆內軟滑，用筷子一夾就散開，見到入面有好多蠔仔，粒粒都好肥美，食落鮮甜唔覺腥，入口即融咁。不過兩個人食好似多了少少，應該拉埋班朋友下次再食，我見隔離枱好多人都點了韭菜豬紅，唔通係名菜？搵到我心心思想下次試吓