糖心軒

營業中

休息中

同老公食左幾樣點心都好唔錯，蝦餃又大皮又薄，內餡有5隻蝦；炸鮮蝦雲吞都好出色，皮脆唔油蝦又大；腸粉薄滑；為左食翅邊等邊食，廚部食物要11:00後先有。翅都有4-5群，廚部即煲即上，味道適中。所有食物點心炸物都好吸引，雖然價錢比一般酒樓略貴，但整體質素好，值得推介。

老人家生日，揀選食中菜慶祝，就來了這間酒樓食晚飯。入內地方闊落，枱與枱之間有很寬敞的空間，完全聽不到其他食客的對話。樓底高，環境衛生乾淨，裝修感覺也新淨。客人都算多，目測都滿席。上菜速度都快，幾味餸好快上枱，服務都OK。講講食物，首先是小食，腰果烤得脆口，腰果顏色金黃，幾好食！雞湯金錢翅這個做緊差不多有半價的優惠，所以叫來試試。湯不濃不淡不太咸，洽到好處，翅肉多！炸子雞（半隻）皮脆色澤靚，肉厚大件而不韌，幾好！雜菜煲菜新鮮無菜渣，大棵多汁。蝦米大大隻，很少食到這麼大隻，湯底有菜清味帶點咸，不會太淡口。還有少許粉絲及切片菇。鵝瘦不太肥，皮亦脆，肉多。苦瓜排骨煲湯底加了點點胡椒，苦瓜大塊，排骨大件肉厚，燉得好淋，啖啖肉。😂湯底及苦瓜都很苦，但清清地，感覺很清熱。呢個瑤柱蛋白炒飯幾唔錯，唔油乾身，飯炒到粒粒分明，很香蛋白味！👍這兒有人參烏龍茶，飲落唔覺有人參味，不過味道都幾好入口，來食飯可以試下。最後送糖水，有兩款選擇。紫米露及綠豆沙紫米露材料比想像中多，有芋頭，西米，紫米等，不HEA。糖水亦不會像出面茶樓般很傑身，偏少少淡口但都夠味，作為最尾的甜品是OK的。綠豆沙的豆不算多但可以接受。總觀

之前試過中午茶市嘅點心，覺得唔錯，今晚約了朋友再嚟試佢晚飯，睇下水準如何？上環區晚市相對較靜，客人唔多，較靜局，擺位都較寬敞，兩個人唔可以試到太多，只叫了三款食物。惠顧晚市送燒味，今晚送嘅喺燒腩仔，皮都夠脆，五層肉腩仔，肥瘦均勻，有九嚿，份量足，都幾好食！清蒸老虎班，師傅蒸到啱啱好，肉夠滑，好掂！海皇豆腐煲，班片同鮮魷都夠鮮，豆腐夠哂滑溜， 熱辣辣好好味！魚肚泡飯，份量都多，有炸過嘅脆米飯，浸泡落去湯飯度有雙重口感，湯好鮮甜，非常好味

之前曾經有同事帶我來這裏飲茶記得蝦餃大大粒, 一大隻蝦在內, 還有煲仔飯, 煲底有微微的飯焦,脆卜卜最正還有迷你砂煲海參,花膠,魚肚聽聞酒樓老闆都是上環海味街的老細, 所以餐牌上很多鮑參翅肚的菜式 今晚歡送退休老板, 來試試晚飯有人想食冬瓜盅, 有人想食魚翅, 店員推介 冬瓜盅拼魚翅半肥瘦叉燒啫啫芥蘭煲欖角骨, 骨中帶點肥肉水煮牛肉, 麻辣味雖不算太濃, 但牛肉嫩滑麵醬唐生菜招牌當紅炸子雞, 皮脆清蒸龍躉旗, 食完即刻覺得充滿骨膠原蒜片牛柳粒, 蒜片才是最正蛋散, 有點失望, 好似兩日前的賣剩貨燴牛筋

糖心軒酒家前身係「魚翅城」, 創辦人鄺先生係專營鮑參翅肚， 家族在魚翅行業內舉足輕重， 所以雖然係嚟飲中午茶， 但點都要試下佢個足而二兩雞湯翅。足二兩雞湯翅， 呢碗雞湯翅足料不在話下， 個湯底都餚得好濃都， 真係物有所值。水晶蝦餃皇， 大大隻鮮蝦食得出好爽好鮮， 個蝦餃皮要攤凍少少先至夠煙韌。原隻鮮蝦腸粉， 鮮蝦腸粉入面啲蝦係同蝦餃一樣嘅蝦， 不過腸粉皮稍厚唔夠滑。魚肚蒸滑雞， 魚肚夠厚又夠淋，食得出係上等貨， 雞都好滑，味道唔錯。瓜子馬拉糕， 瓜子仁撒滿馬拉糕表面，糕夠鬆軟，甜度適中。今次用餐整體感覺良好， 希望下次再嚟可以試下晚飯時段嘅小菜。

【#飲茶精選🍵 】#糖心軒 今日假期想去一間中上價錢既酒樓飲茶，之前都有來過，係貴少少，一次半次冇乜所謂啦。#鮮蝦腸粉 保持高水準👍 腸粉夠滑，🍤大隻爽口，$46頂點頂瓜瓜🤣#沙爹土魷 應該係新出品，大點$38，味道幾好唔會過咸，質地唔會太硬，唔驚胃痛👍另外兩樣點心都好食但覺得比之前退步咗。灌湯餃冇記錯之前係特點，而家升格頂點，都算足料，不過今日個湯就比之前既淡口，唔知係咪入單時間較早（11點前）有關，湯未夠時間🤔沙律蝦春卷（大點）基本上次次都叫，脆口啖啖蝦肉好正♥不過今日食就係啖啖雜果💔蝦肉少咗。茶錢$15@，茶香味夠👍感覺好似比之前退步咗，之前明知佢貴都要去食就因為食物質素高，但如果差咗，又或者只係比平價酒樓好少少，咁就要再考慮。埋單$332，差唔多可以飲到三餐早茶🤔推介指數：5/10

2/5They use some special dried seafood with is good, but need lots improvement to really make it happen. I think they could do much better then this.Lots of flavour leaking. My bird’s nest taste like water. I think they didn’t drain out the water, so even I add the almond milk and syrup is tasteless.

上次試完糖心軒盤菜，家人都好滿意，一月是我生日，家人提議訂位去糖心軒吃！我記得糖心軒的海味質素好好，我想試下翅和鮑魚，所以訂位時順便訂了！今次我們吃的是海虎翅，海虎翅是魚翅中頂級的類別，翅針好粗壯！大家都知道處理魚翅的步驟都好繁複，所以吃到美味的魚翅都不簡單！海處翅用煲仔上，香氣撲鼻，熱辣辣！每條翅都好粗，質素有保證，而且翅的份量也不少，翅吸收了雞湯的鮮味，雞湯味道濃而不膩！翅的口感幼滑帶點爽口！第一次食到這般優質的翅，令人滿足！另一驚喜就是南非乾鮑魚，是28頭的！個頭都幾大，厚肉，切開看看，是溏心的！炆得非常入味，腍得來又不失咬口！慢慢咀嚼會感受到濃郁的鮑魚味！整乾鮑工夫好多，在這裡吃都是$480，絕對物超所值！另外點了一條瓜子斑，有點似東星斑，買開魚就知，瓜子斑不是常有，這條斑好新鮮，蒸得剛剛好，魚肉鮮甜！

話說今年做節不想媽媽太辛苦，家人提議早點訂位，今年食盆菜！之前記得街坊推介過上環的糖心軒，說他們的食物一流，尤其海味質素甚高！我就打電話訂位訂定盆菜，帶家人試試！今次訂了6人盆菜，糖心軒這個盆菜賣相好吸引，好足料，一共有13款食材，真的盆滿缽滿！每次食盆菜，最吸引大家都一定是鮑魚！之前食過的盆菜鮑魚，質素都略為普通，大概就是罐頭那種味道！南非吉品鮑第一時間夾來試試，鮑魚味濃帶溏心，38頭，請客的話絕對豪華不失禮！炆得入味夠腍，果然如街坊所講，海味質素非常好！日本關西遼參每條參都非常飽滿，色澤很好，炆完口感仍爽滑彈牙，暫時吃了的兩種海味已經遠勝過其他食過的盆菜！鮮青蓮魚唇比平時的盆菜更有特色的是有魚唇，即是翅裙，平時好少食到，所以感覺更矜貴，要做得好食都不簡單，口感軟滑，蘊含豐富膠質！花膠非常厚身，入口充滿膠質，花膠味濃，養顏，男女老少都鍾意！北海道原粒元貝、日本蠔豉兩款來自日本的海味，同樣又大粒又鮮！除了海味，還有海蝦、發財、鵝掌、腩肉、冬菇、蘿蔔、娃娃菜，不得不讚，醬汁濃淡得宜，材料都很入味！另外，食得出係游水海蝦並非急凍蝦，蝦好甜又彈牙，有點與別不同。其實今時今日盆菜花樣多多，我個

一家人2022年前打算食返餐好既😂有老有嫩最好就食中菜啦。放假邊度都咁多人，咁岩見到屋企付近糖心軒有位就入去食。坐低見到而家晚飯做緊食滿1200蚊送雞煲翅優惠，我哋一行6人都唔難食夠1200蚊丫🤣1.鹽酥魷魚都幾大碟幾多，惹味夠獲氣2.叉燒厚切又肥瘦適中，有少少燶邊，夠大碟，好味😋3.龍蝦伊面龍蝦新鮮，肉質爽脆但略欠鮮甜，都夠大隻啖啖肉4.上湯豆苗好味又唔油膩。5.炸子雞寫明用新鮮雞做的，果然唔同其他一般酒樓，肉質好食唔怕有梅味雪味，皮又脆，肉質鮮嫩，推介👍👍👍👍👍6.雞煲翅6兩免費送的，一人一碗剛好有6兩，幾好食，食落都有啖啖翅，絕對無hea🥰7.老虎班不得不讚下呢條魚，火喉剛剛好，好滑，豉油成功令條魚更加鮮甜，水準之作👍👍👍8.菠蘿生炒骨生炒骨用新鮮菠蘿炒的，剛好解了生炒骨的油脂感。不錯👍最後更送糖水，有蕃薯糖水和紅豆沙選擇，紅豆沙好味😋

早前假日糖心軒飲茶，發現食物質素唔錯，今晚一於同屋企人試吓晚飯。=========================砂鍋雞煲翅六兩 $348一份可以分到四人嘅份量，而且每碗魚翅分量見體👍🏼 奶白色嘅雞湯濃郁有鮮味用上新鮮雞，雞肉有鮮甜味，略嫌份量比較少；呢個價錢預咗係平價魚翅，但質素頗高😮 翅針大概牙籤咁粗，口感爽滑，浸泡在濃湯之中入味，cp值甚高！清蒸老虎斑 $398老虎斑鮮度還好，不過蒸魚嘅火候值得一讚，魚中心嘅肉輕輕黏住骨，肉質爽口。花雕醉鴿 $108上菜時聞唔到花雕香氣，不過入口鴿肉入味帶微微酒味，不過鴿身幾大隻，肉質偏硬。金銀蛋莧菜 $99莧菜嫩，鹹蛋白滑身，不錯=========================糖心軒 (上環)📍 上環德輔道西28號宜必思酒店2樓

去過呢度飲茶幾次， 點心選擇唔算太多， 不過質素總算ok， 同埋有時覺得飲茶嘅環境好嘈什， 所以講嘢自己都要大聲啲， 不過依間酒樓就冇呢個問題， 唔算太嘈什， 座位都夠寬敞。 今次叫咗小籠包、 蛋散 、叉燒包、 金沙炒飯和午市特價孖寶。 小籠包個皮好厚， 不推介; 蛋散唔太甜， 又夠鬆脆； 叉燒包真材實料，like； 金沙炒飯味道正常； 午市特價孖寶有海參和魚肚， 都係賣88蚊， 非常抵食， 質素可以。 三五知己飲下茶、傾下計， 呢度會係一個好選擇。

星期日屋企人帶我嚟到「糖心軒」飲茶，佢哋食過幾次都能保持水準。到訪之前，我唔帶期望，諗唔到，都幾有驚喜。「糖心軒」主打鮑參翅肚，早午市點心、小菜亦加入呢啲食材，不過價錢貼地，鮑參翅肚都不一定高不可攀。今次先試試點心先，出品可以嘅話再進一步。=========================【鮮蝦炸雲吞】$44雲吞新鮮炸好色澤金黃，皮鬆脆乾爽，唔會碟底一攤油。餡料有原隻鮮蝦十分彈牙爽口，大大力推介！【原隻鮮蝦腸】$46腸粉皮滑但偏厚，餡料方面原隻大蝦十分足料【水晶蝦餃皇】$44蝦餃好～大～隻～但太大隻嘅關係，賣相唔夠精緻，亦蒸到爆餡。不過，餡料有兩隻原隻鮮蝦，十分爽口彈牙。【薑蔥牛柏葉】 $38醬料惹味，呢個不過不失【蠔皇叉燒包】 $32包身唔黐牙，叉燒餡料多，但相對其他水準之作較普通。【山竹牛肉球】$38牛肉球好大，口感彈牙，當中肥肉唔會太多，墊底腐竹吸收精華。【流沙奶黃包】$38一咬嘅時候，奶黃湧出來，差啲辣親😆  外皮厚薄適中，奶黃醬第一下入口香甜，略略起沙嘅口感慢慢出嚟，唔會過於甜膩。【鹹魚肉餅煲仔飯】$52煲仔飯十分之香，米飯粒粒分明爽口，吸收肉餅肉汁、鹹魚嘅香氣。【紅豆糕】$

糖心軒一間令人好有驚喜既酒樓，今次係第二次幫襯，第一次食已經好滿意，仲要滿意到唔記得左記低佢，今次補番。先講一講個地點，佢係上環尾近海味街既 ibis Hotel 既2樓，位置黎講呢，我個人就覺得幾唔就腳既，不過為左食就算喇。今次都係中午去飲茶，分別係點左鐵板蔥燒魚唇、叉燒、蝦餃、燒賣、牛柏葉、蝦腸、腐皮卷、山竹牛肉，每人仲叫左兜翅。直接啲講，就係性價比好高，每樣點心都熱辣辣味道好好，完全無過咸之類。而個鐵板蔥燒魚唇同叉燒，一定要重點推介，好味，我覺得我每次再去飲茶都一定會 encore 呢兩樣。

今日老細心情好，叫埋我地3條女一齊去飲茶，仲要係去糖心軒糖心軒出名食品精緻，特別在店內所有食品都不會加味精，樣樣原汁原味食得安心又放心。價錢我地唔睇架喇，係咁叫唔客氣😂，椒鹽魷魚🦑鬚（$60）、金牌燒腩仔（$68）、鮮蝦腐皮卷（大點）、香茜叉燒腸（特點）、鮮蝦韮菜餃（大點）、水晶鮮蝦餃（特點）、蟹籽燒賣皇（大點）、雞湯魚滑生菜煲（廚點）。每樣點心都相當美味特別要介紹一下個金牌燒腩仔，真係外脆內軟😂，個皮咬落去聽到「卜卜」聲店內環境好好，樓底夠曬高，又夠光猛👍🏻，呢餐好似係$4xx，實際幾多我真係唔知喇😂*茶錢每位$14，小點$24，中點$32，大點$38，特點$44，廚點$58，另加一服務費多謝老細🙇‍♀️