米走雞 (太子藍馬之城)

營業中

休息中

黃金芝士雞煲🧀最出名既黃金芝士雞煲🧀呢度既雞🐔出名滑同埋啖啖肉😍內軟鮮嫩🤤配埋主打既芝士💯芝士可以拉絲添🤤芝士既濃香配埋少少洋蔥 可以話濃而不膩🤤💜香氣撲鼻😍最岩芝士控去食啦

見到open rice咁多正評，行完山就同男朋友黎試一試呢度既芝士雞煲($178)。不得不說啲雞鋪上芝士，一舊榴槤咁(唔鐘意榴槤既人慎選)，芝士味道唔錯，但雞件完全冇味。平時食雞煲都有醬料喺上面，而今次食既雞係無味、無醃過，雖然份量多，但絕對講唔上好食。其實呢間餐廳唔係任食火鍋，要逐樣喺menu上叫，已經比其他餐廳貴。食完哂啲雞後就開始叫其他配料，雖然似乎響鈴好出名，但實左太大份，啲芝士雞本身已食到好濟，叫唔落手。配料叫左wasabi墨魚丸、蜂巢豆腐、韭菜餃同菜，加上竹庶茅根水對兩個人黎講太大壺，最後大家都食唔哂啲野。咁多樣配料，韭菜餃算比較足料夠味，但講真一開始啲雞食到咁飽，夾硬食落肚，唔算enjoy。埋單兩個人都要$574 （一人$287），實際上唔係叫左好多野，大家可以自己衡量去唔去。

同媽咪老公去完太子買結婚用品，順便到太子米走雞食個芝士雞煲同打邊爐。原來係得獎店舖，唔怪得知咁多人幫襯。醬料可以因應個人喜好自由選擇😌當識下佢哋最出名的芝士雞煲，店員捧來的時候要等15分鐘才能打開蓋食，打開之後香噴噴又香濃芝士味傳出，好吸引👍雞肉咬開識落肉質鮮嫩入晒味😋😋😋牛肉一片一片厚切，油脂分布均勻，牛肉味濃，一句講晒正！新鮮淮山煮的時間要耐小小，健康有益👍鵝腸新鮮，食落爽口。炸魚皮炸得脆卜卜，好香口👍粟米超甜👍👍👍

之前已經係長沙灣食過 “米走雞”，食過翻尋味!! 但因為太遠無得成日去食。最近發現米走雞已經開左好多分店，太子都有，所以忍唔住要去食啦!!去米走雞緊係要食芝士雞煲啦，叫左黃金芝士雞煲，芝士分量有得揀，揀左激量，雞都可以揀半隻或者一隻!!! 一打開蓋啲香味即刻飄出黎，啲芝士多到有拉芝效果，而且非常濃郁但又唔會太漏!! 啲雞非常嫩滑，正!! 食到咁上下就加湯打邊爐，都係叫左平時打邊爐嘅丸，肥牛，響鈴... 啲料普普通通啦，但要讚下佢嘅響鈴，炸得好脆，加埋啲芝士湯真係好夾，好好味

今天下午約了老友去花墟睇盆栽植物，不知不覺行到黃昏。途經旺角警署對面2/F食雞煲「米走雞」就食埋晚餐才回家！😍😍由於係晚上六點，時間尚早所以餐廳唔算太多人，我哋好快就有得入座。還有獨立房間設計，如果下次約一大班朋友來可以選擇 BOOK房聚餐打邊爐🎉🎉店員先送來一盤火鍋醬料，有辣椒、麻醬、蔥、芫荽、香蒜、蒜蓉，可以自己調味料多少👍👍隔離枱一陣陣雞煲香氣撲鼻，令我急不及待也叫了一個《火焰麻辣小雞煲》＄168😋😋很細心❤️店員安排開爐煮炒及控制烹調時間👍👍係時候品嚐，雞件肉質嫩滑，味道一流😋😋《手打五寶丸拼盤》🍡＄88，一碟可以吃到五款不同口味的丸👏👏《鮮製四拼餃》🥟＄88，啱晒我眼闊肚窄嘅人又可以試多四款餃類👏👏雞煲吃到差不多的時候，就可以叫店員加湯做火鍋湯底😋😋變化咁多，真係食極都唔厭！⭐️⭐️

大伙聚舊吃飯，地點都選在油尖旺一帶。這次朋友選的鷄煲火鍋店，地點也極方便，鄰近太子地鐵站，出了地鐵腳程不到５分鐘。店名＂米走鷄＂，也很親民貼地，吃的雖是中菜的鷄煲，但也深受韓風飲食文化影響，一份鷄煲一次滿足＂芝士＋鷄煲＋火鍋＂三個願望，甚至可說是香港芝士鷄煲的始祖發源地。我們四人去到已是七點半，已算滿場，氣氛熱鬧，但由於我們有訂位，也很快就有卡位。店內空調也足夠，沒有煙燻侷促，座位算寬闊。我們坐下，發現醬料費每人 HKD 14，有洋蔥 / 乾蔥 / 蒜蓉 / 辣椒 / 沙爹 / 豉油 等六種醬油和拌料。另外，店裡也有麻辣雞煲（畢竟現在街外吃的雞煲多是麻辣雞煲），但這裡人們還是大多叫芝士雞煲，我們當然也是叫了招牌的黃金芝士雞煲。鷄煲的份量，我們叫了大煲（雖然最終硬撐著吃完全部，但有點太飽），後來回想，細煲份量，由於足料，加上芝士飽肚，已足夠三四人吃。選好鷄煲份量，我們再選芝士份量（正常或激量），我們只選了正常量，但後來發現正常的芝士也十分足料，當芝士融化時，芝味飄香四溢，難得的是吃上口感，芝味十足但沒有過重奶味，芝士味也沒有蓋過雞味。聽說火鍋的雞件全用雞髀肉，不知實情如此，但雞肉確實大件

開始入秋，氣溫有少少涼，有朋友提議去米走雞食雞煲及火鍋，我當然沒有異議。黃金芝士雞煲 - 我們一行四人，點了一個大煲，果然係招牌菜，主角就係主角，芝士份量可以選擇，非常香味濃郁，而雞件就相當嫩滑，真的'芝'味無窮! 我們四個大男人吃了一半雞煲已經飽了三分，決定暫時收手，加湯先進擊火鍋。手切特級霜降和牛 - 大家都是和牛控，這個霜降和牛真的不得了，牛肉新鮮肉味濃，油花分布均勻，略為厚切，放入芝士火鍋十秒八秒即可，芝味和牛入口實在大滿足! 而且牛肉份量頗大，價格非常合理。鮮炸響鈴 - 這個香脆得不得了~ 而且大大件，放入芝士鍋兩秒剛好，沾上濃郁的芝士香加上微脆的質感，真的不是兒戲! 蔬菜 - 我們點了油麥菜，正好將芝士雞煲及和牛火鍋的精華盡數吸收，滿足到最後一刻。難得三五知己，吃個芝士雞煲，打個和牛火鍋，加上數枝大啤，實在不亦樂乎。

呢排天氣涼涼地，好想食d暖身既野，例如⋯⋯雞煲！麻辣雞煲就食得多，芝士雞煲就得個聽字，個個都話驚肥乜乜乜，但食飽先有力減肥架嘛！但又比我夾到個人質陪我去哈哈。餐廳係正太子警署對面，係巨x冰室隔離搭lift上2樓。座位方面主要係4-6人卡位，座位之間既空位都好鬆動，就算一家人黎，都唔怕嘈親隔離枱。枱面仲有張紙，寫住叫咩配料配呢個芝士雞煲係最正最吸湯，包括：出前一丁&芝士、響鈴、蜂巢冰豆腐、手切特級霜降和牛、黑松露魚面、雜菇拼盤。我地就叫左: ------------------芝士雞煲 - 小 $178手切新鮮牛頸脊 - 小 $228牛柏葉 - 半份 $43響鈴 $52------------------芝士雞煲 - 小 ($178)用左5種芝士，包括車打芝士、巴馬臣芝士、大孔芝士加2款秘密芝士，呢個組合真係同韓國果d芝士炸雞有得揮。嫩滑既雞脾肉係加左芝士、紅酒、牛油、蒜同冰糖醜過，炒熟先放入煲。湯底用左豬雞魚骨熬製既，仲有洋蔥、中芹、芫茜、乾蔥平衡反個油膩感。咁就煉成左－「芝士雞煲」。嘆完d雞件，就加湯（可以揀清湯or芝士湯），開始用個芝士湯打邊爐。手切新鮮牛頸脊 - 小 ($228)

芝士雞煲，聽就聽得多，食就未食過既。呢間可以wtsapp訂位，唔似某某連鎖火鍋店，打到個電話爛都冇人聽。我地bk左6.30pm收工過黎就岩岩好，終於可以一試呢個傳說中既本地首創既芝士雞煲。我同友人約左係太子站E出口等，3分鐘路程就到了，唔難揾，而且係太子呢個位置好方便。芝士雞煲 - 小 ($178)用左車打芝士同巴馬臣芝士，仲有d係冇公開過既秘方芝士，呢個組合真係同韓國果d芝士拉絲炸雞有得揮。湯底用左豬雞魚骨熬製既，仲有大量既洋蔥，好fusion既做法。食完d雞，店員會幫手加湯，就可以用個芝士湯（or清湯）打邊爐。竹笙墨魚滑 ($88)釀左墨魚滑係竹笙入面，咬落去先係吸哂芝士湯汁既竹笙，再黎就係鮮味十足既墨魚滑。平時見開既，最多都係釀入油炸鬼or豆卜，今次係釀入竹笙，2樣我中意食既野竟然合體，有趣有趣！澳洲牛舌 ($88)爐端燒食牛舌就食得多，火鍋有牛舌就比較少見，牛舌切到厚薄適中，痴滿芝士，牛舌肉質爽口細嫩。白鱔片 ($98)目測有7-8塊大大塊既，魚肉結實，唔會一淥就散，新鮮冇腥味，大大啖咬落去好滿足。清熱銀菊露 ($68)落左冰糖，滋潤解燥，火鍋最佳伴侶。overall，係ope

近日天氣變涼，又是食火鍋的好時節。收工後與友人到太子覓食，看到路邊的宣傳單就上去了。這間是雞煲加火鍋一起的店，在香港這類型很多。友人點了麻辣雞煲，侍應生上菜時點火，大家都驚呆了，原來是火炎雞煲😆視覺效果確實一流，亦為是日晚飯增添了氣氛。雞煲清一色選用雞腿，亦是我欣賞的地方，最少不用搶著要😂再來說一下配料，雪花牛肉肉脂分布不錯，口感亦很嫩。另外點了推薦的鮮炸響鈴👍份量很大，食時口感十足，非常推薦。

食芝士雞煲一定係食米走雞，岀名雞煲，超多食評評價，帶朋友一試即一試難忘。芝士雞煲，雞脾肉肉厚香嫩，啖啖香肉，熱辣辣，香噴噴。配上濃厚芝士，非常適合芝士控。四人份量，大大煲，光食雞煲已非常滿足。食完雞煲已飽了六七成。再來加湯打邊爐。雙重享受。 來個霜降雪花肥牛，至上享受。還有些自製手打丸，爽口彈牙，多汁。韮菜餃子，餡料豐富，脹卜卜平平穏穩。鴕鳥肉，加午餐肉，放落水滾幾下幾秒鐘就食得，快靚正。不食牛的食客可以試下。食到口乾，可以叫一瓶竹庶矛根飲下，香甜新鮮，清爽，一瓶四人飲，唔錯

同友人去咗係太子米走雞位置好方便 太子站一出行一兩分鐘就到環境感覺幾乾淨 坐位之間唔會太逼一坐低 店員會畀醬料你撈 畀你火煱用醬料費每人要$14  雖然同友人最後都食唔落火鍋用唔著叫咗兩個小食紫薑流心番皮蛋 -本身皮蛋好流心 好好味 再食第二件時怕太膩 所以配埋紫薑一齊食 醒胃既紫薑配皮蛋太夾 好有層次感涼拌木耳絲伴海蜇 - 有點麻辣 如果木耳能切小一點會更好黃金芝士雞煲 - 小係2-3人份量 但其實足夠3-4人 十分足料了 眼看芝士已經很多煮咗一陣 店員幫忙揭蓋芝士味飃出黎 長長既芝士拉絲 但又唔好膩雞係用雞肶 所以好夠鮮嫩好滑 驚喜係食都最尾煲咗好肘都仲好滑佢件件都好大件加上芝士很飽肚 再食埋底下有芹菜洋蔥 兩個人跟本就食唔到其他野叫咗竹蔗茅根 $68好似好唔抵 但其實是得大一瓶 甜度適中要記住只收現金如果多幾個朋友一齊食 加埋芝士湯火煱 會更加更加好

日前放工後，約了 班很久沒見的朋友，去 旺角 彌敦道 太子藍馬之城 聚舊，食吓晚飯 ，聊聊近况。我們約了 在藍馬之城2樓，「咪走雞 」食雞煲火鍋。我們 到餐廳的時候已經有很多食客正在排隊等位， 幸好我們等了不久很快就安排入座， 餐廳內氣氛熱鬧 ，空氣調節也很足夠， 沒有煙燻 侷促的感覺。我們坐下後先 我打咗一個 黃金芝士 雞煲 (細煲$178)， 雖然是細煲但分量 非常足夠幾位食用， 雞煲內的芝士味溶化後噴出濃郁的芝士芬芳叫人胃口即開， 每件雞件 肉 質肥美， 雞件也比芝士沾滿， 把整件雞 肉連芝士 混在一起 ，有令人讚不绝口的口感。吃完雞煲後還可以加入清湯， 作火鍋湯底， 還可以回味無窮， 餐廳內提供了很多火鍋配料 有新鮮的五香鴕鳥肉$78，自製手打五寶丸 拼盤$88， 最受食客歡迎的「哈哈蝦中寶」$118。飲品方面， 個人最欣賞餐廳的 自製竹蔗茅根， 清涼可口，可以 消暑解渴$68。 這個 最舊的 晚餐， 朋友都很 滿意。

之前同朋友食過米走雞嘅芝士雞煲，一直念念不忘，今日經過太子見到有一間分店，所以決定再食一次。　餐廳由太子地鐵站行過去大約5分鐘，餐廳環境闊落，座位舒適。角色各類嘅醬汁同配料可供自由選擇。除咗啲黃金芝士雞煲同火焰麻辣雞煲，仲有其他湯鍋。火鍋配料選擇多，而且仲有啲非常特別。甜酸青瓜皮，青瓜皮爽脆，酸酸地非常開胃。火焰麻辣雞煲，以麻椒、辣椒再加入玫瑰露點火，配合火焰燃燒食材，即炒令到味道更突出更有層次感，雞肉嫩滑，麻辣香完全逼入雞肉。食到一半,，我們加了湯和點了其他火鍋材料。哈哈蝦中寶，中蝦混入蟹子、芹菜同蝦膠，食到脆卜卜口感，同鮮甜嘅味道。翡翠苗嫩滑，無渣，清甜無比。雜菇拼盤，非常新鮮，而且菇味香濃。紅薯粉吸收左整個麻辣雞煲嘅精華，入口煙韌彈牙。而且店員都很主動和樂意幫助客人。

自從韓國飲食文化在香港風行，芝士便成了不少餐廳招牌食品。今晚，因為開始秋風起了，我們又來到這間以芝士雞煲吸引一眾食客的米走雞。記得第一次是幫襯長沙彎總店，後來便到太子這店。他們的芝士雞煲名乎其實的「冇得輸」，大大件的雞腿肉，加上激量的芝士，在鐵鍋內滾下滾下，芝士香氣四溢，雞腿肉十分嫩滑，對於肚餓的我們來說，立時得到了滿足。吃過雞煲，殷勤的服務員便立即為我們添加上湯，我們亦開始選擇火鍋食品，準備吃火鍋了。由於我們都不是「大胃王」，所以只是精心挑選了幾款食物。豆腐：吃火鍋的指定食物，因為是本人的大愛。豆腐吸收了火鍋湯底的精華，加上本身的嫩滑，美味無窮。大海蝦：這個十分推介！價錢不貴，份量十足，蝦肉爽口彈牙，味道鮮甜。四丸拼盤(鳳城水餃、鮮蝦雲吞、牛肉餃、韭菜餃)：吃火鍋又怎可以不吃水餃雲吞，他們這個拼盤真的很貼心，完全滿足了人數少但想吃餃子的食客需要，而且有四種不同的餃子。個人覺得牛肉餃甚有驚喜，而其餘三款亦在水準之上。響鈴：吃響鈴是為了它嫩冧中帶着爽脆的矛盾性，正！為了解決吃火鍋的後遺症，我們更要了一大瓶銀菊露，同樣是喝得開心和起勁！是晚豐盛的火鍋，也是六百多元，抵食！