米走雞 (太子藍馬之城)

營業中

休息中

再戰雞煲咪走雞嘅雞煲真係無得輸，講得簡單啲，就係抵食夾大件！二人份量嘅雞煲，坦白講，只要你唔貪心，叫一份已經夠你飽一日一夜，仲要係，好好食！你唔好睇佢每件雞都大大嚿，入口又香又滑，因為怕辣嘅緣故，我只係叫咗小辣，好香又夠晒野味，為咗留肚食好好味嘅肥牛，我今次聰明，食咗半就叫佢加湯打邊爐！手切新鮮牛頸脊！真心太好味太多塊，點解你要咁抵食！我哋兩個人真係食唔到，唔叫又對唔住自己！炸響鈴又係另外一個必食，因為係新鮮炸嘅緣故，入口好香，冇油益未，仲要係佢索左啲辣汁，一啖腐皮一啖牛肉，再嚟一啖腐皮一啖雞肉，實在太幸福！佢哋嘅竹笙亦都係每一次我必叫，坦白講，好少打邊爐嘅地方可以做到咁平，雖然我都唔明白點解。呢個亦都係點解我會成日返嚟打邊爐嘅原因，好味，抵食，份量夠，食物配料選擇多，重要啲姨姨勁好人，唔使你叫就主動加湯，今時今日香港地真係好難搵到有質素兼有心嘅食店！

心思思想去食芝士雞煲，就黎左米走雞🐔佢個位置都好方便，一出太子站行一兩分鐘就到。佢環境感覺上都好乾淨，服務態度都好好，店員都好主動幫你為你服務。😆因為我同朋友都係芝士控所以揀左芝士雞煲（仲揀左激量芝士）雖然加左好多芝士落去，但出奇既係一d都唔膩！仲好入味，同埋佢d雞肉都比較滑同埋大份，唔會得少少肉連舊骨。 然後配料當然有肥牛啦 ，雪花肥牛加埋d芝士特別好食😍！仲有我打邊爐最愛既薯仔！ 因為佢淋左之後又可以連湯底個味食，更加滋味！ 佢個鮮蝦墨魚滑都好彈牙，有口感！ 份量都好多。兩個女仔其實係叫得太多😂當然仲有好多醬料比你調味

係附近買完花就即刻行過去上2樓, 打開升降機門就見到佢...........................咁趕急咪就係約左友人係呢間進行"烚下烚下"之夜多款湯底選擇, 留意到佢有新湯底如椰香冬蔭公海鮮煲/杞子魚雲膠原鍋, 不時有新湯底, 下次黎都有新驚喜!今晚想清清地打個邊爐, 就叫左呢個蕃茄粟米湯 ($78), 橙紅色湯底, 真材實料無花假, 除左蕃茄粟米外, 仲有薯仔及芹菜, 未開始前先試啖湯, 湯味滿滿蕃茄味, 酸甜中頗開胃!落左柯打後, 食材好快就送上枱, 咁就由淡味食先 :白鱔片 ($98) - 友人至愛, 切得薄而大片, 魚肉色澤光亮, 唔係瘀黑色, 望落有新鮮感無需烚好耐就食得, 烚完都仲有一整舊, 肉質幾脆嫩, 食到鱔嘅鮮甜味, 值得食!手打鮮墨丸 ($78) - 每次見到火鍋店有手打丸都會二話不說落單, 呢度嘅手打墨丸有成8大粒, 每粒都唔細粒, 雪白圓渾!浮起就食得, 口感相當彈牙, 入邊食到墨魚粒增添爽口, 手打果然係好味D!鳯城水餃 ($88) - 又係隻隻飽滿靚仔, 令人食慾大增餡料有豬肉, 蝦粒及木耳絲, 食落有豬肉嘅綿口, 蝦粒及木耳絲嘅脆口, 2種口感

今日朋友約左我去試我想去食好耐既米走雞,六點幾上去去已經見到有人要排隊入座了,好彩有預先訂位,好快店員就帶我地入去座好了. 叫得米走雞,當然最出名就是芝士雞煲或者麻辣雞煲. 今次就叫左個BB辣既麻辣雞煲同埋一些配料去試下.火焰麻辣雞煲佢加左d酒精係煲內,店員要著火炒鍋,很有特色的. 裡面既雞淡淡肉,非常入味,配以辣辣的香料,特色推介,下次要試下芝士煲先得.五香鮮牛肉有牛味,無味精,十分上鮮味,份量亦不少.鮮製四拼鮫可以樣樣都試下,鮫皮皮薄,很不錯的,健康之選.脆鯇片另外叫了脆鯇片,少骨有魚味,加埋湯底辣辣地幾好的.

吃吃吃 芝士雞煲！一聽到芝士，好吸引牙！！所以掛住食，五記得左幫佢影張靚仔相！呢個雞煲，除左芝士味好濃之外，佢d雞係雞比肉食落件件都啖啖肉！岩哂食肉怪既我，好正而且雞肉好嫩滑！無冰鮮味！推介！！食完雞煲，會打邊爐！有得簡清湯or芝士湯底！omg! 甘係簡芝士湯！好驚喜！！原本以為係同清湯差不多！點知真係可以延續芝士個陣味落埋個公仔面！簡直好似出面買既芝士撈丁！好邪惡另外，個雪花肥牛都勁好食！勁重牛味！而且脂肪分布好平均！！一個字，正，推介推介！不過覺得價錢稍為有d貴

提起食，真係有時幾頭痛，去到唔同地方都有好多不同的食肆，今次就同朋友出咗太子食飯，今次就偏偏找來，在旺角警署對面的《咪走雞》火煱， 從電梯一出，便看見長長的走廊，方便客人等待內裏整體環境企理燈光也很柔和舒服細看餐單上，除了主打的雞煲外，原來其他的食品也很多除食品外當然點小得醬油今次叫了一個火焰麻辣雞煲，一上枱滾起後便聞到小許麻辣味，食落更感覺啖啖肉嫩感，最難得的，除了麻辣香味外，還能有雞鮮味，不會被辣味覆蓋涼拌木耳絲伴海蜇， 整體配搭清新，味道不會太濃虎蝦用的是新鮮海蝦，每每都大大隻爽口彈牙這個餃子拼盤內有▪想不到每一款餃子都大大粒，因為裏面都是滿滿的餡肉，食落啖啖鮮肉味正另外還有這個手打五寳拼盤， 看型狀就感是手製成品，食落更有質感，粒粒爽口彈牙蜂蜜冰豆腐，睇落冰硬，但食落口感很有趣，因不會一煮便爛溶一舊粟米，粒粒鮮甜粟米粒，咬落爽口甜美清熱銀菊露脆鯇片， 每片刀切得很薄， 只需數十秒便可享用， 但仍能保持脆口鮮炸響鈴，唔使多講，只係需要斟落湯底，便即時拎起已經很好味下次去試下他的芝士雞煲及他的牛肉，還有其他的食物

特別的火焰麻辣雞煲，煮法係即場點火後再炒雞，之後再加入麻辣醬，炒出陣陣辣香味，勁惹味。店員介紹先食雞煲，之後可以加麻辣湯或者清湯打邊爐。食食下太辣可加清湯，但我地食食下係覺得唔夠辣，結果加多碗麻辣汁。而雞煲內件件都係雞比肉，雞肉又厚又滑，煮到麻辣汁入晒雞肉到，啖啖都係麻辣的味道。麻辣湯底最好就係放豬皮、餐肉、紅薯粉，吸晒麻辣汁就最好味。豬皮大大塊，由白雪雪煮到吸哂麻辣汁後，豬皮都變晒色，辣得好惹味。午餐肉和紅薯粉煮一陣就得，紅薯粉夠晒煙煙韌靭，好彈牙。

3個🐷🐷🐷友，上完Ukulele，落大雨都想去食打邊邊。美麗的🐷同學仔已經訂好枱，肚子打鼓甘響就上左米走雞打邊邊。 打邊邊就最大衆化了，情侶，老夫老妻，三五知己，男仔friends 女仔 friends 去都好合適。店面雖然人多，但是位與位之間都寬敞，坐的舒服。 一開始就給了我們6小盒仔的調味品，自由加入調味料調味醬，最好不過了。 個皮蛋芫茜粟米湯底，一入味係好濃味，皮蛋好食，但個湯底濃味少少，不過烚下烚下，令食材好入味，帶出材料的鮮味。特別一提，五香鮮牛肉很嫩好味道，一點都唔硬。 鮮製四排餃勝在多選擇，三五知己不用掙，四款餃都有得揀0黎烚，好味道。手打五丸，有蝦肉丸，有陳皮鯪魚丸，🐷肉丸，墨魚丸及牛肉丸是值得一食。

2018.8.31 慶功就來食好些。米走雞打邊爐🔥！香港人真係好鍾意打邊爐。特別係星期五。好多間都爆人。🌟先食左芝士雞煲。之後再放芝士湯打邊爐🌟🐓芝士雞煲真係幾正$178 (2-3人份)。芝士濃度剛好。否則太濃食一兩舊都膩。雞肉都多。很不錯。❤🐄仲有牛頸脊(大份) $318 。不停食牛。爽呀～🐟鱔片$98 。得8塊。還可以。🍡五色丸 $88。 不錯。❤🍂響鈴 $52 真係勁大舊。兩個人就唔好叫。因為加埋芝士湯底。真係食一件都好膩。哈哈。

如果問我什麼味道的菜式我是會經常想食，我一定會毫不猶豫地回答：辣！於是我便會經常尋找辣的食物，知道味走雞有出了辣麻雞煲，我終於有時間去試啦！！只有兩人，選了小型的，同行的人不能吃得太辣，於是選了小辣。真的有個火焰效果。莞茜令整個雞煲的香味再提升一個層次，雞煲內全都是雞脾肉，而且有大量洋蔥，簡直知我心意一樣。特級雪花肥牛（小）$158肥牛色澤鮮紅，脂肪分佈平均，放下去幾秒就食得，肉質新鮮嫩滑。午餐肉高質，不是便宜貨，肉質實而香。金菇份量滿意！而且嫩滑不會攝入牙蓬。生菜放下去只需兩秒就能保持爽脆，所以打邊爐必備！虎蝦 $118虎蝦實物真的很大隻，而且肉質爽脆，這價錢不貴，非常滿足！場內坐滿人就知道咪走雞有多受歡迎，因為質素真的不錯，下次再來過。

突然好想辣一辣，馬上約了朋友陪我外出晚膳。這間雞煲店雖然主推芝士，不過也有辣雞煲，之前已經想來很多遍，今晚終於有機會了。店內地方尚算寬敞，坐位舒服，最重要地點方便。“火焰麻辣雞煲” 驚喜位，服務員送上雞煲後，企在旁邊等了一會，原來是即場點火，火焰在煲內環繞著紫藍火光很美。第一次試不敢太衝動，所以點了一隻辣椒的辣度，想不到已經很惹味，這個辣我個人覺得剛剛好。最吸引的地方是全煲也是雞脾切件，啖啖肉，又滑又辣真滋味，份量十足，未加配料已經飽了一半，堅好味。“手切新鮮牛頸脊” 賣相很好，肉質好嫩滑。“紅薯粉” 口感少少煙韌又滑，食麻辣配上它一流。再來一壺＂竹蔗茅根水＂即是爽呀，清一清油膩，降一降火。

芝士雞煲 質素下降超差超差超差火焰雞煲 d汁好水 廚師好求其完全冇質素超難食 最後一次唔會再幫襯 請都唔會食都唔知點解可以旺角甘多人幫襯長沙灣總店長期拍烏蠅唉.......

今期流行吃雞煲，趁週末也有朋友來趁趁熱鬧。交通很方便，一出地鐵步行兩分鐘就到了，搭升降機到達二樓整層，空間廣闊，燈光輝煌，晚上八點已經座満食客，穿著黑色制服的餐廳侍應把我們帶到座位。首先為我們送上醬料有六種，包括花生醬、芫茜、蔥、辣椒、蒜茸等，都是屬於一般火鍋配料，可以自由配搭，和自己選擇份量。每件$14元。算合理。湯底大致分兩類，一類是帶辣的湯，例如：四川麻辣湯，胡椒鹹菜豬肚湯，椰香冬陰公海鮮湯，沙嗲湯。不帶辣的有：杞子魚雲膠原鍋、清湯牛腩鍋、番茄粟米湯、皮蛋芫茜湯。蜂巢冰豆腐，需要先解凍一下，然後放入火鍋湯內，滾熟之後，豆腐就出現蜂窩嘅現象，故此成名。除咗湯底之外，還有提供一般嘅湯料，種類繁多亦豐富提供，例如有：海河鮮，肉類，自家手打鮮制、蔬菜，菌類，丸類，粉面，飲品之外，還提供甜品。每一個項目都單一收費，俱有彈性。餐廳服務水平到位，適當時候會過來幫忙把火鍋湯底加水，務求做到打邊爐之「長打長有」。

啱啱星期一放假，一行三人去食，店內座無虛席。火焰麻辣雞煲先上，食食下覺得唔對路，望下隔離兩個朋友，點解食極都係淨返雞脾骨？再望返個個煲，原來全部都係脾肉。係就係啖啖肉，不過完全冇雞味，而且啲辣真係得個辣字，一啲香味都冇！其他火鍋配料，價錢同份量不成正比，用料又普通，每人俾三百蚊真係唔期望會食到呢啲咁低質素食物。講真，第一次食咁差嘅雞煲！見到呢度咁多人讚，真係諗極都唔明。雞煲連最基本嘅雞肉都唔掂，你火鍋配料幾靚都唔合格啦（可惜配料都唔得）！

打邊爐，又稱火鍋，不受時令限制，一年四季都合時，時不時都會心癮起，便約了朋友三五成群一起去打邊爐。咪走雞，喺香港有不少分店，這是其中一間。當我們坐下來之後，第一時間當然係睇吓菜單有什麼好吃啦，發現其實菜式都算非常豐富，選擇好多，各種類型都有提供，例如肉類、丸類、菜類、海鮮等等。飲品方面除左罐裝之外，還有中式特飲，有竹蔗矛根、銀菊露和酸梅湯。以一壺為單位。醬料方面有六種選擇。今晚不想吃辣，也不想吃芝士火鍋，所以選擇了比較清淡的湯底，皮蛋芫茜，其實一點也不清淡，除了皮蛋芫茜，還有粟米、豆腐等…而且是濃湯底，湯底稍偏咸。配料中的菜洗得乾淨，放置整齊，可以放心吃，菇類由各種雜菇組成，塊山已經切好，件件均勻。四拼餃和五寶每款兩件，新鮮制成，五香牛肉肉質嫩滑。