米走雞 (太子藍馬之城)

營業中

休息中

琴日先食完雞煲，今日又想打邊爐,上網見到旺角有一間餐廳出名芝士雞煲，食完仲可以打邊爐，餐廳名都幾得意(米走雞)，地點非常方便係太子地鐵站C出口，行五分鐘就到達，還掂未食過芝士雞煲就試吓先，環境舒服而且座位寬闊，一行四人安排了卡位比我地坐，叫咗一個大嘅芝士雞煲，非常多芝士，仲有拉C添，每件雞件大件而且滑身，雞件掛上芝士回味無窮，食完雞煲我哋用咗清湯打邊爐，芝士雞煲內的洋蔥索晒清湯汁非常香甜，洋蔥配菜都咁好食！特級雪花肥牛大，肥牛牛味重軟身，不錯不錯👍🏻，鮮炸響鈴、竹笙索晒湯而且竹笙爽口，正，紅薯粉及蜂巢冰豆腐同樣地索晒清湯汁，吸收精華，推介黑蟹子墨魚滑，非常彈牙，而且墨魚🦑味道重-！墨魚滑真的手打，值得一讚清熱銀菊露，真材實料，味道不太甜而且飲到菊花味道，今晚享用左特別嘅雞煲，與別不同

今日幫一個朋友慶祝生日，而我呢個朋友最鍾意就係打邊爐，所有我今日就帶佢黎食呢間最出名既芝士雞煲啦，就連我自己都未試過🤣，位於太子地段而且鄰近太子地鐵站，超級方便👏👏我地一行4人，7點鐘黎到唔洗等就已經入得去，重要有卡位坐，係入座途中見到幾枱客都係叫芝士雞煲，證明真係好出名，所以我地都唔執輸，都係一樣🧀🐔，原來重可以選擇芝士既份糧，我地當然是激量😋😋，雞煲出場係完全嚇左我一跳，芝士份量多不在話，雞件係多之餘重要大大件，真係不得了，每夾起一件雞件都拉起一層厚厚芝士，係絕對要拍爛手掌👏👏雞煲完左重可以繼續打邊爐，有清湯同芝士湯底選擇，我地今次就想用清湯黎配搭一下啦，係火鍋菜單方面我地叫左特級雪花肥牛(大)、鮮炸響鈴、黑蟹子墨魚滑、蜂巢冰豆腐(半)，肥牛肉味重，而且鬆軟，入口即溶，響鈴係岩岩炸好既，一落湯幾秒就可以食得，響鈴加芝士湯都係第一次👍👍👍，墨魚滑有好多黑蟹子，混合完先落鍋，超彈牙，而蜂巢冰豆腐又係吸收哂芝士湯既精華，一咬落去好似飲埋湯咁

主要想說 這家店太落後了 偌大一間鋪頭 竟然只可以收現金！信用卡唔得 微信支付寶更加唔得！！想想香港如此國際化大都市，竟然還有只收現金的店，試想假如一家十口來吃飯，難道身上還要帶幾千塊？！我們問店員哪裡有標示說只收現金？店員說在門口出電梯牆上貼著....搞笑麼？我們這次走的樓梯，根本沒看到什麼標誌。還說什麼在結帳帳單上有寫....這就更加搞笑了，帳單最後才給我們啊，我們哪裡事前知道只收現金？逼得我們去樓下ATM取錢，還說不取就只能人民幣一比一電子支付給店員 店員幫我們付！ Excuse me？！不知道老闆怎麼樣想的 偷稅漏稅嘛？印象好差

朋友話想打邊爐，為左幫朋友慶祝生日，緊係由我搵地方，想地點方便大家又想唔係一般邊爐，最後揀左米走雞🤗🤗🤗椰香冬蔭功海鮮煲，朋友至愛試新野，一見到就即刻話要試！個煲本身有好多菇菌同豆卜，仲有兩隻大蝦，仲有大約8隻青口，我地叫左少辣，嗜辣嘅朋友可以同店員講要大大辣😂😂😂為左迎接辣辣煲，我提議叫一壺竹蔗水，清熱解渴👍🏾👍🏾👍🏾一見到鮮炸響鈴，為食珊至愛，一定一定必叫😍😍😍❤️竹笙墨魚滑，估佢唔到嘅整法，又幾好食喎👍🏾👍🏾薑蔥雞滑，超級特別，第一次見☺️☺️☺️🤤🤤🤤食落真係薑蔥雞咁架😍😍😍❤️下次都會叫喺我同友人研究緊咩係翡翠苗時，隔離位先生溫馨提示指住佢枱面果碟話俾我地知🤣🤣🤣

香港最近呢幾年開左好多好多唔同種類既火鍋店。有日式既，有台式既，有四川既，有泰式既，有粥底既，有藥膳既。但係女仔都係鐘情於芝士雞煲多d今日難得收早，見最近天氣凍凍地，就約左成班朋友去食之前興左幾年既芝士雞煲米走雞算係元老級la. 芝士勁勁勁多，最岩我地呢d cheese fans一坐低，d staff就會問你要普通雞煲定芝士雞煲，雞煲有分大細size, 揀好就好快送到黎，正呀。芝士夠多雞夠滑，食完唔夠就可以加湯打邊爐☺️

雞煲流行左咁耐咁多人食既時候，但其實我自己一次都無食過。因為出面街見到既都係麻辣雞煲，自己唔算太食得辣，所以一直怕怕唔敢試。之後大學同學約食雞煲，不過今次唔係麻辣，而係芝士！於是我終於食左我人生第一次雞煲啦！呢間店聽講都幾出名，所以朋友一早訂好左位，去到等左一陣就入到，不過間店都真係幾滿場。黃金芝士雞煲(細) ($148)事不疑遲，我地三個女仔即刻叫左今晚主打，芝士雞煲！MENU上面建議我地2-3個人叫細雞煲就夠食架啦！果然名不虛傳，呢個雞煲真係超級超級超級好食，芝士味濃，長長既拉絲，芝士味又唔會太重奶味，唔會遮過曬雞既味道，雞肉食落去超滑口，好嫩，兩三口手勢就食曬成煲野咁濟。食完雞煲之後，店員會幫你落湯開始打邊爐，呢個時候就可以開始食配菜啦。因為芝士雞煲本身已經好夠飽，所以配菜我地唔係叫得好多，有手打五寶丸拼盤、牛頸脊、韭菜餃、金菇、生菜、稻庭鳥冬。特別推介一定要加烏冬食，個烏冬吸曬個湯既精華，食落去有滿滿既芝士香味，真係不得了！

爽口好味，抵食打邊爐推介。星期五同老友，敘舊。當然係食返餐好嘅來個完美的星期五。我哋揀左呢間米走雞地鐵喺太子地鐵站上蓋。交通方便，七点鐘入座已經半滿。首先叫左個皮蛋芫西湯底下下火。皮蛋芫茜味濃郁夠清甜。啱曬燥燥底的我下火。醬了總共有八款任君選擇。手切美國肥牛，牛肉味豐富。咬落彈牙。脂肪分佈平均。159一碟算係超值。仲叫咗個時令生菜。霎下霎下吹下水。鮮蝦雲吞蝦肉大大粒。咬落彈牙。叫返杯王老吉下下火。埋單每人300元算係超值。

嘩！雞煲食過好多間，但真係從未食過用雞肶做雞煲，雞肶明顯係雪到無晒味，我地共6人同行，叫咗一個大煲麻辣，小煲芝士，但上枱見份量係相約，早知就叫兩個細煲，麻辣只有辣味，芝士就當然只有芝士味，還有點咗鱔片，$98/5片，墨魚丸有少少縮味，炸魚皮正常，鴕鳥肉唔新鮮，雞子正常，豬皮正常，豬肉丸難食，再加幾罐汽水，呢餐埋單要$13xx，真係唔抵食，質素又差。其實佢新開第一年我和朋都有食過，當時的雞煲係全雞上的，現在老闆實在太過偷功減料，我們全班朋友都話唔會再嚟，食過都怕怕。吾明點解有咁多好食評。

麻辣雞煲就食得多, 唔知大家有無食過芝士雞煲呢? 呢間米走雞位於旺角鬧市, 到處都係食店, 要突圍而出, 除左好味道之外,創新都好重要, 除左一般的打邊爐, 仲有就係岩岩提到的芝士雞煲,芝士雞煲一聽好似係女仔口味, 其實呢間米走雞的芝士雞煲食落去唔會漏得過份，唔重奶味，而D雞塊係大大舊,同其他店相比, 真係可以稱為良心份量, 雞肉都算滑的,不會太濃芝士味遮蓋曬雞味，所以都係好食的。配菜方面，最好食白蘿蔔，清甜的蘿蔔外面一層芝士汁，我覺得好好食，味道又係好夾！仲有爽口彈牙的鵝腸都唔錯，分量超足，滾十幾秒就食得，正！當然, 食芝士會好易飽, 所以大家叫配菜時就可以輕手D,比平時打邊爐叫少三分一都可以, 畢竟食唔曬就會好浪費。

逢星期五晚係細路獨自去偷歡嘅好日子🤭，因為弟婦要去學整麵包，所以我同媽咪家姐就同佢去食好野😝。坐低先嚟個小食皮蛋酸薑醒醒胃，但我覺得皮蛋切得太薄有啲唔夠喉😅。嚟米走雞當然要食雞煲啦，我地揀左惹味嘅麻辣雞煲，中辣刺激得嚟食落舒爽，食雞煲就緊要配青島啦😅😅😅雞肉嫩滑份量都幾大， 食完都半飽了😅。所以到打邊爐只精點左幾款鍋料，湯底就揀左清甜下火嘅芫茜皮蛋湯。手切新鮮牛頸脊，油花均稱肉質鮮嫩有肉香👍，係必點推介。廣島蠔鮮甜味美，每隻都肥嘟嘟超好味😋。現炸響鈴新鮮，加上炸魚皮，兩款都咁香脆。人少丸類我就推介呢款五寶丸，新鮮扎實有肉味。墨魚滑就有啲失色。是晚一行四人又食到捧住個肚走🤭🤭🤭。

This is one of the best chicken hotpot in Hong Kong, highly recommend for a group friend to have dinner. You can enjoy a delicious, fresh and spicy chicken first and then you can have hotpot after adding some soup inside. The beef, fish and meat balls for hotpot is also excellent! the staff here are very nice. I recommend this to family or friends gathering

心諗，口痕痕想食雞煲，咁就搵左呢一間專食雞煲嘅食店。地方都幾大不過有啲擠迫。首先當然點左呢一個雞煲先啦，呢一個叫火焰雞煲，侍應會想個煲嗰陣時加啲酒落去然後點火，好似睇表演咁好正。雞煲依家係幾肥美，個醬汁方面都好濃郁，都好重麻辣味好好食，加埋嗰啲配料紅蔥辣椒一齊炒非常之香另外仲叫咗冬菇同埋生菜仲有叫咗日本生蠔， 雖然睇落外表一般，但係食落就好重好味，都好新鮮，忍唔住想叫多一碟我之後當然要叫呢度最出名嘅脆炸響鈴，新鮮即刻炸，好大條。成餐飯每人$300到價錢都算唔錯

今日放工好肚餓，走左去試朋友介紹既米走雞。 🤓🤓我哋叫咗個雞煲:小辣🌶因為屋企人唔係好食得辣。啲雞啖啖肉🤤好似雞髀，又有好多舊，正呀!!!一放低我哋就清左唔少。🤤辣味OK，屋企人唔食辣都食到。👍🏼食到咁上下我地就加湯打邊爐。我地叫左韮菜餃，雲吞，什菇拼盤，冰豆腐，羊肉，同菜。加埋雞煲d汁，真係好入味🙌🏻🙌🏻之後再追加 海鮮，好新鮮好靚。野飲方面，我地叫左一jar竹庶芽根， 我覺得有啲甜，😖但我屋企人都幾鐘意飲。😌Overall 覺得雞煲幾唔錯，又唔貴 👍🏼下次要試芝士雞煲!好似好正咁🤓

繼上次係銅鑼灣食左佢個芝士雞煲 對啲雞脾肉念念不忘 今次決定同朋友再戰雞場😂但今次就轉戰另一招牌茶火焰雞煲😊😊啲火燒得好靚 👍望到就覺得好正 當場聞果下係香味四溢🤓🤓兩三下就清哂啲雞肉 講真份量好多 基本上一個人會分到差唔多十舊！之後就開始食火鍋配料 雜菇拼盤必點 因為本身係愛菇之人🙈🙈呢個水餃拼盤可以試盡4隻味 非常juicy 同餡多😁呢個竹笙墨魚滑都好正 竹笙爽脆加上彈牙魚滑 口感豐富呢☺️☺️最尾仲加左個桂花蚌 另外送金菇😂 好搞笑個蚌好新鮮 都係爽脆底 煮十秒左右就食得！ 成餐都好滿足 飯都唔使叫就食飽左🙊🙊

又係約食飯嘅時候，約朋友食飯，食雞煲好似係首選，然後地點又要就番大家，所以大部分人都會約旺角太子呢d地方所以今次係係太子食雞煲，仲要係芝士雞煲我地約左6點9太子等，無book到位，所以早d去，去到見到無乜人，點知坐底左一陣，就愈來愈多人，仲要排隊添，好彩早去姐咁主角當然係芝士雞煲，其實我係好少食雞煲嘅人，今次仲要係我第一次聽到有芝士雞煲呢樣野，我們3個人，叫左個細嘅芝士雞煲，多葱多芝士，總之可以揀嘅，我地都揀左最多😂😂超重口味個雞煲真係好濃芝士，好好食，食完都差唔多飽仲叫左個丸同菜等食完雞煲打邊爐食🤘🏻🤘🏻🤘🏻然後飽到嘔