米走雞 (太子藍馬之城)

營業中

休息中

今次同三位朋友一齊去食呢個聽人講好好味嘅芝士雞煲！聞名不如見面，真係去試吓啦！去到先知原來佢係逐碟計錢，唔係任食，叫完源雞煲可以帶其他配菜逐碟計有得嗌啤酒同其他嘢飲啤酒價錢都唔係話好貴一支青島都係$28都幾抵飲！淨係叫咗一隻雞，黃金芝士雞煲，唔辣隻雞嚟到嘅時候見到上面鋪滿好多芝士😍😍😍就來滿寫咁滯😍😍😍已經十分吸引😍😍😍依家一啲都唔老，好滑🙆🏻加埋芝士簡直係一流嘅配搭😍鍾意食芝士嘅朋友一定唔可以錯過!!!!!!!跟住我哋一行三人叫咗啲菜啊丸呀甘，其他都冇乜特別，水準都平均，係個雞煲真係幾出色！總括而言，今次食雞煲嘅經驗係覺得非常之好！真係要去試一試！

聽朋友講宜間嘅芝士雞煲好出名，又咁岩有朋友生日就去依度試吓。芝士雞煲嘅份量都幾多，而且夠晒重口味。除咗依樣，我哋仲嗌左其他配菜食，都唔差。我哋四個人每人食到飽都只係200蚊到。

啖啖芝士🧀～～～～～～～～～～～～～～～～～～～自創黃金芝士雞煲（小）（2-3人）（$178）除左芝士同雞之外，仲有洋蔥、中芹、芫茜和乾蔥。雞肉份量都好足，肉好多，芝士方面，得一種，甜甜地，唔會好膩。以依個價錢，我會期侍有D蔬菜或者薯仔。～～～～～～～～～～～～～～～～～～～

聖誕節好多gathering啊，今晚就去咗太子，位於商業大廈2樓嘅米走雞食雞煲！呢間米走雞原來有四間分店嘅，而太子呢一間就好近麥當勞🍔～我哋一行四人試咗佢嘅芝士雞煲，點左一個細嘅份量，大約適合二至三人，因為我哋會叫其他火鍋配料，所以一個細嘅就應該夠啦！雞煲嚟到喇，首先要繼續煲住佢先，令到佢啲芝士溶晒，店員話當芝士溶晒嘅時候都唔需要攪混啲雞同芝士架，因為會令到佢癡底，只需直接夾黎食就得！我覺得佢呢度嘅芝士味道雖然可以做到拉絲嘅效果，但係食落嘅時候味道唔夠濃郁，唔會令人係咁追住食～食完雞煲之後我哋就加湯打邊爐啦，呢度有兩款湯底可以揀，一款係清湯，另一款係芝士湯，我哋呢啲芝士控梗係揀芝士湯啦！另外，火鍋配料我地點左幾樣，分別係響鈴，鮮牛肉，墨魚蟹子蝦滑，竹笙，冰豆腐同埋生菜～值得encore嘅係呢度嘅響鈴，大大卷而且脆卜卜，浸落去芝士湯度吸哂啲湯真係好味道～今餐我哋四個人，大概每人食咗$180，都算抵食嘅！

之前一直聽到朋友食過米走雞既黃金芝士雞煲~但因為我之前已經食過佢芝士雞煲加上朋友唔鐘意食咁膩~我地簡左最愛食既麻辣~!襯返天氣凍，暖下肚😊😊呢度仲有酒水提供，食辣野啤啤佢，同朋友暢談最岩😀個煲一黎到先焗一陣，之後有專人幫你係煲點火，係煲入面點火！火焰麻辣雞煲 好好feel~之後再幫你撈，咁就食得啦！我地簡左最細麻辣，已經好足味，個麻岩哂我心水（唔鐘意太麻個咀厚哂）雪花肥牛（細）份量 多，夠哂2個人食，肥瘦分明，靚牛肉！襯未加湯前再用麻辣底碌黎食，仲惹味😋手打五寶有墨魚，鯪魚肉，牛丸等等，最鐘意食鮮蝦丸！油麥菜半份好夠食😀紅薯粉~麻辣必配太子地鐵一出行幾步上樓上就到，勁方便

仲記得第一次食米走雞係3年前長沙灣分店，事隔今日分店越開越多，加上朋友未食過，就佢近近地簡左太子分店，上到去已經嗅到陣陣雞煲香味。🥘火焰麻辣雞煲（小）$168兩款雞煲我都食過，雖然呢度出名芝士雞煲，但我覺得火焰雞煲更好味，店員會即場點火炒雞，之後再加麻辣醬，陣陣辣味好香。不過我地叫左小辣已經覺得好辣，雞肉每件都大件肉厚，肉質嫩滑。之後可以加麻辣湯或者清湯打邊爐。🥢鵝腸 $53大大份，洗得好乾淨，食落爽脆，配麻辣鍋一流。🥢特級雪花肥牛 (大) $218朋友係愛牛魔王，佢話細份唔夠佢食😂，所以叫左大份🌝，肥牛比想像中好，肥肉較小大大片。🥢鮮製四拼餃 $88有雲吞，水餃，韭菜餃，牛肉餃每款有兩大隻，整體皮薄得黎，餡料夠新鮮。

好耐無食雞煲啦！最近天氣凍咗梗係要同班friend去食雞煲打邊爐取下暖😂～我地叫咗個細嘅火焰麻辣雞煲（$168 for 2-3人），有五個辣度，揀咗小辣。份量好多，大部分都係雞脾肉好正！仲有好多好甜嘅洋蔥👍🏻賣相好靚💖食之前店員會點火再炒一炒啲雞，再淋上辣汁，香辣味濃郁！雞脾肉好入味，啖啖肉，啱晒鍾意食肉嘅朋友😛而且肉質好嫩滑，一個唔覺意已經食咗好多件haha～辣味會越嚟越香濃，但都唔算太辣，小辣啱啱好。食完雞煲之後仲叫咗啲野食打邊爐😋西班牙黑豚肉（$198）朋友唔食牛，所以淨係叫咗豬，賣相都幾好！脂肪分佈都好平均，肉味好突出，滿意👏🏻爽滑豬頸肉（$88）名副其實夠爽口又嫩滑，切成條狀個口感更加豐富～黑蟹子墨魚滑（$88）& 蟹子鮮蝦滑（$88）墨魚滑好爽口彈牙👍🏻而且鍾意蟹子鮮蝦滑多啲，因為有原隻蝦係入面😋鮮炸響鈴（$52）炸響鈴好大條，即炸夠新鮮～索晒啲汁之後好惹味😛娃娃菜（半份 $24）& 油麥菜（半份 $24）兩款菜都好新鮮，而且可以叫半份，可以食多啲唔同種類😁食雞煲都係食散叫嘅好，質素好之餘價錢又唔算好貴，個個都夠飽，下次要試芝士雞煲👍🏻

Overall: 🌟🌟🌟🌟Environment: The environment was nice. Not too crowed. They gave us 4 persons table when we only had 3 people. So we have a lot of room to put our belongs and sit comfortably. The restaurant is less smokey compared to other hot pot restaurants . Service: The service was nice. When we needed them, they are always around (for ordering, adding soups, etc).Taste: Spicy Chicken Pot- We ordered the small pot of spicy chicken (lowest spicy level). It was super tasty. The chicken was juicy

講起芝士雞煲，第一時間就諗起<米走雞>，仲記得第一次同朋友黎食米走雞已經係四年前，當時第一間分店位於長沙灣，每次去到都要大排長龍！過左幾年後，米走雞既分店愈開愈多，而開既位置都位於市中心，非常方便！今日，就約左幾個舊同事黎旺角食米走雞！大家黎之前記得用whatsapp 預先booking，唔係就有排等位了！另外，亦要記得準備足夠既現金，因為餐廳不接受信用卡付款的！黎到米走雞，第一時間當然要叫返個大既黃金芝士雞煲($238)，再加埋激量芝士碎！食左咁多次，餐廳仍然keep到水準，芝士味非常濃郁，而且充分滲滿入雞肉，食果陣d芝士仲可以拉絲，一個字:正！而雞肉亦非常嫩滑，份量又多，岩晒我呢d食肉獸！如果大家嫌太多人雞肉唔夠食的話，亦可以另叫其他配料，海鮮類，肉類，蔬菜類，丸類一應俱全。仲唔快d約埋家人朋友黎食！

男友生日正日, 要趕做Project第2日交~唯有佢生日前夕同佢食餐好先啦~我地2個都好中意打邊爐, 又中意食雞煲, 今次我帶左佢來食 - 米走雞!!來到米走雞,其實都有幾多鍋底可以揀~但來到呢度, 當然試佢個黃金芝士雞煲啦!!我地2個人, 叫左個(小)嘅, $178。另外佢都有好多唔同嘅火鍋配料可以揀~我地就叫左手切特級霜降和牛(小)($308),雞子($53), 午餐肉(全份)($46),手打五寶拼盤($88)。醬料 ($14)叫完野等食嘅同時,可以混自己嘅醬料~有沙茶醬, 辣椒, 芫西, 炸蒜, 生蒜同蔥~雖然後來食落我覺得其實都好夠味唔洗點醬豐富黃金芝士雞煲(小) ($178)食之前, 我有d擔心..因為我之前唯一一次食芝士雞煲..是在某連鎖快餐店食的..好難食...但呢度! 超好味!!唔好睇佢係(小), 其實都勁大煲!!其實食雞都夠飽芝士味香濃, 配埋洋蔥好好食!雞件全部都係雞脾來~舊舊都啖啖肉,滑, 一d都唔鞋~順帶一提, 芝士雞煲嘅芝士碎份量可以揀的~可以揀無/小量/普通/激量。我地揀的是普通, 但都好香濃了~勁中意芝士的人, 可以挑戰下激量食完D雞, 就可以加湯打邊爐,

同朋友黎都會怕冇位BOOK定台先既有時真係會好多人等今次我地得2個人就只係叫左一個細雞煲米走雞既雞煲真係好多芝士!!!係每一舊雞都可以比芝士包圍住另外我地仲叫左兩碟打邊爐既料呢到雞煲係最抵食打邊爐料就相對上係比較貴響鈴絕對係必點因為佢浸落個芝士湯到就會索晒D汁非常之惹味雖然佢係細雞煲但雞件份量都好充足同埋味道好濃郁可以一戰再戰!

今晚男朋友生日，由於他的最愛是雞煲，因為男友早前曾吃米走雞，感覺不錯，所以再來讓我嚐嚐。 一來到，當然是點我麻辣雞煲，然後，侍應先生就予我們選六款醬料，可以自由配搭呢! 雞煲一上桌，香氣四溢，陣陣香麻味，十分過癮，雖然我們點的是2-3人餐，但份量非常大方，吃得我們都津津有味。而且值得一讚的是，店家的人員會到時到候來為我們加菜，細心提示我們進食的次序等等。 吃到大半時，我們再加了清湯，然後點些餸菜，有蜂巢豆腐﹑午餐肉片﹑九菜餃﹑竹笙墨魚滑和金菇！ 先說蜂巢豆腐，我認為煮久一點，待豆腐吸滿湯水精華是最好的，而午餐肉片很軟熟，甚為不錯! 九菜餃和金菇也很新鮮。而竹笙墨魚滑就很彈牙，而且配上竹笙，感覺很新鮮！食物很不錯！ 我的壽星仔表示感到滿意，生日快樂呀！

相約朋友食飯，一個要打邊爐，另一個想食雞煲。。諗起之前有朋友介绍過米走雞嘅芝士雞煲火鍋，於是咁就決定食呢間！我最喜歡食芝士。。所以點左個黄金芝士雞煲。。原來可以選擇芝士嘅分量多少架，我地選普通分量！。。滿滿嘅芝士已覆蓋晒d雞，雞件大大嚿，有洋葱放煲底。。好香噴噴丫👍👍👍雞件啖啖肉，非常嫩滑，好多肉汁。。芝士味道濃濃，好 creamy。。夾起重有拉絲，好正丫！每件雞都被芝士包住。。味道真係好夾！一邊濃味雞煲另一邊清清地點個皮蛋芫茜鍋！。。而酱料有6款自由配搭湯底用料十足。。除了基本食材，還有豆腐，粟米。。首選牛頸脊。。牛味十足，入口軟綿！芥末手打墨丸。。肉質新鮮彈牙，丸中間嘅芥末食落去有少少供鼻。。好過隱，好特别！。。店舖有半份order落，人少又不會浪费頗為細心美國桶蠔，大大隻又肥美。。好重蠔味，入口滑啫啫。。好正丫油麥菜當造。。清甜爽口！再黎一個菊花茶清一清熱，花味濃又不太甜，夠健康！

冬天黎喇開始，要趁住涷涷地既天氣食反熱辣辣既雞煲，系太子站警處附近，一出黎轉個灣就到，非常方便。8點黎到，入面機乎都坐滿人，一黎到已經好快就提供醬料，醬料有莞茜，辣椒🌶️，芝麻醬，蔥，蒜。我地6個人，所以叫左一個黃金大雞煲$238，芝士份量可以自己選擇，滿滿既芝士配上勁多雞肉，雞肉肉質鮮味，好濃郁既芝士，仲要啖晱都系肉。之後打邊爐，佢系會幫你加芝士湯而唔系清湯。當然你可以選擇清湯喇，好濃郁既芝士湯。第一時間當然係食響鈴🔔$52，因為太肚餓既關系，而響鈴係最快熟😂，大大件仲要炸得好脆，加埋啲芝士湯，真係好入味。唔錯。我哋另外仲叫左個皮蛋芫茜湯$78，清清地，都系一個唔錯選擇。雪花肥牛(小)$158比較軟身，烏冬$21吸晒湯嘅精華，紅薯粉$16淥一陣就食得，食落比較煙軔。鳳地水餃$88，入面D蝦都幾新鮮，皮薄多餡。蘿白$20 吸哂D湯精華，好"林"，完全無根。叫左2個清熱銀菊露$68，勁足料，好多渣，唔會好甜，能夠清熱解渴，又滋潤，係打邊爐既良伴，超級推薦。留意返，呢到只係收現金。大家要拎到錢黎食喇。

話說食芝士雞煲已經好幾年前既事，雖然媽味但份量真係太多, 所以好耐都冇食過，咁岩有朋友話想一齊食，於是就食弓久違的芝士雞煲啦menu 都好多選擇，但食完芝士雞煲其實都好飽，haha 揀左個2-3人份量的芝士雞煲，仲有麻辣或者就咁打邊爐的湯底架。首先可以自己落左調味料先，所以要加豉油加炒蒜頭同蔥啦。雞煲全部係雞比肉黎，十分芝味呀份量多到唔相信，仲好飽。食完加湯可以再打邊爐。心思思就叫左五香鮮牛肉，牛肉的確十分鮮味。金菇， 娃娃菜同豆腐份量都好多，食完芝士雞煲叫返d 蔬菜清淡一下。