米走雞 (太子藍馬之城)

營業中

休息中

有個fd話呢間野幾好食話d芝士好正, 所以我地成班一行四人就訂左食呢間野入到佢環境都唔錯  個雞煲一黎到好熱好香咁食落都味道都唔錯 係稍為喊左小小之後店員都會不停幫我地加芝士湯 幾好服務

今次同屋企人一行5人黎試下～睇食評有咁多個讚好，諗住個芝士雞煲有幾好味啦，於是嗌左兩個煲，一個係（小）芝士雞煲、一個係（大）麻辣雞煲首先，兩煲上齊黎，發現雞的數量差唔多，咁點解我要比多啲錢嗌個大呢？再者，個芝士雞煲點菜個陣已經揀左激量，但現實所見就唔多夠”激量”，芝士味又唔多夠，creamy多過芝味最後，原來成個雞煲都係用雞脾骨，有點失色。可以係我事前無做足功課睇唔到，但book位既時間店家whatsapp又無特別註明。食極都係雞脾肉會厭。食落去，雞脾肉本身無咩調味，重食到有雪味，得兩個醬係件雞面頭的味之後叫職員加湯，個年青人淨係問兩個煲加清湯定麻辣湯，完全無提過有芝士湯（我事後睇返其他食評先知有），結果個芝士煲加左清湯之後，更加淡，已經無意欲用佢去打邊爐再額外叫左10款食物打邊爐食。出奇地，呢啲食物品質唔錯，分量都夠（當然符合個價錢啦），個牛頸脊好味！另外，餐廳內的抽氣系統麻麻，食完個雞煲，全身連頭髮連手袋內面，都有陣雞煲邊爐味其他店鋪殘留係身上的味無咁勁整體而言，就無咩特色，同普通打邊爐相似；於我們而言，就幫襯過一次就可以了。

今日放工 到了太子附近 見有間米走雞 早幾年係長沙灣食過 突然有d懷念 就去試試質素有冇變到我地兩個人叫左個芝士雞煲 芝士味好濃～ 岩晒一班芝士控 d雞熟既 仲要係嫩 岩岩好 好鮮嫩 兩個人食左好耐 食左4個字先差唔多食晒 咁就叫侍應轉做打邊爐 唔駛問 我地又叫左牛頸脊 睇落硬身 似岩岩冰櫃拎出黎切既 油花都唔錯 份量都唔錯 計番價錢都抵叫既 即刻滾一滾試下先 食落 都好食 我地仲叫左個蟹子鮮蝦滑 份量好似有d細 但都要成88 蚊 我覺得有少少唔抵但整體黎講 芝士雞煲好似香港得呢間 都算唔錯呀

<米走雞>我又黎喇，身為芝士控既我，一到冬天就會同朋友密密黎食芝士雞煲，而今次我就約左男友放工一齊食。同樣地，每次食《米走雞》前我都會預先whatsapp book定枱，咁就省去了不少等位既時間由於男友第一次食，所以交由我落單，首先叫了一個細黃金芝士雞煲($178)，適合二人份量，而配料就分別叫了細特級雪花肥牛($158)，半份生菜($24)，半份芝心丸($24)，出前一丁($16)同粉絲($21)。等左約五分鐘，芝士雞煲就送到了！雖然我食過好多次，但至今仍然對芝士雞煲充滿期待！我特別喜愛佢既拉絲芝士，聽講由五種不同芝士混合而成，份量極多(可自由選擇)又唔會太膩，而且芝士跟雞肉完全溶合，每食一啖就有芝士湧出，味道一流！至於雞肉既肉質亦非常嫩滑，食落唔會韌。雖然我地叫細雞煲，但雞肉份量起碼夠三人食，非常抵食！另外，雞煲亦加入左洋蔥，甜甜地味道清新，亦增加左雞煲既香氣，令我胃口大開！當食到差唔多半鍋，店員會比你選擇加入清湯定芝士湯，加完湯就可以放入其他配料了！全部配料都非常新鮮，而我欣賞餐廳可以安排半份比人選擇，細細碟share食，仲可以叫多幾款唔多配料食！最後特別推介特級

朋友是一名超級芝士發燒友！！食咩都鍾意落芝士，我發現左一間芝士鷄煲專門店就約左一起去試下。來到餐廳發現雖然係平日但係都差唔多座無虛席，幸好我地有預備Book 位。餐廳有兩款鷄煲選擇：一款是芝士鷄煲，令一款是火焰鷄煲。芝士控的朋友一下就叫左芝士鷄煲！而且芝士分量是可以選擇輕量/普通，而我地就選擇左激量。芝士鷄煲面層鋪滿了芝士！拿起雞件時後更會拉絲，首先米走雞的雞件差不多件件都係鷄腿肉！多肉少骨食起上黎啖啖都係肉。其次芝士夠多，基本每一件鷄都都濃濃的芝士味道！令人驚喜的係就算食左好多芝士鷄件都唔會感覺膩，怪不得餐廳以芝士鷄煲聞名。食完鷄煲可以選擇清湯/芝士湯打邊爐，芝士發燒友選擇了芝士湯！和餐廳推介的哈哈蝦中寳！哈哈蝦中寳是蝦滑加鮮蝦造成而且好大粒，食起上黎有啖啖的蝦肉，十分鮮味很不錯呢。打邊爐又點可以少得雪花肥牛呢!又鍾意芝士同埋肥牛既朋友二話不說就點左個雪花肥牛(大)，頭也不回咁係咁刷刷刷！！！另外再叫了一些魚皮餃和午餐肉。有機會下次會試埋個火焰鷄煲。

米走雞已經食過好幾次，介紹左比其他的朋友全部都一至好評，見最近又凍左當然要約埋朋友一起食下雞煲暖暖身。座低一陣店員就拿了調味架比我地，服務好有效率。我班朋友無辣不歡！所以我地叫左一個火焰雞煲中辣。雞煲醬汁好惹味，中辣都已經很辣，如果唔係好食得辣的朋友叫小小小辣就好。雞件一如既往的又大又多肉！雞件吸收辣汁嫩滑又惹味。食完雞煲就可以打邊爐，今次我地叫左餐廳推介的哈哈蝦中寶！哈哈蝦中寶好大份，就算煮熟左都依然無縮水！哈哈蝦中寶裏面最少都3隻蝦，蝦肉爽口彈牙非常新鮮再加上蝦滑令人有“口口都是肉”的幸福感。竹苼：竹苼很快就熟了，吸收了湯的辣汁令人食得好過癮。最後打邊爐不能不叫的就是牛肉！牛肉不會過肥，油脂較雪白肉質鮮嫩。大概滾15秒左右就可以食。牛肉無渣且牛味重！而且餐廳使用的都是本地牛，令人食得放心。

樓上鋪的一間雞煲......特色是芝士雞煲........很快便入座了.......有大和小的雞煲選擇.....我們選了小的.....幸好選了小.....好大煲......有職員來開蓋的...每件都好大件...嫩滑👍🏻👍🏻👍🏻先吃完雞煲....再加湯...選打邊爐的配料.....都好大件喔......牛不錯.....👍🏻👍🏻還有其他配料...挺新鮮的👍🏻👍🏻點了一個丸拼盤 不錯不錯👍🏻響聆好大件喔！！彈牙烏冬👍🏻👍🏻

這是我第一次來「米走雞」。朋友說她由只有第一間長沙彎店開始吃，到現在「米走雞」已經有數間分店仍在吃。她說她吃了十數次，誠意推介。所以我今天下班後都來嘗試看看！餐廳環境餐廳跟一般放題式火鍋店相似。每張桌上都有一個電磁爐。候隊時間不算長！餐廳環境頗大，不過桌與桌之間距離太近。基本上，左右兩旁的對話內容都聽得一清二楚。不過都明白，香港地少人多，寸金尺土！食物方面我們兩人，點了半份芝士雞煲。上菜很快，大約只候了十分鐘！雖然是半份，但絕不偷工減料，芝士滿滿的覆蓋住整個雞煲。色香味俱存！吃完雞煲後可以打邊爐。湯底有清湯或芝士湯選擇除了雞煲，我們另外點了一份肥牛，一個出前一丁，一份粉絲，一份芝心丸和一份生菜。肥牛，生菜和芝心丸值得一讚。至於粉絲感覺與雞煲味道不配合。總括而言，食物質素和服務都是好的，只是價錢偏貴。建議一班友人來，這樣可以便宜一點！

寒冷的天氣 最適合吃雞煲火鍋取暖是次來到小編一直有光顧的米走雞吃雞煲火焰麻辣雞煲 少辣 $228小編和妹妹點了火焰麻辣雞煲雞煲醬汁十分鮮味並帶一點麻辣雞件每件都有肉 肉質鮮嫩吃過雞煲後 侍應就會為我們加湯吃火鍋鵝腸$53小編吃雞煲最喜歡加鵝腸爽脆的鵝腸吸入 湯料醬汁非常惹味鮮炸響鈴 $52餐廳自家製的響鈴果然與別不同鬆脆又可口鮮製韭菜餃 $78鮮製韭菜餃皮薄餡靚 材料新鮮 餡料又多美味可口魚蛋$42魚蛋富鮮甜味又彈牙爽口脆鯇腩$98脆鯇腩十分新鮮 口感爽脆日本廣島蠔$88來自日本的廣島蠔鮮甜無比湯底沒有掩蓋濃郁的蠔味 推介!總括而言小編覺得餐廳食材新鮮 地理位置便利 ​小編妹妹都表示會再次光顧

一想雞煲就想米走雞芝士雞煲。今次太子位置幾好。近麥當勞附近。上到2樓。差不多滿坐。坐下來就叫左芝士雞煲滿佈芝士雞係雞肶肉。啖啖肉。香濃芝士好正。當吃好雞肉就會加芝士湯。邊爐時間就開始牛頸脊脂肪平均6大約數十秒，好有咬口，多肉汁。好味響鈴。邊爐開始首選。快。靚，正。即炸響鈴加上芝士底。6一就吃得好脆好好食羅白同菜都係邊爐副打。當所有肉食得7788就開始吃入晒味羅白。飽飽都忍唔住吃竹蔗芽根都係同邊爐成一套套餐。清熱解毒。又不太甜。68蚊低飲整體米走雞芝士雞煲值得再試。但最後留意要比現金。不收卡

經朋友介紹黎到呢間食雞煲同打邊爐的餐廳好似全港都有幾間分店一坐低就叫雞煲食左先我地叫左個火焰麻辣雞煲 少辣 $228雞件舊舊都啖啖肉最好係連骨都好細調味亦都好出色 好惹味提提大家佢嘅少辣都頗辣下咖食完雞煲就加湯打邊爐啦碟碟都好新鮮 而且份量唔細鮮炸響鈴 $52即炸果然係唔同啲 夠哂熱又脆好有衝動想唔點湯就食啦鳳城水餃 $88隻隻餃都漲卜卜皮薄餡靚 完全無偷工減料魚蛋$42魚蛋十分彈牙識落唔會一舊粉咁 帶有魚味脆鯇腩$98脆鯇腩十分新鮮 口感爽脆魚味鮮甜小妹覺得餐廳服務非常之好食材新鮮 是吃雞煲不二之選

呢間榮獲OpenRice 嘅最優秀火鍋店開飯熱店，我見好評如潮，所以有相當高嘅期望💔正所謂「期望愈大失望越大🤦🏻‍♀️」所以...只此一次...單講個樣係靚嘅，芝士揀左普通都有濃烈嘅芝士味👀但是食落去已經知係雪藏雞脾，係就係啖啖肉，但是完全冇雞味😩

食過呢間雞煲好多次今次第一次寫食評因為個雞煲真係幾好食今次去觀塘分店，座位闊落8點幾有live band , 氣氛幾好叫左個火焰雞煲，半隻辣椒雞好嫩，多肉入味未算，但好汁好味，辣辣地甜甜地幾惹味配料叫了響鈴，4色丸，雜菇，生菜響鈴好大條，新鮮炸起，食2條已經飽左一大半～2個人食都飽到嘔😂服務方面，非常好！侍應好照顧大家需要，會定時留意要唔要加湯整體來說，呢間餐廳可以再黎，但價錢都唔算太抵食，但都合理嘅！

一想食芝士雞煲就會諗起咪走雞 中意佢足料 又多種類 同普通打邊爐完全兩個感覺！如果想兩個人食又得 多人一齊食又得 因為佢個煲同大部分既配料都有大小份揀 今次我就兩個人食 雖然已經唔係第一次食 但都係低估左啲份量 好似嗌得太多🙈我地揀左個小既黃金芝士雞煲 普通芝士份量 但其實都已經好夠！好中意芝士既重可以揀激量！落左單冇耐 就好快手上左個煲 侍應會叫我地唔好自己搞個煲 之後佢地會同我地講幾時搞掂 我地乖乖地等食就得了😋一打開個煲 好濃既芝士味就湧出黎🤤唔好以為雞煲就冇乜肉食 得啲骨 呢個雞煲係真係啖啖肉架！ 件件雞都好大舊 重要好入味 雞煲上邊既洋蔥碎都好夾！啲雞食得差不多就可以加湯變邊爐啦！有得揀加清湯或者芝士湯 為左唔好咁膩 我地揀左清湯💁🏻‍♀️配料方面 我地叫左一碟牛 響鈴 墨魚滑 午餐肉 金針菇 雖然已經食左好多雞肉 但始終都要嗌碟牛肉！呢個牛頸脊雪花分佈好平均 佢唔似平時打邊爐既肥牛咁薄 有一定既厚度 但食落又唔會好硬 重好有牛味！佢個鮮炸響鈴都係必點！好大舊！我諗佢一舊等於平時食既兩舊 索埋啲芝士汁 正🤤平時打邊爐都中意食墨魚滑 但今次呢個偏咸 下次都係食返佢啲手打丸🙈朋友突

想食雞煲又想打邊爐米走雞係我頭幾位嘅心水之一今日來到太子嘅分店一如以往，先食雞煲，後打邊爐睇下食咩先～我哋揀咗「火焰麻辣雞煲 (大) 小辣 $228」好惹味，食得辣嘅朋友加多小小辣會仲正每舊雞件都啖啖肉，正！以下幾款火鍋配料特別推介:「日本廣島蠔 $88」好大隻，蠔味好出，fill滿左成個口「脆鯇腩 $98」爽口彈牙，厚切，魚骨起得好乾淨「鮮製韭菜餃 $78」「鮮炸響鈴 $52」最印象深刻係佢熱辣辣同好脆好有衝動唔點湯就食哈哈「鳳城水餃 $88」皮薄餡靚，舊舊都脹卜卜總括而言，已是老顧客了，食物質素有保證，平靚正雞煲+打邊爐嘅不二之選