米走雞 (太子藍馬之城)

營業中

休息中

見到open rice咁多正評，行完山就同男朋友黎試一試呢度既芝士雞煲($178)。不得不說啲雞鋪上芝士，一舊榴槤咁(唔鐘意榴槤既人慎選)，芝士味道唔錯，但雞件完全冇味。平時食雞煲都有醬料喺上面，而今次食既雞係無味、無醃過，雖然份量多，但絕對講唔上好食。其實呢間餐廳唔係任食火鍋，要逐樣喺menu上叫，已經比其他餐廳貴。食完哂啲雞後就開始叫其他配料，雖然似乎響鈴好出名，但實左太大份，啲芝士雞本身已食到好濟，叫唔落手。配料叫左wasabi墨魚丸、蜂巢豆腐、韭菜餃同菜，加上竹庶茅根水對兩個人黎講太大壺，最後大家都食唔哂啲野。咁多樣配料，韭菜餃算比較足料夠味，但講真一開始啲雞食到咁飽，夾硬食落肚，唔算enjoy。埋單兩個人都要$574 （一人$287），實際上唔係叫左好多野，大家可以自己衡量去唔去。