米走雞 (太子藍馬之城)

營業中

休息中

黃金芝士雞煲($178/小)加入5種芝士製成，包括車打、Parmesan。食完可以加湯成為芝士火鍋。如果唔鐘意芝士既朋友，亦可以揀麻辣雞煲。雞煲份量雖然只係揀左小，但已經足以3-4個女仔既份量。雞肉結實嫩滑，雞件下面收埋了海量洋蔥，芝士味的確激濃，輕鬆做到拉絲效果。食完雞煲個胃已經佔左一半，個人認為出前一丁、響鈴都係必點，吸收哂湯底中精華，肥係有原因٩(˃̶͈̀௰˂̶͈́)و

星期日天工造美,風和日麗中午行完個山夜晚就食個雞煲補補佢一行9人,預早訂枱,六點準時去到就開始點餐雞煲有辣既,又有芝士,當然要叫晒啦最後點左....芝士雞煲-大(極多芝士) x1芝士雞煲-細 (極多芝士) x1辣雞煲-細 (1隻辣椒) x1依間以芝士雞煲聞名,當然要試下先啦極多芝士係面,未開煲已經聞到芝士同洋蔥味攻出黎雞件比芝士厚厚包住,膽固醇超標都唔理得咁多好味呀~~~跟住就試辣雞煲,個陣麻辣味,比芝士更吸引伙伴們都讚好食到咁上下就開始打邊爐要提下既係蜂巢豆腐好吸湯,正呀響玲,薯粉又係吸湯,好好味呀作結當然要整返個叮麵,邪惡指數爆標總括黎講當然大滿足啦,9個人9份滿足以上食評只反映個人立場,如有雷同,實屬愛食之人

之前睇到食評都有推介咪走雞雞煲，正好到假期，就約埋家人一齊去試有試，睇下係未真係咁好食😋咁我地預約左6點左右入座，當時都唔算好多其他客人，但之後一邊食就越黎越多客人到，差唔多全場坐滿。雖然呢度比較岀名既係芝士雞煲，但因為屋企人比較不好芝士，所以就另外點左火焰麻辣雞煲。芝士雞煲唯有下一次先黎品嚐啦😢火焰麻辣雞煲一上枱，就會有位侍應喺煲度點火，視覺效果一流。而雞煲最重要一點，當然係雞肉啦。啲雞肉好大件，而且非常嫩，完全冇老既口感。我地點左小辣，食落辣就唔算好辣，但麻既感覺好重，食到岀晒汗。最後雞煲食完就點其他配料做火鍋。值得推介既係手切霜降和牛同響鈴，和牛又厚又大塊，食落牛味相當重。而響鈴就索晒麻辣湯底既精華，係打邊爐必選👍🏻👍🏻最後一家人都食到非常滿足咁離開，下次一定要試一試佢地既芝士雞煲😂

已經唔係第一次黎啦....每次食完都好想再嚟....芝士味實在令人懷念....餐牌有好多選擇....有半份又有全份.....選擇彈性.......芝士雞煲來了.....芝士濃度選擇了普通的... 如十分喜歡吃芝士的....可選擇再濃一點...雞件大大件.....牛肩肉好好食....肉質嫩....不會硬.....分量足夠....另外叫咗五色手打丸......彈口.......魚質新鮮.......👍🏻👍🏻👍🏻蝦餃.....好大件喔...！吃飽飽......👍🏻👍🏻

放假同屋企人喺旺角行街，突然想打邊爐，之前又聽過朋友話食過米走雞覺得幾好食，咁我地4個就去食啦。我地大概6:30去到，可能時間仲早，舖頭唔算多人，但去到7點幾就開始多人黎食啦，幾乎都爆場。我地一坐低冇幾耐就送上6款嘅醬料俾我地揀，都幾精緻喎，分別有葱、蒜、辣椒等等。我唔食葱唔食蒜，所以只係揀左少少辣椒加豉油就得啦。我地揀左個麻辣雞煲先，已經揀左最少嗰種辣度，但我地都覺得好辣😂😂下次應該走辣先得呀。講番個雞煲先，我地幾個都細食嘅，所以要左2-3人份量（$168），但份量都多喎，而且啲雞大大件，又滑，好食😂😂食完雞煲就打邊爐啦，我地叫左都幾多野食😂包括有手切特級霜降和牛，呢碟和牛雖然要$388(大)，但我地都覺得抵食嘅，份量都多，而且牛味好重，好稔，又大大塊，我地好快就食曬呢碟啦。其他都叫左生菜全份（$44），娃娃菜全份（$44），芝心丸半份（$24），什菌拼盤（$44），響鈴（$52）等等，食到好飽。

去之前看到那么多好评，直接就忽视了负评的食记，还专门制定计划要来这家，事后才看了这部分食记，否则，我真以为香港所有同胞都是如此口味特别。鸡堡要了小锅的，但两人吃都觉得很多，量是足够了，但味道就实在是一般了，鸡肉全部用了冻鸡腿肉，没有鸡肉香；芝士虽然放了很多，但没有特别香浓，不是品质好的那种，总体就是“咸”，没有肉香味。如果你是内地大陆来的，可以说，还不如烧鸡公或鸡公煲好吃。接下来是火锅，打边炉的菜。哈哈虾中宝，足量大只，有料，但还是咸，无虾的鲜味。如果不是厨房的盐罐打翻了，我都要怀疑是他们故意用咸味去掩盖食材的不新鲜。鹅肠相比四川火锅的鹅肠，口感差了许多，不够脆，食之无味。可惜不能点半份，为了不浪费，还是吃完了。午餐肉点了半份，这个应该算是这里的普通水平，没有感觉很失望，但也没有惊喜。另外还点了一份娃娃菜作为素菜。凉菜是紫姜皮蛋，还好没有惊吓。饮料要了咸柠七，柠檬没有柠檬香味，我怀疑我吃的是假柠檬。结账是HKD562，收据没拿，所以无法拍照了。总体非常失望，没下次。

打邊爐真係一年365都打唔厭，呢間鷄煲火鍋多分店，好似係附近買完花，又可以上去開餐有出名嘅黃金芝士鷄煲及火焰鷄煲，亦可以叫湯底打邊爐亦得火鍋配料何其多，若你有選擇困難症嘅可能會"病發".......哈!清清地又下火之選，當然係叫皮蛋芫茜湯，呢個湯相當抵叫，內裏除左有皮蛋芫茜外，仲有蘿蔔，粟米，豆腐及馬蹄。啖湯相當甜呢度唔可能錯過的牛頸脊，肉色相當靚仔，紋理顯眼，切成蝴蝶結咁，烚完都唔會太走樣呢客係細份量，二人食足夠有餘，肉味濃又帶少少脂肪，正到呢!手打墨丸亦係呢度必食，一客有8粒，雪白唔細粒，口感相當彈牙，又食到墨魚粒，真材實料!另外脆魚腩，切成一定厚度，肉色呈亮色烚起加D芫茜一齊食，爽脆而且得一條骨，食落相當方便食埋個水餃仲岩數，一客8隻，每隻都相當飽滿饀料有木耳絲，豬肉及蝦，皮薄好味叫多半份生菜加點綠，湯底已夠甜，令到烚完生菜仲甜叫多杯凍檸樂享受下，呢餐相當滿足!

潮流興吃雞，遊戲贏了就叫作吃雞。到了這一晚，我和朋友，來了這裡吃真雞！看到這間人氣高氣高企的芝士雞煲就在上班地點附近，馬上預約座位，一嘗滿口芝士的啖啖雞叫了小雞煲，份量非常充足，芝士雞塊實在吃到停到不了口，一塊接一塊，個人覺得不會溜，芝士和雞塊配合很好。吃完雞，接下來環節是加湯轉火煱。服務員細心建議先選清湯，芝士味道一路都在！這裡的火鍋材料每樣都後新鮮，每天製作。這個極上牛肉是我最愛，肉質鮮嫩，雪花平均散播牛肉每處，放進火鍋十秒便能口，牛肉加上芝士湯底，牛肉不會韌，是幸福的感覺。手打五色丸也不錯，新鮮手作，不是冰凍後拿也來，每色各有特色，十分彈牙爽口，充滿驚喜。茹類十分整潔，餐廳已細心清洗，完全放心進食。響鈴必叫，是火鍋的靈魂。他的體積比一般大，把芝士湯底精華吸收，送進我口裡，而且大得要分三四次才吃完，十分讚。清湯過後嚐一嚐芝士湯，用來煮稻庭烏冬和出前一丁，把芝士味推上最高層次，每口麵都不寂寞，芝士腔的你甚至可以點兩塊芝士配上。火鍋配竹蔗茅根，清熱下火，味道不會太甜。服務方面這餐廳做的非常好，每次有空盤子也會主動收起，會提出進食建議，態度熱情親切，而且我們坐了一晚也不會限時或不滿，我們

愛吃芝士的我當然要試一下芝士雞煲。幾天前經whatsapp訂了位, 很方便。因為想留肚吃火鍋, 四人點了一個細的芝士雞煲, 選了激量芝士。雞煲內有很多洋蔥和芝士碎, 單是賣相已經非常吸引。侍應會幫忙把雞煮熟, 上枱後大約等十分鐘侍應便說可以吃了。雞件啖啖肉, 肉質很嫩滑, 配上芝士很惹味, 四個人不消一會便把整個雞煲吃光, 份量剛剛好。之後可以加清湯或芝士湯吃火鍋, 我們加了清湯, 連同煲內的芝士已經很夠味。各款火鍋配料質素都不錯, 尤其以牛肉, 雜菇, 響鈴和烏冬出色。有些火鍋配料可以叫半份, 丸類半份已經有4-5粒, 價錢很實惠。這晚足足和朋友吃了3小時, 即使全晚接近滿座, 侍應也沒有催促交枱, 一整晚都很主動收碟和加湯, 服務滿分。這家店有免費wifi, 還可以借用充電寶呢, 非常貼心。

雞煲很多地方也可品嚐到﹐但有一定水準不是每間雞煲店可做得到﹐米走雞便可以﹐今次是第二次品嚐﹐上次在官塘店選的是火焰麻辣雞煲巳經不錯﹐今日剛經過太子遠看見米走雞的招牌便很回味上次的味道﹐便上去看看是否同樣有水準﹐這試另一款黃金芝士雞煲﹐雞煲內放了洋蔥、中芹、乾蔥和芫茜﹐雞件預先烹調約8成熟再放枱上爐具繼續烹調5分鐘﹐這樣會令雞件入口口感更嫩滑﹐開始散出陣陣香味﹐引起肚子呼叫肚子餓了的聲音﹐而每件雞件都是上雞腿且大大件的﹐再配上香濃芝士醬汁﹐口感絕配﹐喜歡芝士口味的食客﹐可選加芝士碎的分量來加重芝士味道﹐有無、小量、普通及激量的選擇﹐如果你是喜歡食芝士的食客﹐這款雞煲一定要試。這款與火陷麻辣雞煲完全不同風格﹐各有千秋。 雞煲還可兩食﹐食完雞煲之後加湯便可做火煱﹐而湯底也可選芝士湯或清湯﹐雖然我們選的是小(2-3人)分量﹐但分量一點都不小﹐所以我們只是加了一些配件作火煱料﹐有牛肉及竹笙﹐而芝士當然一定要配公子麵才是懂得食。最後值得一提的是店內提供免費充電宝服務﹐只要先付$100作押金﹐離開時交回便退還押金﹐這服務很窩心。

突然間想食雞煲，諗起之前有朋友介紹過呢一間位於太子嘅米走雞，趁六點幾未算好多人，冇book位嘅情況之下衝咗上去，好彩仲有位調味醬盤有齊生熟蒜蓉同埋麻醬，仲有香蔥同芫茜。每個都蓋着蓋，衛生整潔黃金芝士雞煲（小）（$178）揀咗普通份量嘅芝士，但一啲都唔小，加上大量洋蔥乾蔥同芫茜，成個雞煲聞落香噴噴。呢個雞煲做法好細心，底層全部係洋蔥，雞腿件會放喺洋蔥上邊，令到雞肉更加嫩滑，一路煮，但雞肉仍能保持鮮嫩，用上雞腿件更啖啖都係肉侍應會幫手睇火，當啲雞熟得咁上下，侍應會提你，一打開蓋已經見到芝士溶晒，睇真啲原來雞嘅份量好多，分量雖然係細，但兩個人食的話，肯定夠飽夾起雞件，會見到芝士出現拉絲，呢種芝士更加食極都唔覺得滯當食晒呢個雞煲，侍應會幫你加湯，可以揀芝士湯同清湯，煲底仲有好多芝士，揀清湯都已經夠晒味哈哈蝦中寶（$118）用蝦膠，糅合蟹子，再包著着大蝦，就成為了這道火鍋料。蝦膠夠彈牙，裏便包住嘅大蝦亦都好爽口，蟹子令到蝦膠咬落更有層次。竹笙（$44）竹笙嘅質感爽口，配上芝士湯底，就如一舊海綿咁索晒芝士嘅精華，成個湯底嘅精髓可以一啖入口。鵝腸（$53）只需要淥一淥，呢啲鵝腸就變成一個美味嘅食物，

今日收工同朋友仔又去食米走雞，平時我地都係叫佢出名既芝士雞煲，今次下定決心要食麻辣雞煲😋😋今次我地叫左麻辣3個辣椒，對於食得辣既我黎講，度度岩岩好，仲可以有再食辣d既空間大大舊既嚮魂，十分脆口主角雞煲黎啦，我地叫大個細雞煲，但係都相當足料，見到果刻我仲以為自己叫錯左大雞煲添🤣🤣，雞件十分香滑🤤🤤手切牛肉，雪花紋理均勻，哩度既手切牛肉比出去面大塊同堆厚身，但一d都唔影響佢既咬口，一樣咁牛香肉嫩👍🏻5寶丸通常丸類我都係必叫之一，因為只有係有品質既火鍋點自可以食到新鮮彈牙既丸類🤗黑松露魚麵亦都係我每次黎必叫既，吱落去淥一彈就可以食，配埋黑松露魚子醬食更加可以提升香味我地食到捧住個肚，仲要打包埋都係一人400幾左右，都算抵，叫多個人黎食就岩岩好啦😄

突然間想食雞煲，諗起之前有朋友介紹過呢間芝士雞煲，就即刻同老婆黎呢到擦返餐！餐廳唔難搵，而且仲有專Lift上去，係藍馬之城門口隔離就會見到。入到去餐廳空間都幾闊落，雖然已經有唔少人係到打緊邊爐食緊雞煲，但都唔會好焗促或者一大陣味，入去嗰陣仲見到有間房，可以俾一大班朋友黎又食又傾，唔驚嘈親人！未叫野食前店員放左一大盒醬料係我地面前，每樣野都好整齊擺放，感覺好乾淨！呢到嘅芝士雞煲咁出名當然要叫佢個黃金芝士煲黎試下啦，佢仲有得俾你㨂芝士碎嘅份量，我地㨂左普通，仲點左幾樣火鍋料黎打邊爐。雞煲一上我地都嘩左出黎，一個細嘅雞煲係2-3人份量，份量真係好足夠，上面仲舖滿咗芝士碎和洋蔥粒，聞起好香，夾起雞件仲有芝士拉絲，真係後悔冇叫激量芝士碎，應該會更濃更正！雞件大大件，啖啖肉，仲要出奇地滑，呢樣真係驚喜！食完雞煲其實已經飽飽地但我地仲有幾樣火鍋料，店員就問我地加清湯定芝士湯打邊爐，新年食得太滯所以我地㨂左清湯，但加埋之前嘅芝士同雞煲料，我覺得都幾夠味，滾下菜食下呢到嘅手打丸，我地仲叫左個公仔麵，吸收左湯中嘅精華，呢餐飯果然係大滿足！

成日聽朋友講起「米走雞」呢間鋪頭，今日終於同朋友一行四人去試試😋醬料同普通火鍋店差唔多～我哋叫咗一個細size嘅黃金芝士雞煲，開頭有D擔心，因為怕芝士同雞唔夾，點知原來佢地好match！無論係雞腿肉定係其他部位，都好嫩滑，加埋融化了的芝士，非常滋味！除咗雞煲，我哋仲叫咗一個玉米番茄湯，玉米非常鮮甜，但係湯底略嫌有D酸，我同朋友估係因為加多咗茄膏。上圖係「哈哈蝦中寶」、珍珠帶子鮮蝦雲吞、手打墨魚丸、貢丸、魚皮餃同蘿蔔。哈哈蝦中寶係蝦滑再包住新鮮蝦，濃郁嘅蝦味，而且無論係蝦滑定蝦都好爽口彈牙！正！👍🏻👍🏻右上係珍珠帶子鮮蝦雲吞，咬開入面真係有大大粒帶子，可惜雲吞皮略嫌厚咗D。下面係鮮榨響鈴，好厚實，味道唔錯。而手到墨魚丸就非常之紮實同彈牙。仲叫了五香鮮牛肉，菜如其名，好新鮮嘅牛肉，但係可能太好生意，所以師傅無時間慢慢切，所以一塊連住一塊，好大舊🤣翡翠苗好新鮮～總結嚟講，食物質素中上嘅雞煲店👍🏻

團年飯，梗係要有雞，不如食雞煲啦，又可以打邊爐！第一次黎食，之前都聽過呢到好出名，坐無虛席，唔訂位有排等！我就揀左唔食辣，所以叫左黃金芝士雞煲，小量芝士等左大概8分鐘，D芝士都溶晒就食得，好正啊！雖然只係叫左少量芝士，但味道已經好正，入晒味，D雞又嫩滑，再配埋啖啖芝士，一流！之後就開始打邊爐，個湯底仲有濃郁既芝士味，可以話係另類版芝士火鍋呢到火鍋配料好多選擇，見到呢個招牌蝦中寶，要叫黎試下，好多蝦肉，又彈牙另一款應該都係招牌菜之一，因為每枱都會叫，加大碼版響鈴，同出面食果d有d唔同，又大又脆手打墨魚丸份量十足，好實淨，超鮮味同彈牙我好鍾意食鮮牛，估唔到呢到既鮮肉可以咁好食，又滑又淋，仲好入味魚皮餃新鮮，不是雪藏貨木耳又爽口打邊爐最愛，吸晒湯底味道，超正！成粒帶子係鮮蝦雲吞入面，好好食，帶子同鮮蝦都好牙同新鮮！