築地日本料理 (金百利廣場)

營業中

休息中

銅鑼灣依間壽司真係好抵食，夜晚九點後入座有折！！又平又抵食！！花之戀好好味，好抵食！三文魚同帶子都好新鮮！！飯唔會好大舊，上面啲刺身都算幾厚不過依間壽司啲醋飯好似比較酸，唔知平時都係咁，定係我果日食既係咁？鰻魚都唔錯，唔會好硬好乾身除左普通花之戀，仲有龍蝦花之戀，不過個人就比較喜歡普通既花之戀，鐘意口感同味道簡單少少！甜蝦都係推介之選！南瓜雪糕食埋依個做甜品就好完滿，雪糕都幾creamy牛乳布丁好綿滑，唔會過甜，算係味道比較清新既牛奶布丁

有朋友極力推介這間位於銅鑼灣心臟地帶金百利廣場的日式居酒屋，今晚一於試試店內是典型日式居酒屋的格局，播放著最新的日本流行歌曲，員工笑容十足，彷彿置身於東京的一角餐牌實在太多選擇，有選擇困難症的我們直接點了一個二人前套餐，再單點一些小食沙律很醒神開胃的前菜，舒緩一日工作的疲勞板燒香蒜牛舌jar jar 聲！趁熱食啦喂！牛肉野菜壽喜燒真金不怕洪爐火，咁精緻的火爐唔食得都睇得！好豐富呀，有牛肉、豆腐、蔬菜、溫泉蛋，仲有粉絲添！牛肉涮兩下就可以食，食得出係靚牛肉溫泉蛋剛好半生熟，勁正泡菜黑豚石鍋飯嫌唔夠辣的話，速醬可以自己再加。我就覺得本身已經好夠味特別要讚一讚黑豚肉，半肥瘦，好好咬口白桃乳酸特飲巨峰乳酸特飲火灸芝士三文魚腩 $14帶子壽司 $18吉列炸生蠔 $58新鮮即炸，仲有沙律菜伴碟，減低油利感二人餐最後仲有奶凍上，好creamy！係咁舒服的環境下吃飯，一路食一路傾，已經十點多，快樂不知時日過

之前有朋友介紹過食築地，今晚出開銅鑼灣就一於去試下先。由於我地兩個都有選擇困難，唔係太想諗食咩好，就叫個精選二人前。前菜有蟹子沙律，大大碟，好多蟹子，越食越開胃。小食揀左板燒香蒜牛舌，呢碟又係比想像中大碟，個醬好好味，牛舌好香。主菜揀左 牛肉野菜壽喜燒 同埋 泡菜黑豚石鍋飯。壽喜燒除左牛肉仲有豆腐金菇粉絲，個湯底好甜，配菜煮得好入味，個壽喜燒另外配左個白飯。石鍋飯配菜十足，配埋個辣醬真係好惹味，豚肉好脆身同香口，不過有部份好似overcook 。兩人餐仲有甜品，係北海道牛乳奶凍，好重牛奶味，好滑。餐飲唔駛加錢就有特飲，分別揀左白桃乳酸特飲同巨峰乳酸特飲，兩杯都不過不失。口痕額外叫左 火炙芝士三文魚腩 + 鮮帶子壽司仲有吉列炸生蠔，炸得好靚，好香口。

銅鑼灣築地7月3號先開張，間舖都仲好新，啲位都坐得好舒服。鰻魚飯好好食，鰻魚燒到好香，醬汁亦都好濃郁，好高質。煮蜆亦都唔錯，用高湯去煮唔會搶左蜆嘅鮮味，蜆都洗得好乾淨，完全冇沙，size都唔細，食落好有口感。菠蘿即叫即燒，火候控制得好好，唔會乾曬完全冇汁，食落反而係滿滿嘅菠蘿汁，好甜，好好食。三文魚海膽蓋飯十分好食，三文魚係厚切，海膽亦都好新鮮，完全冇苦味，好鮮甜，份量亦都唔少。炸蠔都係誠意之作，蠔好大隻，炸粉亦唔會太厚，食落熱辣辣，大力推介。

無錯我又食日本嘢啦😍香港人對日本菜真係零抵抗力㗎😭呢間築地位置相當方便，銅鑼灣站Exit E一出轉右就係啦！仲等咩呀？快啲嚟試吓啦！相信睇過我食評嘅都知我真係好愛鰻魚❤️嚟得日本餐廳又點可以唔試下呢到嘅鰻魚呢？好吸引呀😍呢到仲有啲好特別嘅壽司，例如呢碟青龍！個名都霸氣過人，外層綠色嘅係紫菜碎，包住炸蝦，再加上鮮味十足嘅海膽！一流呀另外呢個芝士雞捲都係不得不提！芝士唔會太膩，一啖咬落去真係好爽👍🏻仲有好多唔同嘅食物！快啲去試下啦

假日，同家人去銅鑼灣睇戲。好似太耐無食日本野，所以用手機上網睇下附近有咩好野食先！之後，發現有間築地好多好評，所以我地一家就前往築地了！豬扒煮蛋飯：份量好大，價錢個人覺得剛剛好，外觀亦相當吸引！豬扒炸得十分香脆，呈現金黃色的，肉質不會覺得鞋身，而且豬扒既厚度相當足夠，所以食起上黎充滿口感！至於蛋方面，蛋十分香滑，而且很多，足以蓋過整個飯。整體而言，兩者配合飯，味道十分夾啊！味增湯：咸度剛好，當中有少量豆腐和海帶，不錯啊！壽司：我們挑選了三文魚和帆立貝壽司，兩者同樣是我最討好的壽司。三文魚厚度足夠，當中三文魚充滿魚油的味道，味道亦鮮甜。至於帆立貝壽司，同樣鮮甜，而且有大隻。壽司：海膽壽司是我特登挑選的壽司，海膽入口即溶，味道甘而不腥，個人十分之推介海膽壽司！燒汁魷魚筒：魷魚好大隻，師傅燒得不錯，不會過龍。燒汁咸度一致地剛好，口感不會太硬，有推薦大家食用這個小食啊。

平時去食日本野多數食嘅都係啲連鎖店價格比較貴但係冇咩驚喜,但係今次搵到呢間d嘢食都幾抵食, 而且仲幾高質位於銅鑼灣嘅中心地帶 十分方便就腳。菜單嘅選擇都非常多，而我哋今次就叫左啲頭盤刺身同主食。首先推介嘅有三文魚腩刺身（$58），本身都諗住平時去放題食咁多刺身，嚟到就唔食啦，但估唔到叫咗 發現原來同放題嗰啲質素真係冇得比。佢個三文魚腩刺身好新鮮，而且好爽口鮮美 跟住上場既有海膽鮭卵豆腐（$45），平時鍾意食日本嘢嘅對凍豆腐應該唔會陌生，最常見嘅搭配點會少得海膽兩個嘅口感加埋有微妙既化學作用，加埋入口一咬爆汁既鮭卵，三個不同層次既美味。最後就係外面比較少見嘅直火炊松露和牛釜飯鍋（$88），所以決定一試，黎到嘅時候店員會幫手放一個計時器，等我哋知道要煮嘅時間，你會食到生咪住成熟飯嘅感覺，而且想幾熟由你決定。我哋先係店員推介嘅時間打開攪拌左一陣 試一試口感，和牛啱啱好熟 肉汁滲透落啲飯到，再配埋菇嘅鮮味 ，幾特別，而且飯粒都好有咬口。我哋食左少少之後決定再焗多一陣試吓，但係發覺都係啱啱好味啲，因為啲飯太淋就冇咗佢嘅口感。最後推介甘栗紫薯餅（$35），新鮮炸 超脆口，外脆內軟，紫薯蓉好綿 而且

同朋友行完街之後，諗住去食日式放題，點知又勁多人排隊，要等勁耐，所以就轉左食日式料理。同一般日式餐廳一樣，都係用咗好多日式燈籠同日本和服公仔做擺設。因為真係太肚餓，又費事煩，所以就叫咗精選二人set，除咗主菜，仲包埋沙律、小食、甜品同特飲。前菜沙律係蟹籽沙律，份量都好多，蟹籽同沙律醬均勻分布係每條生菜🤩！主菜就揀咗黑蒜油豬軟骨拉麵，豬軟骨炆煮得好軟綿，拉麵亦偏軟身，蒜香味都幾濃，有乾蒜同香蔥調味，有大量木耳、粟米做配菜。另一個主菜就係牛肉野菜壽喜燒，薄薄嘅牛肉同雞蛋未熟透就上枱，要好好拿捏時間，唔係煮太耐就會變得好老，豆腐好嫩滑，份量都係好多，冇咗白飯都夠食。小食就係五選一入面，揀咗板燒香蒜牛舌，板燒牛舌好香濃，冇雪藏味。野飲方面，我就叫咗杯熱情果梳打，粉橙色，感覺好少女！

週末節目: 到銅鑼灣玩密室逃脫, 消耗了一小時的腦力跟體力, 要找個好地方醫醫肚。專程到金百利附近覓食, 因為既多選擇, 坐得又舒適, 又不會太貴。研究了好一會, 不如試試築地吧! (OS: 哈哈! 其實再研究都是想食日本料理)活立魚薄切拌黑松露 ($72)近期發現很多日本餐廳都有活立魚呢! (可能一直都有但我未有留意)原本立魚味不太重, 所以加了黑松露後, 像鹽一樣激發了立魚的鮮味。牛油果軟殼蟹卷 ($45/客)$45有4大件真的超值! 而且牛油果多到好像不用錢般雖然味道跟平常食到的分別不大, 但大量的牛油果令整客卷物質素上升~香芒花之戀壽司 ($24/件)、魷魚壽司($12/件)、清水心跳($38/客)花之戀不會容易散開, 魷魚壽司新鮮!特別推介清水心跳, 因為有不同的蔬果, 所以是一款很Freash的卷物!香蔥碎吞拿魚腩壽司 ($13/件)只需$13就有吞拿魚腩壽司, 必點啦!!!吞拿魚腩雖然多油, 但油香味真的很吸引~加上香蔥解膩三文魚海膽魚生丼 ($108)名字已可看出又多豪華了~但價錢一點也不豪華海膽鮮甜, 入口即溶!!!

日本築地市場就去過，仲記得當年要一早起身搭JR去嗰度，嗰度啲魚生好新鮮好好味，香港嘅築地就未試過，今次就試下睇下有冇日本咁新鮮咁好味， 順道回味一吓！打開menu發覺原來這裏很抵食，啲壽司大部分都係十幾蚊一件，其他嘢都唔貴好抵食。我哋叫咗好多壽司、手捲、同埋魚生飯，碗魚生飯有各種唔同嘅魚生，啲魚生好新鮮，仲大大碗，啲海膽仲好甘味。 另外手捲我哋叫咗軟殼蟹手捲，同埋鰻魚玉子手捲，啲軟殼蟹食得出是即炸的，好香脆，至於鰻魚玉子手捲嘅配搭都好配合，好好味。另外當然唔少得叫日式煎餃子啦！去到邊度食日本嘢，我都會叫日式餃子，因為我好鍾意食，啲餃子煎得剛剛好，裏面啲肉熱辣辣，皮薄，而且煎得剛剛脆口，配埋餃子汁，一流。叫得太多嘢食，最後大家都食到好飽 , 連甜品都食唔落啦！下次一定要嚟試下佢啲甜品 ，我見到佢有南瓜雪糕好似好吸引，下次一定要嚟試吓！

今日同老公過香港喺sogo行街，行完梗係搵食啦！ 金百利廣場而家成棟都係食肆，老公今日話想食日本嘢，我哋就上咗7樓一間叫築地日本料理嘅地方食 ，一入到去裏面嘅裝修好日本feel好清雅，而且好乾淨嘅感覺，我哋就決定喺呢度食。先睇menu，menu裏面魚生、壽司、天婦羅、串燒、拉麵、石鍋飯……，所有日本料理應有盡有，我哋都唔知揀乜好，最後我哋揀咗幾款唔同嘅壽司食，跟住仲叫咗碗黑蒜豬軟骨拉麵，先嚟咗個麵豉湯 ，話係跟餐嘅，麵豉湯唔同一般平時，其他地方嘅只得個鹹味，這碗麵豉湯除麵豉之外仲好有鮮魚嘅味道，好清甜，飲得出係廚師用心烹調過嘅。海膽魷魚壽司，啲魚生好新鮮、好鮮甜，海膽魷魚壽司仲落咗好多海膽，好好味。另外蔥花吞拿魚壽司，啲吞拿魚好新鮮配埋啲蔥花，配搭簡直係一絕。仲估唔到個玉子芝士壽司都好好味，我哋仲再叫了多一碟添！黑蒜豬軟骨拉麵，黑蒜味好濃，而且碗麵湯底好creamy，啲豬軟骨肥瘦適中，而且好林，而家喺香港已好少地方食到一碗咁正宗嘅拉麵 , 湯底加面嘅軟硬適中都配合得很好。

銅鑼灣搵食，識搵梗係搵樓上鋪！今次去咗呢間日本菜，逐件逐件叫，勁居酒屋feel！如果唔係肚仔餓，應該會叫多唔少串燒，不過今次以飽行先！叫咗唔少壽司，唔知係唔係廚師有自己嘅美學堅持，同色系係一齊上架！劍魚、鱆魚印象深刻啲，鮮甜得嚟又厚肉，好味！另外叫咗個三文魚黑松露手卷，味道都好夾，可以一試。不過既然叫得佢似居酒屋，梗要叫下串燒嘅！燒帆立貝、燒牛舌都食得出食材好新鮮，尤其係牛舌好爽口，唔韌又有牛味！但要推薦的話，就不得不提一下薯餅，熱辣辣上好香好吸引，而且薯仔味好突出，食到停唔到口！其他炸物應該都有質素，不過今次飽飽，下次再試埋佢！

剛從東京回來不久已經在想念築地了......想吃刺身的鮮味, 發現銅鑼灣金百利的「築地」, 光看店名就決定來試試!活𩶘魚薄切伴黑松露 $72第一道刺身, 超美味的!半透明的𩶘魚切得很薄, 口感、鮮味也是滿分。加上超大量黑松露!在其他餐廳的話, 大概一碟黑松露飯也沒有這麼多份量的黑松露呢!結論: 必點!香芒花之戀  $24很多時候都會選的花之戀, 也是讓人驚訝的足料。比普通花之戀更大, 但不是用飯來充數, 而是鋪了厚厚兩層三文魚, 老實說連夾起也有困難, 加埋香甜芒果, 吃一件就覺得大滿足!魷魚 $12香蔥碎吞拿魚腩 $13壽司很便宜，難得也很好吃沒中伏！清水心跳  $38太推薦這款了!!!別以為都是素食就很寡淡，牛油果、芒果、露筍、青瓜、大根漬卷在一起竟然這麽美味!芒果酸甜，牛油果滑溜，口感很好，味道很fresh, 大愛!牛油果軟殼蟹卷 $45牛油果同軟殼蟹係絕配，幾乎去間間日本餐廳都會點，而且這裡還特別便宜!很抵食。三文魚海膽魚生丼 $108三文魚和海膽也很新鮮沒腥味整體來說，刺身和壽司都很美味，難得的是價格仍然實惠，兩個人加埋都唔洗$400，怎可以不推薦呢!

呢間係sogo對面好近，去完shopping 就去食嘢睇咗餐牌後，決定食個二人餐。有一份沙律、兩份主食、一份小食、同兩杯特色飲品。沙律係青瓜沙律，食落好fresh，上面仲有蟹子兩份主食，叫咗豬軟骨拉麵同牛肉椰菜壽喜燒豬軟骨拉麵，豬軟骨煮得琳琳地，見到有筋肉既位置牛肉椰菜壽喜燒呢個會跟埋飯，壽喜燒湯底甜甜地，好易入口，仲有唔少菜板燒牛舌一碟都幾多下，燒完香甜，上面仲有洋蔥，夾埋食會更突出味道揀咗兩杯飲品白桃乳酸飲品和草莓石榴熱情果梳打特別濃郁，有乳酸嘅味道，重點係不太甜，剛剛好

came here for lunch on a weekday. worst part was waiting for the lift but that is to be expected. beef and rice lunch set was very reasonable for the portion and price, just about hkd100 including a drink and soup. the entire menu is very reasonable so would come back for dinner!