立鮨 (金馬倫廣場)

營業中

休息中

今日約左朋友仔食立食壽司呢間之前都買過外賣試嘅價錢都合理，都幾新鮮未食之前仲以為無得坐，會企到好攰好辛苦但原來放低晒野，企一陣都唔會好辛苦都幾free咁價錢都唔算貴企喺吧台前，寫好就可以俾師傅了吧台前有最新鮮的貨🤤叫左立鮨特上壽司拼盤同海之幸盛合全部一次過送上壽司飯係淡淡醋飯！芥末係我最喜歡的鮮磨芥末鮮甜帶顆粒的三文魚子軍艦，好抵食！👍好似唔駛本咁！火炙三文魚腩，好好味！帶子叫左一款巨型一款正常都幾好味！鮮美的！

今晚去左TST 行街，之後朋友話想食立鮨，見唔算多人排，就排下啦～等左10分鐘到就有得食～　我地今次都係第一食，一開始先黎個刺身，叫左鯛魚同赤貝～鯛魚清鮮甜美，好靚，而赤貝非常爽口，正！另外叫左D 壽司，有左口邊、芥辣八爪魚、中吞拿魚、油甘魚、池魚,ETC，講真真心新鮮，優質～特別推介中吞拿魚、油甘魚、池魚；中吞拿魚油脂分佈均勻、入口即溶、油份還停留口腔久久不散。油甘魚入口香，油份充足。池魚肉質細膩，爽口帶油份，味道甜美。仲有叫左個三色飯，有三文魚籽、海膽同吞拿魚蓉，份量好多，而且又新鮮，呢個我覺得好抵食，$198！最後朋友仲叫左個烏冬，清清地完結呢一餐~OVERALL 唔貴, 而且QUALITY 係唔錯，值得再黎！

今曰行經尖沙咀的金馬倫道，好奇為什麼這間立食鮨店食客不絕，。今晚一於一試立食初體驗。有別一般鮨店，店內設站立的吧企位。而用餐的枱面雖小，但一應俱全。除了放置了基本的用餐器具，也有熱抹茶供應，而枱下亦有位置放包包，感覺幾方便。由於壽司種類繁多，就簡單的點了海之幸盛盒、立鮨特上壽司盛盒、特上呑拿魚盛盒、大滿足海膽特盛、加洲卷及鮮蝦味噌湯和honey一齊share.嘩啦！估唔到立食壽司的質數可以咁高！平日都去過米芝蓮鮨店、中級或高級鮨店有時候也有落差，然而這間的壽司質量有點兒令我們喜出望外。先來海之幸盛盒及立鮨特上壽司盛盒。海之幸盛盒$152，包括五款壽司；北海道帶子、珍寶甜蝦、北海道活象拔蚌、海膽、牡丹蝦；立鮨特上壽司盛盒$98，亦包括以下五款精選壽司：牡丹蝦、深海池魚、北海道帶子、中吞拿魚腩、海膽等等。每一款壽司的造型不錯，而壽司配料都十分新鮮充滿光澤，而壽司飯的份量和溫度也恰當。北海道帶子大大粒，是厚切的，口感十足，味道鮮甜；珍寶甜蝦蝦味十足， Q滑不黏；北海道活象拔蚌口感爽甜鮮美，一點也不韌，吃的時候完全不用費勁咀嚼；海膽壽司真好吃！金黃色的海膽-海膽味濃郁，而且入口甘甜，質地cre

在日本，立食文化很普遍，有不少立食拉麵、烏冬、壽司店等。雖然是立食，但供應的食物絕非快餐質素，純粹是店舖面積有限，想省去座位而已。 近年，香港都開始有些立食壽司，「立鮨」就是其中一間。由於是立食店，食物的價錢頗相宜，還有不少壽司套餐。這次，我亦都選擇了三款壽司盛。第一個是特選三文魚盛盒 $58 有三文魚卷，辣味三文魚軍艦，三文魚腩壽司和火炙三文魚等。其中辣味三文魚的調味不錯，而且三文魚腩亦夠肥美。圖中的珍寶赤蝦和蟹肉蟹膏是另外散叫的，赤蝦很鮮甜，而且蟹膏不會腥，不錯呢。還有就是嚴選火炙盛合和立鮨特上壽司拼盤。特上壽司拼盤只需$138,就有海膽，吞拿魚腩和帆立貝等，很抵食呢。重點是，海膽鮮味十足，一點也不苦不腥，吞拿魚亦沒有筋，頗高質。火灸盛亦是必點，很喜歡經火炙後滲出的魚油香，令人食指大動！火炙大吞拿魚腩海苔壽司$48,雖不算便宜，但真的很美味！ 大吞拿魚腩的魚油滲到壽司飯中，整件壽司都充滿魚油香！不想吃太多壽司飯，於是叫了油甘魚腩刺身（左） 和日本真鯛刺身（右），兩款都新鮮～

平時真係好少食立食壽司，因為聽返來都係好貴。咁又貴又要企係度食，當然唔會考慮。不過早排男友話我知，原來有間高質立食壽司價錢好相宜，而且好好味喎！今日去到，見要排隊，好彩前面都係兩桔人，我地等咗4-5個字就入得去了。立食啲set都幾抵食，我地叫咗2個set, 另外加一啲壽司我覺得海膽軍艦好正，又甜又creamy! 金目鯛都係高質之選，好新鮮，味道好香魚油味，一定要食吞拿魚腩唔洗講都知好味喇見到個樣！正三文魚則相對瘦，適合唔鐘意太重魚鮨味既人

今日嚟到尖沙咀金馬倫道食立食壽司個名叫立鮨  間鋪頭入邊只有十幾個企位  所以平時都好多人等 今次我哋等左30分鐘  入去之後可以直接落單 之後就可以望住師傅整  我哋叫咗帶子，蝦，左口魚，油甘魚，海膽，三文魚子，吞拿魚赤貝，玉子壽司  佢地既壽司係用黑醋飯 所以飯帶淺啡色  壽司材料非常新鮮我自己就最鍾意食三文魚子同海膽 三文魚子更加滿到瀉得出嚟  之後再加咗個蝦頭味增湯味增湯10分香蝦味  整體黎講 價錢中高價位 但食物質素幾高 下次一定會再黎食    

睇返我食評，對上一次食就係上年九月，個次真係食左五舊水換黎成肚氣，因為全部都無味！今次想再比多次機會因為：1. 其實新開張個一個月真係好味，見openrice 仲咁多人正評，可能咁岩食個日真係唔好彩，唔知點解無味2. 某E app 有優惠，星期日十二點有七折！所以就訂左位再試試，今次就諗住兩個人叫8-10件唔同既試下先，如果好食先再叫，唔好食就拜拜好喇，結果係，仍然無味，刺身感覺唔新鮮又唔凍，元氣都好過佢試左既有三文魚，三文魚子，金目鯛，帶子，火灸左口魚邊，蟹棒，甜蝦。。只能夠講得三文魚子同火灸左口魚邊係ok, 其他真係無味咁滯！亦都肯定咁多正評其實都係....你懂的！ 真心想試既，我比你既意見係叫幾舊試先。。

心血來潮想食壽司，就想起了這個高質的立食壽司🍣尖沙咀為本店，及後才擴張旺角。今天是星期五，即使是下雨天，位於尖沙咀的餐廳在七時三已經排滿了人。我大概排到八點，才有位。所謂立食，即使企係到食，沒有座位。店舖一眼看晒，只有大概十餘個站位。背後有衣架用來掛外套，而食枱下則有位置放手袋。在外面排隊的時候，店員已經會給予餐單，以供我們點單。有站位後，師傅便很快把我們下單的食物送上。食物種類繁多，壽司由最平的$9一件，到最貴的$48蚊一件。而且還有數款的套餐，若是岩食，計上來俾逐個單點的划算。除左壽司外，也有刺身、手卷、飯、飲品和清酒等。大滿足海膽特盛（$98）：來到這裏，幾乎每枱客都會叫的食物！滿滿的海膽，很鮮甜，完全沒有苦澀味。飯是啡色，師傅混合了赤醋而成。據說赤醋相比起一般的白醋，味道來得柔和，而且更香。一口氣叫左幾樣野，師傅同一時間一起上😆後排是特選三文魚盛合（$52）左起：三文魚壽司、三文魚腩壽司、火炙三文魚壽司、辣三文魚軍艦、三文魚小卷。這個盛合味道一般，除了火炙三文魚比較滑外，其他都普普通。但這個盛合勝在夠抵食，$52蚊就可以試晒咁多款三文魚壽司。前排左手邊兩件 - 中吞拿魚腩壽司（

已經有好一段時間沒有吃壽司，今晚女朋友帶我來到尖沙咀金馬倫道的立鮨，一嚐立食壽司。餐廳主打立食壽司，店面不大，只有大約十個位置，人多時需要等候入店，但店內空間充足，就算滿員都不覺逼狹。壽司的魚生皆放在客人面前的雪櫃之內，確保食材新鮮衛生，同時是對食材挑選自信的表現。店家有提供綠茶粉給客人自行沖飲，可以自己控制綠茶的濃淡。餐牌選擇極多，有不同的單點壽司、刺身等，還有各式壽司盛合。三文魚籽軍艦最先上枱的是三文魚籽軍艦，三文魚籽份量澎湃，多得滿瀉，魚卵晶瑩剔透，顏色鮮艷，一口咬下，味道鮮香甜美，一試便知是用了上等的貨色。大滿足海膽特盛這個可以算是店家的名物，海膽在醋飯上堆積如山，外形飽滿完整，色澤金黃，表面乾身兼且顆粒明顯，入口有鮮味甘腴的非凡滋味。嚴選火炙盛合/特上吞拿魚盛合叫了兩個盛合，第一個是前排的嚴選火灸盛合，五款火炙壽司，有三文魚、帶子、左口魚邊、中拖羅及松葉蟹腳，其中以火炙左口魚邊最出色，一咬下去油脂豐厚，鮮味甘香，回味悠長。特上吞拿魚盛合特上吞拿魚盛合包括有赤身、中拖羅、大拖羅、碎蔥吞拿魚及火炙中拖羅，中拖羅、大拖羅當然脂肪豐富，甘腴可口，但其實我更鍾情赤身，即脂肪較少的肌肉部

立食在香港🇭🇰真的比較少見，草根姐妹👭前2年曾經在日本🇯🇵吃過，這回試一試位於尖沙咀的立食壽司🍣。提提大家由於店內的位置不多，晚上排隊的人會👭多，這次我們大約等了1小時左右吧。排隊期間店員已為我們送上點餐紙，點了壽司set以及散點了幾款壽司。嚴選火灸盛合 ($98)Seared Sushi Platter -火炙三文魚壽司-火炙帶子壽司-火炙左口魚邊壽司-火炙中吞拿魚腩壽司-火炙松葉蟹腳壽司草根姐姐👩🏻特意為草根妹妹👧🏻點了這個火炙壽司🍣Set，迎合草根妹妹❤不太喜愛食魚生的要求🙌🏻。經過火炙🔥的魚生片🐟不但帶少許焦香味，的且更把油份迫出，令有富有油脂的三文魚、左口魚和中吞拿魚腩變得入口即融😍！🍣是終極的好吃😋！火炙大吞拿魚腩海苔（$48）Seared Deluxe Fatty Tuna Sushi with Seaweed 於大吞拿魚腩面塗上豉油，包在脆卜卜的紫菜內，火炙過後魚腩入口會慢慢融化，肥美的口感十分討好。果然是餐廳的店長必吃推介🍣！來到一定要試試😋！三文魚籽軍艦（$20）Salmon Roe Sushi三文魚籽份量極多，師父大手大手的加上三文魚籽，令人看見已滿心歡喜😍，魚籽

夜晚放工次次行過金馬倫道都見到呢間立食壽司都有不少人排隊，而今次星期日約左朋友唔係繁忙時間去食!終於明白點解成日都咁多人排隊啦!這間立食店舖位很少，每次可能只可以有10個客人左右在店內，但因為係立食，所以好快就可以再有其他客人入。Bar枱上有豉油及綠茶粉供使用，枱下有位置供客人放置自己私人物品。店員安排位置企後會遞上點餐紙及餐牌。燒蝦頭(配鮮蝦味噌湯)($15)，這個湯非常鮮甜，味噌味唔會太淡，有淡淡的鮮蝦味，而且湯入面有一個燒過的牡丹蝦頭!本鮪赤身(吞拿魚)($58)，吞拿魚色澤夠紅，魚肉新鮮鮮甜!立鮨壽司拼盤($78)，這個拼盤包括了海膽軍艦、北海道帶子、三文魚、赤蝦及油甘魚!帶子鮮甜肥美，海膽鮮甜!而且壽司飯唔會大個刺身，所以啖啖肉!三文魚籽軍艦($20/件)，係香港真係第一次可以食到三文魚籽滿瀉的軍艦。魚籽粒粒飽滿，面頭有少少柚子皮碎帶起鮮味，而且上碟時壽司師傅說明這款是不用點豉油吃的。鰻魚壽司($15/件)，鰻魚唔似出面仿間食到的鰻魚肉「林林」的，肉質較為結實，食得出這款鰻魚是有燒過的，而且醬汁也很美味!大滿足海膽特盛($98)，滿滿的海膽像個海膽山，海膽鮮甜肥美，配埋本身已

每次經過立鮨都見人龍，今次趁時間尚早唔算太多人，終於一試~好多人會問立食會累嗎? 其實喺日本都試過立飲立食，感覺反而輕鬆自在~ 甫進店走過櫻花樹到壽司counter，手袋物品可放檯下，背後有掛勾掛衫的。先各自點了<立鮨壽司拼盤>($78)有三文魚、油甘魚、帶子、珍寶赤蝦、海膽壽司~<立鮨特上壽司拼盤>牡丹蝦鮮爽甜美，深海池魚肉質爽口，大大粒珍寶帶子極具彈性，令人齒頰留香，中拖羅肉味濃厚，海膽壽司當然亦鮮甜回味，以$138來說真係性價比高! 點了少有的吞拿魚腦天($48)（即魚頭頂肉），魚味濃厚肥美。魚油豐富既大拖羅，入口即溶，餘韻甘香。仲有我最愛既白子，點左白子軍艦($48)滑稠既口感如豆腐般滑溜，是美肌之物~晶瑩的富山小白蝦，味道較清甜~三文魚子壽司我認為係必點的，軍艦上的三文魚子多到滿瀉，$20一件真係抵食! 大大件既北海道特大珍寶帆立貝($38)，色澤雪白，肉質飽滿彈牙，鮮甜肥美~要3啖先食哂，非常滿足!我地一共食左20件壽司，當中大部分都係極上級既魚種，廚師發板既質素，以埋單平均$300/位黎講真係抵食!!

終於黎左試！次次行經都見人龍，今次試了好滿意，好有衝動再回頭encore。入到小店見到食客都企滿晒享受緊美食，店內有一棵白色櫻花樹，美美的。近距離望住師傅做壽司，真係好似去左日本咁。台面有杯碟，有綠茶粉倒入熱水成綠茶飲用。原隻活赤貝(2隻)$58、蘋果汁$25好大隻好新鮮呀，價錢抵過出面，一啖擺入口超幸福，爽口鮮甜，好中意食赤貝。特上吞拿魚盛合$160特選三文魚盛合$52見到哩碟壽司盛合心中好激動呀，見到吞拿魚同三文魚既顏色好靚，睇都見得到新鮮。三文魚盛合有5款唔同既部位同做法，都係$52好抵食，件件都好好食。吞拿魚有齊大吞拿魚腩、中吞拿魚腩等，魚油脂一咬湧出，完全冇筋，面頭有薑蔥，唔洗點豉油都好夠味。十幾件壽司都唔洗$300，平過好多店，而且好味過好多店。特上北海道魚生飯$158有齊三文魚、海膽、帶子、甜蝦刺身，特別喜歡海膽，好鮮有一大舊。超贊！哩度既刺身新鮮度媲美日本吃的，而且價錢好合理，難怪長期有人龍啦。

近來最潮的壽司店梗係立食壽司啦！而這間是近來最出名的，不論日，夜都排上長長人龍。位於尖沙咀金馬倫道的立鰭長長人龍， 差唔多排到時可以先揀選店内位不多， 大概10 個位空間尚算寬敞， 所以雖然立食， 但不會企得不舒服等了大概15分鐘就有位了。大滿足海膽特盛$98海膽分量多配醋飯自家製玉子壽司x2$18蟹棒壽司 壽司 $12中吞拿魚腩 壽司 $38大吞拿魚腩壽司$48北海道活象拔蚌壽司 x2 $96全部都很新鮮呢！就算平凡的玉子也很甜 中吞拿魚腩更是物超所值試完壽司再試活赤貝和牡丹蝦刺身原隻活赤貝兩隻 $58活著活赤貝切開四件，口感很爽珍寶牡丹蝦兩隻 $88牡丹蝦肥嘟嘟超新鮮三文魚子軍艦 $20三文魚子軍艦上檯前，待應灑上一些柚子皮汁， 更能帶出三文魚子的鮮味必試菜式超值海鰻苗軍艦$38海鰻苗就算喺日本都無機會食過， 今次見到時令版有，即刻order了一件試試。配上獨特酸辣醬汁， 很FRESH食壽司還未夠飽的話還有甜品提供

第一次體驗立食，雖然立食但店方有提拱衣架俾客人搞外套，枱下面有位放袋。望完menu真係花多眼亂，選擇困難症😂見隔離有碗蝦頭湯好似好吸引咁，就叫左碗鮮蝦頭配鮮蝦味噌湯同枝豆，飲落勁濃蝦味但略鹹，啱晒重口味人士，枝豆正常，無乜鹽味清清地balance返食左咁多件壽司。（由左至右開始）壽司叫左三文魚子軍轞、中吞拿魚腩壽司、三文魚魚腩壽司、油甘魚壽司、珍寶牡丹蝦壽司、北海親特大珍寶帶子壽司、火灸牛油帶子壽司、火灸三文魚腩壽司同火灸左口魚邊壽。師傅會係你面前淋勁多三文魚子同刨啲柚子皮係面，一開頭唔知佢刨咩，問師傅刨咩，佢解答完重提我地唔洗略豉油食超爆多三文魚子！！加左啲柚子皮會fresh d🤤我食左火灸三文魚腩壽司、北海道特大珍寶帶子壽司、火灸牛油帶子壽司、珍寶牡丹蝦壽司，最鍾意火灸三文魚腩壽司，燒過之後好香，又唔會過火，重係好滑好淋，超正！珍寶牡丹蝦勁大隻，好爽好鮮甜。火灸牛油帶子就唔係幾食到牛油味，但都鮮甜。珍寶帶子又係好大隻好鮮甜。個飯好特別係啡色，因為落左赤醋。鍾意佢啲飯夠細，可以食多幾件唔同款都唔會套滯。重叫左魚子醬三文魚子海膽杯，開頭以為無飯，原來個底係飯黎，好似個超迷你don咁！好