85
14
5
港鐵尖沙咀/尖東站 B2 出口, 步行約3分鐘 繼續閱讀
所有分店 (2)
電話號碼
28363830
開飯介紹
重現日本傳統立食文化! 食材每天由築地直接運送到本店,質素可媲美千元起跳的Omakase壽司店! 除了食材新鮮,醋飯方面亦十分講究,選用江戶前與兵衛赤醋再配搭日本福井米。 立食故名思義站著進食,講求快速,實惠而高質素的用餐模式,亦正正迎合本店經營理念。 繼續閱讀
營業時間
今日營業
12:00 - 23:30
星期一至日
12:00 - 23:30
付款方式
Visa Master AE 現金 銀聯 Apple Pay Android Pay 微信支付
其他資料
加一服務費
食評 (123)
等級4 2018-10-13
3190 瀏覽
之前一直都好想試呢一間立食,喺日本嘅時候見到好多壽司店同埋燒肉店都係立式但係香港一直都未有一間真係日式啲有質素嘅日本壽司餐廳。位置開喺尖沙咀都好方便而且見到佢哋嘅質素係屬於廚師發板級數,但係價錢就真係幾平食10幾件壽司都唔使幾百蚊,當然唔同係就係要立食。呢度嘅牛油果壽司幾新奇,大約有六份一牛油果。而佢哋火炙嘅壽司我最喜歡,我叫咗火炙左口魚,同埋火炙三文魚。未放入口已經有好香濃燒魚香味,入口非常手軟嫩。但另外我哋都叫師傅推介左幾件唔同嘅壽司分別有今日好新鮮嘅魚類。都就好似圖中呢件三文魚子爆曬出嚟,分量增倍。另外海膽壽司都係格外香甜,等我地點左兩款唔同嘅海膽當然特上係最好食㗎啦。另外原隻活赤貝都好新鮮,非常爽口。仲有劍魚腩,池魚等等時令嘅魚類,價錢真係超級相宜。下次你諗住試吓唔同嘅壽司有幾款我都覺得幾特別,例如象拔蚌帶子賣相都好靚見到隔離嗰個人食都好想叫,不過實在食得太多好飽。但有一樣抵讚嘅就係佢哋嘅壽司每一件都好大件,上面嘅刺身都係好厚好大塊,非常足料。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-12
1967 瀏覽
香港都算得上係非常多日本餐廳嘅地方,當然質素又好又唔好啦!女仔約食飯十次有八次都會想食日本嘢,今次我哋有嚟到呢間立食壽司嘅立鮨喇!雖然已經嚟過幾次,但係每次都好有驚喜!香港好少有立食壽司嘅地方,其實日本係好流行,因為好多時候可能都係一兩個人去食飯,有啲人想快啲食完走,有啲人就鍾意同壽司師傅傾吓計。我哋就係偏向鍾意睇吓壽司師傅有啲咩好介紹,吹下水嗰種!除咗可以揀自己鍾意嘅壽司之外,我一直覺得壽司師傅嘅推介係好值得試。有時候唔係自己偏愛嘅魚類,但係如果當日係好新鮮而師傅又推介你,我試過咁多次聽師傅話都冇死嘅!今次都唔例外, 平時好唔鍾意食熟嘅吞拿魚,但係師傅同我講呢一隻好正,我都未聽清楚係乜嘢都已經叫佢一人一件先!原來係火灸大吞拿魚腩海苔壽司!大吞拿魚腩比較油,用火燒過係香好多,吞拿魚嘅面上面加咗芝麻細蔥,再用海苔包住嚟食,天衣無縫,齒頰留香。又係另一樣我平時好少叫嚟食嘅嘢!三文魚籽!因為實在試過好多次中伏,又咸又腥!但係今次師傅拍晒心口話一定唔會,仲好甜,咁我就膽粗粗試吓啦。一見到滿到瀉,心諗死火喇,如果真係唔好食有咁多,師傅見我食淨晒一定唔開心😫 點知一放入口,我已經叫多份啦!粒粒飽滿嘅三文魚籽,鮮甜到不得了,再加埋師傅喺上面加咗一啲青檸皮,完全係口腔嘅衝擊啊!好多時候食咁多魚籽係會好膩, 呢個時候青檸皮就發揮佢嘅解膩作用!我哋呢啲係海膽fans,係冇可能會唔叫嚟食啦!好甜啊!鰻魚又係我好少會喺香港食嘅嘢,一樣啦出去食餐好多時候都會覺得好腥。但係呢一個手卷真係超正,油香滿滿的!塊皮仲要脆㗎!呢個蟹膏蟹肉壽司軍艦就係我朋友點嘅,我食咗佢少少蟹膏,又係甜到不得了😍自從去日本食過中吞拿魚,每次嚟親呢度都會必叫,今次我哋一人兩件食飽飽,就走去食甜品啦! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-01-18
1 瀏覽
香港都係深受日本文化既地方!而一直係日本有既立食文化都開始係香港見到有!每次行過金馬倫道都見到多人排隊既壽司!今晚同友人決定試試!店內見到師傅好忙咁為所人人客整壽司!而我地入到店內都有一種好似去左旅行既感覺。第一Round就係三文魚,炙魚背,玉子,蟹捧,同海膽!海膽用料好新鮮!蟹糕蟹肉係店內是日推介。我既推介就係牡丹蝦就係好新鮮同大隻,下次再食我都會再叫,而其他壽司都唔萛大,而飯都係比較小,不過用料就好新鮮!而最後就Order左加洲手卷作總結😌 繼續閱讀
(以上食評乃用戶個人意見 , 並不代表OpenRice之觀點。)
等級1 2019-01-13
79 瀏覽
平時在尖沙嘴行街,都會見到這家立食壽司點,今天終於有時間過來試試,店舖大約有8個站立的位置,佈置簡單,因為立食所以對餐廳的環境也要求不會太高。跟住點了三文魚壽司、左口魚壽司、鰻魚手卷、帶子壽司,味道還可以,和元氣的新鮮程度差不多,但份量卻很少,無論是魚生的長度、厚薄,甚至下面件壽司飯,都非常少。如果你去過千両,相比之下,足足少了三分之一。我不明白,價錢收那麼貴,而飯本身不是很名貴的東西,為什麼份量會咁少?如果大家有興趣試試這間餐廳,我奉勸大家:吃飽了午飯才來。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-07
127 瀏覽
其實立食呢家野我真係無乜興趣,因為要企喺度食成餐飯,真係好無癮。但係今日下晝來到,見無人,又需要快食個lunch 就即管試下。我叫咗火炙左口魚邊壽司、火炙海膽蟹棒壽司、自家製玉子壽司、北海道帶子壽司、鰻魚壽司同中呑拿魚腩壽司。佢嘅壽司,說實在係比平常細少少,但特別之處係佢嘅醋飯,其實唔沾豉油都可以。先食玉子同帶子先,新鮮不在話下。壽司上嘅刺身同飯嘅冷熱恰到好處。中呑拿魚腩並非好似坊間大件又太實肉。仲叫左兩款火炙壽司,左口魚同海膽蟹棒。左口魚平時少機會食到嘛,喜歡食左口魚嘅口感,係爽口啲。海膽蟹棒嘅海膽就一上碟就sir 左落黎,美觀差啲,但味道唔錯。重點係個鰻魚壽司,呢個鰻魚壽司係令我要encore 嘅一碟,件鰻魚厚身肥美,個烤汁又入味,好令人回味。最後,我追加鰻魚壽司同特上海膽壽司。平時我唔會喺香港食海膽壽司,因為多數唔太新鮮,或者味道怪怪。我見呢度壽司質素高,就即管試下。我覺得值得一試,唔係日本咁咁新鮮咁甜,但係佢份量真係好多,疊到好高,一個double 咁。如果下次又一個人tea time,又未糧尾嘅話,都會encore。 繼續閱讀
(以上食評乃用戶個人意見 , 並不代表OpenRice之觀點。)