立鮨 (金馬倫廣場)

營業中

休息中

近嚟成日食日本野都唔厭今日又出動去尖沙咀 朋友介紹去立鮨 立食壽司未試過 就去試下鋪頭比較細 大約只可容納10個客人不過我地都係排左大約半小時就入左去 可能都係6點幾😛壽司 刺身款式都有好多選擇第一round 我地叫左個立鮨壽司拼盤 金目鯛魚壽司刺身方面 就有 油甘魚腩 中拖羅 同 活赤貝食材非常新鮮！拖羅入口即溶 啲魚油滲透出嚟壽司方面 飯不會太實 同埋份量適中 咁好食 當然嚟多round encore la!再叫多件 我至愛 帆立貝 一樣鮮味十足！火炙三文魚亦驚喜十足塊三文魚只係表面燒過四邊同下面依然係生一食落去 上面脆 之後就有鮮味同柔軟口感層次豐富 今次立食壽司 有驚喜 食材新鮮 又美味另外壽司師傅十分有禮貌下次必定再嚟！

我同男友係個時不時就想去日本旅行嘅人😈 但礙於無錢無假嘅兩難局面，就變成久不久食一頓日本菜黎緩解相思之苦🤒 尖沙咀同一條街都開左兩間專攻立食嘅壽司店，立食係日本都幾流行，唔止壽司，仲有拉麵、串燒等等都有得企住嘆🤟🏻我覺得其實幾健康，坐足一日office, 企住食係咪都keep到fit嫁？🤣一場黎到又點可以晤叫招牌迷你海膽丼呢😎 上面鋪滿啖啖海膽超鮮甜，海水味重，豐盛到睇唔到飯，十級大滿足！對自己好d，就一次過叫咗中吞拿魚腩同大拖羅，前者感覺未算好肥美，果然大拖羅比較有滿足感☺️👍🏻赤貝係好食到要encore🤭，鮮甜味美。隻貝好厚肉，質地富彈性，抵食👻鰻魚又係encore之選，每一次order，師傅都即叫即製，鰻魚輕輕火炙後更加香口，連埋醋飯一齊食，傳黎啖啖幸福嘅滋味🥰魚子份量多至滿瀉，粒粒飽滿晶瑩，入口鮮味澎湃，視覺效果吸引之餘，令人諗起日本的滿瀉三文魚子飯大吞拿魚腩食唔到有筋，甘香鬆化，入口便成濃厚油香。添上芝麻、甜洋蔥，更加香口。整體而言，可以以CP值高嘅價錢試到矜貴嘅食材，餐廳大概可以站10個人，師傅在我們前面即點即做，難怪成日行過都見到人龍係店外排隊啦！🤫

立鮨嘅出現已經令身邊好多朋友都神魂顛倒，佢哋話因為立鮨嘅壽司實在太好食！嗰日同女朋友決定去食下，一去到已經好多人排隊，最後排左45分鐘先有得入去。-排隊嘅時候後面兩個女人勁嘈，點知入到去又安排返我哋企兩個女人嘅隔離......好彩後尾都肯幫我地調位。除咗係壽司嘅質素，呢到最特別就係要企喺度進食啦！排咗咁耐隊仲要企喺度食，都咁多人，一定好好食！！ 我哋已經好期待啦！😍🔻首先嚟嘅係蝦頭味噌湯，嗰日天氣好凍飲碗熱湯真係好舒服啊！🔻右邊嘅中吞拿魚同左口魚裙邊好味！🔻下面嘅玉子都係必食！🔻上面5件係海之幸盛合：北海道帶子、珍寶甜蝦、北海道活象拔蚌、海膽、牡丹蝦🔻右下嘅大吞拿魚，只能說：鍾意toro嘅你一定唔可以錯過！🔻特上海膽份量超多！我相信三文魚籽一定係呢度嘅招牌菜，係滿滿嘅三文魚籽！！！冇咩邊間會咁有誠意，當中仲有即磨嘅柚子碎，鮮甜中帶啲清新嘅味道！想比10個good！女朋友食左三碟啊！👍🏾👍🏾👍🏾👍🏾立鮨嘅壽司好新鮮好好食，唯一係要企係到食攰少少，不過要食好嘢係值得㗎！！🤩

之前食咗係附近嘅另一間立食，今日特登嚟試埋呢一間！勁多人排隊排，排左成個鐘先至可以入去食～依家啲價錢都算平！全部人圍住吧枱食，好似去左築地咁～《富士山柚子梳打》$25呢個嘢飲非常推薦，一啲都唔會太甜，幾清新同壽司都幾夾😆《燒蝦頭味增湯》$15可能因為蝦頭係燒過嘅關係，成碗味增湯飲到底都有好濃蝦膏味，平時嘅蝦頭湯都冇咁香！🤤《大吞拿魚腩刺身（三片）》$168都幾肥美，重點係一啲筋都冇！啖啖肉咁先爽《三文魚籽軍艦》$20/1一睇就知冇偷工減料，魚籽滿瀉晒！魚籽有淡淡柚子香，食落非常清新，新食法～《海之幸盛合》$152有五件唔同壽司，就係上面果五件喇！分別係北海道帶子壽司、珍寶甜蝦壽司、北海道活象拔蚌壽司、海膽壽司、牡丹蝦壽司，每一樣都好鮮甜，我個人最鍾意就係北海道活象拔蚌壽司，因為平時好少食到厚切象拔蚌，好爽口口感一流！《火炙三文魚壽司》 $9/1下面果兩件即係我哋散嗌嘅壽司，三文魚Siri之後迫左少少魚油出嚟，包住成舊三文魚，更加香滑可口，上面都有唔少蔥，所以食落蔥香都好出！《大滿足海膽特盛》$98亦都即係傳說中嘅海膽杯，平時嘅海膽杯最少都要百幾蚊呢度$98真係超值！《鰻魚壽司》$15/

放工成日都攰，所以好少會考慮立食，但今日經朋友推介試左，先知差啲錯過左一間好正既立食店-立鮨舖仔細細，企位都唔算多，大概十來個，大家都圍住壽司師傅企，師傅就可以將最新鮮即刻握好既壽司交你手上舖頭細，但枱底貼心整左間隔比你放袋，冬天如果你著大褸，牆上仲有掛架比你掛住，所以你可以好舒服咁食特上吞拿魚盛合（上面）有齊吞拿魚所有部位，有赤身，中toro,大toro,碎蔥吞拿魚腩，火炙中toro 五件都只係$160,其實好抵入口即融，口感細膩尤其係大toro,肥美至極無論係toro 好，定赤身好，都好有魚味，冇筋，必定要點呀三文魚籽軍軍艦朋友叫既，因為平時我真係唔會食，因為曾經食過好腥，但今次試左一粒，同朋友孚爭住食，因為真係好鮮甜，一啲腥都冇，而且師傅比既量係滿瀉，令人覺得好開心火灸左口魚邊壽司鐘意食油脂豐富既你一定要點，火槍輕炙，將魚既油份逼晒出黎，食落去雖然肥美，但唔會膩三文魚腩壽司差唔多成5吋長呀個腩，唔駛多講，肥美新鮮，必叫原隻活赤貝壽司肉質好爽口，加左柚子碎，令味道更清新，更有層次深海池魚壽司肉質偏實淨，有咬口，但味道清甜鮮美大滿足海膽特盛媽呀，好正呀雖然個飯係迷你，但已經如其名，令

尖沙咀既立鮨已經開左一段時間,每次想入去都見到鋪頭勁多人今日早收工, 黎番個壽司之夜慶祝下先 位置位於金馬倫道23號, 即係地鐵出口對住一直行見到日式飄飄旗就係佢喇, 好易搵環境鋪仔細細, 但有齊立食店既貼心裝備:掛衣間, 擺袋位L字圍住壽司司傅, 仲可以沖自助綠茶嘆壽司tim☺️食物: 三文魚籽軍軍艦我係為左依個三文魚籽而黎架, 睇好多報導已經見到d魚子多到滿哂出黎, 今日黎挑戰, 真係痴線架!!!魚子好鮮甜, 卜卜係口咬爆, 鮮味沖滿哂我成個口, 一d都唔會腥, 好味到傻的嗎~大滿足海膽特盛碗仔細細, 但食落已經相當滿足海膽配上米飯, 十分鮮味, 我會再加小小鼓油提味跟著叫左個特上吞拿魚盛合入面有: 本鮪赤身壽司、中吞拿魚腩壽司、大吞拿魚腩壽司、碎蔥吞拿魚腩軍艦、火灸中吞拿魚腩壽司一次過食哂唔同既吞拿魚而之後既壽司都會放番係木盤上面壽司司傅會睇番你食野速度黎上番壽司用徒手上壽司食法十分地道 , 再夾番落自己碟食, 正啊深海池魚壽司: 肉質鮮美北海道帶子壽司: 配上柚子, 酸酸甜甜, 十分開胃帶子肉厚, 新鮮海膽壽司: 海膽海膽 係都要食😂明明已經食完又食就知佢有幾好味碎蔥吞拿魚腩軍艦

放假去咗尖沙咀行街，行完街見肚餓就去附近搵嘢食，行過尖沙咀金馬倫道見到門口有好多人排隊就好奇過去睇一睇，原來係食呢個立食壽司，呢間叫sushi tachi 其實之前已經想試好耐今晚就食你啦最後我地等左15分鐘左右，入到餐廳覺得餐廳環境優美企位亦都好鬆動唔會覺得有一種好迫嘅感覺一個開放式嘅廚房見到每一位師傅喺度整壽司成個感覺好似去咗日本一樣睇完個餐牌最後就叫左十樣野，其中9款係壽司一個湯烏冬，介紹幾款必食嘅俾大家，有三文魚腩壽司，大吞拿魚腩壽司同埋火焰三文魚腩先講講三文魚腩壽司三文魚食落好肥美入口好有魚嘅油香飯粒粒粒分明有咬口唔會一夾就散，大吞拿魚腩入口即溶好好味，火焰三文魚經過燒左嘅三文魚食落有種焦香地嘅感覺，好如味提提大家餐廳裏面有好多款壽司都係期間嘅限定所以去到嘅時候要預早落單，總括嚟講餐廳嘅食物質素非常好價錢亦都好平。

喺尖沙咀行行下街，見到有間立食嘅壽司店，見咁多人排隊就拉友人一齊試下。立食可以邊食邊望住師傅整。今次我地淨係叫咗壽司同手卷。珍寶赤蝦壽司 － 蝦肉爽口彈牙北海道帶子壽司 － 新鮮，味道甘甜築地白烏賊壽司 － 煙韌三文魚腩壽司 － 魚肉肥美，油脂豐富珍寶甜蝦壽司 － 蝦肉夠大隻，味道好鮮甜日本真鯛壽司 －口感爽脆油甘魚壽司 － 口感油滑，味道清淡火灸松葉蟹腳壽司 － 肉質結實，蟹味濃郁中吞拿魚腩壽司 － 脂肪分佈平均，油香味濃海膽軍艦 － 海膽好有份量，鮮味濃郁碎蔥吞拿魚手卷 － 味道清淡而不膩立鮨加洲卷 － 蟹籽爽口，材料新鮮立食壽司好啱趕時間嘅人，快食快走，只係排隊耐少少。

我係朋友口中得悉尖沙咀有一間立食壽司店，佢話好似去咗日本築地咁！５點多去排隊已經有長長人龍，朋友話好嘢係值得等待 咁就派咗一個鐘。 店內簡約設計有日本風 四個廚師係吧台前即握壽司，個一刻好有築地感覺. 。雖然店舖細細， 只可以容納10個立食客人 但空間感一啲都不迫夾。 而且貼心地有係枱下 有位置比客人放袋。 牆身亦有衣架比人客掛外套。 有唔少貼心位。 枱上有醬油 綠茶粉 碟，仲有水龍頭 自己沖茶。 餐具Tissue 一應俱全。 係門口排隊嘅時候店員會比落單紙同餐牌。 入座時候可以直接比你前面嘅壽司師傅，即叫即整， 但好快上菜。 .《蟹肉蟹膏軍艦》最令我回味的一件 橙黃色蟹膏入口甘甜 蟹味餘韻留係口腔 蟹肉鮮甜！有別於一般鴨綠罐頭蟹膏 比日本更鮮味 Encore咗兩次.《炙燒松葉蟹腳》第二名 原條蟹腳 燒香面層 蟹腳刺身嫩滑 好甜.《赤蝦刺身》 好大隻 蝦頭嘅膏飽滿 蝦肉有手掌咁長 肉質爽彈 鮮甜 ..《原隻赤貝刺身》一客有兩隻四片 每片都好厚入口爽甜 有赤貝獨有既甜味 好新鮮 . .《鰻魚壽司》朋友係鰻魚控 係日本魚心食過超肥美特厚鰻魚 返到香港搵唔返 佢話呢到既比得上 足足見佢食四件

位於金馬倫道很容易去。地方唔大 目測相信只容納十個企位，迫迫地，不過這就是風味😅叫了好多嘢食，整體水準是高的。 赤貝刺身生猛劏，有4大片，好爽肉。真鯛魚壽司面塗上少許梅汁開胃。吞拿魚特性內有四款吞拿魚部分， 唔使多介紹， 特上拖羅油脂重又唔腥好正！ 炙燒拖羅好香口。海膽手捲及迷你海膽丼必食， 用上北海道海膽。 但海膽軍艦我就有少少保留， 應該是用內地海膽。其他壽司都相當出色， 可能立吞對我印象就是快識普通， 冇諗過會有這個質數，所以好喜出望外。但以價錢來說就比較貴， 埋單 $948。 企喺度食用不到40分鐘，茶亦自斟自飲。。。。😭

今日在尖沙咀睇完早場，行經金馬倫道，見到嚟間長期有人排隊嘅長龍立食壽司店，竟然無人排，可能因為時間尚早，我不禁同友人入去試試，食個lunch店內位置不多，有十個企位左，客人全部企在凍櫃前用餐，可以睇到刺身的樣子我哋叫左兩set lunch同散叫左一d壽司🍣Lunch set有送沙律同麵豉湯，麵豉湯超有陣陣的海鮮甜味上面的是嚴選火炙盛合，而下面的是立鮨壽司拼盤(上）北海道帶子刺身+原隻活赤貝刺身+珍寶赤蝦刺身鰻魚壽司火炙特上地金目鯛壽司+特上地金目鯛壽司火炙三文魚壽司+火炙三文魚腩壽司波子汽水和蘋果汁也是跟lunch set加$10就有明顯這店係香港少有的高級壽司店，雖然店小，但質素超高，可能店小是為了師父能夠充分serve到每一個客，而且師父數量不少，另外，外面有兩個侍應幫忙打點

係第二次幫襯啦，幾個月之前食一次，覺得魚生好新鮮所以好想反叮！今日去到11點，要排隊前面有7,8個人。好彩都係等左十五分鐘左右。上次食過烏賊即魷魚，好好味所以我今次都有叫到。叫左一個$150set再加散叫，我叫左一件安鏮魚同極上海膽比老公，前者佢食過，幾好食。後者我老公話海膽味好濃，不過都幾貴要$48一件。之於個燒長腳蟹壽司個人認為不太特別，反而蟹肉蟹糕軍艦好正，蟹糕 味道很濃一點也不腥。 最後這裏的壽司飯除了已加少許醬油所以是啡色的飯。另外飯是暖的，大愛🍣不喜歡凍冰冰的飯！

晚上七時左右，這間位於尖沙咀的立吞壽司店已有人龍。相信是不錯的壽司店吧🧐下班後，我倆十分餓，點了很多壽司🍣因爲特上吞拿魚特盛$160十分美味，一點再點😋迷你的大滿足海膽特盛$98，真的吃得十分滿足，海膽很清甜！而嚴選火炙盛合$98😍也十分美味！立鮨壽司拼盤$68也不錯除了盛合壽司外，亦點了海膽手卷$38、北海道特大珍寶帶子壽司$48、真鯛壽司$20、枝豆$25壽司由$9/件起，也可以吃得經濟😜但今晚我們很嘴刁😋

門面睇落唔錯，入面都衞生環境都好，仲有衣架俾顧客掛衫添，員工方面亦好禮貌。👍👍其實睇價錢個時預左2個人都大概要5百幾，不過又一次中左“新×期“既伏囉😂三文魚子壽司真係滿爆架，不過係件壽司係平時既一半😌所以睇落“滿爆“。海膽....唔太海膽味囉，仲要手掌咁細碗😌平時個D係米都唔細🤔？，但佢唔便啵~係件鰻魚最好食~個汁好食😂壽司飯太醋味啦，呢魚鮮味都走晒🤷‍♀️衰衰係度介紹間好味既🤭美孚間“小樽×司“仲好食便靚整啊，不過人地鋪頭唔玩日本風😂

食完飯之後朋友話仲未夠喉咁岩就行過立鮨,於是大家就抱住試新野既心情入去試一試立食！因為已經食左野 所以無叫太多種類黎試（火灸左口魚邊壽司、鰻魚壽司、火灸三文魚腩、珍寶赤蝦壽司）火灸左口魚邊壽司 實在係太好味！所以我地每人叫多一件依個真係要推一推 ！店長推介既三文魚子壽司魚子多到滿瀉 而且每一粒魚子都有柚子醋既味道 同魚子好夾！食完唔會有好油膩既感覺😋總括黎講,覺得立鮨 依間餐廳好有新鮮感之外食物既質素都做得好好 真係有去左日本食壽司既感覺 !希望下次黎可以試埋佢地既海膽飯