立鮨 (金馬倫廣場)

營業中

休息中

算係慕名而來，之前路過好幾次都無位，咁啱放假早啲黎食。魚生係新鮮嘅，但掐飯就掐得麻麻，魚生黐唔實舊飯，飯嘅份量亦比較少。料理哥哥亦不太細心，以一般普通嘅放壽司方向，俾一個用左手揸筷子嘅人，係唔方便夾起壽司，要知道喺得吧台食，都希望與料理人有多少交流，但今次比較失望。一向喜歡三文魚子，但呢個配埋少少柚子皮，多左啲清新嘅aftertaste.海膽無苦味，但份量亦唔算多，感覺唔係好夠喉。有機會，還係試試佢附近嘅另一間立食壽司店。

以往喺日本都有食過立食壽司，真係食過返尋味，香港呢間開咗一段時間都未嚟食，都算遲咗啦。嚟到前面都有幾個人等緊啦，但為咗食好西，等吓又有咩所謂啊！原來個海膽飯會有分大碗同細碗 , 個海膽飯啲海膽好多，顏色有光澤同食落好鮮甜，濃郁完全沒有腥味，又夠凍，海膽係入口即溶！真係一食難忘！啲壽司飯本身已經調咗味，有啲醬油味咁，就咁食已經好正啦！特別一提赤蝦壽司，食落完全唔覺得腥，而且仲幾鮮甜。北海道帶子口感都唔錯，呢度嘅壽司唔需要再加任何調味料本身就已經夠晒味，一啖放落口勁好味。

每次經過尖沙嘴看到這間立食壽司總是有人排隊，人有我有的心態驅使下終於去試了。餐廳非常迷你，大約只有12-14個企位，很有日本的感覺🇯🇵立食故名思義站著進食，講求快速，實惠而高質素的用餐模式。這裡的食材聽說每天由築地直接運送，質素可媲美千元起跳的Omakase壽司店！除了食材新鮮，醋飯方面亦十分講究，選用江戶前與兵衛赤醋再配搭日本福井米。最喜歡火炙系列壽司，未放入口已經有香濃的燒魚香味，強烈推介火炙三文魚和鰻魚，鰻魚好肥美，烤得剛剛好，幾乎是入口即溶的境界🤤🤤🤤🤤另外，立鮨的刺身好厚好大塊，非常足料，柔軟油潤的中吞拿魚腩配上一口壽司飯，絕對是無可挑剔！👍🏻👍🏻如果沒有假期去日本的話，不妨試試這間有質素的立食壽司望梅止渴吧。

立食壽司，應該日本比較出名難得香港有，有聽閒幾好味，就要去試試平日七點去到唔算多人好快有位。裡面得十個位左右，好在有位擺手袋同有得掛起d衫，所以都唔會太逼。壽司有好多選擇，有得散叫同拼盤三文魚籽軍艦係一定要食！魚籽好足料呑拿魚赤身，都幾好味叫左個拼盤上(個盤頭嗰行)幾抵第二行係腦天(期間限定)同三文魚腩第三行有蟹棒，熟蝦，芝士飛魚籽舊舊都好好味之後我地再加單鰻魚！一定要食！唔係出面嗰d凍曬又有雪味另外我覺得墨魚都好好味埋單八百蚊左右，雖然貴左d，不過食滿五百就送一百蚊優惠券下次用，哈哈，引我再食

香港地 土地有限 店舖 租金昂貴 所以便興起立食的模式 提倡 好像日本的 快餐式飲食， 全店沒有座位 只有企位 師傅出 菜 速度奇快， 只用兩三分鐘便把我下單的壽司遞到面前 但是節省了租金 價格便應該要便宜， 但是這裏的價格跟正式的餐廳 不遑多讓。 那我為何要幫襯這裏呢？ 吃得辛苦 沒有招呼 但是價格卻沒有平到。但話說回來 ，公道一點， 這裏的出品是不錯的， 這裏的米飯 使用赤醋 嚟醃製， 魚肉新鮮， 尤其是吞拿魚 真的很肥美， 魚的脂肪很夠， 淡粉紅色的 真的入口溶化。 大牡丹蝦壽司， 賣45蚊 一件但不連蝦頭， 價格很貴， 但真的很新鮮， 很有蝦膠的感覺 蝦肉在 舌頭面和上顎底差來差去， 感覺良好可充分 嘗到蝦的鮮味。

最近頗多人推介的一間立食壽司，今日就來一試究竟🤔🤔🍣大滿足海膽特盛（迷你）$98海膽十分鮮甜，海膽份量大概等於三件海膽軍艦，值得一戰。🍣特上吞拿魚盛合$160大拖羅、中拖羅、赤身、碎吞拿魚軍艦、火炙各一，感受到食材的鮮度，合格以上，但我件大拖羅有條大筋，扣了點分。🍣特選三文魚盛合$58赤身、魚腩、火炙、三文魚小卷、辣味三文魚軍艦各一，填肚之選，值得一讚是辣味三文魚軍艦，味道調教得不錯。🍣燒蝦頭味噌湯$15加上燒蝦頭的味噌湯帶淡淡的焦香，推介。總結：整體不算便宜（加上立食），不適合一邊聊天慢慢享受，但價錢跟食物質素成正比。

香港立食文化好似唔算十分普遍，所以今日好奇黎試下呢間標榜由築地直送嘅壽司店。今日可能落大雨同比較早嘅關係，所以無咩人排隊，唔駛等巳經可以直接入去食。呢度環境唔算差，每個”位”後面都有一個勾同衣架，方便食客放低隨身物品。不過地方唔算大，最多企十零人，所以難怪平日繁忙時段要排長龍。每個位都巳經擺放左一堆杯碟筷子，全自助形式。下一步就係喺點菜紙上面點壽司，價錢唔算係平，不過壽司種類選擇多，有d係平日omakase先會食到嘅壽司，而有d期間限定嘅食物就會寫左喺黑板上面。當你點好餸之後師傅就會一整盤咁放喺你面前，砌得整整齊齊，賣相十分吸引同新鮮！整體黎講所有壽司都算係幾高質同新鮮，魚類壽司好肥美，其中大呑拿魚更加係入口即溶，好軟淋淋🤤 不過個極上海膽就比我期待差，雖然佢夠肥夠油而不腥不乾，海膽槳濃度適中，但係始終係唔夠甜。不得不提一定要食佢個三文魚子！因為真係好好食！呢個三文魚子係我喺香港食過最好嘅，因為喺香港食親好多都係腥，就算唔腥都未必會甜，但佢呢度嘅三文魚子每一粒都好有口感，甜而不膩，師傅仲要比滿滿一碟，真係大滿足！Overall我覺得呢度食物質素唔錯，果然名不虛傳。不過始終無得坐係唔太適

睇完戲大約十點到諗住去食晚餐，見到呢間好多好評就入到試下，第一次食立食壽司，餐廳地方細，真係要企喺度食先容納到多啲人(笑)... 初頭見到透明雪藏櫃入面嘅食材已經切好左，以為啲食物質素流流地，點知係勁好食! 個油甘魚真係入口即溶，帶子口感好腍但有口感，有好幾款嘅壽司都有encore再叫! 咁樣既價錢食到了高質素嘅壽司真係不得了! strongly recommend!

次次經過金馬倫道都見到呢間立食壽司都有好多排隊，今次終於食到！這間立食店舖位好少位，每輪可以容納10人左右，枱上有豉油同綠茶粉，枱下面有得擺袋，牆上可掛衫！小食嗌左枝豆 真係食唔停口 我講唔到點解好食 但你一食就會停唔到🤣立鮨壽司拼盤，拼盤包左海膽軍艦、北海道帶子、三文魚、赤蝦及油甘魚!帶子啖啖肉超好食，海膽都好鮮甜，唔錯唔錯！單叫三文魚刺身超厚 好抵食 入口即溶夠新鮮！呢度啲手卷細細件，師父包完即刻遞俾你，幾特別。辣嘅三文魚好惹味，可以食多round!甜品仲有個蘋果雪芭，非常清新！原個水果上 不過雪得太硬 畢唔到啲果肉食🤣飲品包裝好靚❤️總括嚟講，這間立食店價錢唔算好貴，食物質素都唔錯，可以再戰

一個月前預訂左黎立鮨食壽司真係期待左好耐聽朋友講就算訂左枱都可能要等位但我地好好彩準時5點去到就有得入座😆我地有折扣既訂位唔apply to set, 飲品等等但就咁散嗌壽司都好抵！首先叫左個海膽飯個size比掌心再細少少海膽味道鮮甜 壽司飯有加醋同醬油調味呢個火炙中吞拿魚腩海苔壽司真係非常推薦燒過既拖羅油脂香味更加突出而且冇咁膩 唔會覺得成口油加埋海苔一齊食成件事好幸福😍叫左好多火炙既壽司我覺得火炙三文魚腩最好食左口魚邊油脂豐富 但有點太油膩右上角既火炙金目鯛$48可以冇乜油脂既關係 食完唔香口唔係我既菜鰻魚壽司就真係超抵食！15蚊一件 鰻魚超肥美調味恰到好處我食左5-6件🤩朋友叫左3片大吞拿魚腩刺身（圖中食左一片😂佢話好肥美充滿油香今餐食得好飽重點係我地係訂5折既時段食左三十幾件壽司加拖羅刺身加海膽飯先total 500幾數一人唔洗300 超抵食😍

晚上7時多，下着雨，立鮨門口已經有人在等待用餐，我們等了大概30分鐘終於可以進去，餐廳沒有座位，只有一張吧枱圍着製作壽司的師傅，我們填好要吃甚麼之後直接把下單紙交給師傅，當然少不了點了最多人推薦的三文魚籽軍艦和大滿足海膽特盛。三文魚籽軍艦多到滿溢的三文魚籽，光看賣相已經非常吸引，鮮甜的魚油在口中滲出來，非常滿足，紫菜很脆👍大滿足海膽特盛海膽甘甜，珍珠米圓潤飽滿，口感軟綿，吸收了海膽和醬汁的味道😙另外我們也叫了火灸三文魚壽司，三文魚壽司，吞拿魚壽司，帶子壽司... 三文魚厚切肥美; 吞拿魚入口即融，其他刺身亦非常新鮮，全部好評，能用這實惠的價錢吃到高質的壽司，站着吃也值得!!😋😋

話說五分鐘前先食完個lunch行到出金馬倫道，見到立鮨唔洗排隊，衰口痕就衝左入去食返兩件。之前唔止幫襯過一次，每次都係同樣原因入去，可能就係佢取勝既地方。叫碗牡丹蝦麵豉湯濕下口清清lunch後味蕾，等條脷進入日本模式先。佢用左大size蝦，鮮味誠意十足！再叫左幾舊sushi, 三文，中吞，劍魚腩，左口邊，鰻魚，香蔥吞拿魚軍艦。佢啲飯係做得唔錯，醋味幾好，可能對於某啲朋友會略酸，不過我覺得幾醒胃。師傅就企系你面前握壽師，好難可以整得唔好，因為心機少一偷懶就會俾客人知道，所以整體上功夫係要保持住先得，佢地係做得唔錯的。今次黎食茶點感覺此店食材退步左少少，價錢仲要係偏貴，接近二百等如出面坐低食到個平民sushi lunch set了。除左三文外，收得廿五蚊一件以上我會expect 食材可以再好啲。話晒客人黎到唔會係食服務，都係只會專心一意企住品嚐你既食物，然後應該滿足地離開。

平時經過尖沙咀呢間壽司店，都會大排長龍，見今日稍為少人排，我同朋友就決定食喇😍有別於一般餐廳，呢間係企喺到食嘅，所以相對上排隊時間都會短啲。嚴選火灸盛合—經火熗燒過，能將啲油份逼哂出嚟，放入口一陣魚油香，好推介嗌呢個拼盤😋最喜出望外嘅係舊鰻魚，口感豐富，唔係啲平價貨又乾又無肉㗎海之幸盛合—每舊嘅飯都唔會太大，而且佢地係用醬油醃過啲飯，所以基本上唔洗點豉油，可以食到食材嘅鮮味。重點想提及海膽壽司🍣個人嚟講真係唔係好好海膽，因為次次食親都好伏，一pat好creamy嘅質感。但呢舊係我認為最接受嘅味道同質感，真係可以食得出鮮味。三文魚籽軍艦—多到滿瀉哂，非常慷慨😍粒粒魚籽都好肥大，咬落口爆哂啲汁出嚟！👍🏼👍🏼👍🏼櫻花蝦玉子燒—厚厚嘅王子燒，上面吱左條沙津醬再輕輕燒過，比平時就咁點嘅沙津醬多左層層次～再配幾粒魚籽，好juicy😍不過就唔係好食到櫻花蝦嘅味，如果份量多返啲會好啲😋雖然成餐飯要企喺到食，但食物質素一啲都唔差！！攰少少但係都值㗎！

之前曾吃過立食燒肉，這次終於來嘗試立食壽司。這間曾在尖沙咀經過見都挺多人，這次終於找到人來陪我排隊等吃～幸好立食不會等太久。有套餐也有單點，套餐的款還不錯，價錢也有點優惠。所以我們決定點兩個套餐再單點。即使站著但店的設計感覺還不錯，很乾淨方便利落。套餐點了立鰭特上壽司拼盤$138，有牡丹蝦、深海池魚、北海道帶子、中吞拿魚壽司。帶子軟滑清甜入口即化的質感。牡丹蝦鮮甜軟熟中有點彈口。深海池魚有咬感，口感較實在煙韌。中吞拿魚很香軟，又帶點筋軟中又帶點口感。海膽很鮮甜香味重。又點嚴選火炙盛合$98。有三文魚、帶子、左口魚邊、中吞拿魚腩、松葉蟹腳。火灸後的魚油會滲在壽司飯上，三文魚香軟、中吞拿魚入口軟化、帶子帶點彈牙、左口邊魚魚香濃郁及蟹腳彈牙。另我們又外點：粒貝壽司$15，口感爽脆清甜日本真鯛$20，肉質綿實魚味香濃劍魚腩$25，肉質爽身軟滑原隻赤貝$30，爽中帶軟熟，中途會滲出甜味油甘魚腩（限定）$38，肉質香軟結實大吞拿魚腩$46，入口香濃魚味肉化特上地金目雕$48，爽實有咬感辣三文魚軍腩$12，辣味香濃惹味櫻花蝦玉子燒$25-加了櫻花蝦咬下更有質感，蛋香味重又有點清甜，配上新鮮魚籽咬下有

立食壽司體驗😮終於的起心肝去試依間立食壽司！今日係平日夜晚嘅晚飯時間，排隊嘅人唔算多，等左大概十五分鐘就有得入去啦。我同男朋友點左海之幸盛合同好幾種唔同嘅壽司，包括貝類、蝦類同海膽等，同兩杯日本生啤。點生啤會送一碗毛豆作伴酒小食，愛毛豆嘅我就食唔停口☺ 壽司價錢唔算貴，但係無想像中性價比咁高😶質素中規中矩，唔係特別有驚喜。不過值得讚嘅就係師傅們嘅上壽司速度都十分有效率🙌🏽如果要係九龍區食快靚正嘅壽司，立鮨未必會係我第一個諗起嘅地方。