立体派拉麵 (威靈頓街)

營業中

休息中

中環美食遍地，要找到一間好吃的餐廳絕不難，因此，若發現一間餐廳能在中環立足，門口還排滿人龍，便可肯定是有真材實料的好餐廳。而這間拉麵店地處窄巷之中，卻仍然能在中環餐飲圈突圍而出，人龍絡繹不絕，更可見其過硬的食物質素。拉麵主打白湯湯底和低溫慢煮叉燒，湯底清甜暖胃，配合軟硬適中的拉麵和大片的低溫慢煮叉燒，有別於濃郁湯底和灸燒叉燒對味蕾的衝擊，這種流派的風味更偏向對味蕾的滋潤。拉麵比起酒，更不怕巷子深。

中環返工推薦🤣 呢間位置係幾隱蔽㗎🙆🏻‍♀️ 突然有間日式小店好似尋寶咁🌟估唔到佢拉麵係咁大碗🙀 依家天氣凍返少少食碗就正‼️❣️Ramen Cubism特級白湯拉麵 $118佢嘅白湯主要用雞熬煮 飲落仲有淡淡牛油味 🐓 對我來講濃淡剛好 有啲太稠嘅湯底會好快飽🥺 呢碗可以飲到最後🥳叉燒切得好薄幾特別 肥瘦均勻 竟然食到幾重黑椒味🐖配料有糖心蛋荀同蔥絲💕 麵條正常少少咬口🤏🏻❣️九味醬油湯拉麵 $98呢個絕對唔係因為醬油湯🤣 喺佢成大塊叉燒呀‼️超級靚嘅叉燒好似東坡肉咁 脂肪位置係接近即溶 肉仲係好嫩🙆🏻‍♀️ 超級邪惡又幸福😈拉麵就比較家常嘅湯底但係都唔會好咸好味精😚 有好多嘅蔥花同同蔥絲✨❣️章魚小丸子 $58高質‼️ 啱啱整起仲脆 入面嘅章魚幾大粒🐙 配上醬汁同木魚絲 冇得輸😍❣️綠茶可樂 $28❣️柚子汽水 $28幾有特色嘅日式飲品 綠茶可樂飲落好似雪碧🤣

📍立体派拉麵黎到中環地區想食碗有日本風味既拉麵，咁就一定要黎立体派拉麵。呢間拉麵店係由日本冠軍級大師主理，水準有保證，值得一試。👅特級白湯拉麵 $118拉麵一上枱都幾誇張，呢個份量對得住個價錢有突，碗邊有三大塊薄切低溫慢煮叉燒，肥瘦適中，湯底係好濃郁既雞白湯，加左牛油令到碗湯更幼滑，拉麵係偏幼身但都好彈牙，溏心蛋整到岩岩好流心，係我至愛😍！👅九味醬油拉麵 $98聽侍應講個湯底係由9種唔同既醬油製成，醬油味濃而且帶有少少甜味，而個厚切叉燒亦都好吸引，外表好似東坡肉咁，入口質感非常軟腍，而且醃得好入味，食完都唔會覺得油膩。👅唐揚脆炸雞 $52炸雞岩岩炸好仲熱辣辣，咬入口肉質都好嫩滑，最緊要唔會乾柴，另配左沙律醬同檸檬調味。👅綠茶可樂/柚子汽水 $28/$28兩款都係來自日本嘅汽水。綠茶可樂成支都係透明綠色，隱隱約約飲到少少綠茶味，都係可樂味較重。而柚子汽水就呈淺黃色，飲落去似加左柚子既波子汽水，唔會太甜幾好飲。

*💭立体派拉麵立体派拉麵已經在中環屹立好一陣子，經常會有新拉麵推出，每次來都有驚喜😍拉麵店由拉麵大師林隆臣主理，選址在中環的一條橫街窄巷內。是晚七點半來到門外有一條小人龍，相當爆場🙈餐廳以木系裝修為主，不停播放著米津玄師的電音歌曲☺️✏︎特級白湯拉麵相當大碗，尤似個大面盤😍碗邊有三塊薄切低溫慢煮叉燒，肥瘦均勻。最意想不到是湯碗也有不少深度，湯底濃稠，味道鮮甜，食完都不會口渴。麵條份量好多，食完很飽肚😋✏︎九味醬油拉麵配上了類似東玻肉的叉燒，雖然很厚身大舊，但咬落去相當軟稔，脂肪的部分在口中化開，肉類就有嚼勁。湯底有很香的醬油氣味，但不會太咸☺️✏︎名古屋雞翼用上了名古屋的炮制方法，雞翼表皮香脆，醬油香濃味甜，十分推介😍

Ramen Cubism 立體派拉麵 🍜已經想試立體派拉麵一段時間，終於去到啦～大家去嘅時候記得要留意有無行過左，因為餐廳位置幾隱蔽😂特級白湯拉麵：$118本身好鍾意雞白湯所以一定唔會放過可以食雞白湯拉麵嘅機會☺️佢地嘅湯好香同埋幾濃，但唔算好杰身嗰隻～拉麵幾彈牙，仲有三塊薄切嘅叉燒同埋流心蛋🙌九味醬油湯拉麵：$98最有驚喜係佢嘅厚切叉燒😍肥瘦均勻同埋肉吸曬啲醬油汁，好入味👌章魚小丸子：$58記得要配埋燒汁，蛋黃醬同埋木魚碎一齊食😃如果天氣又開始凍番，最適合食啲暖笠笠嘅食物😊大家有興趣都可以去試一試👍。。。。。。。。。。。。。。。。。。。。。。。餐廳：Ramen Cubism 立體派拉麵 地址：中環威靈頓街27-29號元益大廈地庫

🇯🇵幾年前日本過江龍拉麵店立體派係中環插旗，當時小妹已經即刻朝聖佢最出名嘅雞白湯拉麵 🍜 今日再食水準依然，必食推介🙌🏻環境：8/10真·隱世拉麵😂喺中環威靈頓街一條巷嘅樓梯中間位，有啲似去咗日本橫街小巷嘅深夜食堂😆食物：8/101️⃣特級白湯拉麵 $118呢度冇得畫紙仔配料份量已經set好晒黃金比例，拉麵硬身彈牙，叉燒係低溫慢煮，肥瘦均勻👍🏻 湯底呈奶白好濃郁😋2️⃣九州醬油拉麵 $98醬油拉麵正常發揮得好湯底，唔會好鹹OK，值得推介嘅係叉燒😍呢款叉燒係厚切，用醬油慢煮，好似東坡肉咁～好淋小肥🤣好邪惡忍唔住食d膏，入口即溶好正😝3️⃣名古屋風雞翼 $48先將雞翼炸起，再淋上名古屋風汁，其實似燒汁，不過略嫌個汁有啲鹹扣咗少少分，不過如果重口味嘅你可能會鍾意😂4️⃣櫻花可樂 / 柚子汽水 $28🌸櫻花應該係講個顏色粉紅色，因為飲落真係同可樂冇分別😂 個人鍾意柚子汽水好Fresh ，食完濃味野啱啱好🥰P.s 個樽好靚，爭少少就想拎走🤣🤣🤣💰性價比：8/10 ($160/人) ，性價比不過不失，不過水準嚟講，絕對係香港頭幾間😋

今次喺中環搵到呢間隱世嘅小店，門口係一條小巷入邊🐖九味醬油湯拉麵配厚切叉燒$98-先講叉燒 叉燒嘅肉炆到非常之腍 而且好入味 好似蜜汁咁甜 出色-湯頭有重重嘅醬油香味 加入蔥花加強口感-麵粗度適中 軟硬適中🌶️特色辣味濃厚白湯拉麵配低溫慢煮叉燒 $88-一片薄切嘅慢煮叉燒被赤紅色嘅辣椒粉掩蓋住-湯頭其實唔係想像中辣到入唔到口 反而係好多種辣椒香味 唔同層次疊加 盡是惹味🐙章魚小丸子 $58-小丸子嘅醬好濃味 唔算好大粒 但係粒粒都有章魚肉 🧊富士山汽水 $28-原先藍色以為係波子汽水味 呀，實際係比波子汽水再甜啲🍸富士川町柚子汽水 $28-估唔到柚子味都咁重 幾好飲總括嚟講，呢間店雖然隱蔽，但客人都幾多，食物唔錯

拉麵通常都係我諗唔到食乜嘅選擇🤪今次就試下呢間日本冠軍級大師主理嘅拉麵店，位置都幾隱蔽，跟住google map黎到威靈頓行或者士丹利街，由小路轉入，行數級樓梯就到🏆特級白湯拉麵🍜 $118一黎到已經覺得好吸睛🤩，超大碗，份量十足，有三片大大片嘅叉燒，湯底偏濃稠，豬骨味重，仲加左蛋汁係湯底入面，令到拉麵更加掛湯🏆九味醬油湯拉麵🍜 $98個人就比較鍾意醬油湯，味道相比白湯仲濃😆湯底清澈，仲加左大量嘅蔥絲同芽菜，夾住拉麵食非常惹味。另外佢塊豚肉超正，醃得勁入味，每一啖都食到濃厚醬油甜味，肥瘦均勻，有啲似食緊東坡肉😋🏆名古屋風雞翼🍗 $48出面少見嘅味道。雞翼炸過然後表面淋上燒汁同灑上七彩芝麻，芝麻咬落更加脆口，醬汁酸酸甜甜，不錯🏆富士山櫻花可樂🌸 $28比較清新香甜嘅可樂味，粉紅外觀吸睛🤩🏆富士川町柚子汽水🍊 $28清甜柚子汽水，果汁感重

呢間隱藏喺商廈地庫嘅拉麵，雖然喺近地鐵站，但要經街邊一條樓梯先可下達，唔小心真係好易錯過～入到舖無通論裝修或者擺設好有日本拉麵店嘅感覺～雞白湯拉麵真係好有氣勢，大大隻碗而且伴料好足，有三片薄切慢煮叉燒，仲有兩份半件半熟玉子，玉子入口黏軟，叉燒一圈肥一圈瘦，入口軟熟唔乾，夾起變成卷花一樣～湯底白𠽌𠽌入口又香又滑，仲隱隱散發著奶油香味～鐘意濃味一d嘅，可以試醬油拉麵。醬油湯底清澈唔會過咸，最吸引人就係碟煮透嘅厚切叉燒，一層一層肥瘦相間，入口甘香鬆化，醬汁香甜，又一邪惡美食！咁耐無飛好掛住日本嘅章魚小丸子，一碟有6粒，外皮咬到少少脆，八爪魚粒有咬口 ，一口一粒，食落唔會一口粉漿感，唔錯～食拉麵一定要飲返d凍飲，呢度除有烏龍茶綠茶等選擇，仲有綠茶汽水、櫻花汽水等等，夠晒日本feel！

立体派拉麵 🍜📍 中環威靈頓街27-29號元益大廈地庫☻☻☻☻☻☻☻☻☻☻☻☻☻☻☻☻☻☻☻☻☻☻☻☻☻☻☻☻星期日， 去完中環大館行下，咁岩諗起呢間一直都好想去試既拉麵店🙈🍜。呢間鋪頭係日本🇯🇵好出名， 當然要試下點好味啦🤣。🌟 醬油清湯拉麵配低溫慢煮叉燒 $88呢個價錢， 係中環地段絕對唔貴。 醬油拉麵係佢地既主打，湯底清清地， 唔錯既🌝👍🏻， 不過叉燒好似少左d😂。🌟 特式辣味濃厚白湯拉麵配低溫慢煮叉燒 $88唔好以為成碗咁紅就好似好辣咁😂， 事實上唔係好辣，平時食開少辣既， 都會食到。味道同埋拉麵既質感都ok 🤤。🌟 章魚小丸子 $58好耐冇食過， 所以要點呢個🙈。不過發現同平時食開既小丸子冇乜分別🤣。整體推介指數：❤️❤️❤️❤️🤍☻☻☻☻☻☻☻☻☻☻☻☻☻☻☻☻☻☻☻☻☻☻☻☻☻☻☻☻

中環哩間立體派拉麵都開咗業幾年，之前一直主打雞白湯拉麵。佢嘅雞白湯拉麵固然出色，出色於兼顧鮮雞湯嘅味道並保持輕盈嘅口感。試過嘅人一定明白我講咩。今次嚟到，見到有唔少人點哩味九味醬油拉麵。本人本身喺香港極少點醬油拉麵。原因在於1) 香港極少拉麵店做得好，重點在於不同醬油如何配搭高湯 2)小農心態總覺得醬油唔抵食但哩碗九味醬油拉麵真係令我一試難忙！一入口並唔係想像中嘅咸味，竟然有一股甜味！再嚐真啲試到輕微魚介嘅味道，味道極之豐富！再試一試佢嘅”東坡肉”……簡直太過份！跟本唔洗用力咬就已經吞咗落肚，而且味道非常好！極力推薦！

天氣驟然轉冷，陰陰寒寒的最啱食一碗熱騰騰嘅拉麵～🍜🍜今次找來位於中環威靈頓街的「立體派拉麵」，轉入小巷再走數級樓梯到地庫層。有點隱世，不過據聞平日都有唔少捧場客排着隊入座，專程來品嚐大師級嘅質素。全店木系和式設計，舒服而有拉麵小店氣氛✨Ramen Cubism特級白湯拉麵$118最近迷上雞白湯拉麵，雖則每間店都各有特色，但比較過後，此店的雞白湯底絕對令你一飲愛上，印象深刻。店家用上有機飼養嘅日本京都丹波地雞，濃厚順滑，膠質勁豐富，呷上一囗已經feel到嘴唇黏黏的，味道唔會好濃好鹹，飲完都唔會口渴。麵質同樣喜愛，自家制作，粗身，口感帶少少煙韌，掛湯度十足！溏心蛋又香又滑，竹筍入味，3塊慢煮叉燒又腍又滑。那一球蔥白絲也很花心思，慢慢地令蔥香滲入湯底～😋拉麵碗超大～對比湯羹就知道拉麵碗勁大隻！富士山櫻花可樂$28食日本拉麵，點都要配返日本直送嘅樽裝飲品～櫻花本身冇特別味道，只係有點似混合咗嘅波子汽水和可樂～富士川町柚子汽水$28味道清新，夠汽，配濃味嘅拉麵着實不錯！名古屋風雞翼$48雞翼外皮考得極香脆，肉質Juicy。表面嘅醬汁微微辣很惹味！😋九味醬油湯拉麵$98朋友揀的醬油湯底也同樣回味。

📍立体派拉麵 (威靈頓街)中環威靈頓街27-29號元益大廈地庫🍜天氣涼涼地，特別想食拉麵，搜尋吓Open Rice知道呢間拉麵店，即管又去試一試。叫咗一份章魚小丸子($58-HKD)，略嫌章魚粒太細粒，但整體味道不錯。汁煮厚切叉燒($58-HKD)，看上去有點像東坡肉呢🤣。大大件，喜歡食叉燒的朋友一定滿足了。🍜特級白湯拉麵($118-HKD)，相當大碗，整體味道不錯，糖心蛋亦有蛋味香。🍜特色辣味濃厚白湯拉麵配低温慢煮叉燒($88-HKD)，看上去以為好辣，但其實只是少少辣的，個湯都香濃。叫咗配料一隻糖心蛋同一份日本紫菜。滿足了。

同男朋友去完中環大館打卡 行下行下見到呢間後行有間鋪頭 覺得好特別 行左落黎先發現原來係間拉麵店😍 好似發現寶藏咁🤣我地見餐廳有位 所以就入左去試下😚林隆臣拉麵（大） $118我呢款係白雞湯拉麵 上到枱發現勁大碗😝 好香濃嘅雞油味🥰 我都係第一次食白雞湯拉麵我覺得都幾唔錯😚 唔會太咸又有雞油既濃郁味道！海體醬油湯拉麵 $98醬油湯俾白雞湯拉麵稍為遜色少少 可能因為白雞湯拉麵太出色🤣🤣 拉麵質感岩岩好 係黃色既拉麵黎～章魚丸 $58章魚丸外脆內軟 非常之熱辣辣 一上枱即刻食 簡直令我食慾大增😍 不過如果粒章魚大粒少少就會更加好🤪富士山汽水 $28櫻花可樂 $28兩款汽水都未飲過所以就叫咗黎試吓， 不過我覺得富士山汽水會比較正常😂如果鍾意櫻花嘅朋友應該會好鍾意櫻花可樂因為佢都好重櫻花味但我個人就唔係好鍾意好似食緊啲花咁🤣🤣

🥳在中環小巷入邊發現咗一間高質拉麵店🍜佢喺一條好窄既小巷少少唔留意都好容易Miss咗🥲原來呢間拉麵係日本冠軍拉麵大師林隆臣先生主理，拉麵店入面係日本簡約木系Style好溫馨， 真係有啲似日本拉麵店感覺🥰朋友叫咗一個九味醬油湯拉面，原來佢仲跟埋厚切叉燒，呢個叉燒好食到我哋再外賣一份返屋企😍後設叉燒好入味肉質好軟林林肥瘦都好均勻食落完全都唔會覺得好油膩我自己就叫做一個白湯拉麵佢有3塊薄薄地既慢煮叉燒， 叉燒肥瘦都好均勻味道好鮮甜濃郁，仲有一隻蛋，份量方便一個人一定夠曬飽， 因為我自己係飽到食唔曬😂最後我哋仲叫咗一個章魚小丸都係超級好味，熱辣辣，好香又彈牙😆