立体派拉麵 (威靈頓街)

營業中

休息中

位於中環的拉麵店「立体派拉麵」由日本著名的冠軍級拉麵大師林隆臣創立，其招牌湯底「雞白湯」，混合日本米鴨、有機飼養京都丹波地雞、日本各地近四十種味噌等熬製而成，香濃而不油膩。濃郁得黏口味道充滿雞的鮮香，就是很多朋友為了這碗湯慕名而來👍▪️特級白湯拉麵林隆臣大師推介，特濃雞湯配低温慢煮叉燒和溏心蛋，湯頭濃郁鮮味得無話可說，拉麵爽口彈牙又掛湯，慢煮叉燒軟腍肥瘦相隔，但絕不油膩，溏心蛋做得到位，帶一點甜香，非常美味的一碗拉麵▪️長崎雜錦虎蝦拉麵這碗一樣用上雞白湯，配料超級豐盛，虎蝦爽口好彈牙，湯料中的魷魚、魚板、鵪鶉蛋、芽菜、椰菜、生菜、紅蘿蔔、木耳、玉米粒和洋蔥，令到湯頭和拉麵味道更滋味，喜歡食蔬菜的朋友絕對會鍾意▪️名古屋風雞翼雞翼肥美大隻，外層超酥脆，肉質軟嫩多汁，配上名古屋味道大甜香的味噌汁，相當出色▪️日式胡麻凍豆腐豆腐用上日本進口，豆味超香濃，口感細滑，配上日式胡麻醬汁和京蔥絲，夠晒開胃▪️木村信州蘋果汽水｜山梨葡萄汽水木村信州的水果汽水，味道就如飲緊真實果汁一樣，清甜好飲

#立体派拉麵 特級白湯拉麵 ($128)一上菜就嚇親😂個拉麵碗好大個碗雖然大，但其實係淺身設計，湯嘅份量感覺唔算多，啱啱好夠浸住啲麵。拉麵本身係偏粗同煙韌，但唔夠掛湯，食落口感不錯，但每啖都未必吸到晒啲雞白湯精華。雞白湯湯底好濃郁，不過少少偏鹹。美中不足是叉燒比較肥膩，肥膏位好多，食多幾塊會覺得有啲膩。如果可以用肥膏少啲嘅部位整就好了🥲

位於中環威靈頓街的「立体派」是一家由日本著名的冠軍級拉麵大師林隆臣創立的過江龍拉麵店🍜店內設計以木材元素為主調，環境舒適自在，大約有29個座位😊長崎雜錦虎蝦拉麵 $118店家最新推出的期間限定拉麵🍜，虎蝦🦐海鮮拉麵除了有魷魚、魚板及鵪鶉蛋，更加入豐富即炒蔬菜🥬，包括椰菜、芽菜、紅蘿蔔🥕、木耳等，再搭配上立体派招牌雞白湯🐔，非常美味。特級白湯拉麵 $128以日本京都有機飼養的丹波地雞熬製極濃雞白湯🐔，配上肥瘦相間的薄切叉燒🐷口感外酥裡嫰，還有溏心蛋半熟的蛋黃流出，蛋白軟滑，蛋黃味濃郁，整碗麵入口香濃而不膩🤩名古屋風雞翼 $48即叫即炸‼️每隻雞翼都漲卜卜🐔，肉質厚實，雞翼油炸得很香脆，內裡雞肉保持嫰滑，真的啖啖肉之選。章魚小丸子 $58章魚小丸子粒粒飽滿🐙，外皮燒得香脆金黃，內裡的粉漿口感頗軟熟，章魚粒好彈牙，椰菜爽口，而木魚花佈滿章魚小丸子表面，口感更添層次。木村完熟白桃汽水 $29木村靜岡麝香哈密瓜汽水 $29木村品牌的汽水很清新🥤食拉麵配搭汽水，一流👍🏻

中環呢間由日本著名冠軍級拉麵大師主理嘅「立体派拉麵」 @ramencubism 最近新推出『長崎雜錦虎蝦拉麵🍜』，虎蝦爽彈🦐，仲有魷魚🐙，海鮮拉麵加入豐富即炒蔬菜🥬，包括椰菜、芽菜、紅蘿蔔、木耳等，再搭配立体派招牌雞白湯🐔，營養又豐富，味道清新～ 另外更點了店內主打嘅『特級白湯拉麵』🤍，以日本京都有機飼養嘅丹波地雞熬製極濃雞白湯，配上低温慢煮肥瘦薄切叉燒，整碗麵香濃但唔覺膩👍🏻而「立体派」嘅小食都係必食：名古屋風雞翼🍗炸至皮脆肉嫩，配上白芝麻同檸檬汁，份外有風味；而日式煎餃子🥟炸得夠香脆，薄薄餃子皮，內餡多汁💦 飲品方面就點了木村完熟白桃🍑汽水同富士山柚子🍋梳打～

📍環境 & 地理位置：呢間拉麵店匿左喺中環威靈頓街地庫，門口唔算高調要小心唔好miss咗！不過一入去就聞到濃濃拉麵雞湯香，裝修走日式木系簡約風，深木色枱凳配暖黃燈光，仲有吧枱位可以睇住師傅即席煮麵，幾有日本巷仔拉麵店嘅氛圍～不過繁忙時間真係爆場，平日夜晚8點半都要等一陣，建議避開飯市高峰。 🍜日式叉燒拉麵：呢碗拉麵嘅靈魂絕對係厚切慢煮叉燒！叉燒足足有手掌心咁大，肥瘦層次分明，咬落去唔鞋口，瘦肉部分都好軟熟，唔使太用力咬，仲帶淡淡醬油甜香，完全冇豬膻味同埋唔油膩！ 湯底係另一亮點，用日本丹波地雞熬出嚟，飲落濃郁但唔會死鹹，尾韻仲有淡淡鮮甜。麵條揀咗中粗曲麵，掛湯力一流，每啖都索滿雞湯精華。跟埋嘅溏心蛋流心度滿分，蛋黃撈湯食都好夾！習慣會飲埋湯嘅，飲到一半可以加$15撈個飯落去轉雜炊飯，撈埋剩餘湯底變身日式粥😏注意：湯底偏濃，重口味人士至愛，清淡派可能覺得膩

Bookmark咗呢間拉麵店好耐，終於經開附近去試。通常第一次幫趁，我都會試咗佢主打果款睇吓伏唔伏先😂叫咗特級白湯拉麵，上枱好大盆，先試啖湯，濃度，厚度都好平均，唔錯，但又唔算好驚艷。麵係粗麵條，幾有咬口。叉燒有三大塊，以慢煮處理，幾腍身，有啲黑胡椒喺叉燒外圍，幾好食😋溏心蛋好靚，不過可能味醂有啲重，對我嚟講唔算太鐘意。個人口味嚟講，覺得好食嘅程度未去到要刻意再幫趁，但經開都會去食嘅。環境方面，我一個人夜晚時間去食，星期五晚冇乜人，被安排坐吧枱角位，空間有啲窄嘅感覺，可能碗麵太大，但張枱細，加上坐通道旁，多員工出入，而置物籃又大，我要拉入啲怕kick到人，而另我要斜少少身坐，所以坐得得唔舒服。

立体派 📍中環威靈頓街27-29號地庫 Yuen Yick Building☎️ 2399 0811邊個話情人節一定要食fine dining 😆 casual 得黎又有少少趣味，可以諗諗立体派新推出嘅情人節限定雙子拉麵！位於中環威靈頓街嘅立体派由日本拉麵大師林隆臣主理，今個情人節特別推出兩款超有心思嘅情侶拉麵。 🗓 限定期間：2月1日至3月16日❤️ 完美展現愛情中嘅陰陽調和 ❤️辣味濃厚白湯拉麵就似個man爆嘅暖男，用京都丹波地雞熬製嘅濃湯，加入羅勒、芫茜同印度胡椒等香料，香辣過癮又有層次！明太子豆乳雞白湯拉麵就好似溫柔女友，柚子白味噌配上松露忌廉油，湯底仲要係浪漫粉紅色！兩碗拉麵雖然性格迥異，卻又完美配合，就似情侶之間既互補又甜蜜嘅火花！🍜 小食推介- 汁煮厚切叉燒 $58- 唐揚脆炸雞 $52🥤 飲品推薦- 木村完熟白桃汽水 $29- 木村富士山柚子梳打 $29

情人節🩷就嚟到，大家諗到食咩未？除咗西餐之外，大家有冇諗過去食拉麵，渡過一個日式情人節😆？立体派拉麵@ramencubism 由即日至3月16日推出咗全新情人節特別拉麵🩷 —「雙子拉麵」，特別之處係佢兩碗麵真係拉住㗎😍，猶如情侶手牽手一樣👫。雙子拉麵 $218辣味濃厚白湯拉麵拉麵🍜來自日本京都有機飼養的丹波地雞熬製🐓，配合多種香料和辣粉調製而成，惹味濃郁😋。明太子豆乳雞白湯拉麵濃郁的雞白湯與豆乳的完美結合，配以柚子白味噌和Style林秘製鹽醬汁調味，形成了獨特嘅組合😋。兩碗拉麵一剛一柔，正好代表一男一女名古屋風雞翼 $48外層薄薄嘅一層炸漿🥰，口感鬆脆，內層肉質保持濕潤，香口惹味又juicy😍。章魚小丸子 $58外層燒卜卜脆，入面就夠軟心，章魚口咁彈牙😍。

呢間拉麵店位置雖然唔顯眼 但來頭不惹少！係由日本著名拉麵大師創立 旗下有多間人氣店多次入選日本美食榜「Tabelog」嘅百間名店(‘ε’)香港呢間嘅口味非常特別 可以話係獨一無二添今次咁岩見到有兩款秋冬限定嘅新口味湯頭濃厚 啖啖精華～自家製拉麵亦好掛湯爽口✿ 「雪走」風呂吹大根味噌拉麵 $138有趣嘅菜名(´• ω •`)食材配搭豐富 味道好有層次湯底採用白味噌、柚子味噌烹調 再加入豚肉油配菜有招牌五花肉叉燒 薄身而濃味 帶焦香蘿蔔用魚乾 昆布 冬菇等等熬製三日！非常軟稔入味～✿ 黃金味噌拉麵 $138湯底同樣特別 係濃縮40種麵豉香料嘅味噌湯！仲加入野菜 免治豬肉 牛奶調味～質地濃厚會有一嚿日式炸醬比你撈落湯底 甜中帶辣 充滿鹹香配菜有秘製慢煮叉燒 肉質好軟嫩 完全唔嚡仲有個腐皮福袋 內餡有蔥 薑 粉絲蒟蒻 爽口清新

位於中環日本拉麵店立体派由日本冠軍拉麵大師林隆臣創立不時推出多款獨特又美味拉麵！獲獎無數最近更推出💕情人節甜蜜共享雙子拉麵💕用上獨特的碗緊密相連2碗不同口味拉麵最岩同情侶好友開心分享！🌶️辣味濃厚白湯拉麵🌶️辣味濃厚白湯～帶來香辣滋味口感用上來自日本京都有機飼養的丹波地雞熬製加入多款香料、辣粉調製而成～微辣香濃湯底🥛明太子豆乳雞白湯拉麵🥛濃郁的雞白湯與豆乳的完美結合加入柚子白味噌和 Style 林秘製鹽醬汁調味每啖更食到柚子清香🌿湯底加入松露油的忌廉濃郁香口！拉麵掛汁好味～配上明太子👍🏻更添滋味店內除左多款招牌拉麵外更有不同日本小食叫左章魚小丸子同名古屋風雞翼即叫即製！好好味啊😋大家快D mark底日子來試下呢款期間限定拉麵👏🏻雙子拉麵係2月1號去到3月16號供應立体派 @ramencubism 📍中環威靈頓街 27-29 號元益大廈營業時間:星期一至日上午十一時至晚上十一時#拉麵 #日本過江龍 #立休派 #雞白湯 #丹波地雞 #日本菜 #中環美食 #中環 #香港美食 #美食日記

上網碌到呢間拉麵，賣相幾吸引於是就收工出到嚟試吓。地方有d隱蔽，我哋搵嘅時候仲miss咗條小巷要行番轉頭先留意到😅，餐廳位於中環威靈頓街，店內以木質為主調，中間亦有長吧枱設計。試完最大感受係如果期待非常之高嘅朋友可以唔洗特登過嚟食，係會覺得一般，如果係剛好係附近嘅可以試下。整體味道還可以，而分量系多的。💚火炙豚肉担担沾麵 $158沾麵汁用上濃郁的雞白湯與芝麻味噌醬熬製而成，湯汁閒到芝麻香，濃稠和順滑；入口辣辣哋幾過癮（可揀辣度），麵條比較粗，有咬口，好掛湯；而火炙豚肉亦燒得好香，肥瘦均稱。整體吃落系惹味的。另外剩下的沾湯亦可加錢配搭豆乳湯［湯割］。💚雪走- 風呂吹大根味噌拉麵 $138「雪走」寓意著季節從秋天跑向冬天的景象湯底以白味噌和信州柚子味噌作為基調，濃郁中帶點柚子清新嘅味道；配菜方面有自製幼絲炸洋蔥、溏心蛋、豚肩肉和選用立体派招牌帶皮五花肉叉燒；麵條比較粗，有咬口，而叉燒肥美；大根用咗特製湯底熬製，入味清甜。整體味道是豐富的，還不錯。🌟Encore 指數：6.8/10——————————————————————Total $325 (已包括10%服務費）2人

✨黃金味噌拉麵作為林隆臣大師製作嘅得獎拉麵 黃金味噌拉麵 湯底以多種日本各地麵豉同香調調製 再加入野菜同牛奶等調味 味道濃厚帶辣 叉燒以低溫焗製肉質軟嫩配料另有腐皮包 内餡飽滿 包住香蔥 生薑 粉絲同蒟蒻等 再經軟微炙燒麵質粗身偏硬爽彈 濃厚鮮味✨風呂吹大根味噌拉麵面層加左自製炸洋蔥絲 香口味濃湯底以白味噌配搭信州柚子味噌等製作風呂吹大根 用左特製湯底熬製 入味清甜叉燒肥美 半熟蛋溏心 麵條爽滑彈牙 幾惹味✨雞皮餃子外層雞皮酥脆 肉餡油香惹味✨日式煎餃子餃子皮薄 肉餡飽滿多汁✨明太子雞翼雞翼皮脆肉嫩 冇骨啖啖肉 內餡有鹹鮮明太子 味道豐富✨名古屋風雞翼雞翼外脆內軟 肉汁豐富總結：食物可以 份量足環境正常 服務唔錯 價錢可以

之前行過中環，見到一間「立体派」拉麵店，新岀左2款拉麵就叫左嚟試下！如果鐘意食清啲，可以試試雪走拉麵，湯底有淡淡柚子味，好特别，而且啲配料都好多！鐘意濃啲可以試黃金拉麵，叉燒同肉碎都超濃味！店入面仲有啲小食都好岀色，雞皮餃子同明太子雞翼，都好特別而且味道啱啱好👍🏻👍🏻👍🏻大家經過中環都可以試試飲品方面係玻璃樽碳酸飲品，雖然係水果口味，但飲落都幾重果汁味，唔會好死甜，整體餐廳無論服務定食物都好好

去中環望下有乜食 諗住食碗拉麪 搵到呢間拉麵，諗住試吓 都叫咗個蘿蔔濃郁湯什麼拉麪，嘩。 難食到..咁大個人好少食剩嘢 真係要講一聲，佩服😅 我會同朋友講千祈唔好嚟。。貼錢買難受

今年2025 1月1日假期去試了一間出名日式拉麵店！佢地多次入選日本美食榜「Tabelog」百間名店！💫🤍🌈🍷香港店嘅拉麵也很特別，捧場客人眾多！九味醬油拉麵🍜湯底用了9種唔同既醬油製成，醬油味濃而且帶有少少甜味，配合厚切叉燒，好似東坡肉，入口質感非常軟腍，而且醃得好入味，口感令人回味，充滿濃濃日本風味！特級白湯拉麵☄️粗麵質彈牙，加上三大塊薄切低溫慢煮叉燒，湯底係好濃郁雞白湯，味濃厚及濃郁雞味，入口鮮美！