稻八日式火鍋炸物放題 (已結業)

今日接完女朋友即到荃灣食日式火鍋，因為同事講有得自己炸野，同事極力推薦下決定一試。去到環境都幾闊落，坐得好舒服。咁就揀左個雞牛豬既套餐試下啦。呢個牛又薄又夠牛味，番食左3-4碟，仲幾新鮮。呢一個set仲有牛白肉，個感覺好似食緊牛柏葉咁爽，但又好有牛味，比一般牛肉味濃4-5倍。雞肉豬肉都唔難熟，雞肉唔鞋口，幾滑。豬肉都好夠味，但我首推一定係牛白肉。當然仲有其他丸類同菜啦，都好好味，不容忽視。到最重要既炸天婦羅環節，有曬指示，連我唔識整野食，都整得好好味。仲有好多選擇，蝦都好鮮甜彈牙，食左勁多。甜品都好正，食埋個唔太甜，味道道剛剛好既開心果雪糕，就帶住個大肚腩走啦

今次第一次寫食評,一般好少見火煱有埋刺身放題任食,加上見到網上一致好評,決定同屋企人試一試～叫左238既安格斯牛小排任食餐湯底叫左九州豬骨同地獄湯（兩個湯底需+18蚊）因為最初黎吾記得影相～呢個已經係食到中段時影既。左手邊既豬骨湯個人覺得比較清淡，配蔬菜類食還不錯配肉類食就略為淡左少少。右手邊既地獄湯睇樣都知比較重口，味道有啲近似辛辣麵湯既感覺一枱送一碟既牛白肉，幾爽口既牛肉幾特別下，但個人吾識欣賞😅牛小排油花分布平均牛味十足,個人覺得如果厚身返少少更好刺身普普通通，畢竟主要係食火煱，算係比多左野食比吾想剩係食火煱既人選擇清酒每枱有一酌送，味道普通。加左廿蚊任飲啤酒，由於呀爸吾太好酒，有啲虧左。另外佢仲有炸串可以自己DIY，但本人比較懶冇試到甜品款式較少，dreyer's雪糕都係兩隻味😅綜括黎講值得推薦，即使星期日全場爆滿，刺身同牛每次叫完單差不多都五分鐘內到,非常快手呢點值得一讚👍🏻

琴晚同同事們去左荃灣稻八火鍋happy一下☺️🖖🏻🖖🏻齊齊火鍋放題食個夠本🤤🤤🥘黎個Happy Friday Night放鬆一下🤡🤡一入到去餐廳入面，裝修都幾靚，地方整潔程度幾好👍🏻👍🏻係一個可以安心享受火鍋既地方😌😌係我食過咁多間火鍋放題，呢間稻八火鍋既配料選擇算係幾多，而且味道真係唔錯😛😛因為係日式火鍋，湯底有我最中意既壽喜燒湯底，真係一流👍🏻👍🏻最搞笑既係有得自己整天婦羅😂😂

上次朋友介紹我，話荃灣有間日式火鍋任食幾正今晚同老公黎試下呢個主打牛肉火鍋我地揀左$238果款放題可以食埋刺身湯底今晚想清清地，我地揀左鰹魚昆布湯底好香甜呀！肉類方面質素都好唔錯牛肉雪花分佈好平均肉汁香濃除左牛肉，仲有羊肉、雞肉、豚肉選擇質素都唔錯唔會有雪味刺身都有幾多選擇而且仲好新鮮我自己就最喜歡甜蝦&北寄貝好鮮甜餐廳仲有一個炸物區，可以自助炸天婦羅又幾好玩自助食物區方面都有幾多選擇，蔬菜同埋丸類都有好多仲有手打烏冬雪糕甜品有雪糕糯米糍同埋 Dreyer's D Collection成間餐廳都好有日本風格食物質素好，以任食黎講，十分抵食

雖然天氣時晴時雨，為左打邊爐，落住超大雨都照黎。之前去過大埔分店食，同荃灣有些不同 門面好靚，食客可以留言 睇到個banner都覺得好吸引，最衰呢排唔飲得酒，唔係一定試 環境比大埔寬敞，食物又比較集中 除了任拎醬料吧，重有自助沙律吧配油醋汁，食肉多得濟可以食下沙律中和下 一直至愛壽喜燒，不過今日想試下另一湯底，因為今次要試清楚頂級和牛嘅鮮味! 最終試左鰹魚昆布清湯要食和牛，當然選左$368個set, 因為可以試曬所有肉，海鮮同刺身 主角黎喇!!!! A4黑毛和牛，雪花分佈自己睇 薄切片又大塊，淥30秒就食得，口感幼滑，冇筋（基本要求）, 喜歡口感多於著重牛味，無他之選 另外M6澳洲和牛，都好正，肉味濃，比A4更有嚼勁，都唔會有筋（呢d質量就係我會再黎嘅原因）!有圖有真相，要邊隻，你自己選最好當然選最貴，隻隻都有得食 刺身方面，其實唔駛點講，冇雪到冰塊一樣，睇佢色澤及油潤度，就知佢新唔新鮮。新鮮嘅刺身就係鮮甜! 我嘅相係直影，唔會執相，見到都想食啦，眼睛唔會說謊嘅本來放題甜品都係陪襯，比下維#雪米糍，雀#雪糕就夠。佢呢度都算有heart唔係Dreyer's classic, 而係 !D

今次已經系我第二次黎稻八啦，上一次食完，就難以忘懷！最好玩嘅地方呢就係可以自己親手炸天婦羅，首先係一個大嘅雪櫃裏面有各種嘅食物，有蝦肉腸，蕃薯。。。 選擇一個你最鍾意嘅食物，再加上麵包糠同埋炸粉，放落去炸兩分鐘，就係天婦羅啦！自己整自己食好有滿足感！！刺身好新鮮！而且分量有足，叫幾多就嚟幾多，好準確。食完之後仲有甜品食你dreyer's雪糕有唔同嘅味道今次就係開心果同朱古力味兩款，每樣都食咗一杯。而且仲有雪米糍，款式有好多，好似仲有八九種tim。而且飲品嘅選擇多到有三大個雪櫃！下次又會再黎食！

之前系Open rice 見到依間日式炸物放題好似好評都幾多，又有優惠，所以膽粗粗地去試下。貓頭鷹時間九點半後入座有85折，而早鳥時間七點半入去有85折。我哋叫咗安格斯牛小排放題，仲有得任食刺身！ 牛肉片，豬肉，牛肉粒，牛胸肉，雞肉，真系好多野揀！火鍋料除咗 平時都有嘅菇，肉丸之外，仲可以叫水餃食，水餃喺灣仔碼頭水，品質素有保證，仲有好多唔同種口味， 有白菜豬肉 西洋菜豬肉 豆苗豬肉 韭菜豬肉同玉米🌽豬肉， 任君選擇。

今日好夜先得閒食嘢，就見到呢一間日式炸物放題。 我哋喺邊外表吸引咗，外面門口有面牆， 掛滿了很多留言牌，好吸引。 入咗去食嘢見到有好多優惠， 貓頭鷹時間九點半後入座有85折，好抵！ 發現有個早了鳥時間七點半入去有85折添！裏面所有野嘅選擇非常之多，就只系湯底，就已經有八種選擇，實有一款你鍾意。 主食和牛嘅質素非常之好，油脂分佈分明 一食落口入口即溶，超正。火鍋料嘅選擇亦都非常之多，粟米，蕃茄，各種嘅蔬菜。 兩個埋單都係494蚊仲有85折添,即係只系469蚊炸！

定晚、與好友到荃灣寬食,揀選了日式火锅放題一心要吃過痛快的 ! 在在德華街步入稻八日式火鍋店待應招在窗邊坐下,打量四周環境,寬敞開揚透望德華公園景觀很舒服 !再看看Menu多款火鍋套餐配搭,而且還不少湯底選擇;,電視上擴放着日本歌舞MV令餐廳很有東洋氣氛!,揀選了個牛乳手骨湯底和 238元的套餐奶白湯底濃郁香滑,牛小排 ,鷄肉 ,羊片 ,美國豚肉 簿簿的牛肉片 牛栁粒都很鲜味!付送一客牛白肉,(牛的軟骨體)入口質感嗦嗦响很甘香爽脆!其他配料如牛丸,豬肉丸,芝士丸,海膽丸.墨鱼丸,蟹柳....等 。應有盡有,蔬菜也很新鲜,。惠顧套餐可以送一勺一凊酒,還有其他飲品;茶水,氣水等等!食物擺放清潔衛生,還有刺身、三文鱼爪鱼,甜蝦和油甘鱼都很鲜味!多款甜品, 雪糕.....等。還有自己動手炸的天婦羅....很有新意!吃飽了! 根本未有試匀所有,實在太多選擇, 留待下次再试 ! 今晚吃得很滿足 !,.

一行 二人到荃灣晚飯， 荃灣食肆多選擇多，今晚想食火鍋，我也不作他選，之前吃過的 "稻八日式火鍋放題"令我留下滋味印象！ 記得當時是新開張，空間宽敞光亮整潔，食物新鲜的印象還在，今晚再到……嘩~門口已經大不同了！掛滿了很多祈福板, 剎那間以為身處 東瀛 ！很有feel啊~多欵不同火鍋配料组合和價錢選擇……特色湯底也很多選擇！食物區的擺放依然的整潔！我們選了两個 $ 238 的套餐放题 ;内含……牛柳粒，牛小排 ，雞件，羊肉片，美國豚肉……等。牛肉簿切只在滚湯上揚两三下即可，有肉味，滑！牛栁粒濃濃肉味夠鲜甜！湯底選了~ 牛乳牛骨湯每枱送一客 : 牛白肉這個牛白肉很特别！其實不是肉來的，而是接近牛胸骨的軟骨位，它呈現透白色，質感軟滑爽脆最後留在口腔的是一股油脂甘香。好食！太多美食品嚐，今晚就放過了刺身……當然再玩玩炸物DIY喇！多款飲品任選擇！只有啤'酒要另Order(收費)但每枱套餐有一勺清酒送的。甜品除了雪米糍，泡芙……等，我至愛的Hassgen Dazs雪糕也有！今晚又是一個大滿足之夜！想食火鍋，稻八真是一個很好的選擇！

公司成班同事一齊去呢間稻八日式火鍋炸物放題，食晚飯慶功，咁大班人一齊食，咁就梗係叫一個大大個既龍蝦鍋齊齊開心下啦，最正既係龍蝦鍋另外加$88蚊，有埋龍蝦湯底，不單止龍蝦味夠濃，聞落去又好夠香，仲要有香濃芝士味，成大隻龍蝦係鍋入面，呢個龍蝦鍋可以算得上超抵食，$298蚊澳洲和牛套餐，和牛好好食，好過平時打邊爐果款平價牛肉好多，刺身仲可以任叫任食唔嬲，仲有牛柳粒，又有海鮮，岩哂我呢d又中意食海鮮又中意食牛既人，每位加$20蚊，有得飲Asahi啤酒。

稻八日式炸物放題？令我諗起二年前係大阪食過既自製炸串，好懷念啊，所以決定入去一試120分鐘既放題，我簡左($238)既極上安格斯牛小排放題，因為包埋刺身任食同埋多d牛簡，食唔到好多剌身既朋友可以選擇個平d set，然後單點剌身，都係幾蚊塊。然後簡左鮮蕃茄湯底及壽喜燒甜醬酒湯底，蕃茄味還好，最鐘意都係甜醬油，所有食物唔洗點醬都好夠味 話咁快食物上晒枱，牛小排真係唔同d，牛味好濃，而且仲有右上既牛柳粒任叫，好juicy啊！放題黎講 牛既質素中上 自助區域方便仲有好多日式小食任食 eg 芝麻八爪魚、螺肉，中華沙律等等 會唔會太多選擇哈哈！一開始提到既炸串，店內有兩部機，唔算多，可能要排下隊，自己係雪櫃簡吉好左既串串，有蝦，肉同蔬菜，有我最喜愛既炸芋頭自己整既體驗幾得意，重拾日本回憶！刺身部分黎喇，都好多選擇，好似日式放題店咁，味道同新鮮度都正常，可以試。啊仲有一提，任何放題套餐加$20啤酒任飲，咁緊係打住邊爐啤啤佢啦最後甜品係dryers雪糕，有我最鐘意既開心果味，好正啊救命，完全忍唔到手！！飲品方面都超多選擇唔係普通汽水可樂七喜。依到店鋪都寬敞，依次放題體驗比90分，想食咩有咩質素亦中上，

今晚約咗老友出來食飯吹水，食放題就啱晒。上openrice見到荃灣稻八就一於試下啦。地點近住德華公園，由荃灣地鉄站行來約十分鐘，都好方便。餐廳環境幾靚，而我哋就叫咗每位$238個set好啦！睇下D食物先剌身好新鮮有個菜bar約十幾款菜揀D肉好靚同好多選擇，有牛肉片，牛肉粒，牛胸肉，豬肉，雞肉，全部都好新鮮自己炸天婦羅好好玩，又好食。十幾款材料，自己炸甜品有Dreyers d collection，出咗名好食。還有雪米滋飲品櫃有好多選擇總結，食品質素好和多選擇，價錢合理，交通方便，合三五知己共聚。

黑松露湯底真的超級好喝 生鮮又美味 美味無窮 平時喺西餐使用黑松露就見怪不怪 但用作火鍋湯底 確實很特別本人超級推介 黑松露湯底 香味獨特 無人能抵擋今日同朋友點咗最貴嘅$368放題套餐 完全感受到一分錢一分貨 畀出咁嘅價錢 食物質素一定唔差 m6和牛 新鮮海鮮 蔬菜 刺身 炸物 任點任食m6和牛任點任食 油花分佈極度平均 入口有種即溶嘅感覺 自問係牛魔王嘅你 一定要食 要回本話咁易海鮮都係任點任食 本人較為喜歡扇貝 和廣島蠔 蠔肉肥大多汁 扇貝爽口又彈牙食咁多肉 當然要喺自助吧拎返啲蔬菜平衡下啦仲可以去炸物區 揀選你自己鍾意嘅食材 製作 天婦羅牛肉非常薄 灼一灼就可以食 配合醬料 鮮味無窮牛仔粒 係咁多款牛肉之中最為厚身 口感十足有種回彈嘅口感醬料已經有數十種 擺放整齊 乾淨企理餐廳光猛寬敞 係一個相當舒適嘅環境飲品放滿三大個雪櫃 種類非常多

今日 與朋友 到荃灣 稻八日式火鍋 炸物放題， 地方寬敞，環境舒適 ！門口位掛滿滿願望牌供客人自由填寫！給喜歡玩selfie呃 like一流🤣🤣~~侍應介紹了 黑松露火鍋 比我哋， 湯底鮮甜……黑松露味 濃郁👍🏻 而且食物新鮮😋 有海鮮拼盤 ,魚生 自助吧 ……可自由挑選新鮮蔬菜 ！！我最欣賞佢嘅牛肉 ……係選用A4黑毛和牛同牛柳粒，非常新鮮，肉汁豐富， 入口即融👍🏻 還有一個小小嘅炸物區 供給客人DIY……挺有趣😍😍有多種炸物選擇🍆🍤🥒🍢🍡，我最喜歡迷你蕃薯仔🍠！九點半後貓頭鷹時間入座仲有85折今日試咗個最貴嘅套餐 值得一試因為佢嘅牛真係特別靚 而且仲係無限任點任食 一定會令你捧腹離開最後不得不提 員工嘅服務態度非常 細❤心有禮🙇🏻‍♀👏🏻👏🏻👍🏻