366
9
4
餐廳: 稻八日式火鍋炸物放題
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵荃灣站 B1 出口, 步行約6分鐘 繼續閱讀
所有分店 (2)
電話號碼
21523988
63473636
開飯介紹
設有多款肉類可供選擇的火鍋放題店。最特別的是可以自製炸串如鮮蝦、冬菇及番薯等。 繼續閱讀
營業時間
今日營業
17:00 - 02:00
星期一至六
17:00 - 02:00
星期日
16:00 - 01:00
付款方式
Visa Master AlipayHK 支付寶 現金
其他資料
網上訂座
深夜營業
自帶酒水 詳細介紹
當面支付
有關獎賞計劃
食評 (406)
等級4 2019-09-18
1647 瀏覽
今晚去了荃灣區吃火鍋放題,地點位於德海街,距離荃灣港鐵站4至5分鐘步程,非常方便。餐廳位於大廈的1樓,乘升降機便可直達。升降機門一大開,便可以一眼看清各款放題套餐的選擇。今晚我們選了$208特級美國穀飼牛肉放題,湯底選了極具特色的冬蔭功毛蟹湯底,聞起來有點香辣,但吃起來是不太辣的,大家絕對接受得到。內裡還有一隻日本毛蟹,雖然它不是很大隻,但亦有相當豐富的蟹膏。餐廳今晚有特別offer,花30元便可以升級任飲啤油、清酒和梅酒,這個價錢,超值! 我們一小壺又一小壺的喝著,非常暢快。肉類放面,有穀飼牛、手切牛、豚肉、雞肉、羊肉任點任吃,款款新鮮,可口。外邊還設置自助火鍋配料,有很多蔬菜、丸類等等,任人選擇。此外,還有一個自助炸物區,客人可以隨意選取食物,並按指引去自製炸物來吃。自家製的當然會更好味啦。甜品方面,有各款味道的雪糕、雪條、雪米糍和泡芙。最後,每位客人都可以獲贈一杯高級美味的Movenpick 雪糕。今餐吃得絕對回本! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-12
1340 瀏覽
成日食hotpot放題, 稻八有個好處係特別地有炸物放題, 阿仔最鍾意有得玩又有得食, 仲keep住serve我地, 十分happy今次我地opt左$208特級美國穀飼牛肉放題, 包2個鐘頭的任食任飲softdrinks (汽水, 茶都好多choices), 仲有沙律同雪糕, 而每個人頭仲有一杯movenpick / hagen daz在門口取~ 十分不錯丫~先拔頭籌, 我去攞丸呀, 金菰呀, 甜不辣咁而阿仔就即走去自制天婦羅蝦先, 見佢每次落唔同味粉咁食, 我肯定佢覺得好玩好食, 而我就like佢幫我炸的魚旦年糕, 自己沾了吉列粉再炸完即食, 一攞起串串就有一陣陣的"熱氣炸味"攻入鼻, 不過我又好鍾意食喎, 共食左四串~ 之後仲試埋日本番薯仔, 甜咁呢... 又甜又粉, 極正~講返hotpot, 包左一碟手切牛, 而其他穀飼牛肉牛, 美國肥牛, 豬肉同雞肉就放題啦~ 手切確係正~ 穀飼牛肉我覺得好過美國的... 而湯底我地叫左鴛鴦, 一邊係當打的冬蔭功毛蟹底, 酸味較重, 濃味湯岩晒老公, 而我同仔即十分喜歡另一邊的昆布湯底, 尤其食菜時仲食到d甜味炸物確係好野, 仲有窗口位坐~ 最尾一人一杯正雪糕作結真好~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-10
1155 瀏覽
要數荃灣區比較抵食、質素幾好、環境又ok嘅日式火鍋店,稻八一定係其中一間,我地都推介過俾唔少朋友。稻八位於荃灣富利達中心,唔算難搵,隔離就係商場。餐廳面積頗大,枱與枱之間唔會話密到郁唔到。琴晚係平日,都估唔到咁多人,我地第一次坐到咁入,haha。呢度同好多火鍋店一樣,以牛肉分套餐,最平嘅美國進口牛肉餐每位168蚊,特級美國特上牛肉每位208蚊,除左無限牛肉、豚肉、雞肉,仲有任食沙律吧、多款自取配料、飲品任飲、雪糕任食。最過癮係自製天婦羅炸物,新鮮熱辣,食足120分鐘湯底8款任揀,包括有豆乳、豬骨、昆布、牛乳牛骨、地獄、沙嗲、壽喜燒、蕃茄。最近仲加左一款新湯底:冬蔭公毛蟹湯底冬蔭公毛蟹湯底幾有趣,佢味道算幾明顯,主要係香茅果種酸酸微辣,未到好冬蔭公湯感覺,但食落好清爽,唔會好重口味得來又幾開胃店員上完鍋底,就好快上哂每樣肉類一份,美國特上牛肉、豚肉、雞肉 (仲有羊肉,不過我地唔食,就俾番佢地),以任食來講,佢地嘅牛肉真係錯,唔會老唔會韌,亦都唔會好似紙皮咁薄,好過好多逐碟收錢嘅火鍋店添啊當然啦,呢碟送嘅手切牛梗係正好多,脂肪均勻,口感有彈性,仲有肉香其他配料任食、自取,款式夠多,補添得快,丸類唔會雪到死實實,蔬菜都好新鮮,我最鐘意油麥菜同秋葵都有呢個天婦羅DIY好有趣,一手一腳製作,炸漿炸起好脆口,唔厚粉,加少少調味粉,又幾好食飲品任飲。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-19
2005 瀏覽
男朋友話好耐無食放題,建議去荃灣試下稻八,有得打邊邊又有得食刺身,價錢仲唔係好貴,去到點菜原來有別於普通日式放題,無我至愛嘅芝麻雞亦(傷心)!但就有男友喜歡嘅牛肉火鍋,試完唔同部位如果鍾意嘅,仲可以再落柯打架!淨係湯底都有8款,我地揀左北海道3.7牛乳骨鍋,奶白色湯底像極魚湯,其實係豬骨精華同北海道牛乳呀,同牛肉很搭,我地揀左$298嘅嚴選澳洲M6和牛盛盒,盛盒包括(排名絕對分先後)牛肩胛肉,和牛胸肉,牛下腹腩同埋牛舌。每個部位其實都好好食,不論雪花分佈,抑或係油脂部分都唔覺得油膩,喜歡吃瘦嘅可以選牛肩胛,肥嘅揀腩位,另外仲有和牛粒,食落口感當然又係唔一樣啦!套餐還包括豚肉片,羊肉片同埋雞肉,個人推介雞肉,雞柳部分非常滑溜,點埋芝麻醬食好夾好夾非常夾!另外海鮮盒亦都非常足料,青口,生蠔,鮮蝦,魷魚,蟹棒,扇貝,象拔蚌!真係多到食唔晒!另外套餐包任食刺身,選擇都有十款以上,較為推介甜蝦,非常新鮮,大北寄貝(少有咁慷慨)同埋櫻花魷魚,好新鮮!除左呢d,非常大食嘅介可以出面自助區揀火鍋配料,數十種款式,還有自助天婦羅區可以整天婦羅,沙律區有新鮮沙律菜,小食區有辣味螺肉等前菜,包有幾款岩你口味。最後最後(真係最後)唔好忘記去甜點區,唔止有甜品,仲有Dreyer’s 雪糕,我揀左期間限定嘅紅豆,其次仲有triple chocolate, 芒果,士多啤梨等,示乎每間鋪頭嘅存貨啦。一晚試左咁多款,個人覺得火鍋質素最好,配料多連湯底都多,真係要食多幾次試下唔同湯底先得。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-25
2338 瀏覽
開心食放題,不開心也食放題,放題係治癒心情的最佳良藥。稻八日式火鍋炸物放題位於荃灣千色匯附近,地點方便,搭地鐵又得搭西鐵又得。店內環境設計好開揚,座位與座位之間好寬闊,給人簡潔舒服的感覺。稻八的放題是可以在任何時間入座計用餐2小時,足夠我們輕輕鬆鬆慢慢食。放題套餐有平有貴,由HK$158的美國自然豚肉片放題,到HK$368的日本國產黑毛和牛盛合放題亦有。我們選了HK$298的嚴選澳洲M6和牛盛合套餐。這裏的火鍋湯底選擇好多,我選擇了北海道3.7牛乳牛骨湯底。湯底送上時已經有數件牛骨,應該真的是用牛骨熬製而成,湯底入口除了有豐富濃郁的牛鮮味道之外,還有香滑香濃的牛乳味道,用來涮牛肉,簡直是相輔相成。先來的是M6澳洲和牛胸肉、M6澳洲和牛舌、M6澳洲和牛下腹腩肉、M6澳洲和牛牛肩胛肉盛合,整個盛合又睇得又食得,和牛油花、紋理都好平均,牛脂不膩,入口香滑即溶。我們食完忍不住叫完再叫,而這店舖亦非常抵讚,以我們加了幾次M6澳洲和牛來說,碟碟紋理口感也同樣出色,唔會好似其他店舖般越食越唔靚,食多幾碟已經回本。極上安格斯牛小排,切得好像手切牛般厚身,口感爽滑,牛味道比較香濃,配上牛骨湯,滋味倍加。羊肉鮮嫩唔膻、美國自然豚肉片爽滑、日本北海道雞片入口JUICY、牛柳粒牛肉味香濃。海鮮盛合好豐富,尤其是北寄貝及象拔蚌好爽脆、蠔煮過沒有縮水而且好厚肉。還有刺身都是任點任食,刺身新鮮,片片都是立立令的。馬刀貝及北寄貝爽脆、劍魚及三文魚及油甘魚肥美、帶子及甜蝦及櫻花魷魚都好鮮甜好爽滑。這裏好特別,有得自己動手炸天婦羅,唔駛驚自己唔識炸,因為佢有電視教學,跟住佢做,好容易就學會,真係有得玩有得食。炸完之後,仲有好多好好味的調味粉,加埋我至愛的孜然粉同地獄辣粉,整成我自己獨一無二的天婦羅,估唔到連自己炸都可以炸得好有水準。最正的是炸芝士蛋及炸芝士丸,炸完之後芝士流心,外脆內軟。還有一大個位置擺放了自助食物,例如: 飲品(不同罐裝、紙包、自製果茶等)、甜品、冷盤(例如八爪魚、螺肉、沙律菜等) 、蔬菜、丸類等等。總之就各式其式,食物種類之多,實在要好多個胃先可以款款試勻。 繼續閱讀
(以上食評乃用戶個人意見 , 並不代表OpenRice之觀點。)