稚

營業中

休息中

同朋友經過見到呢間店面非常日式嘅鋪頭, 朋友話原來新開左冇耐, 而且好抵食😁我哋兩個人食, 叫咗吉列豬扒同原條蒲燒鰻魚, 另外各自加咗$20轉做定食, 包括味增湯, 珍珠米飯同埋茶, 另外再叫多咗個厚燒玉子😋埋單先$220, 真係超級抵食!!👍🏻👍🏻吉列豬扒炸得非常鬆脆, 而且切得好厚, 所以入面仲keep到鮮嫩嘅肉汁😋唔錯唔錯蒲燒鰻魚亦係好juicy, 肉質嫩滑, 入口即化, 而且好都幾大條, 性價比真係好高😁

小店式經營，裝修簡單，開放式廚房一目了然。門口放有兩張長凳，係比等位嘅客人坐😊。🔸鹽燒鯖魚$52加定食+$20（有味噌湯、珍珠米、茶）轉貓飯+$10聽個名好有趣，到底係咩黎呢？原來即係珍珠米加紫菜、木魚絲、醬汁同埋牛油，店員建議先撈勻才食 ，別有風味👍🏻鯖魚沒有一點腥味👌🏻，外皮燒得很脆 ，肉質結實。🔸蜜糖香烤雞扒$50轉定食+$20（有味噌湯、珍珠米、茶）雞扒頗大塊，皮薄肉厚、鮮嫩好juicy💦，淡淡的蜜糖、清甜而不膩😋🔸日本定食都會跟味噌湯🥣，這裡有好多粒豆腐及菇，味道清甜不會咸👍🏻🔸章魚小丸子$38好多木魚絲及紫菜絲鋪面,咬落口感微微漿口，不會油淰淰， 味道亦都唔錯👏🏻店員禮貌很好，價錢又平民化，怪不得用膳期間人客缘緣不絕， 有人排隊等位😘

行過見到呢間係元朗民居附近嘅居酒屋已經覺得好有和風嘅感覺，格外寧靜，又真係有睇孤獨的美食家個種餐廳嘅FeelMenu好貼心咁放咗係外面，方便路過嘅人睇下有咩啱食！一望價錢就知呢間係平民餐廳，唯一過$100嘅得原條鰻魚料理，抵到爛！食物種類唔算多，但全部都係好熱門嘅菜式！真係好吸引呀內部唔算太大，大概只有5、6張枱。人手清一式男人，互相熟悉嘅工作人員唔會過份熱情，但係有一份親切感。不過要留意返冷氣唔係好夠凍，食到滿頭大汗小食叫咗雞泡魚乾（$42）水準唔差！係好滋味，食完仲想食嘅小食份量適中，對得起個價！鐵板金菇肥牛（$44）無法想像呢個咁有份量嘅定食只係$44，仲要係味道非常好！野菌麵鼓湯好清甜，好飲。肥牛金菇好入味，火候控制得好好！另外叫咗一個原條鰻魚嘅set（$106）真係好大條 鰻魚厚肉高質！不過醬汁略微多咗少少，食到後期有啲咸，建議落單嘅時候叫佢落少啲醬料值得一提嘅係貓飯（+$10）有木魚、紫菜同埋醬汁嘅貓飯超好味呀！值得一試！另外再叫咗一瓶波子汽水同埋柚子梳打柚子梳打好好飲！好特別

今日瞓晏咗，咁就早午餐一齊食， 食多啲啲😆"稚"係由一班年青人主埋，坐位唔算多，平時放工行過，都坐滿晒人，由其假日在店出面排排坐等位😆 唔使諗坐低叫個鰻魚定食，同雞泡魚乾❤-🍱$72.00+$10.00貓飯~鰻魚幾大份， 鋪滿醬汁，沒有細骨，肥美👍🍚入面有牛油，紫菜、木魚多多，食之前撈均佢，口感豐富😌-🐡$42.00~非常香口，有咬口👍👩‍⚖定食由$46.00起，食物用心製作，支持💪🏼💪🏼💪🏼

入元朗搵朋友食飯，6點幾就食飯。鋪頭門面都好日式。蒲燒鰻魚（原條）$102一見到鰻魚飯上枱真係打個凸，不單止原隻鰻魚，仲勁大條勁厚身。加$10可轉猫飯，猫飯有少少醬汁仲加左大量木魚同紫菜絲，飯係珍珠米黎家。大阪燒$68因為即叫即整，要等一陣，一上枱就見到勁多木魚郁下郁下，仲有勁多紫菜同椰菜都勁多，反而個漿少左，所以比較散，唔易夾起仲叫左3串串燒，雞肉串（$18）雞翼串（$10）雞軟骨串（$18）雞軟骨鹽燒既唔鹹岩岩好，雞肉串加了燒汁甜甜地連京蔥都好好味，雞翼串落左胡椒野味。

放工後和朋友來到位於朗屏站附近的稚，一間由年輕人經營的小食店。店內牆上掛上數幅畫，環境不大，但感覺舒服自在，座位都不會感到擠逼﹗滑蛋吉列豬扒定食:滑蛋在飯上面，所以飯較為濕潤。豬柳沒有肥肉，吃起來亦唔會很乾身。洋蔥鮮甜又淋，口感豐富﹗定食+$20是有送埋味噌湯、珍珠米和茶～味噌湯內有豆腐粒、冬菇片、蔥花，飲落都不會太鹹。豚肉生薑燒定食,轉貓飯+$10:出名的貓飯是用珍珠米加上牛油/紫菜碎/木魚碎而成，上枱時有提我們要先攪拌才好去食。紫菜碎和木魚碎吃起來成功令口感和層次豐富了，別有風味﹗豚肉生薑燒醬汁惹味開胃，配飯一流，旁邊蔬菜絲很新鮮爽口﹗小食雞泡魚干烤得焦香，有咬口。有沙律醬在碟邊，可以醒胃﹗

呢兩個星期，元朗真係靜左好多。但其實元朗仲有好多溫情小店等緊你去試你去食一餐飯,其實唔只食個味道,好多細微位拼湊埋一齊, 你就會睇到間鋪頭有無heart稚就係好多樣細微位都做得足嘅小店。一坐低，叫完野食，望到牆上面幅畫，有趣有趣。 一幅畫有齊one piece，龍珠，男兒當入樽等等 嘅動漫人物中間有個【稚】字，哈哈，呢D咪就係playfulness 囉 成個環境，比人好舒服嘅感覺，雖然檯唔多，但比起好多小店黎講，面積算大，唔會坐得逼。好啦，講反D食物，每個定食無論調味同擺盤都恰到好處。蒲燒鰻魚(原條) 定食鰻魚有手臂咁長，鋪滿燒汁。完全冇細骨，麵豉湯做得好好，唔會太鹹，入面有D細細嘅菇同蔥花。個貓飯就姐係珍珠米加咗牛油/紫菜/木魚碎，令到成個口感同層次豐富左，記住要撈勻先食啊！呢D又係心機位黎，蔥花，紫菜要切啊，剪到幼幼，口感先會好。【稚】呢D心機，認真加分而個咖喱雞扒飯呢，D汁同配料都夠曬多，有薯仔，有紅蘿蔔，撈到底都夠汁，要讚一讚佢地處理肉類係做得相當唔錯，雞肉好滑，下次一定要試埋距個吉列豬扒！最後 D 串燒，分別有雞軟骨，雞翼，同豬肉串 （全部鹽燒）整得幾香口，BI 最鐘意個雞翼

><諗住晏少少嚟 唔洗點等位成8點幾9點 都有座上客蒲燒鰻魚($102/原條) 轉定食+$20 手臂咁長嘅鰻魚 鋪滿燒汁呈上魚身軟腍 冇咩細骨 一啖接一啖轉貓飯+$10店員提醒要撈勻先食加咗牛油/紫菜/木魚碎喺飯到山賊豚肉燒($48) 轉定食+$20 個汁食到係有黑胡椒味 好下飯豚肉切成條狀爽口 洋蔥炒到腍晒雞泡魚乾($30)以味醂醃製後烘乾甜甜哋有嚼口 適合當下酒小食><><><><><><><><><稚元朗俊賢坊18號權益大樓3號舖

廿幾歲人都未食過大阪燒，係門口望到廚房整緊，仲傳來陣陣炒野嘅香味，就決定入去試下。入面掛滿咗動漫角色的畫，再播住動漫歌，全部店員包括個廚都係後生仔，成間舖都感受到日本式嘅熱血！入正題：大阪燒 ｜雖然等左一陣，但上菜個時啲木魚仲郁下郁下，最中意即叫即整，熱辣辣最好食。椰菜好新鮮爽口，唔會煮到淋曬，醬汁都好夠，酸酸甜甜仲有沙律醬撈埋真係好好食。個餅底煎到好香脆，估唔到大阪燒咁好食～滑蛋豬扒定食 ｜滑蛋滑而唔會實，洋蔥鮮甜又淋，豬扒香軟又厚，本身炸皮好脆但被蛋汁浸淋左小小～定食有送埋麵豉湯架～經過朗屏呢頭一定會再黎食！

為免人多和等位，因只有兩張4人枱和3張2人枱，所以中午12點已到達，選了「山賊豚肉燒定食」$58，詢問店員山賊是甚麼，原來是黑椒喜歡這個山賊豚肉燒，黑椒汁惹味而不辣，豚肉也不錯，又好送飯，所以吃掉整碗珍珠米飯🍚這間走低調的日式食肆小店舖，坐落於盲人輔導會附近，雖說於朗屏站步行約4分鐘，但不熟悉，也不容易找低調在於店舖落閘後，完全看不到招牌，當閘捲起營業時，才看到店舖名「稚」，所以慕名前來的食客，可先在開飯食評中了解它的位置或參考Google地圖

住係元朗廿幾年，大部份餐廳都已經嚐試過，有種感覺開始食黎食去都係果幾間舖。近幾年因為多左好多樓又多左好多人入黎住，所以飲食生意都大有可為，亦都鼓勵左好多小本經營既食店揀係元朗創業。 今次黎到呢間可能經過都唔會留意到既舖頭，叫稚。第一印象，稚，會諗起小朋友，的確，呢間食店係由幾個年輕人創業而來。門面冇豪裝，又冇大大個燈箱招牌，只有一種温暖舒服既臺色風格。煎雞扒配貓飯$60，套餐配白飯，轉貓飯加$10，雞扒上檯時熱氣攻天，皮脆肉嫩，咬下肉汁四濺，醃料不鹹，吃得出下了一番苦功練習，貓飯配以紫菜絲和木魚同吃，少許汁醬，容易入口，味噌湯略嫌失色，感覺似粉開出來的湯。豚肉生薑燒配貓飯$68，生薑燒火候不夠，唔知關唔關只係用平底鑊炒事，汁水略帶過多，薑味尚算突出，可以一試。

Today went to work at Long Ping Then just passed by the restaurant and have lunch there I ordered a honey chicken rice Super yummy. The skin of chicken is crispy while the rice is soft with some butter on it I finished the whole set quickly Next time will come to try again 🥰

1) 鰻魚定食味道不錯以這個價錢來說 算抵2) 豚肉生薑燒定食 轉貓飯味道一般 偏油貓飯感覺只有加了點醬油和紫菜要加$10 就不值了餐廳環境較狹窄位置也不多不時也要排隊要注意

約咗朋友去元朗做gym，喺朗屏附近，發覺呢間日式定食，環境都唔錯，睇下menu 選擇唔多，但有我喜歡嘅青魚定食！我哋入到店內，只得一個女侍應 ，侍應立刻上前招呼， 我點了一客青魚定食，而我朋友就選了吉列豬扒。加咗十蚊轉了貓飯，貓飯是什麼？有木魚花加紫菜碎加牛油，做成一碗有味飯，食落味道唔錯！鯖魚沒有腥味，外皮燒得很脆 ！吉列豬扒厚切， 夠脆但係唔係好油膩， 豬扒味道 一般，普普通通。反而面豉湯好夠水準，裏面有很多細細嘅菇類， 佢面頭有些蔥花，如果唔食蔥嘅朋友，記得預先通知。

和同乾食午餐，平時呢間貓飯會排晒隊，今次見少人d大家決定食呢間。我點了個燒豚肉加$10轉貓飯。豚肉燒得有少少脆口，它特別幼身，有少少豬肉條的感覺，但仍保留到肉汁。內層有燒汁包圍著，吃著吃著覺得味道很不錯！而且它份量都算多，一個男人都好夠食。另外，要讚一讚的是個貓飯，值得加$10轉的。入面有大量木魚、紫菜，更重要的是有一舊都頗大舊的牛油。撈在一起起，不但口感有層次，味道又有牛油香，又有紫菜和木魚的味道，不知不覺就食完一碗飯！下次會再來