稚

營業中

休息中

約朋友食飯，朋友推介「稚」，喺西鐵朗屏站行幾分鐘就到，地點方便又容易搵。餐廳不設訂座。餐牌只得兩頁，但樣樣都想試，最後點了五款：浦燒鰻魚半條，加錢轉定食(有麵豉湯、茶、同埋珍珠米飯)，珍珠米就轉貓飯(有牛油、日式醬油、紫菜、同木魚碎嘅撈飯)，酥炸生蠔（兩隻），大阪燒一份，仲有一串汁燒豚肉串，同埋一串一口和牛串。浦燒鰻魚好厚肉，鰻魚汁好和濃，配埋貓飯一齊食好夾好好味。大阪燒好有份量，中間係大量椰菜，撈左粉漿底面煎到香脆，再加上沙律醬，日式醬油，紫菜同木魚碎，入口香脆可口，加上口感清爽嘅椰菜絲，口感味道豐富，有層次感。炸蠔外脆內嫩，最啱配沙律醬一齊食。汁燒豚肉串醃得好入味，豚肉亦好夾口唔黐牙，配埋大蔥一齊食好香！和牛串亦好入味，燒嘅時間剛剛好，保肉嘅嫩滑肉質，唔會過熟。

好想推介依間小店👍🏻係元朗朗屏地鐵站附近店舖細細間座位大概20人左右企理乾淨👍🏻或者因為係小店所以服務員都招呼周到整體感覺唔錯👍🏻👍🏻👍🏻價錢非常大眾化50幾蚊一個午餐已經好抵食有主菜，湯，同埋好特別嘅@貓飯貓飯係有紫菜同一啲調味料撈埋然後先食更加開胃👍🏻👍🏻👍🏻鯖魚套餐賣相、擺盤都好有誠意😊鯖魚都熱辣辣，好味！👍🏻餃子雞翼依個真係可以推介👍🏻皮脆、特別係餡料有少少辣😁所以食落出乎意料好味！

又星期五晚上，兩個廢老近日都冇咩意欲出去開心搵食，但仍是要生活仍是想生存，所以苦中一點甜，再繼續搵下發掘屋企附近有咩小店支持下啦入到店，男友見到一幅二幅動漫就輕興奮起黎喇, 仲一眼認到店幢裡面其中一張畫係全部動漫壞人大集合添, 果然利害唔到我唔服架真係.男友點嘅 - 滑蛋吉列豬扒定食 $50每個定食分別都各跟一個飯/一個麵豉湯/一杯茶。留意到幾乎每枱都會轉貓飯, 就問下店員，原來就係加左日式醬油混合埋牛油做嘅醬汁，加埋紫菜木魚嘅拌飯。男友好滿意，食嘅速度快到以為佢餓到傻添滑蛋豬扒一向係低伏之選，呢間豬扒估計都係即炸嘅，食嘅表面仍然香脆，滑蛋洋蔥醬汁微甜，好送飯，唔錯！麵豉湯面有少許蔥花同幾片菇，用嘅應該係白麵豉，冇紅麵豉咁鹹。我點嘅 - 蒲燒鰻魚定食 (半條) $66 鰻魚都算肥美，燒得剛好，入口都幾軟滑，雖然呢個價錢就唔可能要求好高，唔會有咩焦香，但係呢個合乎價錢同質素要求。串燒 - 雞肉/豚肉串同和牛串燒嘅火候時間控制得唔錯，熱度平均，當中最鍾意係雞肉串，用京蔥隔住，兩者都唔會乾，仲好juicy 添！綠茶可樂 $22 - 個外觀好靚好復古，可惜飲落冇綠茶味，有些少失望，一試無妨囉叫

雖然離我家很近，但我還是第一次來這邊覓食。這間稚的門面很有日式的感覺吸引了我。全條鰻魚 $106, 想改定食只需加$20, 另外想試試未見過的貓飯，也加了$10。全條鰻魚很大條，骨也大部分處理了，食得很輕鬆，魚肉很嫩滑，又充滿魚香，好食！貓飯很有趣，有一塊牛油在飯中心，攪拌之後充滿牛油味，很香，加上紫菜碎和木魚碎等等很特別。大阪燒$78貌相不錯，底部的椰菜絲很多，因為大阪燒的醬汁和沙律醬都很濃味，椰菜絲剛好作出一個好好的平衡。酥炸生蠔 $24外脆內軟，炸得非常不錯，好食！意想不到小小的店都有如此心思，有點驚喜呢！

今日揀左平日1800岩岩晚市一開始既時間去，2個人安排左坐張4人枱，夠哂鬆動。坐左陣就開始陸續有客人入尼了。今次點左:流心芝士年糕$24鯖魚$52 +茶漬飯$28豚肉生薑燒$52 加定食轉貓飯+20+$10流心芝士年糕😋😋非常之好食，唔油膩，皮好薄脆，年糕同芝士溶為一體😋鹽燒鯖魚配茶漬飯😋鹽燒好顯得出魚味，皮燒得香脆，整體唔錯。茶漬飯個飯本身已經有調味，加茶撈埋木魚同紫菜一齊食就可以了。豚肉生薑燒配貓飯🐱第一次試貓飯，原來係飯入面有牛油，醬油，木魚同紫菜撈尼食。平平白白既珍珠米加上左色彩，又幾得意喎🙈🙈豚肉燒比較重生薑味，帶微甜幾開胃，送飯一流。元朗比較少呢類日式家庭式料理，而且係由幾個年輕人主理，值得支持👍🏻😉😉

今日和朋友約咗喺元朗食飯聽聞呢間日式和風料理是一間隱世的平民街坊價小食見到呢度店鋪需小卻五臟俱全見到呢度午市定食價錢相當實惠仲附送珍珠米，味㬝湯和煎茶追加自製糖心蛋都只是10塊錢呢度仲有三個學生餐都非常之抵食呀呢度仲有唔少嘅日式炸物小吃照燒鰻魚定食個套餐最特別之處就係剩係得呢個飯有其他配料個飯係有紫菜同其他配料撈埋一齊味道會比較濃吉列豬扒定食個豬扒超級脆身呢度真係唔錯呀下次要約埋其他朋友仔嚟試吓先

又再和大家分享「稚」的美味出品-🍯蜜糖香烤雞扒$55和友人各叫了一客，由於是現叫現做，需時約15-20分鐘，故建議預留多點時間等待⌛️在門口位置，可隔着玻璃看到廚師的烹調👨‍🍳。那兩塊雞扒就擱在一個小型烤爐上，慢慢地進行香烤，廚師在適當的時間，會翻轉雞扒...，最後，將蜜糖加在扒上，切成一件件上碟1.大件的雞扒呈現眼前，夾一塊有皮的咬一口wow😯，有驚喜，想不到雞皮是薄脆的，好味😋2.飯裏淋上燒肉汁當然也是好味，或許是因雞扒沒有芡汁原故3.喜歡這店調配的麵豉湯，味道比一般的淡，就是喜歡不鹹，湯裏還有我喜歡的丁方豆腐

位於元朗依間稚門面毫不起眼, 不過一向細心的我留意到門口餐牌係食日式飯類 餐牌只有兩頁應該想做到貴精不貴多, 同老公點左鹽燒鯖魚 + 滑蛋吉列豬扒 , 當然要加$20要定食啦🥢鯖魚定食最吸引我係個飯, 上面鋪滿好多木魚紫菜! 茶漬另上! 鯖魚煮得剛好, 送飯一流, 面豉湯入面有材料有心思, 味道唔咸好飲🥢老公的滑蛋吉列豬扒定食, 蛋名副其實非常滑 , 而吉列豬扒唔會炸到硬身咬落好有口感, 配埋滑蛋同甜甜地嘅醬汁輕鬆就食完一碗飯最後點了章魚小丸子🐙食到入面的章魚粒, 真材實料 , 有咬勁唔會得團粉! 諗起都好想再食 !

一向個人都好喜歡去小店食嘢 因為貪佢人少少人情味十足 今日經過元朗嘅呢間稚 名副其實嘅小店 店內只係有十多個座位 而且廚房都係非常開放式 可以邊食嘢邊欣賞師傅嘅手藝首先叫咗個滑蛋吉列豬扒飯 吉列豬扒厚身 而且比滑蛋包圍住都仲好香脆 咬落鬆化仲有肉汁爆出嚟 蛋漿有醬油嘅味道用嚟撈飯一流 而且飯量極多 男士食都夠飽肚豚肉生薑燒豚肉片得好薄係豬頸肉 加入薑同埋洋蔥十分惹味用嚟送飯一流 加錢做轉咗貓飯上面有紫菜柴魚同埋牛油食落好香口餃子雞翼 雞翼去骨 入面包入明太子再拎去炸 成隻脹卜卜啖啖肉 令人食唔停口

今日遲左收工，一於喺男朋友屋企附近醫肚。行行下見到間日本定食餐廳，價錢又唔貴就入左去試下。入到去果然人如其名，都係啲後生仔主理，所以店入邊有我喜歡嘅龍珠壁畫。我地每人嗌左一個定食，同加左兩個小食。我就嗌左個蒲燒原條鰻魚定食，跟貓飯。男朋友就嗌左個豚肉生薑燒轉茶漬飯。🍵首先講下啲配角先，麵豉湯有別於出面其他舖頭只用豆腐同昆布。呢度落嘅係雜菇同豆腐，所以個湯比較清，因為啲餸嘅味道比較濃，所有呢個湯就變到好襯啦。🍚貓飯就係紫菜加木魚再淋上佢地嘅醬油。而茶漬飯就豐富得多啦，有紫菜木魚同好似百力支嘅脆脆，再加埋個暖茶，真係好好食。🐟鰻魚我嗌左原條，好似貪心左小小😂暖後要男朋友幫手食，我嫌佢個汁甜左小小。🐖生薑豚肉好好食，好香薑味，而且佢唔會好辣加上切到好幼，就算會到都唔會反感。小食方面，佢個炸蠔真係無·得·輸👍🏼超好食，佢個外皮好鬆脆，但咬開隻蠔好多汁同好鮮甜，真係絕對必食。另一個小食就係我喜歡嘅餃子雞翼，有小小辣味，但因為個餡比較少，一啖就食左。但雞肉都好嫩滑多汁。最後加埋佢杯綠茶，呢一餐就完美落幕，好滿足😊

平時絕對無乜機會入黎朗屏，但今日入黎做野，就順便係附近行下有咩食。晚上九點，朗屏西鐵附近大多都係打冷小菜，但同朋友得兩個人，實在吃不下太多東西。行前兩步，發現呢間門面有點隱秘的「稚」。入到門口，我終於都明白點解佢叫依個名。佢係行日式居酒屋風格，但入面掛住好多唔同動漫既插畫，的確係稚氣十足，哈哈。簡約既餐牌，我地叫左兩個定食，一個係原條燒鰻魚，我就叫左鯖魚，然後加錢轉左貓飯。原條饅魚定食真係好巨型！好少可會有地方咁豪爽可以食到咁大條既饅魚，而且加埋定食都只係一百頭。可能只有小店先會搵到呢種價錢。饅魚燒得唔錯，有個重點係佢好少細骨，令人食得好舒服喔！鯖魚定食呢樣係日本最家常會見到既定食套餐，亦係我最鐘意既一款。魚燒得不錯，油脂逼到出黎，無過熟，唔會乾。用黎配飯食相當不錯呢私心認為值得一提呢個貓飯，佢係加左紫菜，木魚絲，少許日式醬油同牛油既飯。係店員推介我可以轉既，果然係不錯。個飯其實就咁食已經好滿足，如果可以再多d牛油一定好正蜂蜜芥末雞翼30幾蚊有4隻，價錢算合理。佢將雞翼中間切開左，煎到好脆。面頭個汁好正，係比較重芥末味既蜜糖芥末汁，而家諗返轉頭叫個雞翼加碗貓飯應該都幾開心。衷心希望香港

依間小店位於朗屏站附近，喺天橋落嚟既轉角位就見到。要注意小店6點先開門，太早嚟到就要等一等喇。Menu 好simple ，得2頁，可以揀既嘢食都唔多，不過偷睇到店主用既油，燒肉汁嗰d都係日本貨，dup本丫我地叫左個鹽燒鯖魚加左20元變定食再加10元轉左個貓飯原來貓飯即係木魚加紫菜再加日本醬油同重點，牛油！！！未食過飯會加牛油，店員好細心咁叫我地撈埋去先食，竟然係好食，好有口感加埋清清地既靖魚，好食！未食過牛油飯既朋友要試下，幾得意係邪惡d😅蜂蜜芥末雞翼店主係剪開嚟燒，分別進食同入味d，即叫即整，新鮮！個人認為依度個大阪燒可以媲美日本食嗰啲，首先佢既粉唔多，第2d 菜好fresh好甜，醬汁好夾好好味，又新鮮又多口感，好食！個人認為要支持一下幾個後生仔開嘅小店，同埋佢哋真係用心整嘅，二食物質素都幾好食淨係嗰個大阪燒我諗我都要再返轉頭食多次！

間店成日要排隊先食到，同好朋友決定放工做完運動等晏少少、人少d再去幫襯。9點都爆場就知間野好堅。味道一流、價錢親民，師傅原來半島學廚出身，難怪咁好食🤤咖哩吉列豬扒$48 我地加埋套餐揀埋貓飯，有埋味噌湯同熱茶都係加多30，咁高質既定食都唔過八十，真心抵食。咖哩好食既原因係原來有落蘋果蓉，豬扒炸得好靚，下次黎會再叫😍蜂蜜芥末雞翼$40個汁好正🤤甜甜地辣辣地加埋居酒屋串燒味，肉質嫩而唔乾，小食都咁用心，佩服！晚市仲可以order 大阪燒$78極好食，d椰菜絲好爽，面再鋪左煙肉，大阪燒勁高勁厚勁大份，但菜完全係生既菜青味，火候掌握得超級好！最後，想講裝修好熱血青春，好多海賊王同數碼暴龍既figures 同畫，加上播既輕快日文歌，成間店都好有feel~

“稚”係元朗嘅人氣日式料理店，即使天時暑熱，店外都不泛人龍！豚肉生薑燒定食$58+貓飯$10豚肉絲炒得焦香，外脆內嫩，配埋大量香甜嘅洋蔥，非常下飯！貓飯係加咗木魚、紫菜、醬油嘅伴飯，味道比牛角飯更可口，基本上唔夾餸，齋食貓飯都夠晒味~午市定食奉送麵豉湯，麵豉味濃，亦有不少菇類，如果落埋豆腐，味道會更柔和、更佳。鰻魚定食$72肥美鰻魚超大件！冇骨又夠軟滑，鰻魚汁夠濃，配白飯一流。美中不足就係冇派飛等位，食客又冇順次序排隊，純靠店員記性...

忙左成個星期終於有假放啦😵自從中學畢業之後本身熟絡既中學同學都疏遠左😞甚至搬左去其他地方住😢所以難得相約必定好好珍惜見面機會☺️是日特登入元朗同好耐無見中學朋友相聚🤪適逢行經佢屋企附近呢間日本餐廳不錯吃🇯🇵🍴而且有店員門外既熱心招待😆以及充滿日式風情既門面☺️🇯🇵還掂早到左未夠時間仲等緊中學朋友🙇🏻‍♂️一於黎醫下肚食下小肥至愛先😆位於元朗俊賢坊既稚🇯🇵喺朗屏站B2出口行過黎亦算就腳方便😆呢度環境以木為主既設計🙈周圍掛滿唔同日式風味既擺設同埋布簾😆以至牆上一幅幅海賊王數碼暴龍等日本經典動畫既海報甚有心思與特色☺️如在牆上掛滿著各款食材名既價目牌就更加地道了☺️🇯🇵十足居酒屋風格😆🇯🇵店員亦好熱心體貼地招待😆氣氛亦配搭高質素既日式料理😋🍴另外價錢經濟實惠既午市定食🍱亦吸引到附近唔少學生哥哥姐姐既捧場🤪👦🏻🧒🏻吉列豬扒定食配咖哩汁午餐另外會包埋麵豉湯及珍珠飯😆吉列豬扒即叫即炸夠哂新鮮熱辣🤤🐷外脆內軟唔厚粉既感覺令人大讚🤤🔥配上香甜奶滑足料肉香既日式咖哩汁亦垂涎三尺🤤小肥好奇滿載轉左個貓飯一嚐🤤😺以木魚、紫菜、日式醬油及牛油配合珍珠米拌食🤤充滿口感之餘充斥有油香🤤邪惡又叫好😈🤤🐷🤫另外追加既溏心蛋亦夠