稚

營業中

休息中

今天到了一間元朗日式小店，店內裝潢富有簡約日式風格。而且牆身有一幅很大的掛牆畫，全是兒時動漫的大集合，童年回憶番曬嚟🙌🏻😆是日點了一個Set Lunch 《汁煮豬軟骨定食》，包括有：茶、麵豉湯、豬軟骨定食～豬軟骨軟綿容易入口，咀嚼一點也不費力，仲有種入口即溶的感覺，簡單得來味道亦很好。另外價錢雖然相宜，但份量很足夠，即使男仔也一定夠食；麵豉湯有少許蔥花、菇片🍄、豆腐粒，鹹度也適中；最後飲埋杯茶，份量剛好，很不錯的午餐，讚喔👍🏻

呢間餐廳之前已經食過兩次，雖然對我黎講都幾遙遠，但係覺得好食既小店，可以重複幫襯😚-🔹鐵板金菇肥牛($44)呢份係男朋友既，本身仲諗住咁普通🐮點知味道好好喎！調味好好，用黎送飯好正，肥牛燒得岩岩好唔會太過韌👍🏻卷住金菇爽口，仲碌碌都大大碌，口感超好🤤🔹山賊豚肉燒($52)平時都食得豚肉生薑燒多，配山賊都係第一次食😳醬汁就同平時差不多，係少左薑味，但燒得又幾好，唔會太多汁太濕👍🏻山賊以為會好韌，點知熟度剛剛好好彈牙，同豚肉好夾😋個味道好岩送飯👅▫️全部日本料理類別可以+$20轉定食🍚定食有味噌湯、珍珠飯、茶，我自己個碗飯就再+$10轉貓飯🐱鍾意啲飯素+牛油撈飯😝-🔹串燒($18)見串燒都唔貴，叫左三串(豚肉/雞肉/和牛)🍢我地揀左汁燒，串燒都好驚喜！我發現佢地掌握肉類既熟度做得好好，尤其豚肉！爽口😋

好耐冇出街食飯，收工近近地見到呢間日本定食餐廳好吸引，價錢又唔貴，就入左去想試下。店入面好細，位置唔多，但非常有日本既感覺，而且有好多動漫既海報同拼圖。我同朋友分別就叫左個鰻魚定食同和風吉列豬扒茶泡飯。首先鰻魚我真心大大推薦，魚肉入口即化，完全冇骨，燒汁好夠味，真係拎人一啖接一啖，停唔到！吉列豬扒完全唔會柴，好多肉汁，加埋沙律醬，好好味。因為和風醬汁，比較濃味，我就加係啲飯到中和反！最後甜品，叫左個炸芝士年糕，新鮮炸出黎，熱辣辣上菜，好香濃芝士味啊。

元朗有很多日本料理餐廳，但是像稚這樣做定食的卻好像不多(?)內在環境不太大，裝修簡約，給予人一種樸素、貼地的感覺。由於我們6時多就到了，所以不用等位店員有禮貌，並簡單為我們介紹了餐牌。我們二人點了浦燒鰻魚(原條)加定食和豚肉生薑燒定食(轉貓飯)，還有厚燒玉子。浦燒鰻魚(原條)定食包括麵豉湯、飯和水。浦燒鰻魚(原條)非常足料，而且沒有骨，認真「啖啖肉」呀看見餐廳其他客人也有點這一道，看來是挺受歡迎的!另外還有豚肉生薑燒定食，我選了把飯轉成貓飯。貓飯這名字十分有趣，對日本文化不太熟悉，所以第一次聽這名字，原來貓飯是飯加了木魚和紫菜，用來下飯非常開胃，讓人一口接一口!主菜豚肉生薑燒也很好吃，肉的肥瘦適中，不會太油/太乾!還有小食 - 厚燒玉子除了基本的雞蛋，還添加了沙律醬、紫菜和木魚，味道很特別，玉子做得很滑，而配料則令這一道很有章魚燒的感覺。推介!!大滿足總結，稚真的有隱細小店的感覺，而且價錢也不貴，推介各位試試哦!

今晚送完女友返家。見有小小肚餓。週圍搵下有咩小檔未關門。行過一個角落位。但有對住大街的舖位。入到舖頭內。五臟俱全。舖內細細。雖然開放式廚房。但油煙味絕跡。豚肉生薑燒-豚肉本人都十分喜愛。但從來未食過這種煮法。香口爽滑。入口口感咬感甚強。味覺得填補飢餓的食慾。肉質彈牙。再加上其他配料更添美味七味唐揚炸雞-初初諗住點款菜式。主要因為係個名吸引到。但食左之後。有個驚喜。因他不是一般炸雞。是配合了不同材料混合。再點小小沙律醬更配合雞肉入口鬆軟無比。肉汁湧出。肉香無窮。

從小到大，我對日式定食就有種不解的情意結，一方面除了是因爲它們的擺盤很精緻吸引外，另一方面也是因為裡頭的食物充滿家庭風味，讓人們在外用餐也能感受到家庭的溫暖。·這天「定食癮」又發作，我便找來區內一家頗具名氣的日式小店—「稚」。據悉「稚」是由兩位「90後」的年輕人經營，店內大小事務均一手包辦，親力親為。它就在朗屏西鐵站附近，從B2出口離開後往俊賢坊方向步行約數分鐘便能抵達，非常方便。小店門面充滿日式風格，門簾上有一個大大的「稚」字；店裡佈局設計簡單，卻予人一種家的感覺，份外暖心。牆壁上更掛有不少動漫畫，格局雖小，卻處處表達出家的感覺。.餐牌上的定食款式蠻多元化，而且定價不高，相當親民，從魚肉、豬肉、雞肉到牛肉都應有盡有，定必能滿足不同食客的需要。至於非肉食者也有素食的選擇—「蒜香雜菜炒野菌」。作為鰻魚控，我當然想也不想就點了蒲燒鰻魚定食，並額外加錢將白飯升級為小店的招牌名物—「貓飯」。·等了一陣子，店員便為我送上定食。定食裡有半條蒲燒鰻魚、一大碗貓飯、一小杯味噌湯和熱茶，來至我面前時都仍飄著縷縷輕煙，熱呼呼的，值得一讚。·鰻魚表面灑滿醬汁，醬汁的甜度恰到好處，不會過甜，與飯搭配起來食用剛

一間以日式便當作主打的小店，餐廳的裝潢以日本動漫作主題，有種熱血的感覺。餐單選擇不算很多，但樣樣都非常吸引，總有一款喜歡的。鯖魚+加$20轉定食，就可以加贈味噌湯、珍珠飯同茶。見同場的其他食客都有增配，看來是必食的！ 味噌湯不像是其他食店那樣，是沖出來，裡面的配料也很不錯。鯖魚有整整半條，燒得很香，亦做到皮脆肉嫩的效果。另要稱讚一下加了$10的猫飯，在珍珠飯的基礎上，加了紫菜、木魚和油香，令到味道口感都得到昇華。另外友人所叫的豚肉生薑燒，分量非常大方，豬的位置亦用了港人很喜歡的豬頸肉。加$10的溏心蛋是必點！醬油的鹹香完全滲透蛋的本身，半熟的流心蛋黃，加上鹹香，出乎預料的佳品。小食方面，點了雞肉串和一口牛。相較之下，一口牛比較出色，肉質鬆軟入味，一口的size亦相當細心，避免食相狼狽。總結來說，小店性比價很高，價錢不貴而食物質素亦很不錯，是用心經營的餐廳，美中不足是位置不多，7點左右就要開始排隊了，所以要光顧要襯早了。

今日同屋企人嚟到呢間日本菜小店食晚餐， 6:00嚟到，已經有唔少客人，食到尾，增加有人等位添，睇嚟口碑唔錯。講返食物，我叫咗全條鰻魚定食，鰻魚好滑，又夠大條，配上麵豉湯同珍珠飯，絕對夠飽。另外，仲叫咗和風牛肉定食，好似相入面咁，牛肉極多， 10分抵食，加咗$10試吓貓飯，配上紫菜同木魚，口感一流。然後，仲叫咗個小食，蜜糖芥末雞翼，芥末味甜甜辣辣， 10分開胃，而且雞翼切開一半，好易咬。最後，講下環境，清靜，而且服務質素好，值得再來。

總是對日本既食堂抱有一種好奇 店外永遠都會有一塊布然後入面坐著食客同開放式既廚師 呢度感覺好和諧☺️ 今日係元朗行完街 見到有一間好似日本食堂感覺既料理 係門口有水牌 原來係日本🇯🇵定食料理。 門口只有一個「稚」字 店入面有唔同既日本動畫既拼圖🧩 令人聯想老闆心裡一定有一份稚氣而改下了這店的名字。餐廳以料理為主 客人可自行選擇各款料理後再加錢$20 為定食包括：味噌湯 珍珠米 茶 或再加$10轉為貓飯（牛油 醬油 紫菜 等攪拌而成）喜歡食茶漬飯也可加$28！我地點了 《$106 原條蒲燒鰻魚》+ 《$20 為定食》+ 《$10 貓飯》，若細食既朋友可以轉為$ $66 半條鰻魚料理。原條鰻魚望下十分可口 食落口感好肥沃 配上充滿牛油香味的貓飯 令人齒頰留香😳 偶爾感到太膩 加上椰菜絲一同進食 十分搭配！另外，點了《$52 鹽燒鯖魚》（或可配汁燒） +《$20 為定食》+《$28 茶漬飯》 一向喜歡食燒魚 但唔係間間都燒得有水準 呢間既鯖魚 外皮好脆而肉身保持魚汁亦有咸味 十分之正宗 加上茶漬飯 十分十分好吃！ 茶漬飯面頭既紫菜 綠茶粉 木魚 還有些脆脆加上湯 味道新鮮！淡淡既茶香加上紫菜既

今日嚟開元朗行街，就同男朋友搭一個站西鐵去左朗屏站食一間日本料理—稚。呢間日本料理餐廳好細間，店內得四至五張枱，店舖雖小但裝飾很有日本風情，好像去左日本啲居酒屋一樣咁🤪而食物方面大多以定食為主，即是每人一個定食餐咁叫。今次我地就叫左兩個定食，分別係鯖魚(鹽燒）$52加茶漬飯$28，如需要配定食餐(味噌湯、珍珠米、茶)的話要另加$20，食物上來嘅時候係以木托盤裝哂所有食物的，成個樣睇落已經好日本風味，打卡都好夠🥰首先講下個味噌湯先，味道一啲都唔咸，因為好多味噌湯飲落都好咸，但呢個絕對唔會啊！然後最吸引我嘅就係茶漬飯，佢係用一個小茶壺裝住茶，我地自己倒落個飯到嘅，份量就我地自己中意倒幾多就幾多，望住啲茶倒個飯至真係好治癒😆個茶漬飯有紫菜、木魚、抹茶粉仲有啲脆卜卜嘅野，成個湯飯咁食落去好有口感，仲好重玄米茶嘅味道，好香好好味！正！最好食就係鯖魚喇！成條鯖魚好鮮完全唔腥！啖啖肉加埋檸檬汁更加酸酸甜甜好好味啊！另外，我就叫左浦燒鰻魚（原條）$106，加定食$20，轉貓飯，初初見到貓飯覺得好出奇，究竟係咩嚟嘅呢？原來個飯就係個底有牛油，面頭再加紫菜同木魚，成個飯食落好有口感，好creamy😍🤤而主

爸爸見食在元朗有人推薦就叫我帶佢去，兩個都叫左鰻魚飯，post左上ig後，亞嫂話雞排都好食，叫我下次試下。除左鰻魚飯要72，其他都四十幾至五十幾，價錢合理。店舖坐得幾舒適，廚師係開放式廚房整野食，感覺好特別，個lunch set影相都好靚。我加左十蚊要左個貓飯，爸爸要珍珠米。貓飯勁香牛油味，都幾好食。個鰻魚無留意佢點整，不過個味好日本，好正，都大塊，又無乜魚骨，好脆口，厚肉，又焦香，好多油脂。值得一試。

元朗餐廳實在太多，特別係日式料理，不過如果只係做熟食唔做刺身的話，又真係好似唔多，今晚去食嘅「稚」就係其中一間。先講環境，座位係少而迫，坐就真係坐得唔舒服，好彩等位唔算好耐。服務方面就無乜特別，同店員基本上都唔會有咩交流。全條鰻魚定食轉貓飯好老實講，鰻魚汁太過鹹，鹹到係搶晒魚味，至於貓飯就第一次試，我只係覺得味道好奇怪，成個飯似足大阪燒嘅味道，但配落白飯度真係唔太得大阪燒醬汁同樣地係比較重口味，餡料方面係合理玉子燒呢樣真係唔建議大家唔好叫，非常之失望。原因係我見到店員係放入微波爐叮，而唔係現場煎，真係希望自己睇錯，食落都完全唔係玉子燒嘅味道蜜糖芥末雞翼呢碟算係最正常，不過芥末味真係唔夠，如果同麥當勞嘅蜜糖芥末麥樂雞醬比較，真係完全地比下去結論係好失望，希望佢會有睇小弟呢篇食評去改善一下，如果唔係真係好難有下次

之前係討論區見到啲人話呢間小店唔錯，估唔到住元朗既我一直都冇發現佢！今日特登黎試下大家既推薦～餐牌都幾簡單～店舖唔算大，我地一開門就黎，好快就坐滿晒喇！《原條浦燒鰻魚定食》$108+$20原條鰻魚極長🤭咁大碗飯都唔夠送！鰻魚汁一啲都唔慳，啖啖都有～唔多骨👍🏻《豚肉生薑燒定食》$52+$20我個人幾中意呢個豚肉生薑燒，份量一啲都唔少，豚肉酸酸甜甜，好開胃！《貓飯》呢個定食我地加左$10轉做貓飯，平時好快賣晒嫁！原來貓飯就係紫菜絲、木魚花、醬油、牛油拌飯，牛油味好濃，整個飯都係牛油香！仲加左$10要多隻溏心蛋～《厚燒玉子》$28口感厚實，而且都幾甜😋

🔎稚 (元朗)📍元朗俊賢坊18號權益大樓3號舖-🔹鯖魚（鹽燒/汁燒）$52 轉定食+$20（味噌湯 珍珠米 茶）轉醬油湯烏冬 +$10鯖魚煎得幾香 皮都香脆 整體唔錯 唔會乾身 烏冬好好味！值得轉！係幼身嘅日式烏冬好滑 湯底清清地 整體都唔錯，味噌湯都係偏淡 但岩我口味🔹和風牛肉 $48轉定食+$20（味噌湯 珍珠米 茶）轉貓飯 +$10貓飯是以木魚、紫菜、日式醬油及牛油配合珍珠米拌食幾特別 我都幾鐘意牛油味 所以如果牛油再多d我會更鐘意牛肉份量好多 而且好多汁 洋蔥都好入味🔹流心芝士年糕 $24外脆內軟 唔油膩 皮好薄脆 可以一試 不過小食價錢就偏貴

今日係OpenRice 揾野食，意外比我揾到呢間隱蔽既小店。見到個門面已經好有興趣好有日本餐廳既感覺。入到去座位雖然吾算多，但坐得好舒服，侍應都十分熱情。餐牌上面樣樣都好吸引，我地叫左兩個餐，第一個係半條鰻魚加定食再轉埋貓飯，第二個係和風牛肉加定食再轉烏冬。第一個餐既鰻魚好實現了軟嫩與香酥兩者優點,肉身柔軟、外皮香酥。醬汁都好美味好有口感。配埋個貓飯真係無得頂，有好多紫菜同木魚，中間仲有粒牛油，食起上黎好香都好滑。第二個餐既和風牛肉係同洋蔥炒出黎既，上面加左啲百味粉，好香好夠味道。烏冬方面就好彈牙，唔錯。兩個餐都有味噌湯，有啲菇係入面，增加鮮味。另外個茶都十分香。最後仲叫左個雞泡魚乾同雞軟骨。雞泡魚乾真係好好食呀，好似岩岩新鮮燒完咁，又夠熱又吾會太硬，軟軟地加啲蜜糖，我好鍾意呀。雞軟骨都唔錯。一定有下次。