稚

營業中

休息中

入元朗搵朋友食飯，6點幾就食飯。鋪頭門面都好日式。蒲燒鰻魚（原條）$102一見到鰻魚飯上枱真係打個凸，不單止原隻鰻魚，仲勁大條勁厚身。加$10可轉猫飯，猫飯有少少醬汁仲加左大量木魚同紫菜絲，飯係珍珠米黎家。大阪燒$68因為即叫即整，要等一陣，一上枱就見到勁多木魚郁下郁下，仲有勁多紫菜同椰菜都勁多，反而個漿少左，所以比較散，唔易夾起仲叫左3串串燒，雞肉串（$18）雞翼串（$10）雞軟骨串（$18）雞軟骨鹽燒既唔鹹岩岩好，雞肉串加了燒汁甜甜地連京蔥都好好味，雞翼串落左胡椒野味。