稚

營業中

休息中

今日係OpenRice 揾野食，意外比我揾到呢間隱蔽既小店。見到個門面已經好有興趣好有日本餐廳既感覺。入到去座位雖然吾算多，但坐得好舒服，侍應都十分熱情。餐牌上面樣樣都好吸引，我地叫左兩個餐，第一個係半條鰻魚加定食再轉埋貓飯，第二個係和風牛肉加定食再轉烏冬。第一個餐既鰻魚好實現了軟嫩與香酥兩者優點,肉身柔軟、外皮香酥。醬汁都好美味好有口感。配埋個貓飯真係無得頂，有好多紫菜同木魚，中間仲有粒牛油，食起上黎好香都好滑。第二個餐既和風牛肉係同洋蔥炒出黎既，上面加左啲百味粉，好香好夠味道。烏冬方面就好彈牙，唔錯。兩個餐都有味噌湯，有啲菇係入面，增加鮮味。另外個茶都十分香。最後仲叫左個雞泡魚乾同雞軟骨。雞泡魚乾真係好好食呀，好似岩岩新鮮燒完咁，又夠熱又吾會太硬，軟軟地加啲蜜糖，我好鍾意呀。雞軟骨都唔錯。一定有下次。