稚

營業中

休息中

不起眼的《稚》，屬街坊的聚腳點，門外長櫈，等位閒聊佳品，大大增加親和度。牆身掛上日本漫畫，添加了幾分色彩。店舖雖小，但五臟俱全。點了兩客晚餐，浦燒鰻魚半條 $70，加$20可轉定食。有蒲燒鰻魚半條，紫菜烏冬及麵豉湯。蒲燒鰻魚香軟鬆化，蒲燒汁惹味；還有椰菜墊底，椰菜清新爽脆。麵豉湯有鮮冬菇及蔥花點綴，簡單中見心思。紫菜烏冬，烏冬嫩滑，湯底清甜，簡單健康飽肚。汁煮豬軟骨定食 $60，豬軟骨軟腍入味，軟骨亦真夠軟，還有點沙律醬吊味，很不錯。轉定食，無難度 🤗🤗經濟實惠街坊小店，茶記價錢，居酒屋味道，識食就梗係食呢D啦！食在元朗幾時都無錯啲👍💖💖

依家lunch time 食食下野突然諗起琴晚個餐,同朋友去左元朗食日式料理,個名得一個字,叫稚,門面好唔大,周圍墻上有日本既漫畫,都幾有特色,睇得出老闆應該幾喜愛日本既生活文化我地兩個人,一人叫一個定食,一個雞扒定食,好大塊,唔會好干,D肉唔會好唉 都多汁帶D蜜糖既甜味唔錯,第二個,豚肉生薑定食,平時都有係其他地方有食過,大家應該唔陌生,但呢間可以煮到清甜既感覺,食料唔會求其,肉質鬆軟,估唔到細細間既日本餐廳都可以甘有質素.

精緻日式貓飯 (喵)與朋友同行試試 好精緻 的隱世小店 ”稚”, 靠近門口透明玻璃窗 一探究竟, 原來係正正燒緊食物既師傅,俐落孰手的動作, 手上攞住日式番薯, 心血來潮,決定入去試試!!餐廳行走 日式簡約風, 裝修以木頭為主, 令人有溫暖而舒適既感覺原條浦燒鰻魚(珍珠米飯+麵鼓湯+熱茶) 為一個定食, 擦上燒汁既鰻魚香氣撲鼻迎面而來, 暖粒粒既麵鼓湯(有新鮮冬菇同埋蔥粒), 最後仲有日式醃蘿蔔 緩和口中魚味,貓飯: 則是木魚削+紫菜, 食落別有一番風味, Staff 提醒一定要撈勻先食! 我地都跟住指令照做汁燒豬軟骨定食(珍珠米飯+麵鼓湯+熱茶), 一擺上檯濃濃既日本味道,豬軟骨軟淰又入味,正!

今晚陪完女友之後要返公司開夜。所以想食個「早宵夜」。夠精力體力應付深宵工作。係女友家附近求其搵間日本餐廳。它外觀有些似電視劇深宵食堂流心芝士年糕。年榚是日本和韓國傳入。但近幾年香港亦開始放棄傳統中式年糕。但它們做得很不錯。牙齒的口感十足。重點是在流心方面做得很切心美味。半條浦燒鰻魚。燒鰻魚最要訣的是個燒烤汁。鰻魚的烤汁須要平均掃上魚身。使魚身每一分每一吋盡力吸收烤汁的味道。從而發揮鰻魚的鮮味。還有重點在於魚皮上有些微燒烤。黑黑的更是美味可口。魚肉入口鮮甜混和烤汁。更令口腔內的味蕾更豐盛。更充實的填滿口腹之慾。

Want to find some new food to try but wasn’t prepared to spend a lot. We are lucky to find this little japanese food shop. There aren’t many seats in the shop.With reference to others’ review, I tried the soft bones of pork (豬軟骨）rice ($68). It doesn’t taste like what other shops offer, it is grilled thoroughly with good smell and taste. However, the amount of rice is not enough. As the pork are of strong flavour, we need more rice to eat with the pork.According to my boyfriend, the pork chop cur

日本和風小店，係朗屏站附近轉角，腦細年紀輕輕就創業，真心好佩服！食物全部睇得又食得，係我一定會翻撻之選！—————————————————🔹汁燒豬軟骨定食 $68〔 附麵豉湯 ｜ 日本茶 〕..可以話68蚊絕對抵俾！上菜成份嘢相當精緻，用木盆、木餐具別有一番風味！豬軟骨份量超多，以日式方法炆煮，比起中式紅燒，無咁無咁油，更加唔會有「老」或者炆到燶嘅問題，我就好buy呢個版本啦！每一舊肉都帶包住有膠質軟骨，肉嫩之餘，連軟骨都炆至黏口～ 炆煮過後仲會唧上蛋黃醬，然後去炙燒，所以入口會帶有炭燒香味！我又點估到咁鬼fusion咁鬼創新，（好似木下咁乜都加mayo），但又會咁好食！蛋黃醬鹹鹹甜甜，完全將豬軟骨醬油嘅味道昇華，搭埋飯食係一百分！想像唔到係咩味就去try吓！麵豉湯入面有豆腐同兩種菇菌，唔係hea你沖粉個啲！🤙🏻: 呢度仲有深夜食堂嘅貓飯/茶漬飯食！係香港好少見！其他定食例如吉豬同鰻魚都好唔錯

🔺汁煮豬軟骨$60+ $20 (味噌湯 珍珠米 茶) +$10 (珍珠米轉貓飯) 😋指數：🌕🌕🌕🌕🌕◽️好食 豬軟骨 夠入淋同入味 份量都多貓飯 係我至愛 入面有粒牛油 要撈勻先好味嫁🔺香烤蜜糖雞扒 $54 定食 + $20 (味噌湯 珍珠米 茶)+$10 (自制糖心)😋指數：🌕🌕🌕🌕🌕◽️ 雞扒 煮得岩岩好 不會太乾 今次嘅 自家製糖心 蛋 有小小失望 冇上次咁糖心 🔺蜜糖芥末雞翼 $40😋指數：🌕🌕🌖🌑🌑◽️可以一試 個人覺得 都幾好味 😂🔹今次本來想食 鐵板金菇肥牛 但8點幾已售罄☹️唯有下次

今日係元朗閒逛了一陣就覺得好肚餓，要食番啲野先得！周圍都係街市，見到呢間 稚 就唔諗入左塊食晚餐！蜜糖雞扒定食 配貓飯雞扒好大塊！仲好厚肉，肉汁豐富，帶點蜜糖的甜味，配上生菜，清一清口腔，可食到本身既味道！再者，貓飯係日本傳黎，好少餐廳可以品嘗，顏係我第一次食到！好簡單用牛油、紫菜碎、木魚片，令到白飯帶的色彩，及美味！我一上就愛上豚肉生薑燒呢個帶點普通，豚肉片帶點豬頸肉既感覺，切成一條條，方便進食，亦有生菜作配菜，帶點清新！稚，雖然係一間小店，客人源源不絕禁叫外賣、堂食，生意都唔錯，而且環境有點日本古舊既味道，好耐都無見過第一代既數碼港，可以話係童年回憶

那天是平日的晚上9時，小編與友人共2人到這間小小的日本料理小店吃晚餐。2人共要了2個定食、一個小食和一支飲品，先說說定食：看到其他的食評都很推介鰻魚定食，那就來一份吧。簡約的菜單中，在「料理」中的浦燒鰻魚有半條或原條選擇，分別是$70和$118，小編要了半條，再加$20轉成定食套餐(有味噌湯、珍珠米和茶)。還有，小編想起很久沒有吃過茶漬飯了，所以就再加$10轉成茶漬飯。看到半條鰻魚都已經覺得份量很夠，又有厚度，所以女生要半條應該夠了。魚的肉質較軟，很入味，伴飯一流。茶漬飯上面有木魚絲、紫菜絲、條狀的脆脆和些少芥末，配料十足，所以味道上和口感上都很足夠，再倒入一半清濃的茶，令到整碗飯的味道得以調和。剩下一半的茶，小編把它喝光了。而另一個定食是汁煮豬軟骨($60)，加$20 (有味噌湯、珍珠米和茶)。豬軟骨佈滿了在飯上，大約有6小件；每件都很入味，還有微微的炭燒味；軟骨煮到很軟很軟，而不是脆軟的那種，而且很黏口，充滿膠質。小食就要了流心芝士年糕($24，有3件，平均$8/件)，芝士年糕的外層炸得很薄脆，年糕的質感較軟，而不是有韌度的那種，然後裡面的流心芝士很夠熱，味道較偏向奶味。最後的飲品

晚市時段，朗屏站行出去5分鐘到，餐廳唔算大，可容納到20人左右，3位員工，做野有系統，即點，即做，即上餐，唔洗5分鐘-10分鐘就食得。味蹭湯：濃郁，豆腐，香菇做配搭，暖胃綠茶：夠熱，暖胃和風牛肉 52hkd + 20hkd 定食 (味蹭湯，珍珠米，茶)非常熱口，即做好即上枱，配菜有酸蘿蔔，夠開胃，牛肉煮得好嫩好軟，未到入口即溶，需要自己多咀嚼。浦燒鰻魚 70hkd + 20hkd定食 (味蹭湯，珍珠米，茶)職員提醒記得要 mix 好食乾爽紙魷魚+沙律醬+ 珍珠米，屋企都可以自己試做鰻魚半條，醬汁，椰菜絲，有甜味有咸味，味道多，夠滋味。食完好飽肚，夠滿足。

本身諗住6點入去食，但係佢仲準備緊未開閘，搞到我睇唔到個舖名 行多左個圈我地叫左一個全條鰻魚飯+豬扒飯，我會覺得鰻魚飯好食d 鰻魚方面，鰻魚肉質不錯，頗嫩滑，配上足夠的燒汁味道大大提升！配左個貓飯，配上清香的茶，因為飯有木魚絲同大量紫菜，比較濃味，適合我比較重口味的人。一口鰻魚一口飯，棒！炸豬扒飯方面，炸得脆，皮也薄，不過豬扒不算很多肉汁同厚，但也在期望之內，是好吃的。最後，店內有火影忍者的掛畫，播著日文歌，喜愛日本文化之人不妨過來走一趟。

一個平平無奇日式料理飯店，竟然可以令到我食得好開心，我食咗佢哋嘅鰻魚飯，覺得佢哋嘅鰻魚十分之好食，而且食完之後唔知點解唔會太過滯，而且入邊嘅格局十分之日本，令到你十分之投入，同行嘅朋友點左一個雞扒飯，雞扒十分之香口，而且10分柔嫩，而且價錢十分之便宜，如果夜晚冇買到餸，又想去食一餐晚餐，佢一定好食過吉野家好多啦，因此本人10分推介啲一間嘅日本料理店，下次再去我一定會食埋佢個雞翼，同埋試下其他小食。

最近經過元朗一間日式小店，門口非常多人排隊就決定入去試吓菜單有唔同嘅日式料理我就揀咗個蒲燒鰻魚 定食佢會配味增湯同埋白飯係珍珠米非常飽肚鰻魚外皮香脆 入口肉質軟熟香濃嘅鰻魚燒汁燒得好入味半條都好大份 配上白飯一流後來都轉左一個貓飯 名字相當有趣其實係一個醬油拌飯入面加咗牛油紫菜木魚所以食落口非常香 推介大家都可以試吓最後叫咗和風牛肉牛肉上面有香蔥同七味粉調味醬汁有非常香濃牛味份量都多 牛肉肥瘦均勻整體來講都十分滿意 鋪面裝修日式風味

是咁的~住元朗嘅女朋友仔包成日都話帶我去食貓飯，查實都搞左一段時間嫁喇~今次終於都的起心肝去試試！大約點幾二點黎到，店鋪面積唔大而且都幾受歡迎，所以都等左十分鐘先入得，Lunch set選擇都唔少而且仲有d小食可以揀，最後我地就叫左一份鰻魚定食，一份豬軟骨定食同一份厚燒玉子喇！轉貓飯要加錢，咁既然黎呢到嘅目的就係食貓飯，梗係轉啦！咩係貓飯？唔係講笑，貓飯嘅由來的確係俾貓食嘅飯起源自日本，最源始嘅時候就係用木魚碎，加d湯汁或者醬汁撈埋白飯就咁就俾貓貓食喇🐱不過後期發現咁樣食嘅話，d貓就會攝取過多鹽份對身體唔好所以慢慢就冇再俾貓食貓飯喇！（變左我地食）呢個鰻魚定食份量好足夠！鰻魚魚身都唔細、厚薄適中，唯一敗筆係仍然有少少暗骨未去到要吐骨係食到嘅不過就要留意下入貨嘅來源喇，食呢d鰻魚真係冇理由有骨嫁嘛重點講番個貓飯，呢到嘅貓飯都還原到最重點嘅木魚碎配埋紫菜，碗白飯底部仲有少少牛油，加埋少少嘅醬汁撈埋一齊真係好好食！係從未食過嘅味道，有木魚碎嘅咸香但亦唔會蓋過牛油同紫菜嘅香味~我覺得我可以就咁食個飯都得另外仲有一個食法，就係將定食附送味噌湯淋落去撈飯食，淋嘅量唔需要多太多變湯飯就會蓋過曬貓飯本

離朗屏站不遠的稚，隱藏在其他街坊小店之中。是晚在餐廳外面經過，看到廚房在燒串燒，心血來潮決定試一試這間價錢親民的日式小店。店舖雖小，但裝飾得充滿日式風情。食物方面我們決定一人一個定食，再加些串燒小吃。這個汁燒豬軟骨定食十分豐富。豬肉亦燒得十分香口，燒汁飯亦非常有味道。另外點了半條鰻魚飯定食轉貓飯。鰻魚份量足夠，而且燒得鎖住了水份，很好吃。貓飯很有驚喜，店員提醒要將材料攪拌在一起。果然吃出別有一番風味！從這碗湯中能夠感受店員真的用心製作食物。味噌湯入味之餘，還帶有一點酒味。十分特別。最後以兩串高質串燒和芝士年榚為這個晚餐作完美的總結。下次再見。