稚

營業中

休息中

天氣勁凍嘅一晚，行行下頂唔順要食飯先，路經呢間日式小店，見到有師傅係度埋頭苦幹好有感覺，就入去試下佢地手勢啦☺️我嗌咗個豬軟骨定食，睇住師傅慢慢燒出黎，慢慢聞到香味～到啦！齋睇賣相已經好吸引！🔸汁煮豬軟骨定食 $80豬肉切成方粒，極厚切但都非常鬆軟，一咬落去就融化開，油脂係肉中滲出黎，醬汁味道都好濃郁，完全燒到入晒味～加埋表面有燒焦嘅芝士就更加多層次，仲有酸酸嘅醃漬物，食到咁上下覺得heavy仲可以解膩開胃😉我試下夾紫蘇葉黎食，又係另一番感受，有少少辣辣地嘅葉味，好特別～唯一要挑剔嘅係軟骨部份唔多，比較似食緊肉粒而唔係豬軟骨，唔知係咪燒到冇乜凈😂加配定食配上日本茶同麵豉湯，湯入面有蘑菇添，冬天飲勁熱嘅湯即刻暖晒🥰 兩個餐分別都係百零蚊，味道同價錢都令人想再回來，非常用心的小店！

來到元朗食晚餐，看到一家感覺很日本地道的餐廳，就同朋友入去食個便飯。這裡聽聞出名的是蒲燒鰻魚，我們就點了鰻魚便當。這個便當有米飯，茶，和面豉湯一起上。這個米飯實在是好吃，是日本的珍珠米耶，實在是夠香夠滑的米。這條蒲燒鰻魚半條已經好大條，夠送飯夠吃。好喜歡這裡的味增湯，也是麵豉湯，裡面的配料也多，十分口感。除了便當餐之外，這裡還有很多小食，比如酥炸生蠔，餃子雞翅膀，章魚小丸子等等，一定可以滿足到大家。大家下次經過元朗想不到吃什麼，可以選擇這家日本餐廳稚燒。

《稚》日式料理餐廳店内有個半開放式嘅廚房 可以望到廚師整野食嘅情况 牆身都有日本動漫嘅畫 好似身處係日本嘅小店😼.👉🏻鰻魚茶漬飯定食定食包麵豉湯 湯有冬菇同埋豆腐做配料.鰻魚肉質好滑 入口即溶 冇咩細骨 尾部位置仲會有少少燒焦嘅效果🥰.鰻魚汁比其他餐廳甜 調味重手左少少🤧.椰菜絲手切刀工精細👍🏻切得好平均 食落好fresh好爽脆😼.茶漬飯嘅飯粒用左正宗日本珍珠米 再加木魚碎同紫菜 比平時食嘅飯更清新不膩🙂———————————————稚元朗俊賢坊18號權益大樓3 號舖

元朗呢間高質日本小店，因為製作用心美味，已經幫襯過幾次，今次同舊同事聚舊，二話不說揀左呢度，只因氣氛好野又好食！🤤一開波叫左定食先，因為d米都係靚靚珍珠米，叫左兩款分別係和風吉列豬扒定食$74同豚肉生薑燒定食$76有曬湯同茶同飯，以居酒屋黎講係好大份量！吉列豬次次黎都幫襯，水準都keep得好好，佢地細切既椰菜絲都會食埋，因為真係整得好爽好甘。豚肉生薑燒感覺好日系，唔會好辛辣得黎又夠滋味～厚燒玉子$28都係次次黎必叫既菜式，嫩滑好口感又有經典木魚碎同紫菜🤤同同事黎居酒屋緊係會叫串燒啦！蜜糖雞翼串$22鹽燒豚肉串$22雞軟骨$20一口甜薯$18咩都叫左兩串黎試試，好食到全部清曬！個人最中意豚肉串，因為可以食埋燒京蔥，好甜好惹味😍

位置朗屏街市附近人來人往，其中一間小店，門面唔係好顯眼，入到去右邊廚師就喺度煮食，有幾張枱凳位置唔多，牆上面有啲日式漫畫掛畫， 小店播放着日文歌感覺就好似去咗日本嘅居酒屋🏮，餐單食物款式呢合理我同老公就帶咗個旁側半條鰻魚飯同埋豚肉兩個飯賣相都唔錯有一杯茶同埋一碗味增湯，男人食都夠飽，餐具可見店主都花過心思，價格吾算太貴，兩公婆懶懶地都係吾錯選擇!🤗條鰻魚燒得唔錯好香口，醬汁唔算多唔會太膩送飯剛好非常滿足～

呢間小小既和風餐廳由幾位年輕人一手一腳打理全部料理都睇得出係用心製作🥰一d都唔「稚嫩」每款料理都可以選擇加$20轉為定食就會有齊珍珠飯、麵豉湯同熱茶而另加$10就可以將珍珠飯升級為「貓飯」.何為貓飯？😺貓飯指將紫菜、木魚碎放係熱辣辣的珍珠飯上再淋上醬油撈勻而吃而稚既貓飯特別之處在於底部鋪有一層「牛油溶液」整碗飯除多了一份牛油香亦因此變得油潤煙韌是店鋪既名物.🔸汁煮豬軟骨定食🍖豬軟骨應該係用左化骨綿掌既功夫烹煮而成豬軟骨有別一般爽脆既質感反而入口即溶啖啖都係滿滿既骨膠原配埋珍珠米很好下飯.🔸浦燒鰻魚定食(半條)🍱當然小店既鰻魚唔可以同日本既鰻魚老店相提並論喇但呢到既鰻魚肉質都好軟滑 而且一d都唔腥配埋碗貓飯成件事好滿足.隨定食附送既麵豉湯亦都不用忽視絕對唔係沖粉開既貨色 沒有死咸而且好足料有好多香菇同豆腐天氣凍冰冰來一碗熱湯真係好暖胃好舒服

稚係元朗一間日式小店，係朗屏西鐵站附近，位置唔係市中心，但成日都有人排隊。一直想試好耐，今日經過竟然唔洗等位，立刻入去試下！ 叫左兩個餐一個小食：豚肉生薑燒定食：呢個餐既豚肉係有d硬既豚肉，感覺有d似豬頸肉既口感。加$20轉左定食會有埋飯、麵豉湯及日本茶。建議大家都加定食因為豚肉加醬汁配送飯味道係啱啱好，開胃好食又飽肚。半條蒲燒鰻魚定食：出面食鰻魚有幾貴相信大家都知，呢到咁大條鰻魚先至$70！ 鰻魚燒得啱啱好，醬汁唔會太甜好配條鰻魚，配飯食又香又開胃。我地仲加$10 轉左個貓飯，貓飯入面有木魚絲及紫菜，撈埋食個飯係好有味，唔洗配任何餸都可以清曬成碗。酥炸生蠔：生蠔炸得好脆，唔知店家用咩方法整到隻生蠔一d都唔腥，推薦大家都叫呢款日式炸蠔。最後想提一提呢間小店既裝修，店舖雖小但佈置得好日式，貼滿左日本動畫既海報，亦擺放左好多日本工仔，感覺好親切。小店價錢亦親民，係可以encore之選。

今日收工約左人元朗食飯...因為時間都唔早..就lum住揀間快、靚、正ge我地黎到已經8點9..點知都仲係好full呀..要係出面等呢..一路等..一路隔住玻璃欣賞chef燒野餐牌好簡單易明..而且都放左係鋪頭門口..等緊個時唔使side時間..可以揀定野食先~上菜速度好快~我地點左兩個定食..一齊上浦燒鰻魚 (半條) $70 +$20轉定食 +$10轉貓飯傳說中ge貓飯..原來係加左木魚C同紫菜C為普通ge珍珠飯加上色彩~鰻魚夠厚身..有口感和風牛肉 $52 +$20定食呢個牛肉飯..d牛肉多到成坐山咁呀！！！！牛肉山..深不見底餐廳仲另上一兜牛肉汁比你幫d牛肉沖涼定食味噌湯..都係好多料最後..佢地ge下場

位於元朗既日式小店@稚入面大約有7-8台咁🧐裝修都好日式🇯🇵簡約木頭風每個定食都有一個麵豉湯，入面有紫菜同豆腐😊🤤吉列豬扒和風茶漬飯定食（$54+$20）立即炸起既豬扒外屠好脆！啖啖肉既用清新既茶陪埋飯食！感覺上好似無咁熱氣！🤤豚肉生薑燒配貓飯（$56+$10）重口味精選🤤濃濃既醬汁！薑汁入曬肉到貓飯好重牛油味🤤加埋鰹魚片🤤紫菜好香加埋珍珠米😍以晚飯黎講真係算抵食！好在食個early dinner7點幾8 點門口掛滿左人🤣

黎到朗屏附近見到有間細細間既日式料理小店，見到餐牌食物幾吸引就入去一試，一入到去店舖細細間，但座位吾算擠迫，見到有好多日本動漫人物既掛畫😍正！ 叫左一個蒲燒鰻魚（半條），另一個汁煮豬軟骨，另外加左$20加配珍珠米、味噌湯、茶，其中一個仲左10蚊由珍珠米轉做貓飯（有木魚絲同紫菜絲、日式醬油同牛油混合）。誠意推介汁燒豬軟骨豬軟骨稔軟入味、而軟骨脆口易咬，配合表層既沙律醬，有多種層次既口感，而且份量都相當足料；珍珠米吸左豬軟骨既汁，食落香而口感軟糯，一定會想再encore蒲燒鰻魚叫左半條既份量，鰻魚嫩滑夠厚身，加上香濃既燒汁，配埋貓飯既油香同飯香一齊食，夠哂滋味味噌湯製作都好用心，配合冬落、豆腐同大蔥，有咬口而味道香濃呢度舖面雖然細細，但令人喜出望外，下次有機會一定會再黎試試

><已經好耐冇嚟食 依然好多捧場客支持擴充營業 咁就多d位可以堂食咖喱吉列豬扒($54)鍾意個咖喱汁淋喺飯而唔係肉到 豬扒既可以保留香脆不膩 而飯就咁撈已經好正鹽燒鯖魚($52)魚油肉汁豐腴 輕輕一夾就魚骨分離擠埋酸酸嘅檸檬汁 更添風味另+$20做定食白飯/味噌湯/綠茶味噌湯調味適中唔太鹹 仲有菇片同香蔥餃子雞翼($24)少少辣幾惹味 啖啖肉><><><><><><><><><><><稚元朗俊賢坊18號權益大樓3號舖

行過呢一帶多次，發現原來有間日式小店係度，門面比較簡單樸素，半開放式既廚房見到裡面有師傅好專心咁燒緊肉，於是就入去試下。餐牌有好幾款串燒、料理同小食，唔似大型居酒屋咁多款式，但都算簡而精，基本上好多日式料理都有，亦唔會睇到人眼花繚亂。蒲燒鰻魚定食 $100因為係食緊晚餐，想正正經經食個飯，就揀左絕少會中伏既鰻魚飯，同埋貪心地轉左貓飯，個飯會加左d紫菜同魚絲～鰻魚有得揀半條或原條，明碼實價，半條既份量都ok 加上滿滿既燒汁，同椰菜漬物，擺盤賣相加分～咬開鰻魚食到一面係燒汁，一面係肥美既魚皮，中間係口感柔軟既鰻魚肉，好好味！軟得來帶少少咬口，配埋貓飯帶來多重既質感，好快就清晒，大滿足！食飯途中都留意到店內掛左好多經典日漫既畫同拼圖，本身係fans既朋友見到一定好開心！

是晚係平日6:30pm左右，嚟到已經見到有兩個人等緊位。不過好在等咗十分鐘倒就入得😚.我本身好鍾意食鰻魚😍蒲燒鰻魚原條$118，今次叫咗半條就$70，半條份量都夠食。鰻魚肉質軟滑，厚度正常，整體都唔錯。加咗$20轉定食，會有麵豉湯同珍珠米飯，仲有杯熱茶。嚟到呢度當然要試吓貓飯，即係珍珠米飯加醬油、紫菜、木魚絲同牛油，真係就咁食貓飯冇餸都得😂除咗蒲燒鰻魚，仲有豬軟骨、雞扒、吉列豬扒等等揀㗎。.總括係一間平實嘅日式小店，元朗人可以一試。呢到地方唔大，加上都一直都有人等位，所以我地好快食完好快就走🤣屬於速戰速決嘅食飯之選～

我同朋友 本身諗住六點就去食,去到門口發現準備中,仲未開舖,所以就係出面等左一等~ 我地研究左佢既門面一陣~終於入到去可以見到入面既位吾係太多,但有一種溫暖既感覺,牆上掛住我最中意既火影忍者畫,播住日文歌餐具都係用好有日式風俗既日本碗睇一睇菜單好多野食~最後就叫左炸豬扒飯 同全條鰻魚定食講番鰻魚飯先啦~ 肉質好好,加埋燒汁味道濃郁,而且配埋貓飯, 多層次既味道,真係回味無窮,貓飯入面有木魚絲同紫菜絲,店員教落一定要撈勻先食最正~ 無論環境定係食物,都好有日本既味道,相信店主都追求住呢種舒適又溫暖既感覺~

今晚約了朋友在郎屏站吃飯，一落天橋轉角就見到此店，有廚師在玻璃窗內整串燒，見到好正，就入去試下。我們都叫了豚肉飯，不過兩種不同的炒法。豚肉生姜燒配貓飯⭐️⭐️⭐️⭐️師父用了豬頸肉來炒，雖然見不到姜，吃起來有一陣陣的姜味，都挺特別。旁邊是生菜絲和姜片，有時可以用豚肉夾生菜絲一起吃，感覺沒有那麼肥膩。貓飯其實是茶泡飯，在冬天食真是使人感到溫暖！豚肉串燒⭐️⭐️⭐️⭐️⭐️串燒燒得剛好，吃起來充滿肉汁但不會韌，是軟腍，再加上惹味燒汁，好正！厚燒玉子⭐️⭐️⭐️⭐️玉子都夠厚，吃起來有一陣蛋香，再配上甜醬和柴魚片和海苔粉，使我想吃個不停，真是太喜歡雞蛋料理了