稚

營業中

休息中

抱着希望尋找寶物嘅心態🙈‬‪一直都支持小店💪🏼‬💪🏻💪🏻‪嚟到元朗呢一間食日本定食嘅 店舖唔算大 等左一陣先有位‬‪叫咗個鰻魚定食70元‬‪同埋吉列豬扒咖喱定食 54元‬‪雖然分量唔算好多 ‬‪但係炸豬扒脆卜卜 係即炸嘅‬‪鰻魚入口即溶又唔會太林 無骨‪而個珍珠飯就軟硬適中 係我最鍾意食嘅口感‬😋‪個麵豉湯都可以‬ 唔會一味得個咸字‪對女仔來講個份量剛剛好‬回頭率好高 一定會再返嚟食雖然地方唔大位置唔多 但係絕對食到日本的味道

樸實的餐牌，都是最簡單的菜式，基本上每間日本餐廳都有，但這兒卻很用心炮製，照燒雞扒真是點菜才開始即燒，不過煮好一堆之後翻熱，所以要等接近15分鐘，但很值得，雞皮燒得薄脆，連不吃雞皮的也吃了。朋友點了吉列豬扒，粉漿也剛剛好，豬肉也是鬆軟的。套餐配上珍珠米，麵豉湯，茶，麵豉湯材料也很足，整個套餐也不會太鹹也沒什麼味精，會再來的整個套餐份量很好，飯量少的可以叫少飯店面很小，午市很多人等位，但大家也會靜靜的等，價錢也不貴

🔹蒲燒鰻魚定食 配貓飯$70半條鰻魚 + $20轉定食 +$10改貓飯人多既話鰻魚可以叫全條 $118 share食，我地人少少就叫左半條加定食定食會有一碗珍珠米，味噌湯，同茶，份量啱啱好.條魚都幾大條，肉亦幾厚身，絕對夠送晒成碗飯鰻魚口感軟嫩，入口有種慢慢溶開既感覺，非常正唯一扣分既係上面既鰻魚汁，唔係話佢唔好味，只係真係落太多其實浦燒係指燒既時候已經有落醬汁，反之稱為白燒所以上枱既時候實在唔需要再加太多汁，好在輕輕撥走佢就食得.珍珠米可以加錢轉貓飯，日文「貓飯(猫まんま)」泛指將味噌湯、菜餚剩湯，甚或只用醬油拌柴魚片，澆置在白飯上，就成了有味下飯、豪邁快速又省錢，像是餵小狗、小貓那樣足以填飽肚子的簡單料理。.稚既貓飯就係灑上大量木魚片同紫菜絲，食既時候要先伴勻，可以跟據口味加入豉油或者味噌湯，係非常有家庭感既一種料理

忙完萬難嘅星期一，同朋友去朗屏一帶搵餐廳犒賞自己，結果係街口發現呢間唔起眼嘅日式食肆。招牌唔似其他鋪頭咁寫係抬頭，只係隱隱地埋藏在玻璃窗上。餐牌兩張紙，一目了然。店鋪座位唔多，好彩早到達，否則要等位。落完單可透過開放式廚房望到廚師表演。餐桌位置唔多，剛好夠擺兩個定食。--------------------咖哩吉列豬扒飯定食 $74日式咖哩汁配一大碗白飯，撈混咖哩汁進食，其實已經無視咗件吉列豬扒。當然，餐廳不吝嗇地送上沙律醬令吉列豬扒生色不少，加上件吉豬剛炸起，效果絕佳。麵鼓湯因應港人口味而調節至淡啲，飲落其實影響唔大，最重要係裡面餡料冇減少。（正名好似叫香菇豆腐味噌湯！？）豚肉生薑燒定食 $76偷食咗朋友幾件豚肉，我冇為意有薑嘅成份，因為我對薑好抗拒。不過呢道菜又煮到冇咩薑味，直至朋友講起我先知……如果多d汁，可以用嚟撈飯

今日凍返好多，好想食d暖胃嘢，經過「稚」日本餐廳，去食個飯先午餐由$58起，價錢都好舒服，我揀咗豚肉生薑燒定食加$10轉貓飯（睇深宵食堂想試好耐😆）；餐廳掛咗好多漫畫puzzle 係度，欣賞下就有得食啦味增湯 唔會太鹹，飲一啖個身舒服晒😊好開胃豚肉生薑燒連生菜伴碟，唔會全肉咁單調，肉絲軟而入味，薑切得好細粒，所以薑味好平均，唔會突然食到勁薑口味，加埋洋蔥絲甜味，呢個定食暖得嚟重甜甜哋❤️貓飯要攪伴好先食，因為原來內有乾坤，廚師放咗粒牛油係飯中間😍熱力溶化咗，攪伴後入口，好好味😂真係變咗餓貓上身咁係咁食，少有地我食晒個飯，推薦。

入元朗吃甜品，吃老婆餅係常態，呢日來吃咗好味嘅芒果腸粉後係附近行，就见到呢間小店，的的色色，都幾多人喺度吃，通常多人吃必係好嘢(雖然間中都試過中伏嘅)，咁就入去啦，有日文歌聽，牆上又有漫畫人物睇，都幾日本feel。至於嘢吃就有主食，串燒，又有小食，料理，加20蚊又可轉定食，咁就有埋味噌湯，珍珠米和日本茶。我哋嗌咗两個定食，『照燒吉列豬扒』餐和『蒲燒鰻魚』餐，吉列豬扒層粉不太厚，豬扒熱辣香口有口感，估唔到小店有咁好的出品，因此來幫襯的人都絡繹不絕，而蒲燒鰻魚也係好味之極，絕對無骨又軟腍，接近入口即溶之感覺。

有元朗友推介，之前幫襯過一次，住開呢頭又覺得d野食唔差，隔左幾日又再黎幫襯～今次就覺得服務好一搬，裡面d枱full左，出面又有兩個人坐係度等，我地兩公婆就問使唔使拎飛，定排隊？裡面個後生仔就叫我地出面坐等一張枱。咁好快排係前面個兩個客人就入左去餐廳，等左大約十分鐘左右，有兩個女仔突然衝入黎問個職員到佢地有枱未？然後個職員就同呢兩個女仔講「呀你地頭先排係度，下一張枱到你地。」我地即時好愕然，問：「下？唔係排隊咩？」個職員就話佢地頭先排係度，不過唔知行開左去邊。。。我地就話「可以行下嫁咩？咁我又行開再返黎」跟住其中一個女仔就話「係呀你地都可以去行下」無啦啦咁樣受氣你一早講話前面仲有兩枱，我地真係未必會等。。就算拎飛，過左都要等多張啦🙃個職員完全唔識唔好意思，果兩位客人又厚住面皮行左入去坐，都真係唔知講咩好🤷🏼‍♀️雖然最後個職員都有講唔好意思，之後仲安排轉枱（因為本身安排左同打尖果兩個人搭枱，好顛😂不過更顛既係我地仲係度食）但係呢方面真係要改善下囉～有時候食餐飯唔係真係淨係食野，成個心情都搞轉晒！第一次為左咁寫文😟不過呢間下次就不了，元朗咁多好野食

🥰收工同好姐妹👭食好西❤️最仲意食日本餐既我地簡左兩個定食做晚餐🥢就係超人氣既和風牛肉定食同埋蒲燒鰻魚定食喇🙆🏼‍♀️👑和風牛肉定食和風牛肉平時食得多，但加左七味粉個味又幾夾幾好食👍🏼牛肉汁既份量係非常多，平時仲意汁撈飯既我係非常滿意個汁既份量同味道🥰而且個貓飯真係第一次食，配料有紫菜、木魚絲同牛油呢到既職員好細心咁溫馨提示我地，食既時候要撈一撈，因為中間有塊牛油，食落口會香好多🥰👑蒲燒鰻魚定食（半條）如果好仲意食鰻魚既朋友仔可以簡原條嫁🤣以上係半條既份量、我覺得呢個鰻魚定食都好出色👍🏼因為平時我真係唔仲意食魚嫁、覺得好腥但食落口一啲都唔腥、仲好香口好好食😍啲鰻魚汁真係好夠，啲骨唔多，而且夠細好易食重點係鰻魚夠厚，咬落口啖啖肉😍好滿足！⭐️不單只職員既服務態度好、有笑容食物方面質素也很好、價錢合理內在既環境佈置都好親切好有童年既回憶🥰⭐️除左主菜、都會有串燒同其仔飲品選擇Tim嫁🐒

呢間之前見好多人都介紹作為元朗區人有時間點可以唔試下呢佢係小店經營模式細細間但係你唔會覺得去迫夾而且牆壁上好多動漫嘅砌圖同埋畫有些少居酒屋嘅感覺見佢門口幾推介鰻魚飯咁當然唔可以錯過佢嘅鰻魚飯啦去鍾意食鰻魚嘅我其實好挑剔呢到係半條既鰻魚但份量其實好足夠佢都算厚身同大件而且晚餐來講價錢好合理好怕鰻魚好多骨食唔到但佢鰻魚唔會話好多骨，啖啖肉而且鰻魚汁好足夠，又唔會咸另外再試佢個和風牛肉本身對佢個和風牛肉冇咩期望點知一食超級好食佢大大件而且加上有七味粉嘅味道好夾佢唔會銀，完全令我對和風牛肉改觀加錢轉左佢個貓飯店員好詳細解釋貓飯因為佢入面有牛油所以叫我地撈勻佢食平視我好怕飲麵豉湯因為好多麵豉湯都偏鹹而去呢個麵豉湯唔會話好鹹佢個樣仲有啲似蒸蛋感覺成餐飯我都好滿意我竟然可以食晒全部野份量啱啱好唔多唔少終於唔使浪費食物

元朗地膽朋友帶我來的店！地點果然隱秘，每次去我都要找一下路才找到😂店子不大只有數張枱，牆身放滿日式漫畫的圖畫，主打日式定食，定價貼地，套餐只售$48-72，但質素又不錯，難怪每次來都要排隊。-午市定食有9款，每個定食都配送味噌湯、茶及珍珠米。之前食過咖哩吉列豬扒定食，覺得非常抵食，念念不忘。今次就試咗鰻魚定食，鰻魚非常厚身多肉，淋上慷慨的鰻魚醬汁。加十蚊可以把白飯轉貓飯，貓飯應該算是這裏的特色之一，在珍珠米飯中間加了牛油，面頭灑上紫菜、飯素及柴魚片， 本身已經惹味非常！-PS. 午市2點就截單落場！！！想食要早點去。

位於元朗呢間小店位置可能唔出彩，但味道就非常出色啦！門面細細，但幾有日本當地餐廳嘅感覺。門口有個黑板仔手寫當日嘅午餐，有啲人情味。講真選擇唔算太多，睇黎係專心煮好啲野食，放得出黎嘅都係拿手菜！老板似乎係個動漫迷店面唔大，只係坐到3、4枱。自己一個其實樣樣都想食，汁煮豬軟骨好多人食，所以就叫咗呢樣！碗麵豉湯用杯仔去裝，都幾特別。料好多！上到黎超豐富呀！ 賣相都非常不錯！食落都好正！軟骨唔會太硬，而且好入味呀！上面有沙律醬，仲有炙燒過，所以好香！最重要係好好多餸呀！想讚嘅係配菜夾得好出色，生椰菜絲同埋葉蘿蔔可以解膩成碗都食哂！正！可encore!

望住一班好有幹勁既青年用心烹調食物，我真係忍唔住入去支持下睇黎店主係onepiece 粉絲，成間鋪都有好多onepiece 既poster、puzzle鋪頭雖然唔係好大，應該大概十幾個位，但都坐得舒適我同朋友一人叫左$20要定食，每個定食都有碗味噌湯、珍珠米同一杯熱茶，滑蛋吉列豬扒丼飯蛋味濃郁，好似平時食茶記既滑蛋咁，一d都唔鞋，送飯就最正而豬扒炸得香脆，肉質都好juicy 浦燒鰻魚我地就叫左半條試下鰻魚都夠厚身，口感不錯

近元朗體育館附近，有家經常爆滿的和式定食，師傅是日本人的嘉Ｘ衛，但性價比令我幾希光顧，而今天我終於吃到比美那一家味道，價錢更平宜的小店。入座後，發現兩個小伙子在煮房特別賣力，偷聽對話，應該是老闆，呵呵，年少創業吧。餐單簡單，主食、串燒、小食及料理四大方面，由於晚市光顧，點餐以飽肚為主，吉列豬扒定食及香烤豬扒定食，定食加$20，另轉貓飯（即是紫菜飯素飯），無論烤物或烤物都是中上之資，醬汁豐滿，紫菜像不要錢的狂灑加添出品觀感。特別注意到小店牆上除掛有不少動漫周邊產品，壁上更有一幅流行漫畫人物Cross Over的大畫框，要認得出全部出自哪個作品需要一定功力，店主的品味令我生出親切感，臨走時，目擊一份剛出品的大阪燒，極度重料，鰹魚乾及紫菜狂灑，這次飽了，下一次一定要嘗嘗。

元朗除左可以去大棠睇紅葉、食出名嘅B仔涼粉之外，重有好多隱世美食。今日同朋友去一間叫「稚」嘅日本餐廳食。個餐廳名好特別呀。一入到去只見廚師一面認真地製作串燒。傳出的香味令我未食已經垂涎三尺。嗌左半條浦燒鰻魚料理，加埋定食，有味噌湯、珍珠米同茶。全部野一次過上枱，用一個木餐盤盛載，連匙羹同筷子都係用木製，別有一番日本風味。鰻魚一d都唔鯹，啖啖肉，雖然有少少細骨仔，但食多啖飯吞左佢就ok。鰻魚上加左d鰻魚汁，甜甜地，最啱送飯！配菜重有三塊漬蘿蔔。飯大大碗，配埋大大塊鰻魚兩者份量搭配得啱啱好。唔會話有「餸唔夠飯送」嘅情況出現。味噌湯唔會太鹹，有冬菇同豆腐，重有蔥花，幾足料。食完肚皮脹脹，大滿足！最後飯番杯熱茶就啱啱好！

元朗出名多好嘢食，今日去到俊賢坊角落頭有一間日本料理，只見到繁忙時間有好多人排隊等候，師傅都做到無停手。裏便嘅燈光同埋擺設都好似日本嘅小店，餐牌上面嘅選擇唔算太多，有鯖魚、鰻魚和牛等等，加$20就可以變套餐定食，除咗珍珠米之外，邊度仲有貓飯。我同朋友叫咗半條鰻魚加定食，佢個擺盤真係好精美，有一杯熱茶配日本味㬝湯再加大大碗飯，加上半條鰻魚，賣相相當吸引，大啖大啖用來送飯，照燒鰻魚汁令到味道更加豐富，令人大快朵頤。不能想像半條已經咁大條，原條上應該係十分巨大，下次再試埋其他小食，相信都非常有有水準。