稚

營業中

休息中

今日同朋友出元朗買野，買完之後都差唔多天黑，所以佢帶左我去朗屏站附近一間日式小店食晚飯。呢間小店擺設都幾似舊式既居酒屋，播住日文歌，牆上面仲有啲動漫既拼圖，就好似去左日本街頭個啲舊式小店既感覺。朋友鐘意食鰻魚，所以叫左佢地既半條鰻魚，升級左貓飯，我又試左少少～鰻魚肉幾香口，彈牙，無泥味，唔腥。而且鰻魚汁既份量恰到好處，因為我好怕勁多汁，好膩既鰻魚。。。佢而家咁樣就岩岩好！貓飯係有啲柴魚碎，紫菜，個底仲有粒牛油，撈埋一齊幾香口幾好食。我叫左豬軟骨飯，豬軟骨份量都幾多下，每塊都大大舊，煮得好入味，筋位都煮得夠淋，不過啲肉略嫌乾左少少。而且因為我覺得佢個汁幾好味，所以想要多少少。。。如果可以淋少少汁去啲飯到就好啦！呢到麻雀雖小，五臟俱全。雖然鋪仔細細，但係都算係有齊日式小食，串燒，日式既飯餐。下次有機會再經過都可以再黎試下佢既小食～

偶爾間見到元朗一間幾有feel又有風味既餐廳一入去已有陣陣香味叫左吉列豬扒定食配咖哩飯&半條饅魚配茶漬飯定食定食有湯、茶、主食同飯吉列豬扒鬆脆又香 呢款吉列豬扒唔係原塊豬扒拎去咋 而係打爛啲肉碎整成肉餅咁拎去炸所以食落去好好咬唔會驚豬扒好老咖哩飯香噴噴 帶甜味既咖哩系最吸飯食，真系想食完再食 饅魚好香 燒汁岩岩好收水 唔會太濃 燒到皮脆肉嫩重點在配茶漬飯真系好來一黎可以解左饅魚既油膩感二黎本身飯帶茶香 飯素等等 混埋一齊真系好好食！另外2個餐都加左一隻溏心蛋，溏心效果做到但味道方面就唔夠入味小食放面叫左炸雞！ 呢個炸雞雖然唔係好脆卜卜、但係佢就比較軟身但係又超好食 點埋沙律醬真係好正芝士餅裏面有流心芝士好香口 你平時會去日式餐廳必點嘅一樣嘢食總結黎講呢一間係一間性價比好高嘅餐廳價錢屬於中中等等 但係食物嘅質素比想像中高

第一次去朗屏搵嘢食食🧐就到左呢間名叫稚嘅日本料理小店食🇯🇵汁煮豬軟骨定食🍱外表相當精緻😚多塊厚切豬軟骨🐖咬落勁非常鬆軟，濃郁嘅醬汁以日式方法炆煮煮到啲豬軟骨入晒味 🔥每嚿豬軟骨都有瘦肉同膠質軟骨，配埋酸酸地嘅漬物，一啲都唔膩😋定食仲配上日本茶同麵豉湯，麵豉湯入面有豆腐同菇菌🍄Cp值好高🥰貓飯🐱喺珍珠飯中間加左牛油🧈醬油，表面灑上紫菜、飯素及柴魚片，伴勻後都幾滋味🤤酥炸生蠔🦪新鮮即炸，點埋沙律醬更正👍🏻七味唐揚炸雞🍗皮薄肉多👍🏻唧少少檸檬汁同點沙律醬食🍋超好味

最近剛好 Netflix 回味 Hunter，來到稚，第一眼就看到這一幅少年jump牆，真是不得了～看來店長是個動漫迷呢！餐廳約容納10人左右，想和這幅壁畫打卡，建議趁早避開人潮啊。早點來的另一個好處就是出單快～這裡採用了開放式廚房，師傅煎炒煮炸都會在客人面前做，所以人多的時候，實在難免「一頭煙」。今天我們特意過來潮聖，這裡的貓飯超有名，是本區的名物呢。任何主食 +$20可轉定食，包麵豉湯、茶、和白飯，再+$10可在將白飯升級至貓飯。在介紹貓飯之前先給大家看看主食。半條蒲燒鰻魚，非常不錯吧。燒汁剛剛好，不會太甜，配上爽口椰菜絲，再加一口珍珠米飯，真是非常滿足。和風牛肉，有點像吉X家的牛肉飯，但份量多很多，牛肉也炒得滑一些。呵呵今天就upgrade到貓飯～甚麼是貓飯呢？當然不是白米上加點紫菜和木魚這麼簡單啦～內裡藏著半溶化的牛油和醬油，吃之前將飯拌勻，每一口飯都充滿著香味，可以說得上非常邪惡的美食。我們另外還點了一客炸生蠔小吃，也很不錯，炸得很鬆軟，和放題質素好很多了。當我想起貓飯的時候我會再來的。

喺Openrice見到呢件稚好似評價唔錯，午市定食有好似幾抵，就決定食呢間。🔸餐牌吸引，價錢合理🔸最特別比我見到有貓飯，即刻問下店員🔸貓飯係珍珠飯+醬油+牛油+木魚絲，聽落好吸引，加$10試下佢！🔸定食擺盤精緻🔸選用日式木餐具豚肉生薑燒定食🔸份量超多！啖啖肉，伴有洋蔥、椰菜絲等🔸味道亦好濃郁，個人覺得可以比返啲薑食客重點來了：貓飯🔸木魚絲+紫菜鋪滿整個碗🔸店員話要攪拌好先食🔸飯下面有醬油+牛油，估唔到食落好香！🔸好推介呢碗貓飯！

每次經過這間位於朗屏的日式小店都想幫襯，但每次經過都很多人，今天早收了工，就到這間日式小店試下。餐廳嘅裝潢以日本動漫為主，牆上的掛畫有海賊王和龍珠等等，餐單選擇不多，但樣樣都非常吸引。今次叫了豚肉生姜燒定食配貓飯和吉列豬扒咖喱飯定食，依度嘅麵豉湯同其他日本餐廳嘅麵豉湯有小小分別，其他餐廳會用昆布同豆腐，呢間餐廳係用雜菇同豆腐湯嘅味道比較清，而貓飯就係木魚碎再配上紫菜，豚肉生姜飯定食，喜歡薑的朋友可以一試。薑味很香。最後就是咖喱吉列豬扒飯，吉列豬扒的炸皮不會做到很厚身，而且非常香脆，作為一間日式小店兩款定食做得非常唔錯！

天氣凍，想食日本野又唔敢食刺身壽司，可以點好呢？其實日本野不限於刺身壽司既，定食都可以係好選擇！元朗平靚正定食，呢間「稚」都抵食。好，坐低睇有咩好食先。蒲燒鰻魚定食，有半條蒲燒鰻魚，鰻魚無骨軟綿綿，加$10可以轉貓飯，原來貓飯有木魚、脆脆紫菜，飯中心有牛油，要撈匀黎食，鹹鹹地好特別，幾好食！汁煮豬軟骨定食，跟餐有味噌湯，湯夠濃，仲有冬菇添，豬軟骨炆得好腍，汁煮得好入味，有好幾件豬軟骨，大大件送飯一流。

是咁的今日去左元朗朗屏探BB仔，探完BB仔當然去醫下肚仔！見到附近有有一間食日本野既小店，係門口都已經聞到香味！餐牌簡約，唔多選擇！但係咁樣先顯得每樣食物都係用心製造！有時候多選擇並唔一定好食！我一行二人就叫左兩個定食！果然，完全冇令我失望💪🏻原條蒲燒鰻魚定食轉茶漬飯 $148呢條鰻魚比我想像中出色，一隻手臂咁長，鰻魚處理得非常唔錯，唔會食到細骨！魚肉嫩滑又冇腥，每一口都有少少焦香，而且都係啖啖肉！燒汁亦冇過份甜！茶漬飯食落清爽不油膩，配上紫菜絲，還有漬物！店員仲溫馨提示，食之前記得撈勻先食！咖喱吉列豬扒轉定食 $74呢塊吉列豬扒完全唔簡單，外面炸到卜卜脆，裏面非常多汁唔乾身！真真正正做到外脆內軟！豬扒既厚度在我來講啱啱好啖啖肉，一個字爽！咖喱飯最緊要當然係個咖喱汁啦！濃厚，不油膩！食完一啖會令你再想食第二啖！而咖喱汁既分量同飯既分量配合得啱啱好！唔會食到最尾變湯撈飯咁樣！亦都唔使食左一半要加汁！定食會有埋麵豉湯，佢唔同一般跟餐麵豉湯，用料十足！亦都嚐到有少少清酒調味嘅味道，味道亦沒有偏鹹！抵讚👍🏼

元朗行完新開的激安，便到附近吃飯！經過一間小店，門口餐牌有茶漬飯，便立刻吸引到我！當時18:30左右，不用排隊！餐牌食物種類不算很多！一行二人，和朋友每人點了一個定食， 兩吋串燒！咖喱吉列豬扒定食 - 本身沒有抱很大期望，因為很多地方都有得吃吉列豬扒定食，但來到的時候豬扒非常嫩，出奇地出色！蒲燒鰻魚定食 - 定食本身是跟白飯，但本人熱愛茶漬飯，所以加錢轉！雖然要加錢，但物超所值！德祥鰻魚非常香，配上鰻魚汁，非常出色！茶漬飯有很濃厚的木魚味和紫菜味！一口和牛串 - 串燒等得比較耐，不過肉汁豐富很香牛味！鹽燒雞肉串 - 雞肉沒有牛肉吸引，一般般！個樽好特別，不太甜，推介！總括茶漬飯和鰻魚非常好食，小店來說非常物超所！

食熟食為主o既日式小店，有一半地方間o左open kitchen，檯唔多，侍應同廚師都係埋o個幾個年輕人。鋪頭唔單止loop 住搖滾o既動漫音樂，牆上仲掛o左幾幅砌圖/掛畫，描繪o左海賊王、數碼暴龍、火影忍者、龍珠等多個角色，你又認到幾多個呢﹖個人特別幾喜歡遠少少o個一幅，集合o左全部都係奸角o既合照……晚市無套餐，但係可以一份料理作為主菜，然後加$20 升到定食，會附埋味噌湯、飯同茶。呢度o既味噌湯比一般出面食開o既足料播，細細碗但係幾多蘑菇同豆腐，隨手一撈已經係滿滿o既o既一羹。珍珠米淋上甜醬油，另外仲有日式貓飯可以提供(加$10)。料理我點o左香烤雞扒($54)，可以再細揀照燒汁、咖哩定蜜糖，試o左蜜糖。o係等待o既時候因為open kitchen o既關係，已經聽住煎o野「咋咋咋」o既聲音，令到人更加肚餓~ 實物好大塊呀！大過我隻手板。塊扒邊緣燒到燶燶地，層皮薄脆，底下用o左少少黑椒粒吊味。新鮮煎出o黎，乜都好食d~ 伴碟o既椰菜絲，索晒流出o黎o既糖水，也是甜甜的。飲品要另外叫，但佢有一樣o野幾特別，就係除o左雪櫃之外，仲有暖櫃；o係冬天時份，叫番盒熱紙包飲品，都係個唔錯o既

同男朋友踩完單車就黎元朗啲橫街發掘下有咩好西食，環境佢地用開放式廚房等客人都可以一睹廚師既精心製作。店員推介我地就揀左一個原條浦燒鰻魚定食，包括有珍珠米、茶同味噌湯，心思思想試下佢個貓飯，即係醬油撈飯就轉埋，原條鰻魚加埋都只係盛惠$148，大家睇下圖真係幾大條，而且鰻魚汁超足夠，入口即融既口感拌飯超級滿足，味噌湯細細杯，有冬菇做配料，暖暖地鹹鹹地，同定食match曬，拌飯有紫菜、木魚同牛油，撈埋一齊令白飯多一份淡淡既香味，好味道！

近來疫情嚴重，好耐冇出去食個飯啦，今日終於頂唔順，近近地去咗間朋友介紹嘅定食食下，順便可以行吓舒展下筋骨好鍾意呢度嘅環境，雖然地方唔大，不過有好多我由細鍾意嘅卡通片畫喺度，即時個人都後生咗 今日叫咗個蜜糖香烤雞扒定食，一出嚟見到個賣相已經好鍾意，啲飯加咗我最鍾意嘅紫菜，仲要係用我嘅至愛珍珠米，咬口一流，麵豉湯裏面仲要加咗啲菇，雞扒整得好乾身顏色好靚，未食啲蜜糖香味已經湧過嚟，一食落口好乾身好脆，肉質又好鮮嫩，唔會有鞋口嘅感覺，值得一讚

特登來元朗探朋友，他說不吃連鎖店，帶我吃一間隱世小店。.的確不在大街，不是local 帶路也真miss 掉。.⭐️和風牛肉飯層層疊。牛肉是肥牛，不會太肥。份量多，疊疊層。加上洋蔥，又帶點清新感。.⭐️汁煮豬軟骨我平時不太喜歡吃豬肉的，但這個豬軟骨不得不讚真的好好食。煮得稔身，但又不去失去肉的質感，軟骨彈牙好口感。醬汁煮得入味又不會太鹹，伴飯食好開胃！.加$20轉定食，另外$10白飯可轉猫飯/味漬飯。猫飯即是加木魚紫菜的飯，另具日本風！.⭐️流心芝士年糕外薄又脆，不會食完太飽飽膩膩，芝士香濃又流心，芝士控必叫！.小店是由數個年輕人打理，要加油努力！

平時經過見到經常大排長龍今日早了一點吃晚餐，難得見到人龍不長，就入去試一試值得一提的是，牌匾上只有黑色沒有店名，就只有一幅字畫 “稚”，很分有禪意.位置不算多，不過氣氛十足，有種入到餐廳就頓然開胃的感覺.叫了兩款飯⭐️浦燒饅魚（半條）肥美厚身，每一口都非常滿足雖然只有半條鰻魚，但份量都十分足夠燒得剛剛好，燒汁好入味，而且沒有骨，一流！ ⭐️汁煮豬軟骨 我朋友就點了豬軟骨，他說也很不錯，下次試試。.加$20可以轉定食，有麵豉湯、茶及珍珠飯。用木盤裝住，感覺十分日式。成個定食精緻，分量是恰到好處，飽得來又不會太撐，難怪長期大排長龍。

肺炎當道，放假都唔敢周圍走。落街食飯，都盡量揀d小店，人少d, 衛生d, 病菌都少d. 呢間係水邊圍小街角既日式小店，係朋友食過大讚之選。今日就試試佢d便當係咪真係咁好食牆上印有懷舊日本卡通公仔我點左豬軟骨定食豬軟骨配上秘製沙律醬，香味十足。拌菜仲有開胃既酸薑同蘿蔔豬軟骨炆得夠軟夠稔，肉質軟綿綿，軟骨鬆軟入味，做得好好！原本既白飯轉左做"貓飯""貓飯" 就係有木魚，紫菜攪拌一齊食既飯撈勻就食得，味道好香，好好味呀飲埋碗有滑豆腐同什菇既麵豉湯，暖暖胃，大滿足