稚

營業中

休息中

這間餐飯在西鐵朗屏站附近平時見人流多也要排隊今日我六點左右就回到元朗，難得不用排隊就去食個晚餐.近排工作辛苦因此叫了原條鰻魚飯給自己原條鰻魚要$118，另外加定食要$20.雖然要成百元，不過感覺超值一整條鰻魚都很肥美，而且厚身，燒得也剛剛好非常入味很開胃我是第一次吃一整條的饅魚，感覺真的十分誇張，這樣浮誇的食法，其實只是within $150，相信在元朗沒有另一間高質素有貼地的價錢食到日式鰻魚飯.定食有配麵豉湯、日本飯及日式茶，整體十分精緻。見店主都是年青人，你們要努力加油！

從來冇試過寫負評,今次真係忍唔住要寫返個!幫襯左好幾次，堂食外賣都試過。依間餐廳食物唔錯，但服務態度真心負一百萬。毫無禮貌可言，開頭以為一次半次係咁樣,後來發現次次去親都好似殺咗佢全家咁嘅態度。唔會再幫襯啦。特別係負責外賣果個男仔，果副咀臉就好似林鄭月娥咁樣，搞到乜嘢胃口都冇晒。至於上菜速度方面，完全超越左我對”慢”呢一個字嘅認知。一個人心地好唔好由佢待人接物態度就睇得出嚟，呢間野入面D人好人極有限。

樓下呢間日式小店都幫襯咗幾次啦，人流絡繹不絕，食物質素亦維持得好好。住係呢頭附近的確多一個選擇，唔使食黎食去都係連鎖餐廳！一向覺得呢度款式選擇的確唔多，但小店經營真係貴精不貴多嘅！勝在價錢親民合理，想食一個定食，最平70蚊有找！店面唔大，得幾張枱，開放式廚房所以油煙比較大，坐得唔算太舒適，但牆上掛咗好多海賊王嘅海報同拼圖，仲播緊日文歌，都幾溫馨嘅！食咗個鰻魚飯加$20轉做定食，跟珍珠米，日本茶同麵豉湯。麵豉湯用杯裝都幾得意，蘑菇都好多。鰻魚質素OK，半條嘅份量女仔都可以食得飽！另外一個定食係和風牛肉，牛肉意想不到地多，仲加多$10轉左貓飯，貓飯個底有牛油，面有紫菜同木魚，係幾好味嘅！一開始驚兩個定食唔夠食，仲加咗燒玉子同埋雞翼，但其實已經勁飽！

在朗屏站下車行了不久就發現一條食街，在店內見到幾個年青人充滿魄力，隔着玻璃看見食物燒得不錯.這裏有定食及其他小食，入面人數不多大約只有20個座位，食物都是一個托盤一個托盤上，很有和式風味。.⭐️和風牛肉飯肥牛堆到成座山似的，醬汁是另外放碟，非常滿足！.⭐️豚肉生姜燒本身以為會有很刺激的姜味，不過這裏中和得幾好，帶有姜的香，加上日式風醬汁，合起來很溫和伴飯食令人開胃。這裏選用的豚肉帶點咬感，八分瘦兩分肥。.加$20可以轉定食，這裏的米飯選用日本珍珠米，而且灑上一點紫菜。豆豉湯也很的骰，入面有蘑菇及豆腐。.這裏的風格帶有日本精神，食物分量剛剛好不會太飽太撐胃，就是想有一種下次再來光顧的感覺。

近排越來越多餐廳唔係好開，而且亦都好多證件嘅問題，所以選擇真係唔少啊！特別係一啲大型企業嘅餐廳我哋都好似唔係太鍾意佢啦，於是今次我就過嚟呢一間小店度試吓呢一個日式餐廳原來呢一間餐廳已經開咗成三年架，住喺屯門呢一邊真係唔知道原來有一間人世日式餐廳，於是就趁lunch time過嚟試一試啦！店舖門面依舊原來已經係三年？，仲記得當時幾個friend都懷着一個童年嘅心去時食好嘢，而我亦好記得我哋好鍾意去一啲日式餐廳有日本風格嘅餐廳籠一邊食一邊欣賞呢一種特色餐廳！今次主打嘅係午市定食，就叫咗個我最鍾意嘅鰻魚慰勞吓自己啦！ 呢個鰻魚飯真係好抵呀，只不過係$72 ，以出面食呢一個餐你趕我諗都要$150啦！呢份餐大概5分鐘左右就到左啦，條鰻魚真係好大條呀，夠厚身，你咪仲燒到微微香，食落冇乜骨，冇腥，抵讚啦！另外個麵豉湯香濃適中，飲落都好舒服！整體來講真係色香味俱全，午市來講真係算好足夠啦！希望佢可以繼續keep住呢一種水準啦！下次就試吓佢晚餐啦！

今日放工係元朗學完野.係openrices搵到呢間好有特色貓飯. 為左尋找咩係貓飯.就黎左試下🤣（咩係貓飯？答案低部揭曉）店鋪以定食及串燒為主.選擇不多但價錢都平宜.店鋪座位不多.以日式風格裝修為主牆上掛有80-90後認識日本動畫照片.我最欣賞係喵喵怪🤣（左面）🥢蒲燒鰻魚 💰70 （配茶漬飯+💰 10)食鰻魚最梗要係足夠鰻魚汁.再配試肥美鰻魚.鰻魚從來無令我失望過👍🏻🍵🍚茶漬飯.記得要撈左先好開食.木魚味混紫菜.味道都超出.好香.再加埋茶香.十分開胃.🥢蒲燒鰻魚 💰70 （配🐱貓飯+ 💰10)‼️推薦‼️貓飯係木魚片+紫菜絲+底低牛油.已經好夠味.🍚成個飯都好香.只係食飯己經好滿足.🥬蒜香雜菌炒椰菜 💰48‼️推薦‼️椰菜用左濃湯浸過.每片椰菜同雜菌都好香濃味.🥣味增湯都十分濃郁.重有雜菌調味.🐱貓飯的故事🐱相傳以前日本既貓好愛食鰹魚.甘日本人會用鰹魚片撈飯餵貓.(純粹個人想法.不代表貓貓立場)總結：⭐️必須試下特色貓飯.茶漬飯.（簡單紫菜+鰹魚都可以煮到二種口感既食法👍🏻）⭐️必須要支持本地小店.（眼見2-3個年輕人自己創業）⭐️價值平宜.店舖裝修有種置身日本小店感覺）

星期六12：00去到，已經有人門口等緊開門。落完單一陣就聞到成間舖充滿野食烹調既香氣，等緊既時候，欣賞下牆上既畫、拼圖，周圍既擺設，成個環境幾舒服簡單乾淨。等左10分鐘，我地三個餐就上齊。木頭既餐具托盤，杯碗都好整齊有特色。叫左山賊豚肉定食，原來係黑椒味，味道好濃好入味、調味唔錯，豬頸肉係切好一條條，岩岩好、方便食既大細，幾好咬。味噌湯入邊有好滑既豆腐同菇，唔會太鹹，飲完唔覺口渴。杯熱茶好清香。另一款生薑豚肉都好好味，同黑椒相比就淡味些，係食到好順口既醃薑汁味。同甜甜既洋蔥好夾比較鍾意生薑豚肉。招牌鰻魚，幾滑嫩，都好厚身，唔會太甜。加$10貓飯，木魚好香煙燻味，牛油味香濃，珍珠米亦無可挑剔。一個餐既份量剛剛好，全清無浪費。食後感係，下次會再食

很久沒有來元朗便和朋友來逛逛，遊玩完一段時間便找餐廳吃個晚餐，經過這裏看到有人特意等它開門於是我們便來試試其日式菜品，職員很主動介紹餐廳的主打給我們，朋友點了原條蒲燒鰻魚定食，有湯、飯和茶等配菜，而我則點了個簡單的大阪燒，結果令我十分驚喜，從照片已經可以看到這個是巨型的大阪燒，十分足料的餡料令味道非常豐富，除了大量鋪蓋的紫菜和木魚外，當然為大阪燒調調味，更重要的是其燒汁和沙律醬的配合，令大阪燒增加了一份額外光滑細膩的感覺，而我個人則非常喜歡這質感，不只是光光菜、蛋和麵粉的混合，而是一口滿滿的滿足感！非常滿意！大家必定要來試試，不過大阪燒只是晚市供應，所以各位要留意了！

放工好肚餓，到附近搵食先，見好多谷友都推呢間稚，睇睇餐牌又唔算貴，就試下佢先。門面頂頭沒有招牌，只在中間一個小小的“稚”字，不熟路可能有點難找。點了半條的蒲燒鰻魚，加成定食再轉了茶漬飯，剛剛好100元不用加一。鰻魚肥美甘香，肉厚不失嫩滑，加上甜甜的鰻魚汁十分好吃呢。茶漬飯也很對胃，平時一向有用茶泡飯的習慣，這裏的茶漬飯除了茶味，還多了昆布同木魚香，鮮味中帶點鹹香，即使不配餸也可以吃下一大碗呢。珍珠米軟綿有彈性，吸了茶也不會軟爬爬。麵豉湯也很鮮味，不會死鹹。最後也把右手邊的綠茶喝完，完美的一餐～

朗屏好像愈來愈多好吃的小店不知道什麼時候開始開始留意一些小店但是這家 稚如果走過門口很有可能會錯過因為店面比較小 但門外有不少客人.一口和牛串 $24沒有一點點硬的感覺把肉拆開 肉汁就會流出來咬一咬 肉非常嫩 事前已幫客人做好調味而且牛肉不會長期留戀你的牙齒藏在你的牙縫中.香烤雞扒 （蜜糖）$54轉定食（味噌湯、珍珠米、茶） +$20 再轉貓飯 +$10雞皮吃到最後還是脆的蜜糖充裕地舖滿在雞扒上沒有地方被落下雞扒不會乾 很嫩貓飯一定要提一下！！！我差不多吃到底的時候才知道貓飯原來最底下是牛油真的是 香到爆炸那種感覺真的可以用「欲仙欲死」來形容口中每一寸 身體每一個毛孔都欲擺不能 真的吃完一口再一口.豚肉山薑燒 $56轉定食（味噌湯、珍珠米、茶） +$20 洋蔥全都炒入味了豚肉也不例外豚肉爽口 豚肉加上洋蔥伴飯吃真的是完美讓你肚子已吃撐的時候讓是沒辦法控制自己的嘴巴味噌湯的料非常多.稚 (元朗)元朗俊賢坊18號權益大樓3號舖

入元朗行完山之後出翻黎勁餓！openrice睇下覺得ok就入咗，唔貴既日本嘢喔半條蒲燒鰻魚料理 HKD70身為鰻魚控唔會錯過呢！估唔到半條都咁大條😳😳個餐仲包味噌湯(勁多料，好足料)同茶，飲完成個人暖曬🥰講翻條鰻魚，幾厚肉，食落冇骨，質素唔錯嘅😌我加咗錢轉貓飯，店員好細心咁叫我一定要撈均再食，我仲叫佢另外比d鰻魚汁撈飯😆佢都有滿足我需要~鹽燒鯖魚料理 HKD52男朋友點，食咗d鯖魚，個皮燒到好脆，d肉就好嫩滑，魚味好鮮美，好正！好抵食，五十蚊黎講，超水準！！📍稚 (元朗)元朗俊賢坊18號權益大樓3號舖

店舖雖小，但坐得舒服，食物又好食，值得推介！推介：厚燒玉子燒：厚厚的蛋捲配上沙律汁，燒汁，木魚絲，紫菜絲，令到口感非常豐富，而且一啲都不燶，非常好！豚肉生薑燒定食：薑汁炒豚肉片加洋蔥，正正正，仲有伴菜～椰菜絲和福神漬，我都好喜歡吃福神漬，爽爽的醃製物，平時通常係咖喱飯會配，這間豚肉定食配埋非常好😍😍白飯也非常好吃，我估是日本米，令人吃完一碗想再添多碗，味精湯普普通通l其實元朗日式的家庭料理不多，這間元朗的家庭料理，我的第二間推介！

我總覺得特登上網查、去搵食，結果都未必覺得好吃，反而矇查查亂入間餐廳反而會有小驚喜。上星期同家人入元朗辦事，餓餓地又入夜了，加上又攰攰地想求其吃個飯，見到那間日式小店，有岩食既價錢又合理就揀呢間解決晚餐。我們每人揀了個丼飯定食，定食除了主菜外，均跟有味蹭湯。本人是日精選了燒鰻魚飯（半條），鰻魚很肥美，蒲燒汁唔會過多，甜甜地又滲著魚油，最緊要夠熱！好味！然而我的不是白飯；乃是貓飯，有木魚、紫菜及牛油等而成的拌飯；牛油味就唔算出，但木魚同紫菜均有濃濃香味，感覺像日本的味素，很惹味很有日式的住家風味。媽是揀了吉列豬扒飯；有三款醬汁選擇，而最後選上了傳統的日式咖哩。我細嚐一口豬扒，很乾身不肥膩，不錯；日式咖哩汁滿滿，一口豬扒一口咖哩飯，媽都覺得好滿足。雖然它門面細細，位置都唔多唔大，但服務都叫親切，飯吃都均有心思烹煮，價錢都合理，是屯元天人及同學哥的省錢小精選。

今日去左位於朗屏西鐵站兩步距離的餐廳，一坐低已經有好種好親切的感覺，右邊係一張動漫反派角色的黑白畫(更有我最喜愛火影忍者的宇智波鼬)今次在晚餐時段，當然要吃個主食，叫了一個和風肥牛，順便加了$10轉為定食，(在這個大冬天當然要飲碗面湯暖暖胃) 。肥牛飯比想像中大碗，而且肥牛便佔了大半碗，配上香濃的牛肉汁和澆在肥牛的三辛粉，香而不膩，有牛肉的香味，又有三味粉少少辣辣的配搭。來到「稚」，當然要叫碟串燒試一下，在中途叫了一碟和牛串和芝士年糕(叫完發現好像有點多，不過可能因為天氣挺冷，最後竟然吃光不用打包) 。和牛串份量十足，肉質鮮嫩，而且燒烤程度剛好，把和牛的油脂逼出來又不會過份油膩。而芝士年糕則口感十分煙韌，用筷子篤下去時像流心般流出來，芝士味十分香濃，外面亦都炸非常鬆脆跟入面熱辣辣軟林林的口感非常夾。

美味猫まんま🐱🍚今日入朗屏探老友個b👶🏻🥰探完自然餓🤫梗係去附近搵食啦！今次呢間日式料理小店有小食串燒料理同主食🤭門口雖小...門外放咗兩張長木櫈😬店內整潔，牆上仲掛咗好多我鍾意嘅動漫「七龍珠」同「火影忍者」😍😍原先諗住叫咗兩個定食先，唔夠就再叫小食...點知份量好足，食完飽咗😂😂下次可以女仔可以叫少飯，咁就可以食吓小食😋😋浦燒鰻魚定食(轉貓飯) - 鰻魚燒得好香口！表面燒到燶燶地勁好味🤤貓飯上面有紫菜碎同鰹魚片，配埋麵豉湯好滿足呀！汁煮豬軟骨定食(轉茶漬飯) - 豬軟骨用特製醬汁煮好之後再燒香，燒香咗嘅豬軟骨真係好難遇到🤩🤩零舍唔同！真心推介！以價錢同質數嚟講...呢間CP值高👍🏽絕對係元朗好味又抵食嘅平民飯堂💯