秘 (享成街)

營業中

休息中

好早之前已經想試秘既黑松露吉列牛（$146 加$38升級定食 有溏心蛋同埋素飯 仲有櫻花昆布湯）🐮但成日都長龍。。。前排終於去左排下啦！等左大概9個字 入得去坐好快野食就送上黎啦！可惜希望愈大失望愈大 黑松露吉列牛真心麻麻地 無咩黑松露味🧐好普通！⋯反而個牛肉野菜鍋好食wooo!幾多牛肉野菜都唔少 $98連飯抵食！！如果再黎 都只係因為想食牛肉鍋😂😂但如果都要排咁長隊 試過一次就算了好多人試鰻魚飯 睇落都唔錯！下次有機會可以試

位於荃灣廣場附近嘅秘 座位不算太多 所以每次經過餐廳都有唔少人等位今次我同朋友點了蒲燒原條鰻魚飯($78) 和板燒吉列牛($98)鰻魚份量的確不少 好大條 配上少量鰻魚汁和白飯 足以填滿肚子而板燒吉列牛 我們亦加配了楓糖流心蛋和櫻花昆布湯 （另加$38）牛大約有10件  除左有好脆嘅吉烈皮 牛配上黑椒 口感巨增 

上星期五放工想去鬆一鬆，約埋男友一齊去左公司附近呢間秘我大概7點左右到，當時門口已經有人排緊隊，咁我都當然快快手去攞張飛，店員都好有禮貌，有提示埋如果過左5張飛就冇得補位，現場一齊等緊位前面有4-5張，後來既都有3-4張因為太多人等，小妹唔好意思影下個門口比大家睇，因為係門前等位既人都有啲散落但見到有人係門外影男神profile pic，門面唔算寬闊，但日本味濃。入去前小妹已經睇定食咩，因為已經肚餓，終於終於等左大半個鐘可以入去啦入到去果然係實力小店，唔大間座位唔多，基本都要搭座，不過佢多數係二人合為四人枱，搭座都可分做二人對座登登登登ʕ •ᴥ•ʔ 主菜來了一個吉烈牛定食，98蚊單點+38轉定食一份已經夠晒飽，男生份量係剛好，而且店員送餐後會教你用牛肉既油脂塗均熱石，相當細心照顧埋未食過吉烈牛既人好味過係韓國食，但稍微遜色於係日本當地食可見肉質係鮮嫩既，但就油脂分佈唔夠均勻，吉烈層比較易甩下，但整體味道唔錯，仍然有足夠既牛肉味，岩晒好似小妹一樣鍾意食牛既牛魔王生熟程度任君選擇，小妹建議每面燒10秒其實食左頭先既定食已經夠晒飽，但因為口痕既緣故，一見到芝心既時候早就落左單，所以試埋佢個芝

今晚又黎荃灣搵食，之前見人介紹呢間吉烈牛但要自己燒既餐廳，已經覺得好有趣，所以今日黎試試佢咩玩法同朋友商量後，最終都係一人一份吉烈牛，因為我地兩個都想邊食邊做下野，咁樣好似冇咁罪惡感一上枱，堅係得意喎，舊牛係生但比炸好既吉烈粉包住，一人一個爐仔，上面有舊肥油，比你搽下塊板先燒吉烈牛，跟住即刻燒塊試下先，個吉列牛好好味，好有牛味，同埋因為油脂比較多，所以燒耐d都仲好淋。我本身食開牛扒都鍾意食5成熟，但依個牛我覺得燒熟d先會好味d, 因為個吉列外層會脆d,如果燒得唔夠熟反而好難咬開， 跟住加$38可以有碗飯，一隻溏心蛋同一碗昆布湯，個流心蛋好好味但櫻花昆布湯就好敗筆，可能我唔係好鍾意櫻花味，總之一飲好怪，唔識形容係咩味，總之唔好味總括黎講，個湯你當裝飾，其餘都值得一試咁既價錢真係可以呀

之前都見到好多人介紹呢間,終於有機會去試,晚上大約7點半去拎飛,等左差不多45分鐘就有位了,店唔算好大,店員服務非常好叫左兩份吉列牛,一份係原味一份係黑松露味,我地兩份都跟左餐個櫻花湯幾好飲,另外都叫左兩枝汽水,味道好特別牛黎到時會連一個石板,附上牛脂肪,然後就可以燒黎食啦,每面大約煎15就ok,外面脆卜卜裡面都唔會”鞋”另外我地仲叫左個軟殼蟹,好好食推介下次一定會再試,午市同晚市的餐牌其實係一樣的,但午市會平小小

上次食過番尋味，老公話想再食。今次7點左右到，竟然唔洗等！Yeah~今次食新野，老公試左miso牛，係荷葉上面燒，勁多miso!!! 燒一陣就要反下，燒左大約10分鐘先食得老公話超正我就覺得有點鹹，少點miso就好啦。由於我唔食牛，只有這個揀（因為上次食左豬）條鰻魚大大條 不過好多sauce & 木魚，所以好鹹（可能我真係食唔到咁鹹）我要不停飲水⋯ Overall我覺得係幾好食（雖然偏鹹）不過對唔食牛的我，選擇真係太少。如果多d豬的menu就好啦

上星期四收工約左朋友係荃灣食飯~ 上op睇呢間秘好似唔錯，想食吉列牛好耐 ，但又唔得閒去元朗個間試 ，就試下呢間先 ~ 7點15分左右去到門口有幾pair人等位中，拎張飛先 😁 侍應話等4張檯，都ok ar到左7點40左右有位 ，在等位期間，侍應已提供餐牌幫我們預先下單，所以坐低5至10分鐘左右已上菜叫左2份吉列牛，用上美國安格斯，這個價錢真的已很抵食 ，再叫了一份朴葉味噌牛 ，估不到朴葉的味道很特別很香 ，不過因為味噌關係都要預算這度菜會比較濃味一點 ，可以加錢配上半熟蛋及湯 及將香飯轉為有味素的飯 (蛋味道可以濃些)，另外小食方面，試了軟売蟹，58蚊2隻都唔細隻，炸得好香 不過無咩膏 ，因為工作關係我自己都炸過軟売蟹，可能貨源問題啦～試過用過有膏的，真的食唔返 😂😂，但佢價格真的好合理 ，而且員工服務態度好好，都會再黎食 😁

聽講呢間吉列牛好好食,晚餐時間經常要排返一頭半個鐘先有位.星期日晚咁啱係呢頭揾食,就一於去試下係咪真係咁好食.晚上七點幾到逹,係門口等位都唔算好多人.我地大約等左半個鐘多啲就有位.入到去終於知道點解會成日咁多人等位,因為間店好細間,只坐到三十人左右.因為時間趕(?)的關係,店員已經係我地係門口預備入坐時幫我地點左餐了.我地叫左份板燒吉列牛,一份安格斯牛,一個野菜鍋同一份唐揚雞件.吉列牛的四邊都有已炸好的皮圍住,中間的肉就係生的.食客可以自己燒到喜歡的生熟程度，有得玩又有得食燒完後吉列皮依然爽脆，可是牛肉有少少韌同埋無咩牛肉味，點左醬後更加只食到醬汁味，以主打黎講係令人失望的另一款安格斯牛都係自己係石板上燒，反而我比較鍾意呢款。牛肉肥瘦適中，嫩滑又有牛肉味，只係提供的醬汁都係同吉列牛個款一樣，似係平時食吉列豬扒點個隻醬。呢隻醬真係太濃味，點後蓋過晒啲牛味如果可以有其他醬料可點配就更加好了。野菜鍋湯底唔夠鮮甜，除左白蘿蔔外，其他蔬都唔係好吸到湯底的味道，整體覺得普普通通。唐揚雞件炸得脆而不油，內多汁嫩滑，好食體整黎講牛肉的質素普通，沒有太大驚喜。

早十年前已經聽過朋友介紹吉列牛扒，聽落覺得新奇，炸完既牛扒唔會韌咩？唔識煮食既我真係想像唔到，直至網上介紹吉列牛都好一段時間，遲遲未去趁墟，今日終於可以一試。和風薯條配芝士醬-食咩都最好有芝士既太太點名要落單，薯條外皮夠脆內裡保留薯蓉質感，芝士醬唔夠濃厚，比較普通芝心吉列豚肉定食 - 芝心我解讀為豬扒裡面漏芝士出嚟，點知係將薯條醬淋係豬扒上，而吉列與豬扒皮肉分離，脆漿亦比較硬板燒吉列牛定食 - 牛脂分布尚算平均，可惜唔夠牛味，肉質亦比較結實，配合吉列食落又唔覺驚喜試過一次事物就變得唔再新奇，以價錢計算亦有好多選擇

近日係FB 見到好多人share 呢間吉列牛，話好抵食，所以就約埋朋友一齊去試新野。一入門口已經聞到好香既燒野食味😍座位唔算太多，空間幾寬敞。我大約6點半到就去定拎位先，當時無咩人，見到仲有好多吉位，但要齊人先入得既關係，大約7點到就開始多人啦，到左7點幾朋友終於到，但果時已經滿坐，仲有6,7班人等緊位，但客流都算去得快，等左一陣就已經有位，估唔到平日都甘多人去食。我地點左兩個餐，燒黑松露吉列牛配定食（加$38) 同埋芝心吉列豚肉燒黑松露吉列牛配定食：一上菜時d 牛肉都係未熟既個邊都包圍住黑松露，配上個鐵板爐可以自己燒牛肉，熟度自己決定，其實燒1~2分鐘已經ok, 我個人比較喜歡生一d，肉質嫩滑，燒完都唔會太乾身。但流心蛋就一般般，個心唔夠流，而個飯素都唔錯。芝心吉列豚肉：吉列豚既外層都好脆，脆皮同肉唔會分離，上面淋左濃濃既芝士醬，我同朋友share 兩個餐來食，如果一自己一個食哂好似會太"漏"~BTW 食完個身都幾大陣燒嘢食味😂😂

呢期好興吉列牛 當然要同食家去試試 知道荃灣近期開左一間 口啤都唔錯 所以去朝聖 星期五晚去都預左要排隊 8點鐘去到 前面有條長長嫁人龍 原來都係等大台 我地2小口等左10分鐘就有台 主食都係得個5-6款 3款燒牛 1款牛鍋 1款芝士雞扒飯同1款鰻魚飯 天氣涼涼地食呢的就岩晒 我就叫吉列牛 $98 加套餐 $38 其實每個主食都會包一碗珍珠飯 套餐就會多左碗櫻花昆布湯 溏心蛋 同加左飯素同鰻魚汁嫁珍珠飯 一黎到 擺盤同餐具有心思既 日式簡約風石板上面有一小塊牛脂 比你查滿塊板等煎個陣好煎的 吉列牛外皮上面包糠炸入面仍然係生的 油脂分布平均 熟嫁情度隨你喜歡 有得食又有得玩 係開心既本小姐喜歡食生的 所以只係輕輕燒2面表面剛熟 口感外脆內軟 對比強烈 係幾得意既 餐付上鰻魚汁 可以點黎食 肉味就普通 但點汁本小姐覺得有點畫蛇添足 要注意嫁因為其實係用明爐烏頭個的化學燃料 火比較細同集中 所以比較難燒熟 而且粒燃料都比較細 大約燒左一半嫁分量火就會熄 待應會留意火嫁大細 差唔多熄佢就會好細心黎加返燃料 同時提醒盡快放晒的肉燒埋佢 食家就叫左秘朴葉味噌牛肉$98 加套餐$38點餐時侍應已

朋友話想食吉列牛，要尋回日本的味道咁話，所以黎左呢到，平日6點半去到唔洗等位即入。吉列牛必點，牛又靚，肥瘦剛剛好，配埋個溏心蛋同飯素飯真係好和風味好好食。另外超級推介芝士薯條，芝士醬分開上，介要超大碗，芝士味勁濃勁香，薯條又炸得好脆。

呢間店家已經去了幾次了，每次都要等位。只開午市及晚市。因為來了幾次，也試了幾款菜式，還是覺得牛火鍋同黑松露吉列牛比較好食。而佢啲湯有鏗魚干味，不過，比較咸.....講真麻麻。

呢間係係荃灣既板燒吉列牛。位置都幾方便，由西荃灣西西鐵站行過去都只係五分鐘左右。 大概係荃灣廣場附近同門口有大招牌都幾易搵。鋪面唔算好大唔算多位， 但都坐得幾舒服。如果兩個人去通常都要坐四人位搭台。坐低見到大部分人都叫吉列牛，當然要叫定依黎試下啦。吉列牛厚度適中，容易燒又唔會覺得份量太少。秘之素食都幾特別，有紫菜同調味料開胃好多。但櫻花昆布湯就唔係咁岩口味。最後流心蛋就穩穩陣陣。我地係餐牌見到呢個朴葉味噌牛肉幾特別。好似名古屋既飛驒牛，叫左黎試下。店員都提左幾次好重口味😂 不過都想試試。一黎就見到好大塊葉🤦🏻‍♂️ 成間鋪都望過黎。要一路攪一唔燒都幾累下，怕唔熟燒左好耐。出黎味道係幾好，味噌味幾特別。大家想試下新野 可以試試😂比個瓶吸引左我地叫佢...我幾鍾意薑啤...😁

本來打算在荃灣，求其找一間餐廳吃個午膳，怎料到，原來時間非常多，也不算非常肚子餓，於是乎就來到車房這邊，試試這一間吉列牛肉店😬。雖然它叫做「秘密」的秘，但是其實門口非常之張揚，左邊有一塊布，寫着一個很大的「秘」字。內裏的裝修挺具特色，有點兒像概念店一樣，簡單的擺設，牆身呈灰色，冷酷實在。當然，要我這麼保守的人🤔來說，這間秘的牛肉，將爐子放給客人，讓客人自己將牛肉熱熟，亦都算是非常新穎的玩意。況且，吉列牛，其實也是平時比較少聽見的菜色，起碼，它吸引到我來試一試吧。雖然之前看照片，以為牛肉看像很大塊，但是原來實物來到，才知道，牛肉其實是小小😯的，大小大概就像星期六出街「買旗」的大小。牛肉少少，外面是沾有炸粉，令到本身已經不大的牛肉，顯得更加細片😅，因為外皮已佔了一嘅位置，因此，其實牛肉的實際平面面積真的非常少。 儘管如此，牛肉都有其本身的香氣。爐子上面，本身放有了少許牛脂肪，用這團脂肪令到爐上面有點油光，牛肉輕炙後有油香。旁邊放着那個醬汁，我覺得不點也可，因為點了更加恐防會蓋過牛肉本身的氣味。反而你又失望的是他的白飯，因為假假地，這兒也是一間日式炸物店，白飯應該是用珍珠米會比較合理，想不到