秘 (享成街)

營業中

休息中

同老公入荃灣搵野食，搵到依間食吉列牛，自己用石板燒，好吸引 ! 我地大約7:30去到，已經有好多人等緊，等大約30分鐘先有位. 因為小舖的關係，坐位都算迫，而且坐位有限主食嘅選擇唔算好多，但係每款都好吸引 ！我地每人叫咗一個板燒吉列牛定食。定食包括吉列牛、珍珠飯、楓糖流心蛋同櫻花昆布湯板燒吉列牛用美國安格斯牛肉，見到牛肉嘅脂肪分佈平均，以薄薄吉列圍邊。將牛肉一片片放上石板爐燒，生熟程度由自己控制我鍾意燒到7成熟，牛肉軟稔，有好多肉汁，牛肉味香濃，而且有薄薄吉列圍邊，真係外脆內軟!同埋因為脂肪比例平均，食落亦都唔會過於油膩，加埋珍珠飯一齊食，珍珠飯吸左D肉汁，好好味！會有令你＂嘩＂一聲既感覺，而且價錢公道，自己落手燒下，係幾過癮架第一次食吉列牛, 值得推介, 一定會再去試埋其他既主食!

朋友介紹嘅一間日式食店，雖然無得訂位，但係六點半去到都係等咗十五分鐘就有位，當晚叫咗秘燒黑松露吉列牛同板燒吉列牛加樱花金魚湯定食，秘風塘軟壳蟹，當食物上枱後，店員提醒我要先試金魚湯，之後再燒牛肉，又好細心咁提醒我地D牛肉唔好燒咁耐，感覺上店員好有禮貌又友善。秘燒黑松露吉列牛~肉質同脂肪比例都幾平均就算overcook，都唔會太硬， 可惜黑松露嘅味道唔係太出。板燒吉列牛~ 以價錢嚟計，咁嘅份量，性價比算幾高。櫻花金魚湯~ 彈牙嘅蝦餃餡，昆布湯，再加一朵漬櫻花，打咭呃like一流。秘之飯素~我覺得唔錯，但係大人話好食。定食~主菜，流心蛋，湯，飯。秘風塘軟壳蟹~大路貨，無乜特别，鍾意軟壳蟹嘅可以一試上枱嘅時候有一塊脂肪比你搽勻塊石板因為有吉列皮，燒牛肉時可能要輕輕壓一下塊牛肉，唔係可能唔熟。可能係晚餐嘅關係，價錢唔算平，但係性價比高，已經約咗同事嚟食晏。

呢間想試好耐既日本野, 終於係1月搵到一個星期六既午飯時間去會一會佢。去到門口, 竟然唔使等位, 店入面有三、四張枱都未有人坐, 我地被安排坐到4人枱,過左兩分鐘店員帶另外兩位客人坐係我地對面~講返最期待既食物先~板燒吉列牛定食 - $108上菜時會提供一舊油脂去整油塊板, 之後就可以將吉列牛擺上去燒喇,燒幾耐就睇個人喜好, 定食有溏心蛋、一碗加左飯素既白飯。吉列牛食落幾得意既, 外邊有少少脆既口感, 包住食落都幾滑既牛肉, 我個人就喜歡唔點個個醬油食,溏心蛋冇咩特別, 而飯素加白飯就比想像中好!朋友點了: 浦燒原條鰻魚飯$78呢個我冇影到相, 只好用文字表達吧!大大塊既鰻魚肥美, 燒得幾好, 味道都良好!另外叫左個: 手羽先$48 (又冇影到)味道正常, 但不算特別~飲品叫左: 水蜜桃汽水、青提汽水, 青提比較好飲~總括: 食物既味道不錯的, 不過只此一次吧!!

最愛食日本燒肉😋呢排對呢啲石板燒上癮同屋企人就去試下荃灣呢間😂佢晚市6:00開 我就大約5:45到 到左剛好無人 排第一但過左5分鐘 後面已經排左10幾個人😂😂好準時 6:00就入得不得不讚既係呢間食店服務好好 店員好有禮貌 上菜既時候又細心 叫客人慢慢食😋對於呢啲出面排曬隊既店黎講 叫客人慢慢食唔洗急呢個真係會欣慰 好啦 講下食物 吉列牛既牛肉係會比安格斯牛厚身 而且份量都多我燒到佢左右兩面變色 之後連秘之飯素一齊食 好好味😂啲肉汁好香, 安格斯牛不過不失 但之前post過元朗果間好食啲！芝士吉列豬扒既芝士醬唔算太濃 但塊塊都大 屋企人話外脆內軟 就算係炸既入面都仲好juicy 有肉汁 好食！佢每個餐其實都已經包左一碗白飯如果想升級要飯素要溏心蛋同湯就加錢我升級既餐係金魚湯 (個人認為必飲) 金魚其實係蝦餃 做得好精緻呀😍配係日式鰹魚湯入面 好夾！加埋櫻花係湯度飄飄下 都幾優雅😃味道都唔錯唐揚雞塊好普通 可以唔洗點 唔係話特別好食至於 日式薑啤 其實係汽水黎 無酒精成份：）但就唔係好大支 可能會唔係幾夠喉

Gathering 朋友介紹最近流行的吉列-秘。我們食星期六的午餐， 貪其不用排隊，雖已book 枱及店内有空位，但店員堅持人整才可入座。午市可加$20 升級套餐，有飯素和流心蛋比晚市抵！吉列牛定食外層四邊脆漿包圍，中間留有雪花紋可按個人喜好用鐵板燒致喜歡的生熟脆漿及肉質比較結實，有牛肉味芝士吉列豬排定食吉列豬排加上芝士汁，芝士汁惹味但吉列脆漿較厚及硬 ，不夠鬆化，略為失色！牛肉野菜鍋牛肉燜得入味及鬆化，配上用牛骨和牛肉湯底好凊甜！芝士鷄丸子鷄肉肉質軟滑，没有吉列豬排死實的問題，口感外脆內軟整體來說是不過不失。但名菜吉列系列没有驚喜。環境舒適，服務不錯，店員會介紹名菜及加燃料都勤快，但會吹埋單。

我和我的小可愛相約試吃，對於我這個路癡來說算是好找的店了，店內規模不大，好在我們是到點入場，也就是晚上六點鐘，提前有打電話，但店員說不能預定，原因是太多人吃，哈哈哈，看來還是比較受歡迎，因為我們才吃到一半就很多人入場，吃完出去見到好多人都在排隊我選了「板燒吉列牛98$配櫻花金魚套餐58$」然後，我也是一個喜愛吃半生半熟燒牛肉的人但我在燒的過程中發現，這個吉列牛要全熟加上醬料烤到小小焦，配送的飯才好吃，可以讓豬油滲入牛肉令牛肉更美味煎香哦！！！接下來是我一定要介紹的「秘清酒煮鑽石蜆」！！我也去過其他店吃清酒煮蜆，但奇妙的是這間店的這道菜，完完全全沒有太多酒味小時候喜歡吃奶奶的冬瓜煮蜆湯❤️那是我懷念的蜆湯香味，這道菜，湯就是很鮮甜，蜆也夠分量，一種恰到好處的美味～～～然後是我叫我的小可愛點的「蒲燒原條鰻魚飯78$配晚市定食38$」很美味哦這個鰻魚的口感不像其他店不新鮮的魚一樣軟淋淋，相反之下比較有口感，我吃了几下发现鱼肉有点弹牙。之後就來介紹一下人人都想嚐鮮的金魚湯吧外型可愛，湯不會太鹹清清淡淡❤️，魚不能放太久，會破壞口感，可能是放久了外皮會變比較硬？畢竟是冬天，但我沒怎麼覺得硬，口感OK

一直都好想一試呢間的炸牛！但係屋企同公司都距離勁遠，一直無機會試。今次有住附近的朋友約去試，立即一口答應！去到要等位，半個鐘左右有位，都算快，係門口睇左食乜先，會預先落單，入座會較快可以食得，所以都加快左等位的時間。部分餐單入座無奈好快有得食，加左錢要套餐一個要加38元，要普通湯，另一個加58要金魚湯。有肥肉當油用，先抹滿塊版！成個餐入面，個飯最好食只係咸左少少本日重點: 炸牛！ 粉你可以睇到圖，好薄，肉質來說還可以，無筋，不過無肉味。蛋就不過不失。可照自己喜好而燒幾成熟，個人比較喜歡不要太熟，太熟就好鞋。金魚湯，係特別的造型，但食落就係一塊皮包住蝦丸，無特別，湯好清，清到近似水而且唔熱。避風塘軟腳蟹，初頭食蟹腳位置覺得太咸，但之後食落不錯，蟹身肉有香味，有汁！總結:可以一試，始終香港未有太多食到炸牛而又不是太貴的地方，但如果要特登由好遠的地方過來，就可能會有d失望了。

六點半左右去到等左幾張就有位 不過開始多人 建議六點去到食頭輪板燒安格斯牛＄98超重牛味 入口嫩滑 燒到大約五成熟就岩岩好 推介大家試跟餐$58 金魚湯賣相好靚 其實係鮮蝦雲吞 味道正常湯底比較咸 板燒吉列牛 ＄98外面嗰層係脆皮 牛肉比起我之前食過兩間嘅吉列牛大舊 有少少渣 整體都係好食 糖心蛋比較普通 飯素好好送飯🤤另外叫左一個小食 和風軟殻蟹$58炸得香脆有少少油膩 蟹大隻多肉有膏☺️ -溫馨提示: 只收現金! 同鋪頭入邊個個都燒緊肉 都比較大味 盡量唔好着吸味嘅衫

餐廳名已經很特別-秘令人很好奇入面既食物，入到去，店面細細，食物只有幾款，當然梗系要食吉列牛，果然無失望，很豐富的口感，肉質鮮嫩，誠意之作，還有特色的飲料，下次會再黎食。

點了一個安格斯牛，仲有黑松露牛。味道幾好，飯素好吃，湯有點咸，蛋有點凍。還有就是覺得安格斯比黑松露更簡單更美味，牛加多左黑松露反而不太夾。雖然同日本和牛質素不能相提並論，但食物對得起這個價錢。感覺生熟牛都用同一對筷子不太衛生，如果可以每個人再提供多一對筷子就更好。店員服務態度很好，唯一要留意係注意先後次序送上食物。隔離枱比我們遲落單但食物先到，不太公平。應該只是店員一時沒注意小問題，下次留意番就可以。

想食古列牛好耐了，今次就為左吉列牛寫第一次OPEN RICE 記錄一下!有一次經過就俾門口既裝修吸引了，但果晚太夜啦無入去食。就上網睇下係食咩先，原來係食吉列牛今次有朋友想係荃灣食野，我二話不說就提議左呢間"秘"，滿足下自己!板燒吉列牛黎啦!雪花好均勻！炭爐板上有粒細細的牛脂肪，令吉列牛唔會痴住果板。首先，將牛脂肪塗勻鐵板。再放上吉列牛可以自己控制生熟程度，我每邊煎太約１５秒，朋友喜歡食熟Ｄ所以煎多耐少少。食落去好嫩，好易咬。大大條鰻魚飯，同ＭＥＮＵ既相係一樣。鰻魚厚身，配上木魚和濃味的醬汁。另外，加了２個小食, 價錢不貴。芝心雞丸子($38) 雞丸子上加上紫菜和芝士醬，整到好似小丸子咁好可愛!和風薯條配芝士醬($28)粗粗的薯條，加上好香既芝士醬。好似食緊芝火煱，芝士醬包實薯條。我點得太多醬既關係，最後果２條薯條唔夠醬用。

去完日本旅行的後遺症，就是好想再食吉列牛！因為日本食過幾間都好好味！回到香港，緊係想食下，因為有排都未有得再去！所以就上網揾下！咁岩見到朋友去食左一間，睇相都已經好吸引，賣相都唔錯！我同老公就特登一放假去揾呢一間在荃灣的小店！地點一點下不突出，還要是在車房附近！但又唔算難揾的！好彩我到的時候是六點，剛剛開門，不用等！如果我遲一步，就真係要等了！我們就點左個芝士薯條：香濃芝士，再加上即炸薯條！都ok既！芝士吉列豚肉定食：吉列粉薄薄一層，食落酥脆，唔會感到油膩，加上香濃芝士，好正！吉列牛：牛肉的油花，每件都好均勻，本身是半生的，可以輕輕再鐵板上每一邊燒大約10秒左右，其實因人喜好而定！我自己就覺得10秒都足夠，牛肉勁嫩口，真係外脆內軟，非常juicy！手羽先：炸芝麻雞翼，炸得勁脆，都唔錯既！

今日預祝朋友生日🎂朋友話想食日本野所以來左食燒牛🐮吉烈牛都食語幾間但尼間牛真心勝價比之王尼間餐廳有幾款燒牛揀 原本想試下安格斯牛但太好賣既關係已經賣晒😞最後揀左尼間獨有黑松露吉烈燒牛$148加定食再加$38 定食包左溫泉蛋 湯🥣同紫菜素飯味道真心大讚 朋友就揀左普通吉烈牛定食同樣好味道價錢就比較抵$98加定食$38另外我地仲追加左芝士🧀薯條🍟芝士仲另外上好細心價錢超抵必推$28最後仲加支日本🇯🇵桃味飲品 非常美既外觀同好香既桃味尼間真心抵食又好味不過要早點去因爲要等位 同朋友晚上都等左45分鐘不到食到靚牛都值

睇到雜誌介紹,,就去左荃灣試下吉列牛。我地午市時間去,,唔需要等位,,但入面D台都FULL左8成。坐低唔夠20分鐘,,已經坐滿哂人。如果黎食的話,,都係BOOK定台好D.入面只有兩張單獨的二人台,,同數張的四人台.. 多人食的話一定要BOOK左位先今次點左$98的板燒吉列牛 ,, 數一數都有11片牛肉,,而且牛的脂肪分佈得好平均!! 咁既價錢黎講都幾抵食!!份量對女生黎講岩岩好,, 如果男仔唔夠食,,可以加多$38配定食(秘之飯素,,楓糖流心蛋,,櫻花昆布湯)另一樣就叫左浦燒原條饅魚飯,, 饅魚比較薄身,,而且無咩燒汁配飯,,有點兒乾整體黎講都係覺得吉列牛比較出色,,牛肉咬落去真係好JUICE。

之前去日本旅行都有見過吉列牛🐮餐廳，可惜安排唔到時間去食，知道荃灣開左間吉列牛小店，但經過幾次都大排長龍，今次終於無乜人，可以食到啦！佢既食物選擇唔算太多，價錢都唔貴，我地叫左板燒吉列牛同板燒安格斯牛，原來想叫埋金魚湯，可惜遲了一步，賣完了。先上既係小妹既板燒安格斯牛見到d牛既花紋都幾靚，厚道適中。用牛脂肪做底油，再放牛肉上去燒，大約每邊20秒到就食得啦之後就到男友個吉列牛啦，佢除左有牛之外仲有一隻溏心蛋，吉列牛個皮唔會同舊肉分開左，質素都幾好，好有牛脂香，雖然細舊但都有成12舊，所以份量都好足呀。兩者比較我會比較喜歡吉列牛，比較入味d同香d。呢間餐廳仲入左d比較特別既飲品，我地揀左蘋果碳酸同青檸梳打，兩款都不錯。