207
57
7
港鐵荃灣西站 A2 出口, 步行約11分鐘 繼續閱讀
所有分店 (2)
電話號碼
23509177
附加資料
由於本店坐位較少,不設訂座服務
營業時間
今日營業
12:00 - 15:00
18:00 - 22:00
星期一至五
12:00 - 15:00
18:00 - 22:00
星期六至日
12:00 - 15:00
17:30 - 22:00
公眾假期
12:00 - 15:00
17:30 - 22:00
公眾假期前夕
12:00 - 15:00
17:30 - 22:00
*最後落單時間: 關門前半小時
付款方式
AlipayHK 支付寶 現金
其他資料
當面支付
食評 (337)
等級4 2020-07-15
4379 瀏覽
西人是遊牧民族,有「牛仔」之稱。由「牛仔褲」和「胡廸」公仔,可見一斑。西式燒牛肉,是粗豪文化體現,濃煙、厚鐵、血滲、刀义,如殺戮戰場。中國人甚麼也吃,只是少吃牛。日本人吃牛只有130年經驗,卻搞出鐵板燒和丼,近年創新了石燒吉列牛肉,青出於藍。此店並非香港石燒吉列牛肉的元祖,卻是廉食石燒吉列牛肉的隱世秘店。隱於市區邊緣小區的五金車房小街,單字店名隱約滲出日本食店味。小小「日」味,小小「黃」色,小小簡陋,小小檯子,與小小共進午膳。很多文青魚貫而至,靜心排隊,對這間學師日店,投以信心眼神。篤學專精是日本食店精神,有理學魂,有一套理念、信仰、堅持。一燒入魂,一牛入魂,一飯入魂,一蛋入魂,一餐消魂?一燒入魂方面,不用笨重石頭,製造和打磨火山石板,小巧精緻,如同香港其他石燒吉列牛肉店,都是師承日本。兩高是空調溫度高,不暢快 ;服務水平高,不斷留意是否需要「加油」。兩膏是日製酒精膏火力足,石塊傳熱平均,燒熱後可達 250℃,牛肉放到石板,可以快速煎封鎖肉汁。牛膏潤滑石面而令牛肉不結焦,令牛肉倍感脂芳。一牛入魂方面,一上檯傾心,是一臉歡顏,兩片蛋如眼水汪,蕃茄如鼻挺拔,牛肉如咧嘴紅豔。牛肉厚薄適中,有16片,十分豐富。應用了鋸齒長刀斜切,增加了平面面積。細觀其相,黑松露吉列牛肉的沙環佈滿黑鑽,掀動牛肉而少有鬆跌,是用了日本麵粉牢固了。牛肉紋理如雲石,與石板協調,紅如玫瑰,與櫻花蝦映襯。圓塊完整,應是用了炸完冷凍秘技。細察其火,燒 20-30 秒,便易色略焦,比韓燒倍快,比網燒更易保留肉汁精華,比鐵燒少油煙。細啖其味,黑松露直沖味蕾,縈繞口腔。牛肉經兩次火浴,仍嫩滑可口,外脆內鮮。酥香味腴,令我饞涎欲滴。黑松露迂迴盪漾,歷久不散,酣暢淋漓,勝於另一款吉列牛肉。韓燒、鐵燒、網燒、鑊燒、炭燒是人間的,吉燒才是仙界,頓感滋味無窮。石燒有自然、原始感覺,火勢大小適中,易鎖牛肉汁 ;灸燒是DIY, 生熟隨心,為己為主,合正潮流,趣、味兼備。如你去香港的西餐廳食吉燒,你會發覺牛肉是一大條上檯,外表如吉列豬扒,真是風馬牛不相及。西餐吉燒如牛仔褲,粗豪格式化,日式吉燒似輕便褲,時尚稱心。一飯入魂是肯定,「牛角飯」是著名和可人,如今方知此飯素不同凡香,令人齒頰留香。飯素似是灑上紫菜絲、黑白芝麻、櫻花蝦乾,入口感覺到各自分開炒足 30 分鐘,可能撈入木魚粉,手工和誠意十足。香香來自芝麻,鹹鹹來自櫻花蝦乾,脆脆來自紫菜絲,化學作用拼爆鮮聲奪人。珍珠米如雪,芝麻如沙,上面有櫻花、綠紫菜點綴,好色相!魚生加米飯,感覺超浪漫,飯素加碗飯,喊包笑燦爛。午飯加20元有此定食,有蛋有飯,十分優惠(包凍飲)。一蛋入魂,近年香港人對流心蛋吃以為常,懂烹半生蛋的人亦多了。此店把楓糖滲入流心蛋,輕糖多咸,有其特色。習慣流心蛋伴拉麵的我,卻覺得有些怪。韓國人識食,以湯烏冬代替白飯。蛋配烏冬佳,但吉牛還是伴飯好。雖貴了40元,有黑松露的吉牛滋味多元跌宕,不蘸燒汁亦可。普通的吉牛,牛肉味較單一,突顯了麵包糠和炸漿的脆味,可能你更喜歡。如可選擇溫泉蛋代替流心蛋則更佳,可蘸蛋漿食吉牛。如點選普通的牛肉片,則與食一般石燒無異,如入寶山空手回。金魚湯,只宜供相機食用而矣。吉列豬,尋常食店都有啦!據聞石燒吉列豬,曾在日本流行。牛易熟,焦香程度隨意,還是燒牛馥腴。美國黑安格斯牛肉,被日人施以魔法,牛魔轉身,香港人學得其魔法秘訣。文化學習是至為重要,慕其優,學其形,用其器,吸其髓。香港石燒吉列牛肉店之中,此店走廉價隱秘路線,性價比高,但要在陋巷等位,座位細小,通風欠佳。我們如到了日本橫街,上了一堂文化課。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-09-22
0 瀏覽
果日難得山長水遠去南豐紗廠,當然要發掘一下荃灣有咩好食。朋友介紹試下秘💛,一搵發覺好吸引,有我好鐘意嘅牛呀,一於試試佢啦!​​首先講下等位先,我地係星期日去,大約七點零到,到咗門口發現幾多人喺度等位,最尾到九點先有位,建議去嘅朋友早少少或者平日去。​​板燒吉列牛定食-吉列牛已經炸至半生熟,每片牛肉每邊輕燒一兩分鐘就得,燒好嘅吉列牛外邊鬆脆,裏邊嫩滑。呢度選用安格斯牛肉,油脂都分佈得好平均,牛味十足。​​秘之飯素-珍珠米粒粒飽滿,加埋飯素同醬油,紫菜芝麻,勁香口,就算平時唔鐘意食飯嘅我都勁鐘意食。​​蒲燒原條鰻魚飯-原條鰻魚肥美又大條,一啲骨都冇,鰻魚燒得啱啱好,加上醬汁入晒味。​​炸雞翼-外脆內軟多汁,就算食到最後都保持香脆,水準好高。​​和風薯條配芝士醬-薯條實肉唔空心,灑上飯素,再點上芝士醬,而芝士醬香濃,鐘意芝士嘅朋友唔可以錯過!​ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-17
0 瀏覽
一直知道荃灣有一間成日要排隊嘅吉列牛,佢價錢平過琥玓好多,冇得訂位,要排隊。今日六點左右已經要喺荃灣搵食,就想起呢間頗有名氣嘅小店。我哋兩個人6.3左右去到,前面已經排咗20個人,我哋攞完飛之後決定過隔離嘅餐廳先飲杯嘢飲住等,直到7:00就有位,等待唔算好難過。都安排入座嘅時候已經會幫你點餐,所以基本上你一坐低就已經有得食。座位比較逼夾,每人前面擺個套餐已經好迫,小食都唔係好擺得落。套餐百零蚊一個人,性價比好高,我覺得好食過琥酌第二平嘅牛肉了。加錢將個湯升級做金魚仔湯,超得意,好可愛!而味道係一隻蝦餃。當一隻蝦餃浸係個湯度出現喺日本菜餐廳,我覺得好搞笑。我哋兩個人叫咗一份吉列牛一份燒牛肉,兩份都好好食,份量亦相當夠,食得野多嘅大男生亦都唔使驚唔飽。呢度唔適合太多人一齊來食,亦都唔太適合唔喜歡等待嘅人。當然我估你下晝三點嚟應該唔駛等位嘅。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-15
0 瀏覽
喺荃灣廣場附近有條巷仔勁多好嘢食!以前次次夜晚去到呢間秘都大排長龍,今次夜晚8點左右嚟到等一陣就有得食,超幸運🥳😋 板燒吉列牛 $108 (晚市加配定食 +$38)108蚊食吉列牛喺香港嚟講都好抵!同日本比較都好抵因為唔使搭飛機🤪 同一碟牛有晒唔同厚度,薄切厚切都有,想點食都得!牛嘅脂肪比例都幾好,燒完一陣食落口都有少少入口即溶嘅感覺😗 定食套餐有埋秘之飯素、流心蛋同埋櫻花昆布湯,覺得流心蛋可以再流心啲,櫻花昆布湯嘅昆布味都好夠!😋 唐揚雞件(4件) $38幾件雞都幾大嚿,外面好脆,入面雞肉好滑,值得一試!呢間環境幾好,啲裝修又wonderful,不過舖頭細啲所以坐得逼啲。除咗食板燒吉列牛,呢度嘅鰻魚飯都好出名!大家都可以試吓㗎😆 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-14
0 瀏覽
🇯🇵失望而回的吉列牛🇯🇵整體評分: 👎🏼👎🏼(5分為滿分)兩年前喺日本食過一次吉列牛 真係一試難忘點知今次喺依間餐廳食嘅吉列牛真係令我好失望 一點都不值得在門外排了一小時隊吉列牛外皮炸得好脆 但內裏塊牛扒完全未熟好似仲未解凍一樣 食落口感一啲都唔好我認為餐廳炸牛扒之前 應該加長解凍時間令牛扒更加嫩滑 否則顧客要用更長時間在石板上煎煮牛扒這樣會令牛扒肉質變得很乾 而且令肉汁流失而且餐廳裏煙霧離漫 抽風系統值得改善 繼續閱讀
(以上食評乃用戶個人意見 , 並不代表OpenRice之觀點。)