秘 (享成街)

營業中

休息中

之前行過餐廳都好多人排隊，每次都太肚餓最後都等唔到。今次誤打誤撞因爲要去整車，而正好'秘'就係隔離條街，又冇人排隊嘅午市🤗就終於有機會試下啦😀我就點左嗰黑松露吉列牛食，再加定食有飯素同糖心蛋。味道都唔錯但係嗰牛就冇咩黑松露嘅味道，其實叫普通吉列牛可能都好好食，而且又平好多🤦🏻‍♀️不過個飯素有啲調味粒同醬汁令到佢好好味，而糖心蛋都唔錯而我男朋友就叫左個浦燒原條鰻魚飯素，自己最怕食唔靚嘅鰻魚搞到有好多骨，不過秘餐廳嘅就冇令人失望。原條鰻魚係飯素上面，味道不錯👍🏻不過份量對男士黎講就可能少左少少啦整體黎講試一次都唔錯，不過黑松露牛冇咩黑松露味就令我有少少失望🙈同埋下午係冇任何湯類，試唔到佢嗰櫻花金魚湯😣

今日一家人出荃灣食晚飯慶祝生日，一直都想試呢間，知道冇得訂位，所以預早左時間等位。我地叫左全部定食（鰻魚定食、吉列牛、黑松露吉列牛、芝士吉列豬、牛肉鍋、味噌牛肉），另外再叫左軟殼蟹、芝士雞肉丸、薯條、八爪魚整體既食物質素都很好！掛住食都冇影晒啲相，我最鍾意食黑松露吉列牛同軟殼蟹最值得一讚係員工既態度有禮，上菜都好快，所以會有下次

今日12點半左右到達餐廳攞位，好彩有最後一張四人枱俾我和友人入坐，等都唔洗等。樓面唔大，室內坐位唔多，裝修有小小工業風。座位都算寬敞舒適，至少可以轉身放袋都ok。店面有2-3名員工都好nice，好快就拎水杯同餐牌俾我地。我地坐低就直接order吉列牛set，但今日冇餐湯，所有set都只係加$20。10mins後個餐就黎到，都幾有效率。個鐵板上面有塊牛脂肪俾我揸均成個板，令肉冇咁痴底。店員仲將牛肉同溫泉蛋排成哈哈笑樣，見到都開心。等齊所有set到就開始燒。只需要響鐵板上燒吉列牛10-20秒將佢燒到你鍾意嘅生熟度就可以食，建議加味素飯食味道更佳。頭幾塊我燒左大概20秒就食，應該係半生熟，牛入口好滑，中間仲有小小紅十分好味!!! 但係我燒到一半個火就熄左因為我影相影得太耐，而店員都好好咁幫我地加炭精再點火。真係推薦呢間我朋友食鰻魚飯個樣都好正!!!要注意小店只收現金😛

[ 超級抵食 | 平靚正吉列牛🤑🐮]••✨香港近年都開左好多燒吉列牛既餐廳🏠間間都起碼$150以上，甚至接近$400都有💸但荃灣呢間！$100都唔使😍-🔹板燒吉列牛定食($98)⭐️8.5/10份量都好多架！有成11塊😳飯又大大碗，咁大食既我都勉強食哂啲牛🐮飯就真係食唔哂啦...🤰🏻店員會比粒牛脂肪用來搽塊板，令塊吉列牛唔會痴底💁🏻我白痴係咁禁粒脂肪，搞到d油彈到塊面好痛😭牛扒質素都幾好👅麵包糠皮唔會同塊肉分離👍🏻每邊大約燒15-20秒⏱我就覺得呢個熟度最好，唔會韌😋▪️我加左$38，白飯轉飯素、糖心蛋、櫻花昆布湯🌸飯加上紫菜芝麻魚鬆，好香無白飯咁寡🍚-🔹薯絲蝦($42)⭐️7/10好味炸得好脆😋好足料，用蝦膠包裹住一隻蝦，外層薯絲包住，好肥好大隻🍤-🔺晚餐時間一定要等位架，我等左大約半個鐘🔺其實我覺得吉列牛間間質素都差不多🤔最主要係睇自己燒成點架啫🍳😂所以$98係超級抵食👍🏻-- 🌸

都係果句，一分錢一分貨永遠都係真理。當晚叫了一個吉列牛的普通版set，一個黑松露set。上台一望，真係的的色色，細塊到呢。不過咁既價錢，合理既。果層吉列皮其實做得幾好，但每片牛肉的脂肪比較太多了，肥到唔似係食緊牛肉，所以不太食到牛味是正常的。至於黑松露味我覺得冇乜特別，所以印象也不深刻，如果要選的話，食原味就好了。小食反而有驚喜，炸物不錯可以一試總括黎講，呢間小店有人氣既原因，係勝在做得夠平，加上店內位子少，先至成功製造到大排長龍吧

試過呢間餐廳嘅招牌吉列牛，佢個吉列牛係半生熟嘅，俾一個類似鐵板嘅物體俾你烘熟，其實唔會烘得好熟，所以個牛係入口有啲林同埋有啲生。都係算係幾好味，有牛味。但係佢個鰻魚飯就好一般，飯好細兜同埋鰻魚好明顯係用雪藏即食鰻魚，有點凍凍地，套餐有好多位都要加錢，例如飯素，湯都要加，不過整體都算OK嘅，如果未試過試吓無妨，如果要排隊就唔會喇，但係總括嚟講佢係買包裝多過內涵，佢包裝得啲食物精緻但係入口會有點失望。

去完日本番黎一直好掛住吉列牛琴日即興咁約左朋友去呢間試下黑松露吉列牛～我叫左黑松露味，朋友就叫左原味，另加炸軟殼蟹唔知係咪咁岩比既部位唔同覺得原味既肉質比較鬆軟好食d😢不過黑松露味都好香 個皮又夠脆講番個配料 原味既如果加番小小調味幾款胡椒鹽、醬油等，個味道會更加豐富！

我想試這間店很久，所以專登八點才到來吃飯。老公先來搵位，等了10分鐘就有位。我們各自叫了一個吉列牛，老公的加了＄38轉做定食，再加了＄28轉做金魚湯。我的只是一個普通的吉列牛，但也有配白飯。我們另外也叫了一個薯條配芝士醬。我們吃了之後，大家都認為吉列牛沒有什麼特別，只是一個gimmick，但是吃吉列食物，這個價錢也算便宜，可以一試。另外我們都認為那個金魚湯不太值得加＄28轉，因為味道沒有特別。

荃灣原來開左間日本吉列牛專門店。應該間舖頭會好多人，早前係日本都食過，所以我都去試下先，聽聞要一早去攞定飛先，我都算早去，去到都要等，但係我見裡面有一半都係吉位，但都要等成三四十分鐘，點解??見到佢地都有少許亂亂地，到我入去坐，間舖唔算好大，勝在裝修OK，之後我點左個板燒吉列牛SET，發現轉眼間成間舖FULL哂，可能咁岩差不多同時間入座，之後就慘喇，原來間舖做抽風系統做到好差，D板燒吉列牛差不多同時間一齊上，之後發覺油煙勁大，好似燒燶野味，食完之後就慘喇，仲衰過去食燒牛，到走既時候成身燒燶野味。板燒吉列牛 $98 加 $38 配定食 (楓糖流心蛋,櫻花昆布湯)，小鍋上有塊熱石板, 只需用一粒牛脂塗抹, 將吉列牛按自己喜好燒到幾多成熟!佢既炸牛既肉真係靚，之不過佢地既炸牛外面既脆皮做得太鬆散，一夾就外面脆皮甩哂唔痴住D肉，其實整體上野食OK，係通風系統同吉列牛既外脆皮有待改善!!

早前我去過旺角一間舖頭食吉列牛，覺得好好玩，今日行開荃灣，睇ig見到呢間吉列牛又係平民價，又想再玩下，於是黎試下食。由於冇訂枱，佢開6點，我6點15分黎到佢已經full左，要拎飛等位，本身想唔食，因為啲人岩岩先坐底，我驚等好耐，但我行左10分鐘過黎，佢附近又冇咩其他野想食，唯有等。不過佢上菜又係快，我只係等左半個鐘就有位了。有效率叫左個芝心雞肉丸，有臭臭芝士味，而且夠熱，味道ok。雞亦都係，夠熱夠脆，ok仲叫左鰻魚飯，呢個就麻麻地，啲飯太硬，而且鰻魚有骨，始終都係日本啲鰻魚飯好食主角吉列牛，加左38蚊轉做定食，再加20蚊轉左個湯做金魚湯。金魚湯實在太得意了雖然只係一隻普通蝦餃，但佢造型特出好有心思不過我覺得呢間吉列牛都係一般，佢一上菜，個爐上面就會有舊牛肥膏，俾你搽係爐面，煎牛扒嘅做法，雖然啲牛肉佢就話煎一煎個面就食得，但佢啲牛肉太韌了，只煎香表面根本咬唔開，唯有煎到全熟先食到，而且相比起之前食過果間吉列牛，呢個炸粉略嫌太硬。題外話，加左枝櫻花汽水22蚊，好奇櫻花到底咩味，原來係波子汽水味。不過店舖雖小，但效率快，上菜速度好好，侍應服務都好好，主動幫你加水，又會間你洗唔洗其他野等位又唔

同男友終於一齊黎試下呢間吉列牛啦！佢就未試過吉列牛我就試過旺角某間聞說係韓國野既吉列牛。有埋忌廉烏冬食果間樓上舖。果間真係超級大失望。難食到一個點。但話說果間野響網上都睇過YouTuber 劣評過。但我當時未試過。點知⋯⋯入返正題 是夜星期四收工黎到剛好七點半。竟然門口無咩人排隊啊。因為之前試過幾次經過都見好多人排曬隊響門口呢。其實未黎已經諗好要食乜架啦吉列牛必叫啦！鰻魚飯都好吸引！青檸梳打同日本薑啤酸咪咪又檸檬又青檸 飲左兩啖仲餓左 日本薑啤 幾得意幾特別 好有薑味！上菜啦！店員有教要將舊脂肪搽滿個爐先 俾少少油份。呢個係黑松露吉列牛 好明顯係一塊塊好均勻既油脂分布 。而且厚薄岩岩好。個火輕輕燒下兩邊就食得 我自己唔中意太熟 太熟會好un同我上次食旺角超差超難食果間 實在有太大對比 上次係又un 又無牛味 完全食垃圾！但呢間係世界級好食！真係值得一試！對於我又中意牛 又中意黑松露 真係無得輸 ！仲有like 係俾隻溏心蛋 流心架 正正子 仲有味之素既飯 哈哈 唯一少少彈既係 飯硬身同乾身左少少 同埋燒得太快熟 就會忍唔住一燒完就食 一食完又燒 成個過程就好快食完啦另外既鰻魚飯 鰻魚

位於荃灣的「秘」據說長期要排隊，我們9:30 先到已經係last order，所以未有枱都先叫野食。餐牌的食物選擇唔多，我們分別點了黑松露吉列牛同蒲燒原條鰻魚飯。黑松露吉列牛（$148) 牛肉juicy 黑松露非常香，在爐上有一少少肥脂，融化後輕輕將牛肉燒一燒已經可以食，呢個價錢真係超值。蒲燒原條鰻魚飯（$78）鰻魚厚身肥美，醬味道濃郁，不過份量稍微細，唔夠飽不過餐廳較細，燒牛肉的味道充斥，人多時有點焗。

到處都有吉列牛,這天選擇了荃灣這間-秘。每次經過也想試,門口太有特色!我們點了一個吉列牛($98)和野菜牛鍋($98),價錢比我想得要便宜一點。吉列牛附上牛脂助燒熱煎板,外皮炸得趣,但肉質un,不要期望過高就是了,畢竟$98🤔野菜牛鍋倒有驚喜!牛應用上牛𦟌,入味之餘亦淋身,且還有4-5件,野菜和其他配料也不少🤤珍珠白飯很好吃!店員服務好,會提醒我們食法😀可以再試!

算係不過不失牛表面靚 燒落算有油脂 但牛味一般如果係為牛而去食就應該去類似牛角既燒肉店不過秘算係香港小有食店賣吉列牛如果平時食厭其他野 想貪新鮮可以試一試但本人一次就夠了

前嗰排咁岩上網見到個金魚湯好可愛，仲要就係屋企附近梗係即刻去試吓啦～因為我哋六點幾去所以都唔算太多人即刻有位，啲服務員都好親切有禮貌，記住呀啲套餐要睇清楚價錢嗰一方面，我嗌左一個吉列牛套餐，佢旁邊寫着加唔記得咗28定＄38我可以傳櫻花湯同埋糖心蛋紫菜飯，跟住我就加左啦！但係原來嗰個櫻花湯係真係就咁一碗湯，並唔係櫻花金魚湯，佢嚟到嘅時候話俾我聽原來個套餐係冇金魚嘅，如果要另外轉返做金魚湯要另外再加＄28，其實咁樣變相就貴左好多啦！$38+28就會有一個櫻花金魚湯，紫菜飯，糖心蛋！所以就諗清楚自己係想試個湯啊定係想要買其他嘢如果唔係就可以慳返少少吉列牛套餐好好食，又好玩，不過男仔食應該唔夠飽入邊個糖心蛋都好好味好似叫做蔬菜牛肉鍋正常冇乜特別冇驚喜主角櫻花金魚湯奧！原來係唔好食嘅，正宗好睇唔好食呀😂不過叫你試一次都OK嘅個樣咁靚都抵番～ 跟住見到隔離食鰻魚飯好大份呀好似好正下次如果有機會嘅話都試吓先呢間可以值得一食