秋田鐵板燒刺身專門店

營業中

休息中

今天晚上我去了秋田吃日式鐵板燒。吃了澳洲和牛，龍蝦，羊扒，鮑魚，扇貝，鵝肝。龍蝦和鮑魚都是生猛游水的。我們選了一個角落坐，靜靜地享受美食，一餐晚飯吃了兩小時，無論廚師和侍應生的服務都十分之好，值得再去。唯一是抽油煙机的馬力似乎有點不夠。

本周最後的一個日本料理食評，當然是我最喜歡的~~鐵板燒。每次遊日本，無論去到那裡，最後的一餐也總會找一個好一點的地方吃鐵板燒，留個好回憶。喜歡吃鐵板燒，因為我喜歡吃食物的原味，也能直接欣賞廚師的功藝。做得好的，材料是靚的，直接吃到，無花無假。在提議友人的飯局地點時，提到這裡的鐵板燒，她問：「啊！原來你未試過嗎？」是的，未試過，就找個晚上來一試。這裡以做鐵板燒為主，地方佈置得很日式，播著架文歌，感覺也不錯。二人套餐有三個選擇，由最便宜的四百至六百，也有個譜，就要了中等價錢的「Akita Set」。酒牌選擇不少，但生啤之選只得太陽啤，就來一杯。拉得麻麻地，勝在夠凍又順喉；吃著枝豆，前菜還有醬小魚，先來點沙律清清口腔。年青師傅先三扒兩撥的炒過煙肉，混入銀蝦乾內，吃起來有油香又鹹香，不錯；再來就是龍蝦了，活龍蝦下鐵板，褪殼拆肉，再將其蝦頭內的膏混和了白酒、蒜蓉及牛油，煮成醬汁，再去炒龍蝦肉。龍蝦肉新鮮無比，吃起來當然爽口彈牙，肉質非常鮮甜。吃罷龍蝦肉，只見師傅將龍蝦頭及身燒香，再拿去煮味噌湯了；龍蝦之後，就是一片銀鱈魚。魚本身肉質軟滑，口感甘腴，不錯的。不過如果可以外皮燒得香口一點，就更有水準

Honey生日話想食鐵板燒, 於是就上來seach下有咩好介紹, 見大家都甘大力推介, 就即管試下呢間鐵板燒!當日serve我地個廚師叫Roy, 好nice呀!入到去覺得裝修麻麻地, 無咩特別! 我地點左兩個餐, 一份係大蝦果個, 一份係龍蝦果個 (由於我係要半份龍蝦餐, 所以無比到活龍蝦我地, 不過佢比我果隻都未經冰鮮) 尤其係大蝦, 飽魚, 龍蝦都好正, 佢d食物其實好新鮮, 亦都係比較濃味, 所以我岩我地兩個口味! 我仲好欣賞廚師見無人幫我地換碟, 都會主動幫我地! total$1,2xx都唔平, 同酒店價差唔多, 不過都值得, 因為成晚感覺係好warm! 我honey好開心

前幾日男朋友同我慶祝生日，選左呢間鐵板燒餐廳同我食生日飯。當晚人不多，感覺很舒服。我們點了個二人套餐：有沙律、雞泡魚干、活龍蝦、鮮活鮑魚、鵝肝、薄燒牛肉、龍蝦麵豉湯、炒飯、炒野菜、雪糕。材料很新鮮：龍蝦從魚缸撈出；鮮活鮑魚, 味道鮮甜而且爽口；其他食物, 亦做足應有的水準!!! 幫我地煮食個廚師叫阿Joe，佢幾好禮貌而且幾親切，同我地有講有笑！佢知道我當晚生日，仲用雞蛋係鐵板上寫上”生日快樂”，又幫我同男友影相留念，我地當晚都覺得食得好開心！

除夕夜, 整個尖沙咀都是人山人海,心血來潮,與老公走去這家食鐵板燒, 地點在天文台圍2樓, 見到有不小好食評,即管抱住一試的心情, 果然, 沒有令我們沒有失望, 最好味當然是鮮活鮑魚,味鮮爽口, 其他食物, 亦做足應有的水準。而最值得一提, 就係厨師係你面前的親切表現, 大家有說有笑, 就像有個老朋友跟你一起進餐, 他不時做給我們一些小玩意, 拋鷄蛋, 玩紙牌魔術,今到一餐普通的晚飯, 充滿歡笑的氣氛。

聖誕節去食~~2個人食左$1400 .. 好好氣氛架~~大家可以試下!!

有廚師响你前面煮鐵板燒比你食,响電視睇得多,自己同男友就第一次試! 感覺好似响曰本!氣氛好好.食物新鮮又香噴噴! 有沙律、龍蝦、聖子、鵝肝、北海道活角螺、牛肩肉、龍蝦麵豉湯、雞泡魚干、炒飯、雪糕。全部都好好味!!! 廚師同我哋有講有笑,仲玩拋雞蛋,拋落我哋個碗&個口! 玩吓笑吓食吓,過咗一個好開心的晚上!

20070925錯開做節的時間，中秋便不用和人擠，反而可以反傳統的躲進日本爐端燒小屋裏，靜靜的等待雲散月出。這裏人不多，連最具觀賞價值的吧台位整晚都只是剛好做一轉生意，遠遠的有一桌慶生宴，中間借了樓下的樂手（我們懷疑是）上來彈兩曲吉他，唱幾句生日歌，僅此而已，十分安靜。雖然有個大廚一直在你面前煮食，但相信只要你不鬧這間餐廳或者他的廚藝，他也不會在乎你在聊什麼天。我們的隔壁作了一家四口，包括兩個孖仔，等東西吃的時候，一個捧一本《Harry Potter》，另一個則是《神雕俠侶》，真是令我輩汗顏：）二人前的選擇有三款，叫了一個中間價，398一個人，計埋茶芥加一，大約450元一位。1）季節沙律：有些番茄仔、生菜之類，黑醋汁，沒什麼特別，倒也很清新，畢竟接下來要吃些這麼熱氣的東西，打打底也好；2）枝豆與煙肉碎：一冷一熱，用來下酒最好，也省得等主菜時過於無聊；3）活龍蝦：很靚的料，從面前的海鮮缸裏新鮮打撈上來，還張牙舞爪的，甚是生猛，不過，這道菜其實煮起來頗為殘忍……將龍蝦摁平在滾熱的鐵板上，生生的燙死，不，其實還沒全死，廚師把大大的蝦頭砍下來、取出膏汁後重新置於鐵板上時，那與蝦頭相連的手腳還在

趁AE card offer仲未expire之際，跟太座响諾士佛臺一帶遊走...所謂五折嘅set dinner，大部份都係一個好貴嘅set再打50% off，實際上都係頗貴...行過呢度，見到個鐵板seafood set收HK$398(兩人用)，好似頗抵，值得一試...Waitress於是帶住我哋兩口子兜兜轉轉，兜到去天文臺圍先到，都幾轉折...去到。只得兩枱客左右，仲好，唔使同人迫...師傅嚟到。先嚟個枝豆及櫻花蝦伴煙肉粒嚟送酒，比嗰D勞什子花生薯片好千萬倍...基本上個set包含有好多嘢 --- lobster、磯煮螺、象拔蚌、foie gras、虎蝦、澳洲和牛肩....份量十足，食完後飽撐得要死...水準亦甚不俗--- 本地龍蝦從魚缸撈出，新鮮夠生猛。加上自製嘅蒜茸番茜牛油sauce燒至六七成熟，肉夠彈牙且爽甜；磯煮螺及象拔蚌肉質夠軟糯且鮮甜；foie gras用嘅係次一等嘅匈牙利貨，肥美程度點都差D，做唔到外脆內軟嘅感覺，總覺得塾底嘅多士比foie gras本身更好吃...虎蝦用嘅雖然係雪藏貨，但勝在肉夠多，亦算彈口，啖啖肉，好滿足；蝦頭燒至金黄微焦，有少許羔，脆得成隻都吞得落

Wanted to try something new with a friend whose bday was coming up...haven't tried teppanyaki in HK for ages so decided to give it a shot. Thurs night...Not alot of ppl as expected. first impression - TOO HOT waiting for the stupid elevator...but oh well. I requested for table when I made reservation. Nice and comfy cushions! heehee... environment is ok...a little dimmed but not too dark. Not very japanese tho.Nothing too exceptional in terms of service. We weren't offered tea right away

和男朋友慶祝兩週年紀念, 打算吃一頓豐富晚餐, 看見這間餐廳食評不錯, 便選擇來這裡吃飯.基本上材料是很新鮮, 味道也很鮮甜, 但是除了和牛之外, 其他食物也不是太有驚喜. 兩人共吃了一千元. 和一間我經常光顧,於旺角的鐵板燒相比, 我寧願到旺角吃了.

早兩星期,一行五人到秋田食鐵板燒.地方好新淨,好似開左太約一年,都幾寛敞,而且好多鐵板枱,可以睇住廚師煮食.我地點左$688的二人餐,五個人所以要左兩份半,再加支sake.個餐非常豐富:有大隻好多肉的龍蝦,大大塊鵝肝(有汁又唔燶),薄燒牛肉,好多汁的生蠔,炒菜..等等, 最後仲有一個極多料的炒飯(非常特別,一定要留肚食!)此外,因為我地有半份餐,所以佢地無開半隻龍蝦,換左兩隻大蝦俾我地(原本應該係一隻,另一隻係送的),用牛油煎,好美味. 佢地的龍蝦殼全部用來餚湯,所以跟餐的唔係普通麵豉湯,而係龍蝦湯!幫我地煮食個廚師叫阿Ben,幾好禮貌又幾好笑.佢仲不時會耍下佢的秘技表演一番(eg 拋蛋).到最後,佢仲表演啤牌魔術,大家都睇得好開心.唯一要改善的地方,就係通風可以再好d,因為返到屋企個人有陣燒烤味=P

今晚女兒生日, 到此屢獲好評的食店一試, 感覺好舒服。用舒服來形容, 是因為由被招呼入坐至完成整頓晚餐, 每個員工都很週到及細心, 一間食肆的成功, 食物質素固然重要, 然而服務也是主要關鍵, 秋田能夠做好這兩點, 確是很值得推介。我們點的, 是龍蝦及鵝肝的一款套餐, 味道好及夠新鮮, 這些都已在其他食評中可得知, 不用再多讚; 要一提的, 是師傅Edmond的服務, 可給他A+, 鐵板燒當然難不到他, 健談之餘, 更能顧及不同客人需要(剛巧有不食牛的客人, 他主動分別處理) 又會show-off一下他的拋蛋技術, 最後加插精彩啤牌小魔術, 試問還能要求什麼? 花幾佰元, 食得好味又開心, 去邊度搵?至於不足之處, 是炒什菜做得不夠好, 略嫌硬身及淡口, 有改善空間~聽師傅說, 8月會改menu, 到時一定要再去試試, 希望秋田能保持一貫水準及服務質素啦!

It was a good Place to have dinner Highly recommendand!

尋晚與幾個老友在秋田聚舊,叫了2份6xx的餐\. 先說環境,座位間隔好好,各食客也自成一閣(因為我們也頗熱鬧),師傅也跟我們有講有笑,感覺很好. 至於食物方面,海鮮十分之新鮮,鵝肝亦屬必食之選,每款食物的份量很好,款式也很足夠,心所以到最後的炒飯時,大家也只能淺嘗,不過看師傅炒飯的過程也樂在其中.